歡迎討論 --- 上杉圭<<香港短途錦標>>評價

第 5 場 - 國泰航空香港短途錦標

日本向來派港短途馬甚弱，加上今年來港日本馬水準甚低，雖然日本馬會頗重視此賽，但個人認為可不用理會，下文將作詳細解釋。

此場首選當起馬 8 新力升，今季表現有進冇退，上場配列高力明顯為部署此場而來，是場快馬甚多，電光火力､班霸､大漠霸主､精英大師都係世界頂級快馬，加上 金岡盃應會為主力開路快放，步速極快之下，後上馬便大大得益。

次選 7 精英大師 ，雖然今時實力已不及往年，但看近幾場狀態未足下o既回勇表現，有機會憑鬥心爭回馬王地位。

1 兼併目標 今季表現突出，嬴得日本短途錦標後便直指此賽，誠意､鬥志絕對不用懷疑，加上澳洲馬來港短途馬成績突出，遠比歐洲馬好，(飛快龍連取兩席此賽便係一個典型例子)，明天暫時未知能否出賽，始終上賽日本短途錦標頭三段快開32.8之下仍能在中山馬場上斜路段放到，今場若能克服香港o既草地與步速，實力有力一爭。

11 紙醉金迷 今季表現大幅進步，鋒芒盡露，若非前一仗鄭雨滇強搶，而有機會成為今季另一匹三捷馬。明天機會就看杜利萊會否與上仗一樣留前鬥後，級數未必夠但有機會受步速之利偷襲成功!!

步步勇9檔快馬多難貼欄，機會大減。
騏綵上場賺磅賺形勢，級數輸蝕下只求步速為佢帶來一個位置機會。\r

講到兩匹日本馬 --
先講名將球手，父系o係當年稱霸歐洲一哩並於安田紀念擊敗 奔騰 o既大樹快車，但此駒草力實力一向平常，泥地比草地好得多，上仗日本短途錦標跑入一席第二突然令人眼前一亮，可惜對手甚弱 (該場精英大師狀態未足)，未能作準。
另一匹 藤田小姐，雖然五奪級際賽，但今年日本短途水準低下只能於三月高松宮杯 (1200米 日本一級賽) 得一席第三。

(最緊要日本多年來港跑一千o既馬匹都大敗而回，最接近只得一匹由長途轉短途o既大賞識。)