27/02/2021 TKS 1 vs HKCE 630 lose 2:3 賽後報告
往績
27/02/2021 TKS 1 lose 2:3 - 32 / Rodger ( 9 )
** 27/02/2021 attn : 5 / 7 / 9 / 11 / 14 / 15 / 16 / 17 / 21 / 25 / 28 / 32 / Rodger
** MOTM : 16
** 賽後報告 - Sony
久疏戰陣嘅二打六，上週面對比較弱嘅對手，係無乜壓力之下輕鬆剩勝5:0。但本週當遇到較強勁嘅球隊，加上對手較年輕，體力明顯佔優下，各球員都比較吃力，頻頻出現甩波及交錯波嘅情況，整體狀態明顯未能回覆。終於戰之15分鐘，對手憑住一次高空攻勢，頭槌攻門，客串龍門嘅費格占係冇壓力嘅情況之下，使出德偉式撲球，皮球應聲入網。係哩個時候換入副領肥包守龍。
二打六係先失一球後，嘗試係後場組織攻勢，但礙於對手體力化嘅壓迫之下，依然未有太大起色，並戰之20分鐘，對手係前場迫漏皮球後交比高大前鋒，係無人看管之下右腳快腳篤射，肥包已經嘗試出迎封窄射門角度，但身形始終都未及二打六嘅傳奇門將肥佬，被對手攻破大門。睇嚟佢都要再食肥少少先得啦。
二打六係多失一球後傾力反撲，志偉亦利用其體力，跑上跑落，使出餓狗搶屎式攔截，搶返中場嘅控制權。二打六係站穩陣腳後，終於戰至40分鐘，費格占左輔位暫入禁區，Collie跳頂，銅頭一搖，收死對我方門將。
追返一球嘅二打六士氣大增，喺前場不斷壓迫，憑住球王dee、Rick同Marcus嘅速度制造不少攻門，並係60分鐘，Marcus係右路禁區邊使出猛虎下山攻門，龍門欲救無從，當大家以為二打六可以追成平手，球皇dee係白界前護空門，好彩皮球改變方向後落係二打六一代射手Roger腳下，Roger冷靜扣過對方右閘，輕鬆射入追成平手。
之後雙方互有攻守，雙方門將表現出色，作出唔少撲救。不過，去到80分鐘，對手條好波中場禁區邊一次斷手射球，肥包門將亦不甘示弱，亦使出絕招斷手撲救，化解危機。佢賽後同我講隻手差啲斷，早知就唔擋。
球賽去到87分鐘，當大家以為Super嘅時候，對手一腳軟弱冇力嘅射門，Sony諗住解圍，點不知撻Q，皮球改變方向，肥包心裏面屌左一聲之後望住個波射入龍門。
最後長笛一鳴，2:3完場。二打六雖然輸波，但係落後兩球後仍然可以追平，踢出士氣，雖敗猶榮。特別係志偉利用佢用唔遠嘅氣力，佔前顧後，中場控制節奏得宜。當算今場最有價值球員，實之名歸。
[ 本帖最後由 no.14 於 1-3-2021 03:06 PM 編輯 ]
