賽日密馬 - Powered by Discuz! Board

標題: 轉貼: 香港賽馬算廉潔（2006-7-6）明報掛駒保 [打印本頁]

作者: phantomhorse 時間: 7-8-2006 02:04 PM 標題: 轉貼: 香港賽馬算廉潔（2006-7-6）明報掛駒保

香港賽馬算廉潔（2006-7-6）

范義龍人等在英國被正式起訴的事件，屬於意料之中，因為事情已輾轉一段日子，涉案人等不斷續保，到剛周一是程序終結日，不起訴就要放人﹔事實上，英國網民早在上周就已引頸以待，當地新聞界亦齊齊在倫敦等候。這邊廂萬成才在煞科日起了個十七倍孖寶，即一賠十六，翌日就被拘助查，時機認真成熟，而公布出來的一個涉案數字是一百六十萬元。

范義龍萬成案情近似

范義龍與萬成所涉及的案情亦有近似，二人都是向第三者提供馬匹資料。范義龍是向一人說出自己座騎機會及敵我形勢，該人依照下注，看好的照買，不看好就在對賭網押注該駒會輸。至於萬成，未被提控，具體案情未清楚，只知同案有人經營外圍，收到萬成料，而萬成亦被指涉及下注。

范、萬二人的勾當與八、九十年代先後被揭發的「造馬案」是大有不同，從前真是在做「大龍鳳」，有一個或多個幕後策劃人，一批騎練黨羽，甚至曾經有賽事董事涉案，所做的真是在操縱賽果，當年罪成公諸於世之後，普羅大眾對賽馬之負面看法，幾是永不磨滅，亦因此直到今時今日但凡有騎師被拉，坊間第一反應準就聯想又有人舞「大龍鳳」，實情是所謂的「大龍鳳」集體造馬，早已與恐龍一樣，不再存在。

騎師過料給其他人，賽例寫明不容許，如屬實肯定犯規，但如果閣下願意定定心神，將事情想真一點，你會發覺你受害的情況並不多。騎師過料給任何人，知情者知道邊隻得未必有用，知道邊隻騎晒都唔得才可貴。知道必敗馬而直接獲利的人沒有其他，正是非法外圍，所以除非你光顧外圍而賭正一匹必敗馬才會因騎師過料而輸，但我覺得你賭外圍賭輸並不足惜。\r

另一個最壞的情況，自然就是有人賽前知道騎師「唔去馬」，然而所謂「唔去馬」已說到在賽事中作弊，是完全另一回事，今次萬成事件從來沒有指他在賽事中作弊而獲利。掛駒保無意，亦無能力去淡化這件事，我只想講我在對上四五年，每天都看世界各地賽馬，港人每季看馬七百多場，我一星期看賽事的總數就多於你看一整季，可以這樣說，香港賽馬已是潔淨得「夫復何求」，而今騎師被拘而又見起哄猛指香港賽馬蠱惑多，我認為與事實不符，於事無補。

作者: phantomhorse 時間: 7-8-2006 02:12 PM

小弟同意香港賽馬算廉潔。個別騎師分析形勢後經人投注早有。這麼大的彩池，不心動才怪啊。

作者: coffee 時間: 7-8-2006 03:52 PM

咁全世界邊處先算唔廉潔呢？

作者: a4 時間: 7-8-2006 09:50 PM

如出街食飯~
一碟美味佳餚示人於前~
廚房是否乾淨~不得而知~始終係人為~
只有眼不見為乾淨~

百份百??各有各的想像了~

作者: phantomhorse 時間: 8-8-2006 03:16 PM

引用:

原帖由 coffee 於 7-8-2006 03:52 PM 發表
咁全世界邊處先算唔廉潔呢？

呵，這個我不知。我根本無法評估別國賽馬是否廉潔。但我同意本地絕大多數的賽果是合理的，所以同意香港賽馬廉潔。

作者: hayhay 時間: 8-8-2006 08:47 PM

同意香港賽馬賽果多數合理,但也有唔少灰色地帶,比如我地要揀馬房有心出擊的馬,要避減分或回氣的馬.(未必次次做到).有D騎師(特別係戴勝)搏剎時的表現和其它埸次的演出反差太大.....

作者: kittylkc 時間: 11-8-2006 10:43 AM

之前小妹有個好友係圈中人 , 名字不提了 , 佢講過大概有95% 的賽馬係公平 , 5% 係灰色地帶 , 如果你買了灰色地帶o個5% , 咁算你唔好彩啦 , 上季ge 武士係一放到底係一個好例子 , 糖果又係另一好例子^^

作者: Gallopracer 時間: 17-8-2006 10:50 PM

我想提出一個問題,如果你在一間學校讀書或機構工作,大部份你都相識,當工作有需要他人拹助你,我相信都會出手助你的,這是一種關系.
十多年前讀書跑馬我的朋友比 tips 話明 sure win (係低班馬)我所有tips係開賽前一個鐘就有次次都好準的..........你想想十四匹馬有人同你講 sure win種係低班馬你怎想呀

作者: Justinian 時間: 18-8-2006 02:33 PM

引用:

原帖由 Gallopracer 於 17-8-2006 10:50 PM 發表
我想提出一個問題,如果你在一間學校讀書或機構工作,大部份你都相識,當工作有需要他人拹助你,我相信都會出手助你的,這是一種關系.
十多年前讀書跑馬我的朋友比 tips 話明 sure win (係低班馬)我所有tips係開賽前一 ...

這樣良好的關係，現在應該不盡相同了。話明 sure win 的還算小兒科，老簡在位時，經常中熱門 sure win 的(2, 3倍的)！因為我老細，經常入大埔同佢食飯。還交帶別買那麼多，『唔係實贏嫁，不過贏左要請我飲酒！』其實\"料"流到去我這樣的small potato手中，已經不知有幾多人收到"料"，只想講明，間中一些小利益大家搵，是經常存在。
至於十多年前，話得事既練馬師，就更加犀利！老細話：『有料到，某練馬師俾的，今晚六環彩買哩幾隻。』不過只收過兩次，派彩都只是2千蚊左右。

以上的都是以前的歷史，現在是否存在？大家慢慢消化吧！諗到係咩野就係咩野啦！

我老細早10年前已經走左，去左極樂之bar繼續飲！

:33:

[ 本帖最後由 Justinian 於 18-8-2006 02:43 PM 編輯 ]

作者: Gallopracer 時間: 19-8-2006 01:05 PM

歷史係不斷重演的,只是規模大小,大家看看意大利足球及今天英國馬圈就知,未出事前個個地方都話自己廉潔啦.我們要明白一樣每個範疇都有一些問題,希望利用一些規則去減少問題出現.上季跑這麼多場馬大家有冇輸得唔服地方,如果一次係偶然,二次怪自己,三次你又怎想呢..........當然我都同意有很多賽事都係正常的.......

歡迎光臨賽日密馬 (http://hrc.hk/)