英球會與莊家合作屢見不鮮
賭波風氣近年愈趨熾熱，唔少大球會都會同博彩公司劃清界線以避嫌疑，不過凡事都有例外，英超就有米杜士堡接受博彩網站888.com贊助，而今次向巴塞開價嘅Betandwin，亦都有意係甲勁旅祖雲達斯網頁上賣廣告。
同莊家有轇轕，唔少人都會覺得唔係好事，如球會係由某一莊家贊助，一旦出現不尋常戰果肯定更加令人懷疑。可是，隨著近年賭波風氣盛行，加上球會為求得到更多資金發展，不少球會都願意接受資助，當中最經典莫過於英超球會米杜士堡，球衣胸口大大隻字寫上「888.com」。
事實上，博彩公司贊助球會風氣，在意、西兩地目前尚未算太過盛行，相對而言英超則較為普遍，其中富咸在官網上便得到Totalbet.com贊助，早兩季亦曾於胸口賣Betfair廣告，伯明翰、布力般流浪與樸茨茅夫等官網上，亦可見bet365的廣告宣傳。
