上杉圭之全日穩膽提供!!

熱就熱左d，但勝在穩陣!!

推介: 第七場 3. 步步勇

由於精英大師受病毒感染改出，令呢場賽事變得冇咁單純同明朗，原本打算於此場重搥三重彩o既朋友都要重新慢慢研究。

步步勇一千米成績甚準，9戰獲3冠2亞o既成績，今季更見成熟。上季常要靠欄跑才能發揮實力，今季更將呢個壞習慣克服，上仗在外欄亦衝得勁。今仗只負123磅平磅，一千卡士夠，小休個多月，勢取香港短途錦標預賽而回。

同場對手方面，紅旗飛揚踏入6歲之齡，落腳已冇當時同精英大師單打獨鬥之速度，雖平磅有利，只宜作配。鄉村樂韻上季尾兩度與精英大師串Q，上仗雖負130磅，但表現卻令人非常失望，今仗平磅也未必有信心能爭勝。電光火力於上年香港短途錦標曇花一現，前仗已漸見回復水準，但實力始終有限，只作T腳。金岡盃今季表現比上季再進一步，唯一疑惑眼罩對馬匹有利/有害，可作配。快而勁，騏綵，飛躍之星，上浦福將實力平庸，平磅便唔夠爭。精蝦王剛開始進步，但對手甚強，進度不夠之下，預計只能跑4至6名而回。