朗尼十五歲即染上召妓惡習

東方日報專訊】呢期賤男潮殺到！小方一腳踏兩船，忠仔車廂偷食，Daniel唱Ｋ又搞出大頭佛，但要數賤中經典，以上都未夠班，皆因賤童朗尼實在超班。曼聯(新聞 - 網站 - 圖片)球星朗尼有神童之稱，二十出頭已經賤通全行，仲要愈賤愈紅，賤界唯我獨尊，乜都請行埋一邊，唔該借歪。

朗尼於賤界享有尊貴地位，原因好簡單：稱得上一等賤男，除左夠賤，仲要夠紅！朗尼與女友青梅竹馬，十二歲就玩兩小無猜，但到十五歲即染上召妓惡習，自此不能自拔，遂定期光顧妓院，每周一劑，從不間斷，女友卻懵然不知，以為愛人去練波，實情係開波。

朗尼早於效力愛華頓就慣性嫖妓，佢以慳為原則，每次都要講價，因貪平而專幫襯老妓，並且要求多多。利物浦市經驗老到的鳳姐都記得呢個賤童：「朗尼係熟客都係咁話，佢\粗魯又孤寒，數口好精。」

妓院之星

朗尼曾於妓院內替三十名雞蟲球迷簽名留念，試過有差人查牌，佢都置之不理，同道中人稱他夠英雄本色，係妓院之星。後來召妓過程被攝，朗尼斷到正，醜聞反而令佢\人氣急升，上位成舉世知名的賤童，原來賤得夠格都有運行。

朗尼現已加盟曼聯專心踢波，仲成為超級射手，並與女友復合共築愛巢，事業愛情兩得意，叫雞叫出美好前途，真係賤男經典！