賽日密馬 - Powered by Discuz! Board

標題: 據理力爭 - 韋達 - 2012年度9月至12月 - 問題跑法 [打印本頁]

作者: GR上杉圭 時間: 27-12-2012 07:07 PM 標題: 據理力爭 - 韋達 - 2012年度9月至12月 - 問題跑法

以往韋達表現一直以穩定見稱，上名率﹑勝出率高而穩，深得各馬主﹑練馬師及馬迷愛戴，所以能一直坐穩香港冠軍騎師嘅位置，另一方面，相信對各馬迷最深刻印象莫過於韋達出色嘅走位，以及常可將一D差追腳 (即居中﹑後上馬)跟守於前列更好位置，機動跑法啱晒香港賽事模式。近季韋達間中有一D於直路競爭階段時期嘅馬匹過早按韁，基於馬匹及騎師安全無可口非，但今季卻一而再﹑再而三出現問題跑法，無論走位﹑直路推騎幅度，以及收慢問題於短短季初4個月一再展現於馬迷面前，但競賽小組方面卻一再以極寬鬆態度對待，最多警告了事。以下同各位一齊睇返今季韋達一D問題例子，作為參考。
(例子太多，只列數個近期明顯嘅例子 - 上文已講滿城風雨嘅「歡樂時光」)

先睇一匹「安賞」，比較返之前片段都有排睇，留意大長途賽事中段經常出現極慢步速而因應慢步速居於2疊較機動位置會安全得多，本身韋達自己騎「安賞」因際遇可守2疊於對面直路跟「駕翠」發力上前大勝谷草2200米，另外，「網絡電郵」三戰香港瓶都只得3﹑4名，第4次出戰由韋達出色發揮下只以短頭見負取得歷來最佳嘅亞軍名次，比較之下「安賞」最近一仗加埋直路騎法應唔應該罰呢？

參考場次：2012年10月24日三班谷草2200米 [總場次 116]
「安賞」由韋達策騎排10檔輕勝4-1/4馬位
各段時速:14.24 23.44 25.77 26.42 24.33 23.24 (2.17.44)

10檔最外檔起步正常出閘但因應可能沿途要被頂出外疊望空嘅際遇問題留後無可口非。(留意此駒與「歡樂時光」唔同嘅係只第三次出賽，頭兩次只得一亞，今次初大幅增程作賽，未確立最佳跑法。)

途中遇慢步速跟「駕翠」走三疊蝕位發力上前。

結果按韁大勝4-1/4馬位

參考場次：2012年11月4日三班田草1800米 [總場次 135]
「安賞」由韋達策騎排10檔以短頭見負只得亞席
各段時速: 14.00 22.19 24.5 24.55 23.5 (1.48.74)

一樣10檔起步今次轉田草唔留力搶前列位置 (幫你解釋埋田草1800開閘後有一大段長直路可切入好位，事實上上仗留後對面直路發力嬴得咁易，點解唔可以用返相同跑法？)

成功搶出貼欄一疊位置領放

睇巡邏影片見到韋達想守1﹑2疊之間位置多過貼欄保持機動性

一段途程走2疊順手削弱主要對手「旅遊名牌」

轉彎出定一﹑二疊，但潘頓上前封位仍積極移出以免被困

經過一輪爭奪順利移出2疊望空衝刺，最後只以短頭負於以上仗「安賞」跑法後發先至嬴馬嘅「高友勁」

參考場次：2012年12月9日國際賽田草2400米 [總場次 225]
「網絡電郵」由韋達策騎排3檔以短頭見負只得亞席
各段時速: 25.66 24.53 26.59 25.69 23.62 22.64 (2.28.73)

出閘正常後走二﹑三疊都唔切入一疊

入彎前冇辦法受際遇影響被迫切入，但見騎者仍想落力保持2疊機動位置

出彎時順勢走出2疊機動位唔想留於1疊被困

轉彎步速唔快移出3疊頂埋主要對手「多利得」出4疊

最後只以短頭負於「紅色禮物」

問題場次：2012年12月19日三班谷草2200米 [總場次 253]
「安賞」由韋達策騎排4檔以第4名完成賽事
各段時速:14.2 23.53 24.83 25.7 24.53 24.3 (2.17.09)

排4檔較好檔位早段力搶望入面切入 (2次同程1次內檔1次外檔，雖然歷來1WIN係後追對面直路發力嬴，但近幾仗跟前都第2用此跑法可以理解)

係呢個急彎騎者可以保持1﹑2疊位置順手頂埋同場對手之一嘅「駕翠」於更外更不利位置，但韋達同之前跑「網絡電郵」及「安賞」唔同跟守大長途極被動嘅一疊位置

並非無機會可移出1﹑2疊，比上次田草頂「旅遊名牌」出去嘅位置更多，而對手都冇刻意力封佢入一疊

前面兩隻早已開始後退力騎，再被「旅遊名牌」封多次，但今次相應外面有馬冇得頂出去，早段積極D已唔會守於咁不利嘅位置，而用返「安賞」該次嬴馬跑法嘅「勝利福星」大幅提升名次取得亞席

出彎時勒避冇得騎，但之後望空返呢？

按韁150米....

頂唔住喇...望空咁耐唔騎下唔得，打兩鞭先

勁勢越追越勁，最後又早收韁，睇下隔離果3隻騎到點？積極同唔積極....

最後小組都有關注，睇下賽後報告指出嘅問題：
***被查詢有關「安賞」在最後二百五十米的騎法時，韋達說，轉直路彎時大力勒避後，他在入直路後不久後嘗試在「天賜駿駒」與「中華寶寶」之間取位望空。他說，當他這樣做時，「安賞」在「天賜駿駒」墮退而向外斜跑之際在該兩駒之間受擠迫。他說，當此情況發生時，「安賞」碰撞「中華寶寶」，導致坐騎在繼轉直路彎時發生的事件後進一步失去平衡。他說，考慮到「安賞」上仗嚴重內閃並難以策騎，他不願立即催策坐騎，因為坐騎曾在轉直路彎及直路早段的事件中嚴重失去平衡。他說，由於「安賞」需要一些時間才能完全恢復平衡，他未有一路猛烈催策坐騎直至過了二百米處後，此時由於「安賞」開始出現傾向再度內閃的跡象，他轉以右手握鞭。他又說，跑過一百五十米處時他以右手對「安賞」用鞭，並在奔向終點時持續這樣做，而「安賞」衝刺普通。小組告誡韋達，儘管「安賞」轉直路彎時大力勒避，繼而在直路早段受擠迫時失去平衡，但他其後的策騎方式已引起小組的關注。小組進一步告誡他，考慮了此宗事件的所有因素，小組並不認為他在最後二百五十米策騎「安賞」的方式足以令他被指控違反賽事規例，然而，小組嚴厲譴責他，並告誡他不論陣上發生任何事件，只要情況許可，他必須確保以足夠的決心及力度力策坐騎至終點。***
(上仗嚴重內閃今次唔騎得，咁嬴馬一次冇騎到？最後衝刺普通？比較下追咗幾多個馬位由包尾追到第4，最後一句一放落下文「勁勢」度點搞？冇問喎....下文詳述)
講完一大段，都係唔罰唔嚴重，事實上成場馬疑問極多：
1.出賽6戰全由韋達策騎，而且跑過同程，最快末段23.24，其餘只衝23.5-24秒，非爆發力強勁馬匹，均速力更強，而締最快末段一役就於對面直路早發力衝兩段 (23.61 23.24)大勝4-1/4馬位，一直留係一疊不利位置就算望前面果隻慢步速直路比位你衝同人鬥爆會啱跑過發揮強勁嘅長衝刺力？
2.睇返「安賞」另一仗及大長途「網絡電郵」嘅發揮，早段走位完全冇問題？
3.直路望空兩度唔騎，仲要有成150米，之後一騎即以勁勢衝，小組告誡完就算，罰都唔使罰？
4.賽後報告解釋內閃問題，下文同各位睇埋同有內閃嘅馬策騎力度﹑幅度比較。

參考場次：2012年11月28日三班谷草1800米 [總場次 199]
「安賞」由韋達策騎排9檔爭奪亞席
各段時速: 13.66 23.36 24.84 24.59 23.91 (1.50.36)

賽後報告： ***在直路上，「安賞」內閃，十分難以催策。***
嚴重內閃仍又推又打取得亞席

參考場次：2012年12月22日三班田草1400米 [總場次 263]
「金碧陽光」由韋達策騎排7檔爭奪亞席
各段時速: 13.56 22.72 23.91 23.19 (1.23.38)

賽後報告：***趨近二百米處時，「金碧陽光」在催策下將頭轉側及內閃。***
閃埋欄照又打又騎冇停過....

問題賽事：2012年12月22日二班田草1400米 [總場次 268]
「勁勢」由韋達策騎排2檔只得季席
各段時速: 13.66 21.23 23.73 23.63 (1.22.25)

修正後完全望空，唔騎.....

爭緊第二喎...前面隻「綠色快駒」極快步速放直路腳步放緩晒.....會唔會唔夠位呢？睇埋呢兩段側鏡...

最後結果係點....？

負短頭跑第3....
賽後報告：***過了一百米處後，「勁勢」在催策下向外斜跑，導致騎師韋達須改以左手握鞭。***
三場賽事一樣閃，騎法差咁遠？後兩場仲要係同日嘅賽事 (利申：個人買咗「閃爍武士」搭「綠色快駒」單Q，貼士都一早寫咗4選都冇「勁勢」，坦白講感激韋達跑得咁輕鬆添...但冠軍騎師今季越跑越離譜又唔使罰？)

短距離走位搏都唔搏有冇分別呢？
「四季星」初出直路1000米蔡明紹嬴馬 (總場次119)

出閘快由頭帶到尾擊敗新馬錦標盟主「飛哥」
韋達策騎出戰谷草1000米排9檔出閘慢咗被迫留後後追不及跑第3

韋達策騎出戰田草1200米排10檔出閘快2.6倍大熱門又跑成點？ (當日跑到第8場，早段已多匹馬由於內疊偏差而取得突破，包括「四貝勒」﹑「漸信良駒」﹑「勝風」﹑「鄉村活力」)

出閘按韁第2快，比內疊任何一匹都快近一個馬位，以往我地一向所知嘅韋達都會切入跑守好位，今仗呢？

力留走5疊，更外疊嘅「星運俊爵」盡力克服切入2疊，呢場中等步速唔係中長距離慢步速走2疊機動位置啱跑形勢喎....

沿途3疊望空冇遮擋...最後...

全熱門輸得肉酸大敗而回....
賽後報告：***被查詢時，韋達說，他獲指示自第十檔出閘後盡可能將「四季星」置於大約中間位置。他說，和近仗不同，「四季星」出閘十分迅速，他不願在早段太過大力約束坐騎以遵照指示策騎。他說，因此他讓「四季星」保持前列位置，希望坐騎能在首次轉彎前取得遮擋。他說，鑑於賽事形勢使然，「四季星」沿途未能取得遮擋，繼而在最後二百米轉弱。他又說，雖然「四季星」表現頗為令人失望，他覺得是賽形勢不合坐騎發揮，尤其考慮到坐騎仍然是一匹三歲賽駒。***
出閘咁快輕鬆切入再留唔係更符合馬匹利益？而係要留於外疊遊馬河先符合今次冇慢閘嘅策騎方案？唔諗過切入點排10檔跟前走又取得遮擋？小組又係問完照單全收....

其餘近期例子，仲係講緊近期....
泥地夜賽2班1200米，第8場該日最後一場韋達騎「善寶」出戰，之前一仗同「恩格斯」一齊於谷草衝21.7只以短頭見負，表現甚勁，今次頭7場有「溫暖先鋒」﹑「寶中寶」﹑「拼勁」貼欄沿途放頭嬴，「香檳歲月」有一檔之利直路彈甩嬴，就算「神童」都係轉彎已切入2疊再於直路貼欄嬴， (呢堆馬再出冇得賺全負) 未到賽後去到尾場都見到明顯利內疊，「善寶」點跑？

出閘唔快唔諗切入留於3疊

外疊就外疊啦....

沿途3疊望空冇遮檔，第2段步速快最短途沿途外疊蝕得甚多，排檔更外嘅「名駒」都用力切入2疊

直路仲有勢喎...「好友福」未外閃之前韋達又企咗起身....

邊D係以往常見片段？今季一樣有....

爭勝階段內閃喎....

按韁等D馬走晒先再騎啦....

比較返之前果D內閃馬？
競賽小組都係由得佢.....

冠軍騎師於香港獨大後結果一而再﹑再而三出現走位﹑推騎幅度以及過早收慢問題馬會完全唔正視韋達嘅問題，「中環英雄」嘅普萊西﹑「城中話題」嘅鄭雨滇？重罰十日或以上。賴維銘策騎「鑽飾彩虹」與韋達「名力前茅」互相碰撞爭位，前者罰6日，後者？.....0日。
香港賽馬日後保持此現狀只會更加危險，令普羅馬迷信心及對香港馬會嘅公正準則日漸減低。「歡樂時光」引起咁大回響都繼續唔理。「競駿寶寶」﹑「精靈勇駿」事件都出現過一次唔理....
本篇衷心希望馬會競賽小組正視此問題，現時做法與日本馬會偏袒日本騎師 (如2010年日本盃「玫瑰帝國」及2011年短途錦標「天久」，前者冇明顯被影響但告甩，後者被阻到企起身勒避但冇研訊)，與現時韋達問題無大分別，本篇盡一分綿力而已，亦希望如有關有能力賽馬業務工作者可以為各馬迷向馬會反映一下。

歡迎光臨賽日密馬 (http://hrc.hk/)