25/05/2024 TKS 2 vs 華仁 800 ( 莫少移民告別賽 ) 華仁 3:1賽後報告
25/05/2024 賽後報告 - Fat Wong
今晚天公造美，落足成個禮拜雨都會停雨，鰂魚涌上演一場二打六打吡內戰，為莫少轉會美職聯前舉辦告別戰。賽前馬會開出4.5球大，以為係一場大上大落既賽事，副領同榮仔更打晒眼色，一句「收到，做野。」，務求要幾大有幾大。
怎料泰仔未能通過體測，希未能趕上隊巴缺陣，二打六頓時中場變得兵源短缺，華仁隊感覺上秤高少少。
正所謂薑就梗係越老越辣，一開波二打六藉着主場之利襯華仁隊未企穩陣腳，發哥後場發動攻勢一記似射非射似傳非傳一個波劏入禁區，由二打六歷屆神射手羅渣門前輕易掃入，開賽唔夠5分鐘就已經1:0。
但今晚話明係莫少告別賽先禮後兵完，輪到今晚既主角表演。失左一球之後，賽前擺明話要打默契波既副領+榮仔+Andy即時落場控制戰果，又係一換就立竿見影，華仁隊前場一次美妙組織由4仔交俾鏗，鏗再傳中俾sunny門前掃入,為華仁隊迅速追平。
之後4仔中場再次截到二打六既傳送失誤一個斜傳俾今晚主角老拍擋莫叫。恰到好處既走位，配合巧妙既傳送，加上冷靜得黎又瀟洒既射術，莫叫完美演繹一個神射手應有既射手本色，總會係球隊有需要既時候挺身而出，為華仁隊射成2:1。（徇眾要求，主角入波要加多d描述）
之後輪到副領做野幾球漫不經心既後場橫傳，傳返俾二打六舊隊友，令到華仁隊門前風聲鶴唳，有好幾球都係剛剛有後防門前封到改變方向出界。二打六及後連搏幾個角球，更即時換入久休復出既肥佬試圖以身材高度優勢，去壓迫華仁隊既後防。
波就係咁，哩邊久攻不入，轉個頭華仁隊再一次鏗+sunny+莫叫鐵三角組織，由鏗傳中，配合識做既Sunny送個大禮俾今晚主角莫叫，門前1碼無人看管下，莫叫梅開二度將記錄拉開成3:1完半場。
中場休息時，大會安排左二打六19幾屆助攻王老占致送紀念品俾「原來」攞左3屆神射手既莫叫（基本上講個下無乜人知），連攞紀念品個個都唔知，證明左二打六哩間球會既球員唔係為個人獎項刷數據，幾咁無私為球隊賣命。（*但費占除外）
當大家以為半場開4球，咁入球大4.5應該輕鬆開出既時候，但少年你真係太年輕了。不嬲二打六既操盤能力，由規定炒10球記錄作廢開始，大家都訓練有素，話左唔入就唔入，不斷訓練，栽培同招攬唔同門前失機既射手，結果當然配合莊家，以零入球作結。最終華仁隊贏3:1。
** attn. : 9 , siu ming , chi wah , 36 , fat lo , 3 , 7 , 5 , 14 , hong , 23 , rodger , helper x 1
** rodger / 18x2 / 6 ( 7 / 6 / 4 / 15 )
