賽日密馬 - Powered by Discuz! Board

標題: 贏家論 [打印本頁]

作者: coffee 時間: 4-9-2011 10:55 AM 標題: 贏家論

贏家論

仲有一星期多便到新馬季開鑼，大家暑期功課做好未？
HRC來季便六歲，即是自己在這裏經歷了六季，失的不少，學的也不少。
由獨自一人以系統賽馬為目標，到組成了STF團隊至今，我對這個馬場有不少體會。
根本每個人都可以係贏家，問題係大贏家抑或係小贏家。

贏家先決條件：有系統選馬及投注

六個年頭，依然是這理念，認為要贏錢必先有系統。
我以操練為本，從前認為條條大路通羅馬，只要有數據有檢討有實踐，任誰也能贏錢。
現在認為這概念有一半是錯的。
理念是一樣，但選馬工具絕對不可以獨孤一味。
STF裏主要是看狀態，操練和段速3個條件。
但當我們再加入班次，形勢，檔位，人脈關係，往績等等因數，結果便完全不一樣。
簡單來說，單是靠一種工具或範疇也不是絕對會輸，但結果往往不穩定。
今天操練好馬贏哂，可能下次便是段速好馬發威。
到頭來一年計數也許拉上補下有盈利，但不可能做到有穩定性可言。
多了因數考慮，縮了範圍，可以符合條件馬匹自然減少。
以前可能每日有幾隻膽，現在幾日只得一隻膽。
但馬匹少，賭得精，命中高，自然回報理想。

從多種因數得出精選馬匹的背後，其實下的功夫也不少。
以操練為例，要將每匹馬評分好與壞，我們起碼有七至十種數據，每種數據有至少三年記錄，再三檢討試驗方能得到最終方程式。
你們看看博士的post也能感受他背後的努力。
還有隊長的段速研究，seabear的每次晨操評，phantomhorse的超級數字頭腦俾嘅保貴意見，whatchee電腦程式backup...
每一項也是經過深思熟慮才給予評分，過程絕非求求其其士士但但的impressional marking!
要將不同因數變為數字評分的過程也很花功夫，得來不易呢！
我們不是pro, 也沒有追求pro, 只想靠各自努力和有限公司的知識去投資賽馬。
我想用人地睇唔到嘅方法去話俾人知賭馬真係可以贏錢架。

在一個成功的系統，每種因數也會有一定比重。
而當衡量因數的比重大少，發覺不同combination 和 weighting 也能有不俗結果。
我自己仍是將操練放在第一位，比重成份大約七成。

來季我們STF將會以操練和段速爲首，再加其他因數比重去蕪存菁，以入位率接近百分之八十的馬膽作投注。

贏家最大的敵人: self control

當人們發現有一套成功系統去作高風險及低風險投資，為何不是年年埋單也是正數？
很多時是因為將贏得的錢再貪心地和無章法地投放在非自己的重心場次。
明明知道某場冇重心，點解仲要用幾百蚊注賭？
明明知道某日冇focus,點解注碼會同平日差不多？
明明尾場大亂局，點解要用所剩無幾嘅錢賭埋落去搏翻身？
根本最大的敵人便是自己的自制能力！
若以100%計一套成功賽馬投資，系統只能佔一半即50%, 其餘自制力起碼佔30%, 狠勁和運氣均佔10%.
我其實講緊自己，成日都係季中大贏家，季尾變返小贏家或和和果果。
冇實際利益之餘還自挫銳氣，沒有自制力代表輸了一半，永遠不能成為大贏家。
我後期為左場場有得賭，用操練小注($20-$40注)齋買位置Q和兩三場過關，再用大大注($500注)買返自己focus.
有錢過返戶口，下次再去投注站入過。咁做都幾笨實，但work.
所以大家記住有好嘅系統亦要有強嘅自制能力。
係STF team裏最強自控力者必定是phantomhorse.
而和隔離網Dr. Horse也是一個模範。

贏/輸四類人

唔識賭馬嘅人會叫你唔好賭咁多，因為賭摶靠運氣。
識識地賭馬嘅人會叫你唔好賭咁多，因為呢個世界冇贏梗，董驃都話馬場專收叻仔。
我個人相信若以一季做時限，如果有self control，賭馬係贏梗冇得輸。分別係贏得多定贏得少。

我認為賭馬的人分四類：
1）冇系統冇自制力冇方向冇知識
我有自己office係渡船角，日日行過果間士多都見到一大班阿伯講波講馬。
通常買煙仔時都會聽下佢地講乜東東。
佢地揸住份報紙，通常都係士士但但跟報紙買，邊個呢期紅就跟邊個。
仲有係投注站跟風果d,馬場廂房連彩池點贏果d…數埋一籮籮，九成九輸錢！

2）有認識但冇系統冇自制力
我有好多朋友都好識馬。落酒吧賭馬佢地時有斬獲。
但每次傾開季尾埋單都係輸多贏少。
佢地冇數據，冇檢討，冇系統。
但佢地識馬，有刨馬。
長遠計只可當消遣不可當投資。

3) 有系統有方向有知識但欠耐性及自制力
我根本就係講緊自己。
季中贏到廿萬季尾埋單得返執粒糖。
咁樣唔係贏唔到錢，不過唔係投資lor，係靠運。
我呢d不知所謂嘅行為習慣必要改！積極轉型中。

4) 贏家.
有系統有耐性有自制力有方向
贏硬錢！呢班人贏就贏硬，睇下贏幾多。
本網phantomhorse, seabear 等都年年贏。
專業賭馬大贏家William 都係年年贏，睇下執得多定少。贏到而家退休環遊世界。

我最近同一個舊同事傾計。
佢話佢賭左三十年，去季第一次贏錢。
玩法好簡單，佢有一個極之喜好嘅馬評家，發現佢第一選嘅二三四班馬好強，咁佢就每次跟買平注WP. 咁就破處上季贏錢。
其實佢都符合有系統，皆因佢只用同一個source，再做少少檢討，由頭到尾跟足，唔買其他彩池，有耐性同自控力。

做贏家其實唔難，個個都做到，問題係贏得多與少。
要贏得多當然艱難，落嘅心機同功夫亦相對要多。

來季展望
自己會分大細注，賭返自己強項。
低風險低回報用STF馬膽大大注買。
高風險高回報用小注場場買。
我找到方法選簡單場次用中注買QP過關。
再每次買三寶。

山埃博士都似乎搵到3D賽馬去尋寶，祝大勝。
馬隊長都有自己一套新思為去投注，祝捷捷領先。
祝seabear成績繼續穩步上揚。
祝phantomhorse VF 繼續用狠勁注碼一擊即中。

我會今季開始提供STF馬膽，希望幫到大家HRC會員贏錢。
全季大概50隻，保持水準可做到入Q7成入位8成。
讓大家做我成功系統賽馬的見証。

我仲有一個大project做緊，遲d公佈及搵信得過會員一齊研究。
stay tune...

祝各位旗開得勝！

coffee

[ 本帖最後由 coffee 於 4-9-2011 01:05 PM 編輯 ]

作者: 山埃博士 時間: 4-9-2011 12:44 PM

與Coffee兄同病相憐，博士近幾季都在系統無大問題下，係輸在自制能力！

山埃系統亦經歷六載微調，
從簡單使用馬會速勢評分，後因馬會改變每賽日各馬六次評分已棄用，
幾季以來建立自已的數據庫，不停研究使用各種不同因子，
連捷馬、賠率馬、評分馬、磅位馬、輸錢馬、垃圾馬、初出馬、
段速馬、超級冷馬何來、公認超級馬的起伏、騎練研究、馬匹增/縮程適應，
大致已將結果重點告訴大家，早於季尾後不久另文發放，
所有經驗範疇絕非隨口隨意亂講，不過大家可能瞧瞧不覺特別，嗤之以鼻。

新季將重心放於山埃段速升級版，即[山埃速勢3D預視法]，
以段速因素大前提下，找出明朗混亂場次，找出高危熱門及值搏冷門，
盡量將投注馬匹數量減少，達致小本萬利。
3D成績首次季尾於6月8日出現突破，暑期再抽樣驗證，
自覺是自賭馬以來方向最明確，解析最合理的系統，
結果十中八九馬後炮可解析出來。

這幾天，博士會自訂一個流程，
排位日做什麼？
隔夜做什麼？
賽日做什麼？
賽後做什麼？
強制自已跟流程一步一步前進，
從而減少做錯做漏，
增強紀律性。

但願賽前預視與實際過程出入不大及有幸運之神眷顧下，
來季贏得精彩，
贏得清脆俐落，
贏得轟轟烈烈！

順祝
各版主會友
新季大贏特贏，旗開得勝！

山埃博士

p.s.在此再向Whatchee兄致萬二分感謝，為山埃系統優化，大大縮短賽前預備功課的時間，有更多精神時間解讀3D版，謝謝whatchee兄！

[ 本帖最後由山埃博士於 4-9-2011 01:09 PM 編輯 ]

作者: uturn2 時間: 4-9-2011 11:00 PM

入來是學野.
預祝各網友,新的一季大有收穫.

博士之3D系統更要一看.

作者: linlisun 時間: 5-9-2011 10:04 AM

博士以前的系统已经有相当经验，今季希望要调整也是微调（20%以内），以免影响太大。谢谢！
（另：博士，我很想参与赛前STF马的讨论，但始终没有资格，真是无奈

）

作者: coffee 時間: 5-9-2011 10:11 AM

引用:

原帖由 linlisun 於 5-9-2011 10:04 AM 發表
博士以前的系统已经有相当经验，今季希望要调整也是微调（20%以内），以免影响太大。谢谢！
（另：博士，我很想参与赛前STF&#3953 ...

你未來的賽季有機會la

http://www.hrc.hk/viewthread.php?tid=32473&extra=page%3D1

作者: 山埃博士 時間: 5-9-2011 10:56 AM

引用:

原帖由 linlisun 於 5-9-2011 10:04 AM 發表
博士以前的系统已经有相当经验，今季希望要调整也是微调（20%以内），以免影响太大。谢谢！
（另：博士，我很想参与赛前STF&#3953 ...

山埃評分系統無變，仍是係客觀性實力指標，3D係主觀比重較多的預視系統，
因應該場形勢評估那些實力熱門可能輸形勢，那些實力較次冷門賺步速，
那場較明朗那場較混亂，盡量減少目標數目。
山埃豐富版仍會在密馬圈張貼，3D預視則只會在密馬之友會張貼，
博士只會邀請個別積極會友參予賽前互動交換睇法，
若自問積極進取，不吝分享想法看點，
可試發表利用山埃系統的利敝或投注的技巧，
只求結果者請不用費心聯絡博士了。

作者: 山埃博士 時間: 5-9-2011 11:14 AM

引用:

原帖由 uturn2 於 4-9-2011 11:00 PM 發表
入來是學野.
預祝各網友,新的一季大有收穫.
博士之3D系統更要一看.

能引起老兄興趣，博士榮幸之至！

作者: 小小大懶蟲 時間: 5-9-2011 07:10 PM

來季希望可以增加自制能力，唔好再次埋尾只係贏粒糖

作者: Kenny888 時間: 5-9-2011 07:13 PM

引用:

原帖由 小小大懶蟲 於 5-9-2011 07:10 PM 發表
來季希望可以增加自制能力，唔好再次埋尾只係贏粒糖

認同

作者: Devilfire 時間: 9-9-2011 11:38 PM

大力支持你地咁多位無私GA 分享

作者: 冰火豪 時間: 10-9-2011 07:32 PM

support
我都要努力了

作者: ttccttcc 時間: 11-9-2011 03:28 AM

絕對期待有系統咁去賭

作者: phantomhorse 時間: 11-9-2011 08:57 AM

Coffee 兄太抬舉！小弟上季也是險勝5% of turnover！原因是很早己贏過100K, 諗住要贏200K. 點知加注後壓力太大，貪勝失利！

STF固然是好野！各會員請多多支持，踴躍發言！

另外建議個人制定每日投注預算，健康分配注碼。分析好自已的強弱；知已知彼，百戰不殆！

歡迎光臨賽日密馬 (http://hrc.hk/)