賽日密馬 - Powered by Discuz! Board

標題: 新人試貼 [打印本頁]

作者: evowah 時間: 4-6-2008 02:05 PM 標題: 新人試貼

無錯我係一個新人

論馬齡我而家一歲都未夠

講下少少"入行"經歷吧 ...

其實我開馬會acc 初初係為左賭波

由於個人性格上比較進取所以注碼一般比同齡既fd大好多

佢地會勸我買少d 不過我清楚自己褲袋有幾多可以賭既又係幾多

所以有時都幾獨行俠 feel

一個禮拜日因為acc 有多少子彈

click左入一個專貼馬報 tips 既網

由於我對馬匹既印象只係停留於細細個原居民鬥奔騰既影像

完全對各馬匹練馬師甚至騎師 (達哥同志叔就識) 都好陌生

咁點呢

佢提供4隻我就飛起隻大熱跟住一膽兩腳正q位置q

全日場場買利潤竟然係 $5xx

果一刻我望住張投注紀錄 $40 派幾百蚊

哩d先係自己應該追求既賠率

由於一路keep住番學好少徘徊馬會

初初我會買份馬報左度右度以為真係"專業"

慢慢我發現哩d馬報專欄眾多

你比一隻我比一隻今次你得下次我得

作為參考了解下動態就得唔可以作為刨馬既主要工具

之後見到馬會個速勢系統十分清晰咁將每隻既馬既實力化做數字

叫做似番d有系統分析啦所以我一路都沿用速勢既賽績指引

估計馬匹下場可以跑出甚麼指數

終於大大提升命中率

我覺得跑馬係講 judgement 而哩樣能力係來自經驗同心態

希望我可以響各位師兄身上學習唔同既必殺技

強化自己既 judgement 吧 :)

作者: 賭鬼 時間: 4-6-2008 03:51 PM

引用:

原帖由 evowah 於 4-6-2008 02:05 PM 發表
無錯我係一個新人

論馬齡我而家一歲都未夠

講下少少"入行"經歷吧 ...

其實我開馬會acc 初初係為左賭波

由於個人性格上比較進取所以注碼一般比同齡既fd大好多

佢地會勸我買少d 不過我 ...

「頭」開得不錯, 可惜.

作者: coffee 時間: 4-6-2008 03:54 PM

非常歡迎一齊研究分享

作者: xmas8888 時間: 4-6-2008 07:31 PM

引用:

原帖由 evowah 於 4-6-2008 02:05 PM 發表
無錯我係一個新人

論馬齡我而家一歲都未夠

講下少少"入行"經歷吧 ...

其實我開馬會acc 初初係為左賭波

由於個人性格上比較進取所以注碼一般比同齡既fd大好多

佢地會勸我買少d 不過我 ...

你來到賽日密馬,就肯定你無去錯地方,多點同各位師兄交流分享一下心得,你就一定會獲益良多.

作者: evowah 時間: 5-6-2008 01:43 AM

引用:

原帖由叮噹於 4-6-2008 02:53 PM 發表
若是1000$本不够赌,想有10000$本你就会赢,如果输了,你又想要100000$本你就会赢,
如果你投注越来越少,或者不敢投注.
那我就劝告你最好不要赌 ...

多謝叮噹既提點先

其實講到本錢呢好老實

我仲係無收入既學生

母親有時話交下嘜費又縮我兩舊

我會每個月頭諗定每日玩幾多羅  月月結

至於不敢投注  我又從來無哩個煩惱喎 :shy:

學驃叔頭  : 唔賭會病咪賭少少吊下命羅

作者: evowah 時間: 5-6-2008 01:44 AM

引用:

原帖由賭鬼於 4-6-2008 03:51 PM 發表

「頭」開得不錯, 可惜.

唔明可惜係指咩開得不錯又係指d咩

希望賭鬼贈多兩句

細路上黎至在學野

作者: evowah 時間: 5-6-2008 01:48 AM

呀~~

有樣野想問大家

就係馬匹評分

好多人都會話評分大利評分已飽和等等

點判斷馬匹既評分呢

哩個問題一直擺響心未問到人

作者: 賭鬼 時間: 5-6-2008 01:00 PM

引用:

原帖由 evowah 於 5-6-2008 01:44 AM 發表

唔明可惜係指咩開得不錯又係指d咩

希望賭鬼贈多兩句

細路上黎至在學野

「開得不錯」是指識得利用速勢系统做「盲公竹」, 至於「可惜」甚麼我不便說白, 所謂「近朱者赤, 近墨者黑」, 日後你自會明白.

作者: 賽馬醫生 時間: 5-6-2008 05:30 PM

引用:

原帖由 evowah 於 4-6-2008 02:05 PM 發表
無錯我係一個新人,論馬齡我而家一歲都未夠 .....

首先,樓主咁有誠意及咁坦白道出自己的賽馬"簡歷",版主們應加一加分啦!

至於未與樓主探討各師各法的賽馬領域前,各弟兄們內心中均不相而同地一問:
樓主本身的職業是一位學生,年輕人對足球運動有濃厚興趣再發展至間唔中投注一兩口,現在香港這個情況,無可口非,這點大家都理解,明白的.
但為何從投注足球再繼而發展至對賽馬也產生興趣呢?這點真的很有趣及值得探討.

請不要誤會,小弟對樓主投注賽馬的行徑,絶對沒冇半點兒的批判性質(難道我們賭就得?人哋賭就唔得咩!邊有咁霸道架!
名評馬人方氏本身更是一名教書老師呢,行行出狀元啊!!!)
小弟只是想知道樓主由對賽馬由"冇興趣"發展至"有興趣"當中的歷程而已.

(話時話,講笑咁講,現時年輕人的"玩意"多的是,馬會卻經常頭痛賽馬這個舊式的"生活娛樂"難以及引年輕一代,最有興趣想知道
原因的可能是馬會....講笑)

(1)評分飽和較易"睇"
(一) 基本上馬匹一生的黃金期在4-6歲,有的早些3-5,有的遲些5-7,平均為4-6.

(二) 而馬匹一生亦不會無止境咁贏落去,通過評分讓磅制,贏4-6場已是一匹好好的馬,
   因為今時今日的賽馬環境,馬匹要贏場賽事所耗的"力水"甚鉅,很傷,很傷...要贏一場賽事不是那麼容易,
   (我們睇佢哋跑及"XYZ"就真係好容易!!!)
   而位置則不作"計算",馬匹入位置不是那麼"費力"的,睇馬匹"入位"來作準則很易中招.(能與"盛年"好馬串Q則作別論)

馬匹開始成熟可跑可贏的代名詞是"首季起步"
而首季起步"之馬匹一W多P或兩W,踏入第二季有不少練馬師已把牠們"盡數"而棄之.(最近幾年的情況)
(首季一至兩W,次季三W甚至四W是十多二十年來的實際情況,唔信樓主可以在網上Search馬會近十年的年報,
年報內有各式各樣統計數字,包括"總馬口",一季一w有多少匹,一季兩w有多少匹,及一季多w則有多少匹)
想在馬匹首季"起步"時就"捉住"時機,少點"火喉"都唔得,但次季好好多.

而贏4-6,甚至7場的馬匹一般來講馬匹已升至115分(加分不一之情況下,有些例外),不少馬匹於第二季已贏至"到定"
看到馬匹"到定"是沒有任何用處的,因為牠們已經"到定",重點在於看馬匹於"首季"贏馬時的"姿態"---馬匹勝出時之輕易程度,
或"血都嘔埋"才能勝出等,來評估該馬匹的上升空間,由"起步"至"黃金期",亦即是牠一生的總評分/總哩程--牠一生的成就.

仲有,一匹好馬,即可贏6場或以上的馬匹,牠們於首季"起步"時所跑的總場次,即5-8場內已看到其出色的表現,
而第二個特點是牠們於"首季起步"時已能夠與一些勝出時是踏入第二季或第三季全熟份子串Q,
能於"首季"時就能夠與一些全熟份子串Q是質素的表現,而練者亦不會"浪費彈藥",將牠們跑一些無謂場次,跑傷隻馬,
牠們很少於三,四班"磨爛庶",15場18場已升至二班,甚至一班競逐.
另外假若一匹馬"首季起步"時(即3或4歲),跑10至15場只能僅僅勝出,或連場僅負,"PP聲"[Place],該匹馬好極有限.

其實由馬匹"起步"至第二季"全熟"再被練馬師把牠們"盡數"的過程中,命中牠們的"黃金期"是在牠們踏入第二季馬季開鑼之季初時間,
牠們仍有的上升空間及我們命中空間亦正正在此時此刻.
而命中牠們的要點是---經常翻看賽事錄影,從牠們勝出時的姿態評估牠們仍有多少的上升空間/評分在手.
季中至季尾則較難攪,全熟之馬匹於第二季通常可贏至三W,而三W當中首兩W常於季初出現,但第三W則經常跑至季尾才"浦頭",
但在第三W出現之前,亦即是兩W之後那段時間,牠們常常跑下Place,或跑下輸下,"遊馬河"來回氣,
加上季中至季尾是其他馬匹的"首季起步點時間",數學上的力量亦是這時出現[會出現"大混戰"的場面]

(2)評分有利?
評分有利大意是指馬匹跑了兩三季而經常僅負或所負不遠,"PP聲",大家都會感牠"飽飽哋",要減減磅了,
但請大家不要忘記一點,馬匹由"起步"至"飽和"這段其間,未計質素這個深層環節,牠們大多已跑了二至三季了,
即"盛年"已過,再加上近年減分慢到"離晒罩",減得黎牠都老了.
看看近年兩大現象...(一)不少馬匹跑完"盛年"之後即退伇,養馬錢都慳返,(二)老馬利初季,老馬"有火"等,這支歌已很少吹得響了....

捉評分有利的馬匹更易"中招","盛年"已過,上名率走下坡已是不爭的事實,仲要命中牠們???錢多都唔駛咁挑戰自己掛(錢多不如請大家食飯)

評估馬匹的評分飽及評分有利,角度上很容易掉轉,甚至角度上嚴重出錯.小心,小心.(上文只是一D基本嘢,樓主希望幫到您啦!)

其實評估馬匹的"總哩程",即牠一生的成就---最終評分接近值,仲有一個重要環節,就是馬匹的"基礎跑姿"
什麼是"基礎跑姿"???香港大大話話有成仟隻馬服役[能夠出賽的馬匹],隻隻都一樣架啦!隻隻都咁跑架啦!有咩分別喎???:o
其實是有的,仟二磅以上的馬匹好極有限!均速跑姿最多頂盡去到一佰分,後勁強橫既馬可以是級際馬,也可以是"流嘢"一隻.
點分?點睇?,有機會同您再傾.

作者: evowah 時間: 6-6-2008 07:00 PM 標題: 回復 #12 賽馬醫生的帖子

Dr. 你好

好多謝你既解答

不過實在需要一d時間消化下先我會再問野 !!

回應番你由"冇興趣"發展至"有興趣"哩個問題

哈其實我自己都無諗過點解

細個果陣我會覺得騎師只係""騎在馬上的人 "" 淨係知鬥快

細心一看巡邏影片才發現騎師的一舉手一投足都在指示馬匹 !!

如果咁講我對賽馬的興趣大概是在馬會網上的""視聽收看區""培養出來吧

作者: evowah 時間: 6-6-2008 07:18 PM 標題: 回復 #9 叮噹的帖子

好多謝叮噹既意見同忠告

我聽得出這是""忠言"" 因為實在有點""逆耳""

家長方面我老豆係馬迷佢亦知我有買馬

當然佢不時會提醒我賭錢唔要得既心態

哈~~老實講買馬仔令我同老豆多左唔少話題 ^^

至於你將大學生同小學生比喻評分就實在了解唔到了 > <

既然你對學生賭博哩件事咁反感不要緊

你就當我是一個普通會員吧

每個人既背景唔同上黎至在傾馬事唔係鬥氣 ^^

作者: xmas8888 時間: 7-6-2008 01:44 PM

引用:

原帖由 evowah 於 4-6-2008 02:05 PM 發表
無錯我係一個新人

論馬齡我而家一歲都未夠

講下少少"入行"經歷吧 ...

其實我開馬會acc 初初係為左賭波

由於個人性格上比較進取所以注碼一般比同齡既fd大好多

佢地會勸我買少d 不過我 ...

除了馬匹計算之外,練馬師的出擊部署亦是一項重要因素,絕大部份的練馬師,都會選一個班次同路程,場地做出擊目標,你可到..資源中心,下載六季的賽馬紀錄,再細心分析一下,就可以發現得到..

作者: 浦和紅鑽 時間: 7-6-2008 03:27 PM

我都係新手,多多指教！

作者: 鄭乳田 時間: 8-6-2008 12:16 PM

歡迎光臨賽日密馬 (http://hrc.hk/)