標題:
(2012/2013) GR上杉季前檢閱
[打印本頁]
作者:
GR上杉圭
時間:
5-9-2012 04:33 PM
標題:
(2012/2013) GR上杉季前檢閱
抖完暑返嚟剛捨得起動，盡做吧！
[
本帖最後由 GR上杉圭 於 5-9-2012 04:35 PM 編輯
]
作者:
GR上杉圭
時間:
5-9-2012 04:35 PM
標題:
大摩篇
相信大家對大摩嘅練馬功力不用懷疑，要博嘅就好快可以交代到比人，相對地，有D佢搞唔掂嘅大家可以放心唔睇住，評分水位通常唔會有太多比你跟進，得嘅佢已經用咗分加咗上去了。
穩健怒追型：
「包裝博士」(102)
､「活力至寶」(79)､「綽力之城」(78)､「海鑽石」(77)､
「新力飛」(67)
放手一搏型：
「恩格斯」(84)､「多勝熊」(57)､「嬴得」(52)､「勇綱」(45)
「包裝博士」
上季只出賽6場，除兩場谷草賽事落敗外，田草第一戰直路未曾望空衝刺，翌仗即可於極慢步速賽事走不利場地以22.01末段力迫「驌龍」，該仗最後幾步更韁繩脫手，其後兩仗分別以跟前跑法及後追跑法嬴「華美之星」及反先「驌龍」取得2捷，現評102分，極有機會於大賽見面。
「活力至寶」
差不多整季密跑減分，怎料到季尾747場次排10檔可搶出以前快後快時間嬴出泥地賽，三班泥地好手「巴其利」亦未能威脅，之後跑返田草賺步速下只負新星「吾誰與歸」半個馬位，健康養回可報3班賽，有力重回2班頂區域。
「綽力之城」
出道頭5仗未失3甲，第2仗出賽已能力拼「山頂」及「芙蓉之寶」，3駒該仗都走不利場地，之後亦只以半馬身負於實力未見底嘅「光宗耀祖」及「無懼風雨」，現時踏入4歲更成熟進步，可一如以往大摩精英嬴上一班。
「海鑽石」
同樣忠心準繩，大膽地起用郭立基取得3W，最後一仗初增程1600及負重磅才敗，睇返片直路一度出頭的，今季可大放異彩。
「新力飛」
前季3歲時已能以21.93末段追近當時甚銳嘅「皇帝法令」及「按一按」，上季復出大摩竟不明所以地不斷報跑泥地及谷草賽事，直至季尾才肯專心跑返田草出擊，597場次不利段速分配下追近「綠色好」，而兩場1400米賽事均未能望空力策，英國馬4歲進入黃金期，只要集中報返田草出賽可達2班中上級水平。
「恩格斯」
此匹英國馬現時只3歲，上季尾初除鼻篩試跑谷草如非無路可上應可衝入一席，當然真正望空追得幾多我地得個估字，但相信試過場地配備如減多幾分落3班就可持續跟進，第一仗少注跟住先吧！
「多勝熊」
未曾出賽，上季已兩度試大閘，廐主部署更成熟才出賽，同父馬泥地能力極強，包括「乘風破浪」及「中華寶寶」兩匹中距離泥地好手，如報跑泥地應多加留意。
「嬴得」
亦於上季兩試大閘，季尾嬴泥地一課更反應甚佳，下線外祖母一代良駒輩出，而同父馬多可於出賽早段已能取得不俗成績，值得跟進。
「勇綱」
由來港時嘅89分減至現時45分，上季泥､谷､田都試過，到季尾才賺晒跑入季席，唔算叻但明顯減分減到過咗龍，於4班低分起步必有所為。
作者:
coffee
時間:
5-9-2012 05:27 PM
下星期三到at嗎？我叫埋肥曾阿書佢地。我請
作者:
roy2005
時間:
5-9-2012 05:36 PM
作者:
roy2005
時間:
5-9-2012 05:37 PM
作者:
GR上杉圭
時間:
5-9-2012 05:51 PM
引用:
原帖由
coffee
於 5-9-2012 05:27 PM 發表
下星期三到at嗎？我叫埋肥曾阿書佢地。我請
返新工到時收工打比你地
作者:
GR上杉圭
時間:
5-9-2012 05:51 PM
標題:
文家良篇
文廐馬整體加分馬匹不多，相對於中班追捧價值不低，而且上季唔少頭馬更有好分頭。
穩健怒追型：
駕翠 (75)､共同目標 (62)､魅力心 (60)､電子福星 (60)､華麗堡 (38)
放手一搏型：
智高星 (69)､
寶樹高盈 (66)､中國天使 (47)
､鑽飾天使 (41)
「駕翠」
上季中轉谷草出賽，第一仗已見不俗走勢，之後5戰同場可取得1W3P1殿嘅好成績，而當中多仗走蝕位外疊以勁勢衝刺，現時75分仍可於3班出賽，大有機會於谷草中､長距離嬴上2班。
「共同目標」
為華廐寶藏，於上手馬房能於不同場地及路程走得接近，轉倉第一仗即可勝出，最後一役於內疊冇路可上，今季於3班低點起步，具3班頂能力性能廣泛Q/T必須兼顧。
「魅力心」
由吳廐轉倉後於308場次喺極不利步速形勢下負129磅追嬴，其後患皮膚病健康受影響，復出3仗不論於4班負重或升上3班均能入位，只要健康保持此匹愛爾蘭7歲馬仍有作為。
「電子福星」
性格確認夠晒忠心，甚少輸得遠，初出已勝潛質必定唔差，希望今季再出唔好再不斷轉路程作戰，跑法夠機動有力嬴上2班。
「華麗堡」
上季能壓倒「好好運」及「金玉之光」兩匹超5班馬，谷､田亦合，而且跑法機動，過50分再評估過。
「智高星」
剛季只出一仗，該仗對手林立下直路大部分時間未能望空，一有空位即肯湧上，只要進度理想3班留唔住。
「寶樹高盈」
初出一戰可以用恐怖來形容，當日大利內疊而且步速甚利內疊前置馬發揮，直路仍於尾列走外檔以22.94末段輕鬆追入一席第4，或許泥地性能高，但外地嬴草地的，就算今季報跑田草､谷草都唔可以睇小。
「中國天使」
初出一役已見走勢，情況一如其後能勝嘅「業盛於和」，最後兩仗加眼罩未見反效果，特別係最後一仗最後200已冇推騎過，睇走勢未必差得過亞軍馬「樂馳」，現只得47分保守估計可嬴上3班。
「鑽飾天使」
同父馬淋地性能極強，本身跑谷草較鬆軟場地可能會更好，歇暑前兩役均以23秒左右末段追近，愛爾蘭4歲馬今季將可以更成熟姿態示人。
作者:
GR上杉圭
時間:
6-9-2012 01:01 AM
方嘉柏上季表現跌WATT，全因某部分馬突然變得不穩定，如「十足十」､「薄荷糖」等等，反之好處今季此類馬大多減分減過龍，只要一見養回就有力大舉反擊。
穩健怒追型：
銀桂飄香 (78)､
勁綵 (69)
､
信心十足 (69)
､薄荷糖 (67)､喜勁駒 (57)､日日發 (49)
放手一搏型：
威威具星 (71)､事事順意 (55)､開心動力 (53)､桂花飄香 (34)
「銀桂飄香」
出道第2仗就能跟快步速而最後唔斷反撲上前，只以半個馬位負於其後能以橫掃姿態嬴田草3班賽嘅「幸運紀錄」得第5，最後一仗重回谷草作賽，臨場幕後極有信心大幅落飛，直路守最後位置最後200米才漸搵到空位上前，仍能以佳速擊退轉倉再進嘅「禮尚往來」取得亞席，現時3班頂起步，對於呢匹外地8戰4冠2亞嘅忠心馬仍有利，4歲澳洲馬進入收成期。
「勁綵」
出道8仗幾乎全入3甲，唯一一仗落敗只因跑谷草遇著蔡明紹亂跑 (睇下轉彎佢飛咗去邊？！)，665場次能力拼「逸逸有福」及「喜惑」兩匹2班尾3班頂馬，最後一役只負於部署出色嘅「得盛」而能氣走其後補中嘅「魅力知己」，剛轉4歲69分可負中磅跑3班賽，跟到上2班吧！
「信心十足」
初出能嬴除馬匹利害之外不得不佩服騎者嘅膽色，之後健康受影響下隔三個多月才出，仍能於慢步速賽事負132磅輕易橫掃對手，最後一仗升班再增程難度極高落敗不冇道理，今季只要健康正常應可嬴上一班。
「薄荷糖」
以往極其忠心，場場肯追甚少輸遠，季尾休後復出表現令人失望，以過往表現現時67分於3班中距離仍有唔少上升空間，希望歇暑後剛轉5歲嘅KEEPER子嗣能重現威力。
「喜勁駒」
踏入12年復出一仗利外疊步速形勢下可於不利位置追得甚好，次仗直路重重圍困下仍可以全場第2快末段追入一席接近嘅第5，其後轉谷草就取得1W1Q成績，最後一仗早於外疊發力蝕位甚多下取得殿軍，現時57分唔算高，今季初出如跑谷草已可留意。
「日日發」
上季第3仗251場次休出落5班爆冷，但其後再出嘅表現已證明非純因僥倖而取得，田､谷皆合於4班負中磅起步有利可圖，方仔應會部署配合出擊。
「威威具星」
外地兩戰兩勝而且勝得甚輕易，上季方仔部署試馬熱身等今季轉4歲起動，點解咁講？第一仗初出柏寶招牌式騎法，睇返直路早段走勢根本唔弱，次仗轉田草係直路都俾人阻得幾應，亦以22.34末段衝刺，今季睇下邊個場地出手吧！
「事事順意」
能於出賽第2仗就能嬴田草1400，絕不簡單，上季卻遇著馬房低沉期進度徘徊，602場次內疊馬步速場地雙賺下於外疊追得不俗，反映減分過後開始有起色，今季踏入5歲希望能跟馬房一齊反彈吧。
「開心動力」
前季尾767場次仍可於2班賽負於「甜橙」及「喜惑」取得季席，現時一減減到53分可負中磅跑4班賽都有D離譜，如3仗內都冇表現先選擇放棄。
「桂花飄香」
前季2勝4班賽，上季又係突然反覆停滯不前，今季轉方廐減至34分新低點，呢類減夠分嘅轉倉馬以往方嘉柏都玩得幾好，有力大幅反彈。
作者:
GR上杉圭
時間:
6-9-2012 12:47 PM
上季大幅反彈，主因接收咗大量安哥寶藏，今季養馬數目不減，最後一季必於季內中､早期搶攻盡用，相信尾段時期留返隻退休馬就算。
穩健怒追型：
得男 (68)､威威加瑪 (61)､
辣得醒 (37)
､鼓浪春風 (31)､
合利高 (29)
､豐彩人生 (24)
放手一搏型：
翻羽 (50)､富吉利 (45)､橫亨 (40)､鑽石瑪瑙 (36)
「得男」
上季經過大半季先出得賽，谷草跟跑兩場後初戴眼罩竟可於田草1600建功，同場對手包括「香檳歲月」､「非常精」､「歡欣滿載」､「海鑽石」呢幾匹二至五名馬均具惡氣，直路移出外檔以22.74追嬴絕不簡單，健康保持3班留唔住。
「威威加瑪」
61分起步，跑慣谷草新季跑馬地百萬挑戰賽應可見此駒於榜列出現，以往此駒要單騎領放才能發揮威力，唔鍾意比馬拍住跑，但到366場次睇到進步，拍住放纏鬥到底，588場次放埋快步速都唔斷，今季有排用。
「辣得醒」
初出已現走勢，當日走位欠順下仍能與隨即補中嘅「飛馬之威」同過終點，之後加眼罩數度跑1400都追得不俗，現時落到5班作賽，只要報1200或1400都可跟進。
「鼓浪春風」
上季4戰1200米以下路程3度上名，長期報中距離賽事當順便減下分，現時5歲DEHERE子嗣會更為進步，一見報短就買得。
「合利高」
上季尾跑泥地加眼罩突然神勇，以快步速領放末段仍可以23.36快時間拋離對手，由於健康影響過減分減過龍嬴馬加完分都係得29分，跑泥地繼續橫掃。
「豐彩人生」
踏入2012年所有出賽都有獎金收，跑法又夠機動，而最後一仗留後一樣衝得勁，能力迫4班份子「飛快威」及「的確好靚」，24分起步慢慢追吧！
「翻羽」
出過一場大敗有咩好跟？此駒源自POSTPONED，偏向遲熟，但在港成功率不低，多能交出頭馬，下線方面更不乏多捷馬，本身上季試閘見走規未成熟，但能推策下與「山頂」､「威利加數」､「崇山寶」､「綽力之城」同過終點，應有不俗潛質，廐主亦冇力迫不斷出賽，今季轉4歲睇下進步幾多吧！
「富吉利」
剛轉4歲，同父馬比較早熟，好快就有表現，亦因健康問題5月先復出，第二仗直路早段一路冇位上，望空後自動撲上，但見走規仍未太熟，最後一仗增程作賽，跟跑一仗減多幾分，現時45分應會跑短起步作部署。
「橫亨」
上季3度於4班中､長距離入Q，特別於382場次，當日前正常轉彎加快步速好難追的，竟可於包尾一條直路以最快末段追入亞席，最後一仗相近步速下轉彎又走大外疊追近，，走勢比「金得意」更好，現時可報5班賽跑谷草值得留意。
「鑽石瑪瑙」
今季轉投伍廐，上季尾656場次曾於大利內疊形勢下以勁勢追近，最後一仗大幅增程敗不足據，轉倉後唔知進退，但以該場表現若今季報短途可先跟進。
作者:
akam
時間:
6-9-2012 01:32 PM
謝謝分析資料！
作者:
GR上杉圭
時間:
6-9-2012 01:54 PM
何良以往集中谷草出擊，可能與手上馬匹實力所限有關，上季卻湧現數匹極有潛力嘅馬匹，預期今季成績將會更進一步。
穩健怒追型：
樂馳 (62)
､超光越影 (61)､太陽雄心 (52)､輕越直前 (48)､
電訊至尊 (47)
放手一搏型：
多綵 (57)､馬友財 (55)､寶樹嘉盈 (29)
「樂馳」
初出已見肯追，之後更兩度以22秒末段追入一席，上季最後一仗增程作賽遇冇咁強嘅對手即能輕勝，剛轉5歲更為成熟，三班負輕磅可扶搖直上。
「超光越影」
亦係忠心肯追嘅5歲馬，上季只跑5場用得唔多，頭兩仗1200上名後亦增程即勝，519場次嚴重受阻，跑到最後一仗利內疊前疊嘅情況下仍能從外疊追近，今季與「樂馳」拍住上。
「太陽雄心」
初出上名後其後兩仗雖未能上名，但都遇不利因素而有不俗走勢，先於668場次轉彎欠順飛出5疊再衝，712場次早已轉彎走外疊蝕位下一度出頭，惜最後二百力弱下憑鬥心纏鬥下去，今季踏入4歲會有進步，跑田草1200更須特別留意。
「輕越直前」
呢匹6歲英國馬上季雖然一W都攞唔到，但表現明顯穩定返，始終80分減落嚟跑4班谷草中距離咁機動跑法好著數的，跟多季今季有力交代。
「電訊至尊」
踏入12年剛戰4歲已數度於中､長距離有好表現，530場次更極速快放唔斷現時47分仍大為有利，最後5場已失去前速，憑忠心才能再3入位，休後希望重現新鮮感交出好成績。
「多綵」
為DUBAWI子嗣，多偏向早熟，於蘇保羅馬房時未搵到最佳操練方法，到季尾轉去何廐出賽，泥､谷､田都跑一仗明顯試馬，表現卻一仗比一仗好，現時由來港時嘅85分減咗28分之多，睇追勢今季好快會有野睇。
「馬友財」
呢匹愛爾蘭4歲馬出賽首兩仗已肯追，第3仗更與「快利多」一齊追過「幸運雄威」，之後受健康影響季尾才復出跑兩仗輕抒腳頭，如健康問題搞返掂於4班不難反彈。
「寶樹嘉盈」
減咗39分，順住方嘉柏低潮期密跑減分，睇返上季部署方仔冇甚壓迫下出賽，本留返今季成熟D成攞分棋子，怎料現時已成人地嘅工兵，外地一戰一勝而該仗亞軍其後能嬴3W，值得一搏。
作者:
GR上杉圭
時間:
6-9-2012 06:12 PM
老實講吳定強搏馬真係幾準，因為佢一早部署晒D馬大幅減分，更睇清睇楚同場對手先出手，最大獲就係加盟得吳廐嘅多傷多病，局住佢要咁部署，現時有30匹馬係手，13W絕冇難度。
穩健怒追型：
銘記心頭 (79)
､精靈勇駿 (64)､
高明威威 (46)
､冰火 (37)
放手一搏型：
錢照嬴 (75)､金堡龍華 (63)､海之濤 (52)､兆豐泰 (50)
「銘記心頭」
呢匹英國馬喺3歲尾嘅時候已經可於泥地開齋，此馬房咁早可嬴馬絕不容易，到季中至季尾更3度於谷草中距離上名，對手還包括「高一線」､「漸信良駒」､「超群名駒」等好手，最尾一仗更鬥嬴「得男」､「安甲」､「開心至愛」等三班強敵，79分仍喺三班未達止境，最重要睇下廐主點用。
「精靈勇駿」
即將第4季在港服役，上季季尾曾於谷草極速快放直到最後百多才力弱，之後轉田草跑直路賽即可上名，最後一仗沿途外疊亂跑順手減幾分今季3班尾起步，睇下會減多幾分落4班先出擊定3班輕磅就去馬。
「高明威威」
上季跑咗3仗就轉吳廐，之後一貫作威密跑減分，711場次與「神箭金剛」一齊追上表現討好，惜後駒已退役，最後一仗更上4班遇稍快步速輕磅嬴馬，今季可接棒「京城三寶」於4班中距離爭功。
「冰火」
仍處於5班，上季5戰泥地取得1冠1亞3殿甚準，新季部署泥地可繼續留意。
「錢照嬴」
前季100分高位與當時甚銳嘅谷草王「文武維揚」拼，上季尾轉吳廐極速洗到現時75分，只係冇刻意催谷狀態，未盡老退，今季3班應有一段反彈浪潮。
「金堡龍華」
暑期先轉去吳廐，此駒亦因上手馬房低潮期而減分減得甚多，季初可與「醒目精英」串Q，而最大指標喺323場次以極勁姿勢衝過「何方神聖」，減多幾分落4班仲正。
「海之濤」
與「海之宏」及「海之逸」同母，而父系TOWKAY子嗣多於4歲之齡能交出頭馬，上季早已到港操練去慢慢令馬匹肌肉長成，今季相信好快就用得唔會等老咗先用。
「兆豐泰」
同母馬「有莊有閑」一出即勝，惜同父馬多較遲熟，上季只出一仗，跑嫌短嘅1000米早段唔算太積極，直路輕鬆催策，最後幾步越衝越勁，今季應可早用交出成績。
作者:
GR上杉圭
時間:
6-9-2012 08:06 PM
呂健威喜乘勇搏馬，包括「福到多多」､「無雙小子」､「風雲」､「駿馬精英」等等，如新季見此馬房馬匹狀態跑起可繼續跟進。
穩健怒追型：
福到多多 (73)､風雲 (60)
､業盛於和 (57)､香港發 (33)
放手一搏型：
揚威寶 (41)
「福到多多」
現時踏入73分新高，但此愛爾蘭馬剛才找到最佳出路，能打疊3仗嬴出泥地1650米，休後復出最後兩仗追入3､4名均非易追步速，留意今季熱身後跑中距離泥地，強敵唔多可嬴上2班。
「風雲」
上季中休後復出變咗第2隻馬，連仗1400追得甚勁，676場次跑1400排不利13檔，負頂磅不利場地及步速下仍能追入一席第3，之後兩仗增程1600都因意外而落敗，今季若能保持有力企穩3班。
「業盛於和」
呢匹愛爾蘭馬踏入4歲第一仗跑田草1400走大外疊追得不俗，翌仗即於谷草補中，最後一役跑田草1600，成熟程度未算好足下只得跑得一席第6，之後廐主刻意收埋操等再進一步，留返今季先出，57分能報4班賽甚為有利，上到3班依然唔會睇少。
「香港發」
明顯比較遲熟，上季尾已多返跑得接近，此66分自購馬最後一仗沿途外疊跟跑下直路仍能回氣再度上前，第2､3段步速唔慢的，今季33分起步有力於5班賽起步突圍。
「揚威寶」
前季最後一仗初見追勢，直至上季615場次才首次爆冷跑入亞席，之後增程1600遇更強對手只跟跑而回，現時銳減至41分，由於調整已多，如報跑1400就可跟實。
作者:
GR上杉圭
時間:
6-9-2012 11:28 PM
告東尼上季馬匹穩定性急降，多匹轉倉馬跑完一仗出色之後唔見影，包括「風火飛駒」､「無敵駿駒」等，幸高班馬穩定性尚在，而且集中火力用落去幾匹馬度，有多匹質新馬未用，成績或比剛季更好。
穩健怒追型：
牛精大師 (108)､風之子 (95)､
加州動力 (83)
､晴天 (73)､
帝聖駿駒 (59)
放手一搏型：
威利加數 (94)､喜蓮芬芳 (73)､震撼 (23)
「牛精大師」
季初騎者段速放得出色下嬴2班賽，之後兩場落敗以為質素不高，怎料之後增程1400差點嬴「精彩日子」，再出即以1分22秒出色時間輕鬆放嬴「超皇鷹」､「齊歡笑」､「如願以償」等其後有好賽績嘅馬匹，最後兩仗大幅增程及放得太快致敗，現時停課健康出現問題，如見回復正常就可跟進，108分未止步的。
「風之子」
此匹6歲英國馬季尾才突然大幅進步，以往只能於谷草1000有所表現，683場次轉跑田草1400一度受阻下仍追近取得殿軍，最後一仗縮程1200當日場地稍地內疊而步速大利內疊前置馬，此駒竟可走外疊一衝而過，末段快達22.07，95分仍有上升空間。
「加州動力」
來港後跑第5仗就能於田草1800米上名，該場步速並不利追，直路仍在最後列就憑一條直路從大外疊追入一席第3，之前已見追勢，期望今季將會更成熟進步，嬴上一班。
「晴天」
剛季一如「加州動力」，早已見追勁，但3歲北半球馬咁快可於1800取得2WIN更不簡單，今季應會悉心部署向打比進軍。
「帝聖駿駒」
上季尾久休復出熱身後，第二仗即於田草1000迫近4班直路有一定能力嘅「御鋒」，之後雖賺盡形勢，但能以極輕鬆姿態輕取剛勝一仗嘅「特別熊」，4班必留唔住。
「威利加數」
原以打比為目標，多次試閘卻一直發脾氣而趕唔切參與，今年4月1日才開始其在港處女賽，表現卻毫不遜色，能於直路走不利場地逼近走有利場地嘅「包裝博士」及「華美之星」，之後健康出問題操練間斷，若養回有利於級際賽展現其能力。
「喜蓮芬芳」
上手於高伯新馬房並不急進，採取循序漸進手法，直到上季尾開始漸見衝刺力，今季轉去告東尼馬房，廐主一向對轉倉馬極為急進，現時比來港時減咗18分，絕對有反彈空間。
「震撼」
減到23分起步，質素坦白講極為有限，但可留意季尾階段嘅表現已有力交出成績，先睇649場次直路早段被撞失平衡後回氣再上表現唔差，其後722場次極速快放，頭兩段快至46.1，五班都冇幾可見到呢D時間，竟最後100幾米先斷，咁低分都唔放棄，告仔點都會盡力爭返幾場頭馬先心息的。
作者:
GR上杉圭
時間:
7-9-2012 12:49 AM
暫時分享係咁多，明日將全力出擊
開鑼日
，請拭目以待!!
作者:
roy2005
時間:
7-9-2012 09:09 AM
作者:
ngg
時間:
7-9-2012 08:28 PM
歡迎光臨 賽日密馬 (http://hrc.hk/)
Powered by Discuz! 6.0.0
