|
河馬仔
銀牌會員
- 威望
- 1106
- 閱讀權限
- 50
- 註冊時間
- 23-9-2008
- 最後登錄
- 13-10-2010
|
1#
大 中
小 發表於 7-11-2009 01:27 AM 只看該作者
(河馬仔專欄)11月7日元朗MIX & MATCH意菜評論+賽馬日分析
都講過好多次元朗有好多唔同花款的餐廳,價錢豐儉由人.今次就講講一間位於教育路之MIX & MATCH.
店內播放古典音樂,裝潢頗有歐陸風情,而店內都幾乾淨及充滿浪漫氣氛.
其實小弟多次到訪食晚飯,每次小弟因為要番夜班之關係,每每都會係最早食晚飯個位客人.當然要番夜班就要食得夠飽才有精神頂得順夜晚沉重之工作.
先講頭盤先,多數都是沙律,以意大利醋加上凱撒沙律,每次有唔同之配料,如薯仔,鏗魚等等,味道都頗清新,就算量唔多都可以的.
是次看板娘---馬場樂子-對頭盤之評分:
到到個湯,小弟最喜歡的還是椰菜花忌廉湯,一點都唔油膩,還每次都有長長脆脆的麵包條佐食,同樣不俗.
是次看板娘---馬場樂子-對餐湯之評分:
到到正餐啦,心思頗好,特別係菜式擺設,而碟頭頗大.逐樣講講:
1.橄欖油青醬伴鮮帶子扁麵,係麵有少少唔夠軟,但帶子好甜及厚肉,清爽的.
2.格靈蘭比目魚配煙肉大蔥,啖啖魚肉,加上煙肉之香味及大蔥配搭下,勾起到魚肉之層次感,不會覺得淡.
3.扒紐西蘭青衣魚柳,魚肉配大量菇類伴碟爽彈,加上麵包及蟹醬,有點剛柔並重之感,亦唔覺油份太多
4.燒澳洲牛柳九oz,配上紫薯都已經好特別,再者,牛柳燒得夠嫩唔老,加點點芥末之類,入口都夠肉汁,看似唔多但實際夠飽的.
是次看板娘---馬場樂子-對正餐之評分:
最後講講餐茶及甜品,小弟有一次見到一批元朗鄉紳入店內飲咖啡,佢地話入去一定要飲焦糖咖啡,仲見佢地一行六人都飲,故此小弟每次去都會試試.
飲落第一啖有焦糖微甜,下面隨即是黑咖啡,夠濃夠提神,咖啡香都頗足而唔燶,不俗的.至於espresso細細杯但其濃縮度並未去到勁到攞膽之力度,不過配以甜品就幾合適.
對於甜品而言,每次細細杯但好多次都令我回味的,次次都吊下我癮.例如tiramisu佢係做得接近香港一些大型酒店之coffee shop之水準.其餘的如芭菲都不俗,每次都唔同花款,這是吸引我呢類sweet tooth啦.
是次看板娘---馬場樂子-對餐茶及甜品之評分:
是次看板娘---馬場樂子-整體評分:
其實元朗真係一個飲食大同之地,一處鄉土味濃之地同樣有五光十色一不同類型的食肆,真是一個可愛的地方.
是日河馬仔十場心水選擇:
(看板娘 : 馬場樂子)
第一場:
2.好利利-上戰一出未收夠身狀態未十足十之下,出腳見密亦走勢出色吸引,晨操快跳火氣夠但一點都唔急,而前身頗夠成長.始終有一場經驗會較其他初出馬優勝,看來都是擺下擂台
是場心水:
2.好利利-1. 原小子-7.開心動力-11.連利威勁
第二場:
3.大地神駒-換眼罩後拍能源王段段進迫,過馬姿態有變身之感.此馬已唔見奀瘦,加上杜利萊幾次摸到實,再加上此廐對神駒系賽駒如此勇操確係吉兆,今場有快馬對此減分夠多之馬反彈良機.
是場心水:
3.大地神駒-8.五代同堂-9.龍子-7.鴻福星威
第三場:
5.嘉寶神駒-上年安廐未能畢業,相信季尾一場如用韋達好可能已唔駛第二年畢唔到業.上次騎者取位非常論盡,輸得極度唔抵.始終神駒加韋達才是最佳配搭,晨操慢踱馬身已成長足而輕巧有精神,今次安廐似大舉出擊,對手如此弱之下可能會神駒孖寶
是場心水:
5.嘉寶神駒-8.游龍獻瑞-9.冠威星-2.金寶駿
第四場:
13.雄獅寶貝-快跳個頭冇咁岳,走勢已漸見吸引.點講四班都有一定威脅,只望出閘順利其實威力高好多.同場對手確實實力麻麻或狀態未足,有望突圍
是場心水:
13.雄獅寶貝-2.旅遊小子-1.電訊高星-8.勁多勝
第五場:
6.心路-此馬好似唔遮得咁,上場一有隻心中有程及開心贏一在佢外面走過之下已失哂先機.不過此馬最後仍可撲上來算係吸引.晨操已冇左以往非常收儉之感覺,角逐興趣一點都唔低,跑回昔日質素未必唔夠跑
是場心水:
6.心路-3.愛睦善-11.森林活泉-2.太平洋
第六場:
6.驍勇奔騰-總覺得此馬晨操又減哂肥,更覺得今場搵隻馬突出一點都冇.今場又有唔少馬擺前走,上仗遇到有墮馬之下走勢唔差,今場可謂水鬥水,要留意番呢隻老馬
是場心水:
6.驍勇奔騰-2.超班-3.危險英駿-14.金津勝
第七場:
11.鑽石精英-見此馬即有鐵拳影子,上場最後二百受阻對衝刺有礙.晨操出腳力度平均而開揚,慎防有機擊敗叛將
是場心水:
11.鑽石精英-7.風火神駒-2.電光能源-1.開心歡笑
第八場:
12.白玉駿駒-上仗對兩隻如此進步之馬其實有望偷雞,好可惜在取位時被頭二馬阻擋才難以衝刺.計馬冇理由呢個分都冇得食,去到如此輕磅,晨操可睇住騰雲駕霧來過,唔簡單架.
12.白玉駿駒-6.確叻迅-1.火箭動力-2.新力勁
第九場:
10.金堡龍華-上仗負頂磅之下沿途外疊力壓對手可謂殊不簡單.今戰對手麻麻都唔麻麻,潛藏未盡之馬要再勝真係唔難,狀態仍然醒神過步爽勁
是場心水:
10.金堡龍華-11.心中有勁-7.多多寶馬-2.威利嘉
第十場:
5.賀喜-晨操吸引,上次田草落敗一場只好說是太跟前所致,看來此馬都需要鬥衝才最合發揮.今仗快馬極多啱口哂呢隻一早已操到足之馬,馬身跑得多又唔瘦仍輕快,落班可恰對手
是場心水:
5.賀喜-8.鎗臣-6.特綵-4.加州滿意
賽日密馬 © All rights reserved.
|
