|
河馬仔
銀牌會員
- 威望
- 1106
- 閱讀權限
- 50
- 註冊時間
- 23-9-2008
- 最後登錄
- 13-10-2010
|
1#
大 中
小 發表於 22-5-2010 11:39 PM 只看該作者
(河馬仔專欄)5月23日屯門容龍海鮮酒家食評+三場賽馬分析
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
馬場樂子+馬場彩珠：『馬場對對子』又返來啦!
馬場樂子：好熱呀,家姐,可唔可以唔日頭出去搵野食呀.
馬場彩珠：咁不如黃昏先出發啦,但我今次又唔想去市區,想去下唔同地區噃
馬場樂子：唔......今晚我地要去屯門探朋友噃,不如去個度搵野食啦.
馬場彩珠：好噃,天氣咁熱,不如搵個有海風吹下的地方啦.
馬場樂子：咁今日開估的地方係.........
馬場樂子：別墅???
馬場彩珠：係呀,其實唔講您唔知,香港真係別墅都有野食架.
馬場樂子：係噃,但睇番地址...青山公路十九咪半,即係邊度呀???
馬場彩珠：您問我都唔知,不如搵下地圖先.
馬場樂子：呼~~,呢度好似係三聖村來,係度行一段路後行上去個斜路就到啦.
馬場樂子：嘩,好古色古香呢!好似好耐歷史咁,咁似以前凌晨N時播個D粵語長片的地點嘅?
馬場彩珠：我地兩個加埋都唔夠呢度嘅歷史呀,呢度有60年架啦!以前真係有粵語長片係度攞景架.俾個舊貌您睇下先.
馬場樂子：現在四點八,唔知有冇得食呢...入去睇下先,嘩,咁多BOOK枱.
馬場彩珠：一定啦,呢度好多達官貴人來用膳架,我地今晚就食番餐海鮮餐啦,橫掂都係河馬仔請我地食的.
馬場樂子：さんせい(賛成)
河馬仔：乜我有講過咩,又屈...
馬場樂子：但係家姐,又話有海風吹下嘅...
馬場彩珠：您出去露台睇下,就會見到青山灣架啦.
馬場彩珠：今次冇BOOK枱,好彩早來咋,否則真係等到頸都長,好啦,睇下個MENU先!
河馬仔：近來輸馬,請兩位高抬貴手,唔好叫咁多---時價...
馬場樂子+馬場彩珠：咁講法,一定要狂叫啦^^
馬場樂子：豉油皇乾煎大蝦,好多榚呀,肉又彈牙,殼又香,冇得頂呀.
看板娘---馬場樂子---對豉油皇乾煎大蝦之評分:
馬場彩珠：豉椒炒蟶子---入味唔太鹹,而蟶子新鮮唔老,送酒佳品呢.
看板娘---馬場彩珠---對豉椒炒蟶子之評分:
馬場樂子：蒸扇貝,OOPS,粉絲咁硬嘅,扇貝肉一樣有點硬呢..............
馬場彩珠：蒜泥味過重了,可能蒸得過了火呢...
看板娘---馬場樂子---對豉油皇乾煎大蝦之評分:
馬場彩珠：薑蔥肉蟹,呢樣可以用一個字形容,正!肉蟹肉味充分顯露出來,正所謂食魚要有魚味,食雞要有雞味...
馬場樂子：(滴汗)
看板娘---馬場彩珠---對薑蔥肉蟹之評分:
馬場樂子：個胃仲有SPACE,食埋呢個砵酒焗生蠔都得噃,好肥美呀,酒香唔太霸道,但個蠔真係鮮味充足架噃,最緊要係個邊邊有點脆又唔成口脆漿,好鬼滿足呀.
馬場彩珠：YEAH,最緊要係我地食極都唔肥嘛...
看板娘---馬場樂子---對砵酒焗生蠔之評分:
馬場彩珠：最後講埋雜項先,點都要番碟菜先夠BALANCE的.個姐豆少都唔差噃,至少唔會太甜的,為今餐海鮮餐畫上圓滿的句號
馬場樂子：食到好飽啦,可唔可以搵人孭番我落三聖輕鐵站呀...
馬場彩珠：食到咁飽就行下消化下啦,入去附近的青山灣泳灘行下啦
馬場樂子：好多人在BBQ呢,但個邊點解咁多車嘅?
馬場彩珠：附近有好多海鮮檔口呢,可以買海鮮去俾廚師煮呢.
馬場樂子：都好似流浮山呢......估唔到新界西北都有咁多海鮮選擇呢.
看板娘---馬場樂子---講講今餐人均消費:
河馬仔第四,六,八場心水選擇:
第四場:
11. 泰寶馬 - 雖然此駒確實老退到爆,而且同程全負,但其實對上一次田草千二一來狀態欠佳,二來當時還在三班.此老馬上場泥地中距離已經唔啱佢跑,力短了確實千二更合,而當日預期會有狂風暴雨,仍有保留價值之馬應可谷盡爭勝
1. 甜蜜至上 - 上戰唔塞應該已經贏了,雖然排檔欠佳之下爭此程確實有危機,但此駒班底極高,一有迥旋之勢五班可打橫掃
10. 好活力 - 上場唔出閘就真係冇計,但試泥閘就頗為順暢.做過工夫後用回德叔騎一些如華劍寶一類之彊口敏感之馬會較合發揮,看操練隻馬冇咁燥火,還看今次發揮
13. 鐘表世家 - 始終覺得此駒實力非庸劣,只好可能係太多配備轉變而此駒狀態一路都未跑起過.今場對手實力其實比上兩次更低,而上仗放頭基本上係隻隻都斷.
是場心水:
11. 泰寶馬 - 1. 甜蜜至上 - 10. 好活力 - 13. 鐘表世家
第六場:
12. 中華寶寶 - 上兩場跑法又係冇陰公,前一仗塞車之餘上場個個彎都蝕之下衝上來都頗有勢.講真實力已見得到而仍未完全展現.今仗再減磅之下只要安全地走生位立心衝的話,好可能較在谷草衝安全
4. 喜綵 - 上場唔係內閃應該係有得影相的.除眼罩後確實隻馬過步爽得多.而可喜的是今場快馬多之餘外側之吉利多應會同佢跑法差無幾,應可更近
3. 新意思 - 上場贏落真係自己對眼都唔相信,如此馬真係破格進步的話又點都要兼顧
1. 愛睦善 - 近兩場都唔係理想之發揮,前仗放唔出上場另外又有馬狂放確實冇計,如一落大雨仍有突圍機會
是場心水:
12. 中華寶寶 - 4. 喜綵 - 3. 新意思 - 1. 愛睦善
第八場:
4. 首飾奇寶 - 雖然流過鼻血後好似冇乜野睇,上場大敗講真可能係輸路長多過狀態差.當然前一仗跑二千米國際賽平磅對強敵都輸得唔遠,落回一班夠哂班跑,排好檔之餘負磅唔重而對手應該未到級際賽能力,換人都唔怕啦
3. 競駿精英 - 上場熱身今場省完課泥閘明顯個身緊左之餘而唔再見以往之疲態,柏寶選此駒都確實正路
1. 新力勁 - 同樣級數比今場對手高好多之馬,晨操快跳仍然輕鬆之餘,上仗在劣地下追上來有板有眼,明顯虎入羊群.
6. 花好月圓 - 雖然狀態確令人懷疑,幸好上場開始見接近,只要此駒狀態重拾正軌的話在此群仍有競爭力,未太頹之馬仍不容睇小
是場心水:
4. 首飾奇寶 - 3. 競駿精英 - 1. 新力勁 - 6. 花好月圓
馬場彩珠三寶提供(總共廿七注)
第八場: 1. 新力勁 3. 競駿精英 4. 首飾奇寶
第九場: 3. 飛闖 4. 旅英駿駒 11. 幸運傳奇
第十場: 4. 明燈 6. 富高勝 9. 披星戴月
馬場樂子為<河馬仔專欄>之看板娘接近一年了,係時候要增加一些成員,講飲講食講馬都係熱熱鬧鬧才似樣的,今次終於要介紹馬場樂子之孖生家姐--馬場彩珠登場了.
以後會夥拍馬場樂子參與賽馬及飲食專欄,今次推出登場WALLPAPER,馬場孖寶姐妹齊齊登場,祝大家馬場得意贏DOUBLE,情場得意相相對!
以下有兩個SIZE選擇,由河馬仔出品,夥拍同人組織---黑蛛白蛛一起設計,由黑蛛白蛛負責執筆繒畫:
有兩個SIZE供大家下載,用<共享創意署名-非商業性 3.0 香港授權條款>發放.
1650 X 1050:
http://img.hkheadline.com/headline/blog/album_photos/57/44/150556/1/201005052235213174_1600x1600.jpg
1024 X 768:
http://img.hkheadline.com/headline/blog/album_photos/57/44/150556/1/201005052234547587_1600x1600.jpg
 賽日密馬 © All rights reserved.
|
