引用:

原帖由 思琳 於 22-1-2012 12:41 AM 發表



圍多D係會爭加機會,但都唔代表一定中,6環始終要講D運,方向已經正確,只係要持之以行,等個一日的來臨,我相信皇帝法令都係你範圍之內,如果夠本,其實可以揀完每場有機會的馬,再睇超出左個本幾多,先再去西走D機會稍 ...

尋日因為要去比賽，唔夠時間POST出黎...非常抱歉~
皇帝法令第4選~ 如果真慷慨恨D要1隻~
咁6寶就手到拿來了...

‎2012-1-21 田草賽事賽後總結：

賽道分析：草地方面，回復12月7日賽道偏差，全日內疊跟前馬匹賺盡優勢，就算轉彎拉慢下亦唔見馬匹能從後於外疊趕上。直路賽馬面，雖然過往C+3欄內疊並冇不利，但是日賽事外疊馬匹優勢明顯較大，可以「日日中」及「跑寶貝跑」嘅勝負距離做指標。泥地方面，內疊跟前亦有著數，外疊冇明顯不利，但前置跑法絕對會比後追有些優勢。


跟進馬：彩虹幻影 (+1)､冰火 (+0.5)､金剛驃 (+1)､信心十足 (+2.5)､文武精神 (+2.5)､尊勝福星 (+0.5)､真慷慨 (+1)､鋼志 (+1.5)､電訊超星 (+0.5)､跑寶貝跑 (+3)､福到多多 (+2)､魔幻大師 (+1)､超群如意 (+1)､天外之天 (+1)

第三場 4班 1000米

跟進馬：信心十足 (+2.5)

初出走勢尚稚嫩之下末段走勢強烈，以22.39末段衝嬴，而對列跟返嘅馬匹全部守跟前或放頭位置，難度極高，以其前段走勢睇，下仗增程1200或會更好，今仗能嬴好大原因係騎者嘅騎功同膽色，如下仗冇紀仁安恐難發揮120%能力。


第五場 4班 1400米

跟進馬：文武精神 (+2.5)

「文武精神」休出第2仗即以勁勢追入一席第二，全程居後直路移出大外疊衝刺，轉彎拉慢步速下前列2疊馬跑入1､3､4名，而同居於後跑谷草追得勁嘅「雄姿儷影」於外疊完全冇得追，睇今場走勢再出健康保持就可交代。


第七場 3班 1000米

跟進馬：跑寶貝跑 (+3)

出道2戰2捷，今仗排1檔早早移出外疊並頭領放，末段輕鬆拋離群駒，包括3班中堅馬「勁闖駒」，加分後依然可留3班作賽，而且同程對手多已見盡，再出同程可穩勝。

詳盡內容: http://blogcity.hkheadline.com/gr

「跑寶貝跑」再捷「信心十足」!
龍年恭祝大家「文武精神」､「福到多多」，日日有「精彩日子」，年年「豐衣足食」!!

由於近日私務繁忙，只集中列出幾場重心比大家參考，新年後將回復正常，初七人日，祝大家生日快樂，齊做馬場嬴家!!


賽道分析：剛戰4日前跑全闊A跑道，加上頭5､6場都係雨中作賽，移欄後內疊場地會踩得比較大，外疊場地應會稍好。



全日馬膽：第五場 8.風火飛駒

冷門突擊：第六場 1.好好機會



   



第五場 4班 1600米

8.風火飛駒 4.辣得醒 5.奪金 9.真奇寶

「風火飛駒」前仗轉倉初出大幅增程可與氣量經驗較多嘅「翔龍」拋離群駒而嬴，難度甚高，剛戰轉谷草亦繼續跟進，結果喺「福到財星」鬥燒並排領放下最後幾步才力弱，連稍賺嘅「駿馬精英」都過唔到佢，十一日後轉田草再跑，有快跳而且體重回升，步速唔快下必然首選。

「辣得醒」上仗初出取位唔順下，移出移入再追可威脅已補中嘅「飛馬之威」，加上勢頭比今戰又同場嘅「奪金」好，質新馬初出跑1400已見此走勢難度高，此類馬增程再出多數表現不差，有分頭亦可搏WIN。

「奪金」跑落比前進步，賀賢質新馬多會反覆試準後才有突破表現，一如廐侶「翔龍」兩度1400追近後增程1600即嬴，2檔可跟前D守好位與前兩駒一鬥進度。

「真奇寶」近仗回復不俗走勢，剛戰亦與「精彩遊戲」同速追趕，氣量經驗比前兩駒好之下作保險腳。



第六場 4班 1400米

「好好機會」季初取位不順亦可以勁勢追得1冠2亞，之後戴面篩兩仗都完全唔肯衝，似乎配備影響甚大，今仗閹後復出，操近兩個月才出，賽前大､細閘做齊，試大閘戴面篩唔使太介懷走勢，除面篩而用外地嬴馬配備戴眼罩，有倍率可搏有力出冷。



第七場 3班 1800米

3.爪皇豪火 2.傲男 7.新力多 8.高分貝

「爪皇豪火」轉後追跑法跑中長距離賽事演出大幅進步，兩度23末段於大外疊追嬴，剛戰跑第2嘅「佳景良駒」亦匆出谷草大長途補中，今仗步速預期轉彎多數慢又啱此駒直路於大外檔追嬴。

「傲男」初出1600已可與「精奇」拋離「陽光普照」，難度高而且姿態好，剛戰慢閘下早段要用力跟前，末段亦以22.9衝，表現其實都唔算太失望，今仗加眼罩出，蔡約翰都幾心急想交代，步速唔快下跟守前列，如轉彎肯走有權放甩先到終點。

「新力多」上季差D嬴田草3班中距離，而且近幾仗已見穩定演出，前仗快步速沿途外疊只負於田草再出上名嘅「精算縱橫」，剛戰壓地後內疊稍好移出外欄衝勢頭亦好，14檔內側冇快馬只要一如「傲男」轉彎肯走亦有力一鬥。

「高分貝」剛戰場地有些少幫助，慢步速追得幾好，但見勢頭比「天瞳」稍差亦只比慢閘嘅「傲男」好少少，如冇場地幫助下可能止於3-5名，作保險腳。



第九場 3班 1400米

8.華美之星 3.自由萬歲 7.驌龍 1.精彩生輝

「華美之星」前仗極快步速下唔斷亦冇被第4名嘅「奪金」追勁，剛戰唔放守4､5位直路早段未能望空，之後以勁勢追嬴，嬴馬姿態好亦擁有多一種跑法可用，今仗如「心中有程」及「氣定神閒」快放又可守好位跑，強中強之一，跑法機動作首選。

「自由萬歲」打疊2場嬴同班同程，而且之前已2度輸比超級馬「紅山茶」及「精彩日子」，現時可繼續跑3班賽甚有利，剛戰體重下跌直路亦冇路可上，回氣一仗後體重回升比上次安心，可真真正正同「華美之星」鬥返場。

「驌龍」上季兩仗走規步法生嫩都可於不利情況追嬴，季尾一仗更可嬴經典一哩賽冠軍「甜橙」，受健康影響現時才作復出第一仗，但11月又一再缺課一個月，賽前試兩課閘先出，時間､姿態只恰可，賠率低而進度､健康情況憂慮下作配較安心。

「精彩生輝」前仗初戴面篩追得唔錯，剛戰轉谷草便以勁勢追新一代谷草專家「南陽望族」，轉倉後已3度於同程上名，如「驌龍」未跑得返水準此駒便有力補上。



第十場 2班 1200米

3.奇葩 5.花月佳期 4.金獅名將 12.幸運全勝

「奇葩」今季幾乎場場都以22秒終極時速追，剛戰初跑谷草更可於直路落後8個馬位下追嬴，今仗回田草雖對手增強，但銳勢甚強，而同場對手有前領馬而並非快放馬，如步速正常鬥爆一段就可橫掃。

「花月佳期」前仗初出未有配備排外檔段段快跟落敗，睇走勢其實咁快步速之下唔比上賽日力拼亞席嘅「牛精大師」差好多，外地嬴開右轉，同場快馬亦唔多，3檔可守好位賺形勢一拼。

「金獅名將」用返紀仁安，雖然前兩駒都曾鬥嬴此駒，但幾3仗唔同路程場地都衝得好下夠穩定Q､T必選，剛戰起步慢追得不俗，如慢步速鬥爆一段應不及「奇葩」，但後駒排1檔有機會塞死就有機可提升名次。

「幸運全勝」剛戰快步速初現追勢，似乎適應得好，到尾段場次有機會外疊好衝，愛爾蘭馬來港第4仗應會一仗比一仗好，對手際遇有意外便有力突襲。

2012-1-25 田草賽事賽後總結：

2012-1-29 田草賽事賽後總結：

賽道分析：雨中進行嘅田草日賽，早段場次都係雨中進行，加上賽前一日亦有不少雨量，令場地早段明顯偏軟及慢，游水馬能力大幅提升，而一D軟慢地較差嘅馬如「續領風騷」就難以發揮正常水準，尾段場次則漸回復正常。

跟進馬：卡加大師 (+1)､精明出擊 (+0.5)､步如飛 (+0.5)､薄荷糖 (+1.5)､龍的王朝 (+1)､芙蓉威龍 (+0.5)､牛精大師 (+1.5)､歡欣滿載 (+1)

賽道分析：連續第3日田草賽事，與上賽只隔4日，場地讀數2.72屬偏慢場地，故此普遍完成時間比標準時間慢近一秒或以上，此外，早前落雨跑足11場，但未有影響場地，內疊馬絕不吃虧，整體而言稍利沿途內疊好位嘅馬匹。

跟進馬：大欣賞 (+0.5)､乘奔御風 (+0.5)､好好機會 (+1)､財寶鷹 (+1)､爪皇豪火 (+1)､加州萬里 (+2)､自由好 (+0.5)

據理力爭 - 2012年1月25日 - 雅雪問題跑法