FW: 靚界熱潮 搶戴色框
靚界熱潮 搶戴色框
古老當時興，粗框眼鏡熱近來畀格仔舖炒起，個個潮仔潮女都有幾款框傍身，連無近視都搶住戴，只因愛它們型，而且百多元就有交易，平過買件衫。如果嫌戴住全黑粗框鏡未夠突出，大可玩色玩誇張，趁住就快開學，係時候「入」番幾款搶眼框迎接新學年！
色系豐富眼都花
不少格仔舖或細舖都有眼鏡框賣，其中粗框鏡更成為熱賣Item，最主要原因是夠平兼款多，接近一百元已經買得心頭好。如果你無近視就更抵玩，當Accessories戴出街，一樣入型入格。以前只有太陽眼鏡才會玩顏色，但現在連粗框鏡都色系豐富，幾乎齊備彩虹七色，而且並非只有鏡身着色，連鏡臂亦玩不同花款，其中最爆是膠框皮鏡臂，連鏡框每個部分都做到不一樣。
黑色鏡框大流行
此外，黑色鏡框一向是熱門之選，但流行的就少不免人戴我戴，要突出自己，於挑選粗框眼鏡時最重要夾面形。事實上，黑框眼鏡的選擇最多，由最初見街的細框幼邊到大框粗邊，至如今最誇張的烏蠅鏡，將太陽眼鏡的元素搬過來，儼如一部眼鏡潮流史。
眼鏡盒 最強綠葉
有型眼鏡，當然要有靚鏡盒先襯得起，最怕眼鏡公司送的那些眼鏡盒，零設計兼顏色單調，其實眼鏡盒一樣可以好精彩，襯番你副潮鏡。
潮星都撐
戴粗框眼鏡，易襯有型兼突出，不少明星都有幾款傍身方便轉Look。要數經典例子，無可能無尊尼特普（Johnny Depp）份，除了型都想不到其他形容詞。
附件: 您所在的用戶組無法下載或查看附件
