賽日密馬 - Powered by Discuz! Board

標題: 據理力爭 -「歡樂時光」- 16/12/2012田草日賽 - 問題跑法 [打印本頁]

作者: GR上杉圭 時間: 25-12-2012 10:16 PM 標題: 據理力爭 -「歡樂時光」- 16/12/2012田草日賽 - 問題跑法

2012年12月16日田草C+3欄日賽，當日場地讀數2.71，「歡樂時光」由韋達出戰 [新馬錦標 - 總場次242]，此駒3度出戰未嘗一敗，除初出谷草1200排6檔守好位致勝外，之後兩仗跑同程田草1400無論快慢步速都跟守前列好位爭勝，而本身最快末段只做過22.8，兩勝由韋達策騎，基本上已確立最佳跑法而未證明此駒擁22秒內強勁爆發力爭勝嘅能力。今場韋達早段力留於最後列競跑，直路後上不及取得亞席，先睇一睇賽後報告。
***「至勝威龍」出閘緩慢。「飛哥」與「旅遊世家」起步時互相碰撞。「好威龍」出閘笨拙。  接近一百五十米處時，「金鎗俠」向內移入避開「飛哥」後蹄以繼續推進。賽後獸醫報告，「飛哥」失去左前蹄的蹄鐵。  賽後獸醫檢查「超光速」，內窺鏡檢查顯示該駒氣管內有很多膿痰。「飛哥」及「歡樂時光」均須接受抽樣檢驗。***
一句都冇問過韋達點解會一反已確立嘅未敗跑法而留後，更要清楚明白一點此駒本身88分而該場第二高評分嘅「至勝威龍」評65分，高23分嘅情況下只多負10磅負131磅，足足賺咗13分，對比「牛精仔」﹑「旅遊世家」等賺得仲多，名符其實為一場大超班嘅賽事，我地先回顧一下呢場嘅片段。
各段時速:13.64  22.45  24.11  (22.72) 總時間：(1.22.92)

同步躍出屬最快嘅其中一駒

過咗第一段已留居至尾二，而該場勝出馬「飛哥」由於步速甚慢，留到上晒口都居2置2位。

頭3段慢到1.02.00，直路移出C+3不利嘅6疊衝刺。

末段快達22.22，仍以短頭見負，「飛哥」就相應賺慢步速取勝。

再以2012年11月25日三班賽事 [總場次：191] 作一比較，當日場地讀數更慢至2.76跑好至黏地，檔位更外﹑負磅相若而且出馬更多，韋達卻一如前兩仗採取積極跑法爭勝。
各段時速:13.41  21.72  23.64  (24.29) 總時間：(1.23.06)

出閘正常非最快一駒而韋達手足力策爭取前列位置

數駒力搶前列位置韋達仍力迫搶前

入彎仍於3疊力騎搶前，頭兩段時間足足比總場次242快近1秒

由於早段積極跟前跑法順利切入1疊，直路順勢於1﹑2疊之間展開衝刺

最後幾步已放緩，輕鬆按韁嬴馬

此場無論步速﹑對手﹑檔位形勢﹑場地均更為不利，但韋達仍手足並策搶前而且收韁嬴馬，之後一仗點解會改留後跑法？

馬會冇問冇罰，咁近年因陣上問題而被重罰嘅普萊西及鄭雨滇又點計？
今場「歡樂時光」嘅跑法疑問主要有以下幾點：
1.違反3戰全勝嘅跟前跑法留後
2.途中步速慢仍越留越後
3.受惠賽事制度而最少賺對手13分以上，而且出馬只得8匹，同場馬只得1匹跑過1400或以上路程賽事嘅對手，更屬只跑2﹑3仗嘅質新份子，賽前預計此類賽事步速極大機會好慢 (參考場次：166﹑203)

再睇返「中環英雄」事件，普萊西策騎該仗轉倉第2次出賽嘅「中環英雄」跑田草1400米，之前一仗由柏寶後上取勝，呢場賽事騎者不留而搶放落敗，由半同主馬「驌龍」勝出，馬會就因為騎者改變跑法落敗而重罰10日 (由於只餘7次賽馬日，最後由罰款代替3次賽日)，咁睇返韋達留後直情問都冇問？相對只係一場快步速搶前，一場慢步速留後，待遇卻差得遠。呢次事件中，普萊西只係初次騎「中環英雄」，之前只轉倉第一仗留後取勝而「歡樂時光」已3度用同一跑法嬴，對手呢？後駒更有利得多對戰一班較低水平而冇氣量經驗嘅對手。

事實上今季韋達騎法問題已不止一駒，當然「安賞」騎法及直路跑法引起小組關注但只嚴厲譴責及告誡他，並無作出停賽罰則，詳情請留意明日另文提出韋達跑法之疑問。

作者: zwxpn 時間: 26-12-2012 11:31 AM

帡湛岆阰陛ㄛ佽隴賸眅誠菴珨ぉ呇ㄛ祥俙狟霜忒僇ㄛ鎮頗ㄛ鎮翋崋蚻ゲ陛ˋ猁岆揭楠坻ㄛ憩淏鎮淏繚嗣賸﹝鎮頗ㄛ鎮翋崋頗猁儸ˋ

作者: zwxpn 時間: 26-12-2012 11:32 AM

怎会乱码

作者: linlisun 時間: 26-12-2012 02:42 PM

韦达最近骑大热门根本就是故意输，马会对这位冠军骑师太宽容了，真是让人无语。

作者: GR上杉圭 時間: 27-12-2012 07:07 PM

見另文後篇

歡迎光臨賽日密馬 (http://hrc.hk/)