珠海行 - 賽後感

賽後報告 :
二打六以歴年最殘陣容出戰球隊一年一度盛事, 地庒 11 個.
球賽打四節, 每節 25 min, 由於志华趕收工遲到, 第一節我地要 10個打人11 個, rodger 先開紀錄, 後被追和, 第一節完. 第二節終於等到志华, 11 打11, 奈何志华只踢了 2 min, 拉傷小腿, 於是乎又10個打人11 個,第二節完, keep 1:1. 第三節, 剛叔着實頂唔順, 對方不情不願借兩個人比我地, 全場表現出色嘅 helper 龍門, 因一次判斷失誤, 輸 1:2. 第四節開始時, 對方領隊問 rodger, 洗唔洗轉去隔籬個 5 人草場踢, 最後捱住踢 11人, 最終輸 1:2.
首先喺度要大力表揚有分出場嘅隊友, 包括志华, 對方 19人輪我地, 我地要拼盡先唔會輸得太難睇.
其次, 始終大陸行都係球會一年一度盛事, 我真係好希望大家就算即日來回, 都盡量參與, 講緊來回連踢, 都係用大家 6 小時罷了
再其次, 應承咗到, 除非真係好唔掂, 如果唔係, 嚟企都好, 總叫自己11人, 唔洗比人問 '洗唔洗轉去隔籬個 5 人草場踢'

大陸 11人場,場租要成千幾二千蚊, 對方誠邀我地踢, 唔想借人, 我完全理解. 輸波 踢得辛苦, 唔係大問題, 只係苦了攪手 rodger, 喺同鄉對手面前失禮, 深感遺憾