賽日密馬 - Powered by Discuz! Board

標題: 點先可以買中99倍冷馬 [打印本頁]

作者: xmas8888 時間: 11-3-2007 12:45 PM 標題: 點先可以買中99倍冷馬

轉貼文章..取自..頭條網..作者..丁當

丁當  2007/2/26 上午 04:24:58

神兄：長買99賠最終有錢贏，但只可自己買，叫人買會被人話發神經。賭馬是「發神經」的人才能贏錢，正常人絕大多數會輸。

丁當  2007/3/1 下午 10:36:03

神兄：多謝回應丁當的「謬論」。長買99倍馬，丁當已買了幾季，大有收穫，當然是小注買啦，大注買冷馬都變唔冷。既然講開，丁當就講下自已為何會長買99倍馬，丁當的長買并非每匹99倍都買，而是長期留意99倍馬，有符合條件的就買。神兄或者會問是什麼條件，丁當只能列舉小部份：初次出賽或在港初出（不須理會操練、試閘、血統、外地賽績、騎配，因被大多數人用作依據）；初跑未跑過的路程；賽績差而加轉配件；傷患、閹割初出；高齡；弱配等。條件還有很多。所有條件其實只是累積得來。丁當初學賭馬時，經常是贏馬輸錢，花很多心思去研究實力馬為何會輸？最終結論是：輸馬理由何其多。結果是令丁當認為就算大超班馬成熱門都唔買，反而希望它輸。之後轉為研究99倍馬為何可勝出。最終結論是：大多數爆大冷馬，事後都可以找到解釋理由，只是賽前極少人會將這個理由作為贏馬條件。再者，亦好少有人連買幾十次99倍馬都多數跑包尾（其實跑第二同跑包尾都是一樣，只是跑第二人覺欠運，跑包尾會被人嘲笑）而繼續買。這種情況時有發生，問題是有無毅力繼續買落去。買三、四次大熱門中一次，好多人會繼續買落去（長計一定輸）。不過六合彩長買長輸，即大把人買。初初想唔通，後來想通了，20元買張六合彩，一個號碼都唔中，可以大大聲同人講。20元買匹99倍馬輸二十個馬位，真是唔想俾人知，人之常情。夠膽同人講長買99倍馬，真是有點“失常”。

神兄將投注得失公開（是否季尾結算？）可以說是膽色過人，信心爆棚，又或者是“失常”（請勿見怪，丁當的“失常”等如非一般，別無他意。本來丁當都想開個盤專買99倍馬Win，不過驚無人參我玩，就算季尾結數有錢贏，都會被人話“發神經”“死好命”，真是好難有人贊。

夜神月  2007/3/2 上午 08:02:27

丁當兄: 既然長追九十九倍馬之餘，還要乎合特定條件，那就不算是盲目追，姑勿論結果會如何，都是經過深思的投注策略，可以一試。
其實亦不怕比人知，因為能乎合特定條件，即是在某程度上起碼有一個優點。個人認為，對於一匹全熱門馬，一個缺點已太多; 同樣地對一匹大冷門馬，一個優點已值得買。
至於把投注得失公開，是因為要確知策略是否行得通，非關信心爆棚，而且也一早有了失敗的覺悟。而且，有時會聽到人說 : 「講馬佬比貼士係老點，自己都未必買」，所以覺得出貼士要盡了力之餘，如果自己列出BALANCE照買，感覺上和自己的貼士共存亡，更對得住讀者。

丁當  2007/3/2 下午 02:05:13

各位兄台：再講多一次99倍（小弟怕講得太多，以後無哂99倍）。開季至今99倍馬共有245匹。勝出共有4匹：020場上浦褔星＄1,023；115場包裝英雄＄1,082.5；210場開心＄1,317.5；261場伯神寶＄1,086.5。以上4匹丁當都買中，並非吹水。其中1匹初出，2匹初跑此程，最超值1匹是「上浦福星」，此程首本，上季同程同配亦爆過21倍半冷。現役還有1匹「另具一格」同此馬類同，快步速次次後上不及（一般理論認為步速有利），慢步速反而末段二百竄上僅贏，此類馬經常會剎低前領跑法的大熱門（離題啦，有時間再同有興趣研究步速的朋友吹水）。以上4匹都具備條件。其實條件好簡單，只要有末知數、有變數就夠啦，多一個有利條件都唔會係99倍啦，想投注99倍，就需緊記，贏一次就有排輸，否則，多數唔會堅持。丁當的投注方法是先估計那幾匹可能成為99倍，具備條件的選定後備用，開跑前若為99倍就落注買單Win，唔會買位置及膽拖（以前試過），因這樣買會消耗子彈及磨滅恆心（今季99倍跑入位置不足4匹，跑第4有2匹，跑包尾大約有三份一），被丁當投注的99倍大約有三份二。輸贏條數小學生都識計啦。

丁當  2007/3/2 下午 04:42:42

神兄：同意你的看法，2倍馬唔可能值博，勁如世間少有，出賽末遇意外的「精英大師」，長追都只能贏少少（對小注怡情的人來講，丁當只投注了牠首仗及尾仗，已忘記首仗的投注理由，尾仗的投注當為對牠的祝福，非求贏錢），現時真是很多人講「值博率」，但丁當未發現有較具體的計算方法。自已現時有個電腦程式正在做緊「臨床試驗」。程式只幫手計算值博系數，滿分為100分，不過是無可能發生的事，因為丁當暫定倍率佔得分50%，不足2倍為0分，99倍以上可得滿分50分。換言之，全盛時期的「精英大師」，只能得50分（如果「精英大師」有99倍就能得滿分，一定無可能啦），同場有匹99倍跛腳馬亦可得50分，值博率就同「精英大師」一樣啦。值博系數中另外50分將分配給各項取勝的條件。程式還在試驗階段，各項條件包括倍率所佔的比重亦在調試中，希望最後調試出最佳的比重，可用於投注，作為一種有用的工具。丁當視賽馬為一項工程，一種樂趣。有興趣的朋友，歡迎多多批評。丁當還有很多天馬行空的想法，賭馬必須具備有與眾不同的想法，才較有機會贏錢。

作者: 小胖 時間: 11-3-2007 05:39 PM

其實此文章很有意思.

不過對於小弟來說,因不買臨場,最難是判斷那匹馬最後是99倍.

另外多研究幾季,可能有更多數據和發現

:em24:

作者: uturn2 時間: 11-3-2007 08:46 PM

自從本[計得精彩]出了之後，好多人談及[值博率]。到底何謂[值博]相信作者至今亦未有一條客觀的[方程式]。昨天條海豚值博嗎？
近仗輸極都近，99倍心動嗎？如果說不值博，到底此場有那一隻比它更有投注價值。
所有對倍率有興趣亦應反思！

註：圖片資料內容源自xmas8888

[ 本帖最後由 uturn2 於 11-3-2007 08:51 PM 編輯 ]

作者: uturn2 時間: 11-3-2007 10:22 PM

引用:

原帖由 冷T愛好者 於 11-3-2007 09:28 PM 發表

真好野...:em17::em17::em17::em25::em25:
你有冇去睇返我的[慳本法]...整條QP.2x3.都肥過[肥肥]。

上2次我揀左隻精圖膽拖你3隻.........爆左煲。
今次冇跟你..........可惜！:smile_39::smile_39:

作者: uturn2 時間: 11-3-2007 10:39 PM

冷T兄近日有冇冷野

作者: uturn2 時間: 11-3-2007 10:49 PM

呢2隻可否比些意見

作者: 山埃博士 時間: 11-3-2007 11:33 PM

提示: 作者被禁止或刪除內容自動屏蔽

作者: xmas8888 時間: 12-3-2007 05:13 PM

轉貼自頭條網

XMAS8888  2007/3/11 下午 07:32:56

Forest  2007/3/11 下午 01:28:01
丁當兄 .... 睇o黎你今季可以收工喇
以小弟手頭上o既資料, 03-04年馬季, 有 2隻 99倍馬勝出. 04-05年馬季, 都係有 2隻.  05-06年馬季, 有 4隻. 而 06-07年 .... 到而家為止 .... 已經有 4隻 .... 要突破 .... 真係要祝你好運

若可以唔駛半季就已經可以贏到夠數走人,相信亦會是眾多投注人的理想目標...


丁當  2007/3/12 上午 02:04:16

Xmas兄：贏錢又怎會收工啊！輸錢輸清光收工戒賭的，丁當就見得多。不過落得場就要有輸的打算，「贏係好彩，輸係應該」。做善事、納稅都係好事啊，量力而行就得啦。丁當以前都交過唔少學費架。

作者: xmas8888 時間: 12-3-2007 05:17 PM

引用:

原帖由 uturn2 於 11-3-2007 08:46 PM 發表
自從本[計得精彩]出了之後，好多人談及[值博率]。到底何謂[值博]相信作者至今亦未有一條客觀的[方程式]。昨天條海豚值博嗎？
近仗輸極都近，99倍心動嗎？如果說不值博，到底此場有那一隻比它更有投注價值 ...

你條友仔,有好野都唔識單聲俾我聽一下,再有下次,就取消你個寄件名單...

:smile_15::smile_15::smile_15:

作者: ahe 時間: 12-3-2007 06:19 PM

我系新人对以上各位大佬所讲的不懂,以后真要好好学下.

作者: 社排2 時間: 13-3-2007 02:17 PM

我都中意买冷马位置0架~
出0左都几过瘾~哈哈:em37:

作者: Justinian 時間: 13-3-2007 02:24 PM

引用:

原帖由 uturn2 於 11-3-2007 08:46 PM 發表
自從本[計得精彩]出了之後，好多人談及[值博率]。到底何謂[值博]相信作者至今亦未有一條客觀的[方程式]。昨天條海豚值博嗎？
近仗輸極都近，99倍心動嗎？如果說不值博，到底此場有那一隻比它更有投注價值 ...

這條海豚，隔夜賠率是20幾倍的冷門，並不是由頭到尾99倍，而且隔夜賠率比他更冷的還有好幾匹。:smile_15:

作者: 精英大師 時間: 13-3-2007 04:43 PM

冷到 99 倍以上 win ,
一年冇乜幾多隻

作者: phantomhorse 時間: 13-3-2007 05:01 PM

絕對同意丁當的做法。小弟都在做同一樣野，只係重心不是99倍馬。

可以純經數據就計出準確的值搏率…這不是業餘者能辦到的。不過建議大家"心中有數"，遇上不值的公眾熱門，避之則吉。Tax 17.5%，要贏，與眾不同是方法之一啊。

祝大家好運！

作者: xmas8888 時間: 13-3-2007 05:49 PM

丁當  2007/3/12 上午 01:24:17

投注賽馬確是各施各法，馬會所有彩池都會有人投注，同時投注所有彩池的人，可能就唔會有吧。那種投注方法最好，就真係見仁見智，總之贏錢的就是最好。有選擇性「需係正確的」長追大熱門，都可以贏錢，而且成日有錢收添。丁當自認做唔到這個「正確的」，因此只有放棄。「有條件」長追99倍馬，較為簡單及慳本。不過都有可能失手（99倍馬勝出而無買到即是失手）。周六第5場「海豚星」114倍跑第二僅輸，丁當險失手，因此場三匹99倍馬都未能具備「條件」無買到。不過，賽後丁當就當「海豚星」勝出，這樣就有問題啦，「海豚星」究竟具備什麼不為人知的條件而跑得好呢？（賽後有評馬人說：沿途四疊望空，直路都唔斷，好似超班馬。）丁當都有同感，所以就當牠贏。丁當會花時間繼續研究，可能無結果，但會努力。如有同好知道「原因」不妨賜教，一齊交流下心得。若覺無聊，也屬正常。因丁當的投注方法經常被身邊的朋友話「太離譜，成日輸打死都唔會跟」。例如：間中同場有兩匹「具備條件」的99倍馬，不但投注對碰Win，還會投注Q&PQ（不過未中過，但相信長追都有機會中）機會再低都唔會低過三T。你身邊又有無朋友這樣投注啊？丁當投注賽馬真是成日唔中，不過唔使輸，贏少少。賽馬遊戲，馬會就場場贏錢（除「精英大師」有兩場令馬會輸錢），其他就只有小數人贏多數人的錢啦。希望你能成為少數人啦

深山  2007/3/12 下午 07:57:15

丁當兄:我相信他們叫你收工,不關乎你贏輸的問題,而是從歷史角度來看,你的99賠目標馬勝出次數已達高點,理論上應該不會再出現。(每年只有最多4隻兔子撞樹倒地。當然,歷史僅用作參考)
意思是提醒你不用再待在大樹下等待兔子的來臨,早點回家休息待明年。
不得不佩服丁當兄的耐性,在朋友間,都情願主動地尋找2匹10賠馬作過關去賺取100賠回報,都不願等待每年只出現幾次的機會。

海豚星說:『早幾場馬跑跑下條氣唔係好順,跑到心口有d痛,仲有d暈,所以咪腳步浮浮半收步跑返來囉,我都唔知點解今場條氣好鬼順,咪用盡全力直奔終點囉。如果唔係馬背上條友腳震,我要用力保持平均,我贏左啦!
不過你唔好諗住下次開跑前問我得唔得,都未跑,我點知喎,跑完話你知!不過有一樣野我好清楚,如果唔係健康有問題,我唔會係呢班馬!』
以上對話是由一名能懂馬語,可以跟馬匹溝通卻又贏不到錢以至沒人相信他有這種能力的一位朋友轉述的....笑話!

丁當  2007/3/13 上午 02:18:24

深山兄：非常多謝指點，丁當再仔細看過Xmas兄的回應，丁當確有所誤解，FORSET兄花時間幫丁當翻查幾季的數據，確是用心良苦。丁當在此深表謝意，更應該講聲“對不起”。不過丁當唔會暫停這個投注方法的驗證（計劃做三季，已做了一半），會繼續。此計劃的盈餘估計夠買到季尾。今季若再有99倍馬勝出，丁當都想請各位飲茶食飯。

深山兄&Lung兄對「海豚星」的回應，更是給丁當一大啟示。丁當又多了一個條件「有能力而多患馬」。再次多謝兩位兄台！丁當下次再同兩位探討下另一種投注策略。

[ 本帖最後由 xmas8888 於 13-3-2007 05:51 PM 編輯 ]

歡迎光臨賽日密馬 (http://hrc.hk/)