|
賽馬醫生
中級會員
- 威望
- 283
- 閱讀權限
- 30
- 註冊時間
- 10-11-2007
- 最後登錄
- 30-1-2019
|
39#
大 中
小 發表於 23-8-2013 02:08 AM 只看該作者
引用:原帖由 Fatboy8874 於 20-8-2013 05:17 PM 發表 
其實我真係唔太明你想表達啲咩意見,雖然我係密馬圈唔多發言,但你好像不知我們在討論什麼呢!
在香港賭馬係人都知馬會會抽稅㗎啦!不用你說明的!
我們密馬網要的是希堅各位可以有一個選馬的方法,如大家肯拿 ...
好啦!咁我講得"白"D,直接D,簡單D,唔駛估估下咁辛苦!
講番您哋的信念(我估下架咋!)您哋幾位在某些原因之下走埋一齊,共同研究賽馬,各自有研究範籌之餘(咆近積,咆數據,咆落飛等),亦互相交流,交流之下可能共同得出或某一兩位首先提出初步推論:專攻操揀出撃模式,您哋經過反覆驗証,有上有落有贏有輸之下證實是成功的,並且成積穏步上揚.
香港賽馬真係好鬼獨特,全中國只此一家,一係就喺香港跑,一係就運走佢,而且所有馬匹工作都係喺兩個馬場入進行,所有嘢都明刀明槍,由其係操揀,簡直可以用徐咗條褲黎跑,咩都睇晒黎形容!
打一個比喻:因果因果,先因後果,但現實實情是想揾出答案卻要從果入手去揾出原因,您哋就做得到,D紀錄片訪問科學家點做研究,佢哋都喺結果入面揾出原因,而您哋就正正有這個科學精神,舉多個例:評馬人場場評,場場有心水,佢哋喺賽果內做些統計,集中大馬房跑出的頭馬,睇番轉頭人馬動態呀,係咁依睇下D操練呀!加上"口技一流",喺電視電台揾餐飯食,如果真係要班講馬佬真金白銀買返自己貼嗰D馬?實嚇到佢哋"雀縮"都似,反觀您哋就真係有能力地喺操練出擊上將馬匹分為極俱爭勝分子大注,一般爭勝分子普通注,邊線份子小注,密集性地買到幾多隻就幾多隻.初時可能您哋喺頭幾個賽馬天內贏得唔多,本金內的三兩成,但把本金回撥回基金,把純利以滾雪球方式RUN落去,滾至季尾可以話非常和味,上季尾您哋某位核心成員咪用呢個方法成功咗囉!我唔認識您哋,只係用倉頡同您哋溝通,但係對住部電腦都聞到您哋越黎越有投注集團的味道,我估過多幾年,您哋贏的錢越來越多,唔好話成為投注集團,再升格為"燈佬"絶對唔係問題.(綠啡格有力人仕)
(唔係擦您哋鞋,冇需要,您哋亦知道我唔會做D咁既嘢,從來都冇問您哋攞貼士,您哋投注方法啱您哋,但唔一定啱我或我哋,其中一個原因您哋有能力密集開火......))[P.S以上係我的觀察,睇錯勿怪,謝]
講番我或我哋,交流選馬心得/方式,對您哋黎講唔係大問題,您哋團結,分工,有系統,但我哋工作生活已經佔去好大部分時間,就算有財力去賭都冇精力去研究,毛都交唔到一條,更何妨交流?以我自己為例:我仲記得當年"入行",第一隻馬王是翠河,第二年好似係喜連之星,數數手指都有成廿年,期間"進進出出"投入過,休息過,發火過,但從來冇離開過,我嗰陣時一有心水馬就買Q,單Q,自制過關Q,鐡角Q,逢Q必買,逢買必中咁濟,但贏得唔多,因為嗰時細個,唔知道錢的重要性,捉到鹿唔識脫......依家諗番真係蠢到冇朋友,仲有就係嗰時個個都話易中,而家難中,我的社會經驗話比我知其中一個原因係當年賽豬會的投注額冇咁多人打主意,唔同依家,依家D街外人唔係好好咁運用投注人D錢,而係搶投注人D錢,政府又搶,社福又搶,賽豬會佣金長年以來都係好低好低,就算加咗我估都係三兩個佰分點,每年扣徐稅利得稅後都可以娟十億以上,反觀而家政府波,馬,六合彩年年一佰伍十億以上稅收,但D錢去晒邊,真係唔知,當年賽豬會德政喺俾低下階層贏餐茶錢,喺編排賽事上"非常手鬆,而當年行總係韋敬誠將軍,我唔認識佢,想識佢都"高烹"唔起,因為連英文都唔識多兩句,但佢個樣好和藹可親,最黑人熷就係黃志剛,我真係諗唔到有咩事可以比"黑白波事件"更仆街,今時今日的香港賽豬會為咗攪掂條數,樣樣嘢都收到好緊好緊,緊到精都冇滴出.
有人話依家D馬實力好接近,只係面嗰浸,出賽難,"打崩頭才免強跑到一場半場才在是底嗰浸,騎練又有"畢業典禮",王志偉隻贏時來威龍精彩啦掛,結果偉仔都係要執包服.
依家我投注得仲簡單,WP為主,簡單直接,無須傷神,近積加馬匹總出賽次數去評估馬匹處於邊一個時期,細路仔未發育發夢遊魂期唔落注,起步期小注,盛年期一定勁大注,回落期小注,收檔期或陰陽怪氣期亦係唔落注,而被評為起步期就會再睇出賽片段,由其係勝出頭馬時的姿態去評估馬匹質素高低,最終值幾多分等(睇片係從評馬人張福元身上學的,我本身唔識佢,但他的文章令我終身受用)睇片可以吹吉避凶,尋找寶藏,我選馬可以話係傳統,舊模式,好抽象,與您們有系統,可以將所選擇馬匹的原因轉化為數據再向大家表達有好大分別.......(回文係就係長咗D,希望您會睇晒,謝謝)
賽日密馬 © All rights reserved.
|
