FW: 「煮」攻健食大閘蟹
「煮」攻健食大閘蟹
中秋未到，現在吃大閘蟹會否未是時候？當然是照食可也！論當造，首選上海淀山湖的「六月黃」，分量雖不及陽澄湖的大隻，但勝在膏多，用來做蟹粉最適合。不過若食不得法膽固醇隨時超標，原隻煮與蟹粉的烹調，健怡度大有差異。想食得開心又健康，煮、食方法不可忽略。
營養師鄭雅新表示，大閘蟹會分泌蟹油，故清蒸、白烚時毋須再加油，以減肥膩。相比油炸和煎炒，清蒸較健康。除原隻烹調，蟹粉菜式亦甚受歡迎，不過她指，蟹粉用蟹肉、蟹膏及蟹黃煮成，烹煮時亦會加油，客人難以知道用了幾多隻蟹，不知分量下易不自覺吃得更多，食原隻蒸的至少有數可計。」她又稱有些菜式表面看不到肥油，其實卻有Hidden Fat，例如翅、羹類，進食時要小心分量。
上海有道大閘蟹名菜叫「醉蟹」，將蟹灌醉然後生食，不過在湖中生長的大閘蟹可能附有寄生蟲，營養師提醒大家，必須將蟹徹底清洗、清除內臟和徹底煮熟才進食。
附件: 您所在的用戶組無法下載或查看附件
