|
賽馬醫生
中級會員
- 威望
- 283
- 閱讀權限
- 30
- 註冊時間
- 10-11-2007
- 最後登錄
- 30-1-2019
|
43#
大 中
小 發表於 23-8-2013 11:35 PM 只看該作者
引用:原帖由 思琳 於 23-8-2013 07:31 AM 發表 
賽馬醫生你好,其實你由頭POST講到落尾POST,我只看見你不停講歷史同將一D你睇返黎既野再轉述,閣下毫無論點亦無論據支持,對別人的提問又問非所答,也許這樣才可顯得你深藏不露吧~~
觀其你前半部份對事物睇法那 ...
真係好感動,篇嘢真係好長,而您睇晒還用速成回應,我對眼比您整到紅卜卜(流眼淚)
呢個面一定要俾,一定要俾.....
講番您覺得我D跑豬背境有轉述成份,假的,老作的.其中一個原因可能係大家"入行"時間不同,又或者您仲早過我"入行", 好多嘢都見過晒,覺得呢d嘢,小菜一碟....但我嗰時真係好細個.....細路仔屎唔臭都深刻一餐架啦,right!嗰D的確係我跑豬背境,發自我內心的說話,但講番轉頭,雖然講嗰個即係我發自內心的說話,但聴嗰D朋友仔未必有會意(相同感覺),冇會意(冇感覺),及會錯意等等,咩係"會意"呢.
舉個例:大家經歷相約的事情,對事情有共同感覺,咪會意囉!另外大家雖然經歷相約事情,但有人覺得事情感覺深刻,但亦有人覺得普通嘢黎啫,不以為然,咪冇會意囉!會錯意仲簡單,我同您傾偈您以為我媾緊您,但其實我同您只係傾下閒偈,唔係媾緊您,我同您傾偈您就以為我媾緊您就係會錯意的一種!
落飛的睇法:我講的是閘前燈,seabear兄講的是開賽前30分鐘,由落沙圈至開閘前一刻的燈.....思琳兄您更為深入,更有POINT,帶出隔夜飛/早飛呢個問題, 三個時段的燈既冇相衝反而啓發出更多思考角度,"燈佬"呢個話題真係好吸引,吸引之處在於"佢哋"好神秘,但燈真係唔係我杯水,回文幾句算了,還是留番俾其他師兄回仲學到嘢!
有人適合W,P,亦有人適合Q,T,正所謂各適其適,緊有一款啱自己的,WIN可以唔駛點"度"就可落注,咁我就要借用您嗰句"一知半解"黎用一用,賽豬會的總投注額W,P,Q,PQ呢幾個核心彩池我估咗七成或以上,合埋眼買當然大有人在,例如,買好意頭的豬名,左手楂住份豬經,右手楂住粒骰仔扔,四,五,六,十五點大,冇十五号可以買咁買一号搭五号再搭十号啦,唔知您有冇試咁買呢?....哈哈哈!
WP係傳統彩池,自從賽豬有得賭錢就有W,P彩池.好多蠢人都咁會買,一場豬買三四隻W,P又會再買多三四隻,但買的号碼卻不相同,仲大大注"tim"呢D叫做爛賭,亂賭,蠢賭.
賭W係一個極為克苦的過程,冇得假,一定要第一,唔係跑第一就忽忽....一場豬可爭勝的至少有四至五匹,D豬都唔想贏得咁辛苦,但報名難,出賽難卻是一個殘酷事實,用番我閘前燈的一句,W着燈閒閒地都有四五隻,但邊隻豬才是真命天子,跑第一名呢個位置得一個咁大把,但爭的好豬卻有三四甚至五隻,如何可以喺五隻機會豬內選出一隻大肥豬?為我獨豬!絶對唔係易事,我選W係依靠近積及總出賽次數和.......思琳兄您可以睇返我上面的文字慢慢消化!
買W可以有幾倍或以上純利,既簡單又直接,而P更可以幫我立於不敗之地,長玩長有.....如何立於不敗之地?我唔會直接話比您知,但可以俾個謎您猜下,私人醒您的,其他人冇架!如果一隻豬P的派彩有16至18元,那麼牠本身W的倍率大約會有幾多倍呢???答案好簡單,但您唔駛答我的......怕您答錯咗唔知點幫您兜番,答案在您自己內心深處就可以了.(P的派彩定於個位,只是基數,方便大家明白,買嗰陣可以隨意將W及P的注碼加大,至於加到幾大,加多幾個零喺後面,視乎自己經濟能力)
最後就係跑親都輸,跑極都難贏但上名,或連番未上名的豬及次次輸突然贏歸那一個組別:佢哋跑到咁仆街,歸納為我已經講過但冇解釋過的陰陽怪氣仆街豬,咁樣黎形容唔知啱您胃口,跑極都唔贏,跑極都唔上名佢哋呢班衰豬想點,但當我哋放棄佢哋佢哋就發神經走入黎,即係話呢D係黎攞債的豬,/神來之筆豬,避之則吉,絶不下注,點解不要下注呢d天降神豬/攞債豬呢?唔單只唔下注,可以的話應該避開呢d場次,明哲保身.
舉例:黃志偉上季雖然好努力,但客觀上七佰多場賽事折合為二仟一佰多個三甲/上名位置(跑第四冇P錢派的),喺呢二仟多個三甲/上名位置內,他勝出的頭馬只係得四至六場,喺上名率上少於0.0000000.................1%,喺咁差勁,咁冇眼睇的成績之下黃志偉所騎的豬客觀上是否值得花時間跟進呢?黃志偉係人,用黎做比喻唔係太好,反觀一隻豬一季贏六場就不得了.
都係講番d衰豬/癈豬,好多衰豬跑親都輸,輸足十幾條街,輸足"十九"幾場,一季有二仟多個三甲/上名機會,一般一隻豬一季平均會跑十五至二十五場,而呢十多二十場內及有二仟多個三甲/上名位置機會內某些神豬/廢豬只取得一W或一W一P,上名率之低好難用數字/佰份比表達出來,客觀上花時間跟進呢D超級廢豬係咪浪費緊自己寶貴時間呢?呢類癈豬我絶對唔會花時間喺佢哋身上!二十多年來賽豬上名率統計早就話咗比我哋知,WIN完又WIN,WIN完執番幾個P,執晒d "P"後又可以番兜再WIN多一嘢,連番勝出,上名/入三甲的好豬佔整體三甲位置/上名率達七成或以上,即係佔咗接近一仟五佰多個三甲/上名位置,總上名率佔整體四份三,將精力集中注意佢哋及買中佢哋其中一部份好豬已經飽到變浮屍了.
(今天是8月23日,黃志偉今天被判了極刑,復牌上訴被駁回)
賽日密馬 © All rights reserved.
|
