給大家一個明白
大家見我有時好快換人出場, 或者鬧, 可能唔知我唸緊セ, 喺度借個機會同大家講下, 等大家有個明白
1. 發仔尋日守龍失第一球, 我唔介意救唔倒 失波. 我唔高興嘅係'會唔會真係踢得太唔認真 太流'. 果球波, 我跟到後場, 睇住應該 keeper 快過所有人, 但因坐喺度着鞋着襪, 比對方攞咗個波. 首先, 我係約大家 2130 開波, 並唔係 2130 到場, 再等大家換衫 換鞋 拉筋 warm up. 其次, 我當大家工作繁忙, 只能緊緊趕到, 但係當場波踢緊, 換 都踎係度換, 等自己有起動能力, 坐喺度 會唔會真係太流?
2. 志华兜口 兜面交波比大表, 有到腳唔交,交落個位度要佢跑. 唉, 果個唔係10年前嘅大表, 你交落個位, 要佢爆, 你真係攞佢命. 唔好話大表, 今時今日, 交位 要我, 文少, 志华. 幾件老鬼爆, 真係強人所難, 我唔高興嘅係'踢咗禁耐' 連呢種默契都冇
對上一場, 踢咗幾分鍾, 我好快將成條後防線換哂
3. 當日肥王開波後, 未能集中精神比賽, 經常甩位, 所以第一個 換出去, 等佢冷靜下. 當然, 佢亦都係第一個 換返入嚟
4. sony 經常助攻, 但同 ah sam 冇交流, 失咗個波, ah sam 又冇返後補位, 各有各踢. 而另一個重點, 當時肥佬做老清, 肥佬強項 頭膇殺波, 弱項 同人鬥爆, 你上咗去返唔切, 比空間對方爆肥佬....呢個又係對隊友之間嘅了解同默契
5. 肥佬第三個換, 因為佢作為防線揸 fit 人, 對肥王 sony 冇作提點, 所以都要換.
我地隊波夾咗 10 年, 一 d 默契 提點 交流, 我地係應該有. 我攪ニ打六絕對認真同有要求, 不是為咗出身汗. 我好記得對上幾場對果隊細威, 對方一路踢 一路講野 一路笑, 極唔認真, 當時我即刻扯火, 心唸 '𨳒你老味, 你睇小我牙'.....己所不欲 勿施於人, 希望大家可以認真 d, thx
