|
河馬仔
銀牌會員
- 威望
- 1106
- 閱讀權限
- 50
- 註冊時間
- 23-9-2008
- 最後登錄
- 13-10-2010
|
1#
大 中
小 發表於 18-9-2010 12:28 AM 只看該作者
(河馬仔專欄)9月18日中環香港大學校友會晚飯評論+賽馬分析
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
樂子：家姐家姐,頭先節目監製打電話來,由於今次賽事係星期六,叫我盡快寫完份食評呀.家姐呀,您諗唔諗到今次寫D乜呀!
彩珠：哎呀!您臨時臨急叫我諗要寫邊度我又諗唔起,不過好似份專欄好耐冇寫過香港區啦,有人話我地成日寫九龍新界...
樂子：您唔講我又諗唔起,今晚係唔係您有朋友叫我地出來食飯GATHERING呢?
彩珠：係呀,今晚七點約左係中環食中餐呢,那些朋友係大師兄大師姊呢,已經大學畢了業,都好耐冇同佢地見面啦,到時一定傾唔停呢!
樂子：係噃,我可以順便用今餐來寫埋今個星期的稿!YES^_^
彩珠：樂子,個度係中環德己立街的香港大學校友會,記住唔好遲到呀!要人等就唔好啦!
樂子：看來我地早到咗,趁而家睇睇個餐牌先!
彩珠：樂子,呢度最出名就係蝦多士,荷葉飯,杏汁豬肺湯,子薑咕嚕肉...今次已經一早預備定了.樂子,到時記住影低那些招牌小菜啦!
樂子：到時一路食一路影啦,不過大前提一定唔會影響到同枱食飯的朋友啦!
彩珠：當然啦,佢地到啦............
樂子：極速蝦多士呀........話到明係招牌菜,試試先!
樂子：多士唔油,蝦肉剛剛覆蓋住多士面,來到已經好香啦.食落唔覺油膩亦較脆口,蝦肉亦夠彈牙已唔鹹,頗得意的小食呢!
彩珠：雖然對日本人來說少見呢種杏汁豬肺湯,不過寫得食評一定要試試的,質地有點似牛奶,飲落頗綿而且味濃,豬肺亦燉得夠軟而味道亦感到煲得夠時間所滲出的肉味,個湯飲落反而有點甜甜的感覺呢!
樂子：荷葉飯及蘿蔔牛腩皆在香港的酒樓常常見到,看看這兒的味道如何先!牛腩夠腍之餘亦冇散開,蘿蔔更因吸了牛肉的汁及柱候汁後天甜呢.而且蘿蔔冇渣,送飯更好呢!而荷葉飯亦做得有水準,只少唔會見到太濕及一舊舊,味道亦唔搶喉之餘飯粒食落算分明!
看板娘---馬場樂子---對蝦多士,杏汁豬肺湯,荷葉飯,蘿蔔牛腩之評分:
彩珠：講埋其餘的炒帶子,雞,粟米魚塊,子薑咕嚕肉,炒菜等等,以子薑咕嚕肉最好吃,肉入面唔多肥膏但個皮夠脆唔乾身,而最精彩的就是那個子薑不會太辣,脆口之餘又帶點點甜味.個咕嚕汁唔過多亦唔過甜,汁的份量適中亦令咕嚕肉食落可口!
看板娘---馬場彩珠---對炒帶子,雞,粟米魚塊,子薑咕嚕肉,炒菜等等之評分:
(回到家後...)
(電話中...)
樂子：今日份稿OK啦,監製您過過目啦.
電台監製 : 您唔係話今期寫唔切咩?今次係九龍定新界?
樂子：中環呀-_-
河馬仔第四,七,九,十場心水選擇:
第四場 :
5. 雄獅寶貝-此駒以往在安廄時感覺上較搶口之餘情緒亦較唔穩定,當然舊年年尾其實狀態推到接近高峰,只可惜兩場皆嫌擺得太前,暫時此駒較合居中後追而非放頭.今場用韋達估計都可守四五位,而抽到內檔兼落班而韋達如能駕馭到此駒的話其實贏面極高.9月16日練馬師踱步完全唔急,馬身收得實淨而肌肉感好強,今場到位了.
是場心水 :
5. 雄獅寶貝 - 14. 封面 - 13. 嘉寶神駒 - 8. 創先機
第七場 :
6. 蜚聲 - 此駒太強勁啦,舊年個批對手都係三班企得極穩之馬.今年晨操較舊年更加淡定之餘隻馬已見變大隻.睇落比較同場對手進步感較大,進度理想.
是場心水 :
6. 蜚聲 - 1. 金堡龍華 - 2. 好利利 - 3. 一言既出
第九場 :
6. 夢幻組合-上場馬身肥到成個大水桶咁仲要跑短途居然在跟前下最後走勢亦能抵抗狂衝之好友福等等之馬.表現算係意料之外.,9月15號蔡明紹快跳兩段果然肚底收番好而過步冇再有拖泥帶水之感,神情亦較上場精神及眼神炯炯有神.千四點都好過千二,開了氣之馬總好過一堆起而未足之長途馬.
是場心水 :
6. 夢幻組合 - 10. 愛跑得 - 11. 創佳績 - 9. 藍天
第十場 :
11. 金津好-雖然冇跑半年有多而上季操練有點斷斷續續,但今年復出確有不同的感覺,特別在9月7日之泥閘,睇落好似飛出外疊冇野睇,不過睇得清楚一點的話杜利萊只要稍微推少少此駒已可交出良佳之反應,到到臨近終點前隻馬在冇迫之下都能暢順地出腳而走得近瀟灑財星.9月15日踱步出腳自然而輕巧,看來似蓄銳一擊.
是場心水 :
11. 金津好 - 4. 最佳孖寶 - 8. 易搏贏 - 1. 奪寶
9月5日馬季開鑼,各位馬迷又要迎接密鑼緊鼓的賽事了.
今次的WALLPAPER三位看板娘及馬馬都變成了Q版,以亮相圈作背景.希望大家馬迷喜歡.在此祝願各位馬迷今季開開心心,歡歡喜喜,馬到功成!
今次由河馬仔出品、由同人組織天空音匣之畫師Mineko繪製而成。以<共享創意 署名-非商業性 3.0 香港 授權條款>發放。
 賽日密馬 © All rights reserved.
|
