賽道分析：頭場「路路好」殺入冷位，加上「盈驥」等於內疊唔追，以為外疊場地比內疊好，怎料由第二場開始即回復以步速分配主宰結果嘅賽事形勢，故此賽後將會以蝕步速分配下依然跑得好嘅馬評先。

跟進馬：橫亨 (+1)､好運得福 (+1)､更捷勝 (+1)､鐵胆龍 (+1.5)､大家勝利 (+1)､紅日 (+0.5)､大把世界 (+0.5)､進勝福星 (+0.5)､陽明深心 (+1)

跑道特色：不幸同日發生兩宗墮馬意外，希望佢地都可以早日康復。草地方面，明顯貼欄跟前幾有優勢，一係跑道較窄，後上馬取位較難，其二係轉彎只要步速正常外疊追都要蝕幾多位，此類馬可加強跟進指數。泥地方面，連續第二個星期跑草泥賽事，今次內外疊冇特別大偏差，9.69指數對泥地性能要求亦較高，可作為日後賽駒再跑泥地嘅參考。



跟進馬：開心指數 (+1.5)､荃城歡欣 (+0.5)､共同目標 (+0.5)､滿綵 (+1)､震撼 (+0.5)､健康藍莓 (+1.5)､新強勁 (+1.5)､跑寶貝跑 (+2)､龜兔競跑 (+1.5)､喜來仙子 (+0.5)､太陽海岸 (+1)､牛精大師 (+2)､超皇鷹 (+1.5)､確叻迅 (+1)､清風送爽 (+1.5)､一團威 (+0.5)

賽道特色：草地方面，內外疊偏差唔大，主要受分配影響，而A欄內疊常會有受阻問題，故此除轉彎特慢步速影響整體可反映馬匹實力。泥地方面，外疊並冇蝕底情況出現，偏差亦不大，受分配影響後有突出表現馬匹可評先。


跟進馬：冰火 (+1)､驚雷 (+1.5)､威猛 (+0.5)､好心星 (+1)､魔幻大師 (+1.5)､經典皇牌 (+1)､續領風騷 (+1)､甜橙 (+1.5)､多名利 (+1)､夢幻十一 (+1.5)､先鞭直前 (+1)､花月佳期 (+2.5)､驌龍 (+1)､好勝煌 (+1)､雨電風雷 (+0.5)

引用:

原帖由 思琳 於 21-2-2012 10:03 AM 發表
夢幻十一想不到會如此超級

我當日最驚個騎師~
估唔到都搞得掂~
好在佢唔係又走去搶放咋...

引用:

原帖由 思琳 於 22-2-2012 12:41 AM 發表
聽晚D馬度爆頭,搵極都搵唔到有信心場次

我竟然會鐘意吳定強一對馬京城精英,精靈勇駿,度完都唔信

京城精英睇左誠意､狀態都極好~
希望聽日冇咁熱~

精靈勇駿聽日睇左覆你~

病左今晚早少少休息聽日先做功課

2012年2月22日谷草C+3欄夜馬

引用:

原帖由 思琳 於 22-2-2012 12:41 AM 發表
聽晚D馬度爆頭,搵極都搵唔到有信心場次

我竟然會鐘意吳定強一對馬京城精英,精靈勇駿,度完都唔信

精靈勇駿須蝕步速但追落去冇勢，第3場對手極多觀賞可能更好

原來睇飛同自己用成10幾個鐘研究回報差唔多~
如果再係咁我就唔使冇晒自己時間了~

2012年2月22日谷草C+3欄夜馬：

賽道分析：今季谷草A欄賽事內疊馬常有不俗優勢，跟前守好位嘅馬可評先，對上一次同跑道作賽於2月1日，當日多匹貼欄馬取得突破性表現，如「火燎腚」､「多益善」等，中距離賽事如轉彎步速拉慢將令偏差減少，但留得太後依然會難追。

P.S. 今朝睇場地2.71，唔算太慢，應會同近期A跑道偏差相近。



賽日重點：

第二場 - 10.好好運 3.威水福星 11.怡情養勝 Q/QP

第四場 - 8.可愛人生 10.俊威威 Q/QP

第七場 - 1.清風送爽 W/P

第八場 - 2.高風格 W/P

4X11 @$2 176注 合共 $352


全日馬膽：第七場 1.清風送爽

冷門突擊：第六場 6.蓋世子牙



第一場 4班 2200米

8.橫亨 4.金瑞 1.勝利福星 12.實業傳奇

「橫亨」剛戰利內疊分配下走外疊追得勁，只輸比其後再出可得季席嘅「神奇馬車」，同程1戰入Q，9檔可因應前面步速唔快而率先切入跟「金瑞」跑，如步速分配得好有力補中。

「金瑞」上仗預期慢步速賽事力留4､5位，轉彎卻移出4疊上，跑法甚礙眼，轉蔡明紹可能會更好，起碼會放先，此場冇慣常放頭馬可早早前置賺大長途多數出現嘅慢步速。

「勝利福星」連仗於3班都有好走勢，減夠分落4班事實上對手多為4班中､下級馬，有力突襲。

「實業傳奇」剛戰上4班角逐可與幾匹4班中堅馬一齊衝，於此組尚可一爭，此程亦曾取得2亞，作保險腳。


第二場 5班 1650米

10.好好運 3.威水福星 11.怡情養勝 9.盈嘉飛駒

「好好運」上仗操足而來守即可嬴「威水福星」，而且姿態輕鬆，今仗雖要排10檔，但包括「八佰匹」､「開心好多」､「華劍寶」等會令早段步速偏快而較易切入同上仗相若位置，有機會再次一Q返。

「威水福星」剛戰用力切入早段仍須走3疊，第2段又轉彎步速都唔慢之下可力拼到底，退出咗「華麗堡」令步速壓力稍為減少，但依然會偏快，應難反先「好好運」。

「怡情養勝」前途直路到最後200幾米才望空，竟可衝22.77與及後於4班再添頭馬嘅「添多福」相若，3檔好位李寶利騎功亦夠硬淨發揮到此駒後勁，機會馬。

「盈嘉飛駒」上仗同賺慢步速而被頭二馬拋離，但今仗其餘對手更弱，應可賺A檔內疊前置優勢，Q/T保險腳。



第三場 4班 1200米

1.多多昇 7.利駿 11.神童 8.樂融融

「多多昇」剛戰小休一個月復出，直路近幾無望空過之下取得一席第4，以直路勢頭如非受阻應至少可保一席Q腳，匆匆承勇再出，以今季3班可2度入Q計2檔好位有力交代。

「利駿」休後復出第一仗，季初就係初出於此程追得勁，前仗亦於田草走大外疊追得好，今仗雖排9檔，但除7檔馬會留後其餘都會搶前爭奪前列位置，如能順利切入2疊亦可爭勝。

「神童」此程2戰得1亞1季，今仗應可跟隨外檔「超晒班」切入守BOX SIT好位，上仗賽後休息夠重新再做功夫而來，杜利萊未放手只要夠快切入1疊位望甚高。

「樂融融」前仗田草直路賽都衝得唔錯，可迫近其後1冠1季嘅「小宇宙」，剛戰早段搶口並非用最佳跑法放頭跑仍唔斷，賽後隔三星期作賽，賽前更積極試多課大閘希望令韁口順服，用剛剛合作上名嘅巫斯義，留後追亦有力爭入一席。



第四場 3班 1800米

8.可愛人生 10.俊威威 2.喜威寶 6.馬主光輝

「可愛人生」前仗田草都追得好，事實上已打疊幾仗追得不俗，剛戰落班跑最佳路程用韋達即可嬴得輕鬆，早前同程一仗全程走大外疊遊馬河的，今仗上3班增程1800，上季亦曾於上名後跑3班賽取得冠亞季各一好成績，今場對手甚弱，連捷機會高。

「俊威威」今季兩度於3班泥地入Q，可力拼「福到多多」而壓倒可於3班上名嘅「財運」水準絕不差，上季跑田草1800､2000米亦可取1冠2亞，長力不成問題，今場步速不快可於前列賺步速爭入一席。

「喜威寶」過往似以泥地較好，但過往曾於2400大長途入Q，當時只負於1班好馬「好先生」蹄下，剛戰跑田草嫌短嘅1400竟可追一段不俗嘅後勁，回師谷草場地較鬆軟有D似泥地應會啱跑，11檔如轉彎步速拉慢有力成大冷腳。

「馬主光輝」上仗追唔過內疊嘅「進攻足球」及「川河名駒」只不過不失，幸今仗有季內較好嘅檔位望早段唔使留太後，如能像今季同程一戰般守好位就有力爭勝。



第五場 一班 1650米

2.蓬萊仙子 9.多采多姿 11.皇龍戰駒 8.四季

「蓬萊仙子」前仗段段快開直路可輕鬆拋離群駒勝出，末段更按韁而回，剛戰轉田草排內檔早段唔夠快越留越後，直路竟可與「甜橙」一齊追，勢頭不比後駒差很多，今仗9檔只要出閘正常就可以切入領放，上賽後兩試大閘合格才出，此程未失3甲必然首選。

「多采多姿」剛戰慢步速韋達力留令馬匹沿途搶口，今仗因應5檔而且有領放馬可跟得較輕鬆，過往田草常與「甜橙」表現相若應不差，力足作配。

「皇龍戰駒」剛戰12檔早段切入2疊末段反撲上前，谷草適應力足夠，現時負磅輕10磅雖又排12檔，但早段如步速夠快應有機會搵到2疊有遮擋位置，冷腳之選。

「四季」剛戰早早移出2疊跟而轉彎拉慢可早著先機冇跑錯，表現略為失望，前仗軟地段段快表現出色的，上仗失望或因硬拼一仗而休息期短，今戰隔3星期多體力回覆就可爭。



第六場 3班 1650米

6.蓋世子牙 2.玉峽生輝 10.一團威 4.帝豪名駒

「蓋世子牙」此程10戰取得4W4P極準繩，季初谷草B欄走不利場地嬴得出色後評分加至歷來新高，之後一路跑田草等待出擊機會，前仗跑稍長嘅1800早段留得太後對手亦強，直路衝一段尚算可以，今仗終回師最佳路程，排位朝更試埋草閘希望刺激返早段速度可跟守前列，2､3檔都唔快的，只要能切入2疊就大有機會爭勝。

「玉峽生輝」今季告達理保養得宜，越跑越好，剛戰蹄下敗將2､3､4名馬再出都可保持或提升名次，1檔亦好跑可守天然BOX SIT位，體力保持再WIN亦未嘗不可。

「一團威」剛戰受意外影響勒避，之後衝刺勢頭強勁，最後幾步收韁仍有不俗走勢，復課繼續積極轉季初表現良好嘅谷草同程，8檔仍有力可爭一席。

「帝豪名駒」近仗上2班對強組只近而冇威脅，評分差唔多盡了，今仗落返3班而且為爭百萬挑戰盃戰意足，如臨場落埋雨就對此駒如虎添翼，做定保險腳先。



第七場 3班 1200米

1.清風送爽 6.吉利大師 7.享耆成 5.科研精英

「清風送爽」剛戰嚴重受阻勒避後再反撲上前，衝勁甚至比衝順嘅「確叻迅」更強，今仗轉谷草出戰，過往同程6戰取得2冠3季，上季就於此程2班取得1冠1季，落返3班跑甲一組賽事甚著數，磅位亦有利，5檔應可安心取得2疊位置，步速夠快直路可一衝而過。

「吉利大師」休後出擊，上仗田草走樣後慢踱一個月再重新做功夫，賽前月內再試兩課大閘才出，快馬夠多9檔亦應不難切入搵遮擋，可力爭Q腳。

「享耆成」剛戰跑一班賽大漏閘後走內疊力追，末段快達22.19，落返3班賽甚有利，10檔亦可跟「吉利大師」切入，賺快步速一同追趕。

「科研精英」今季3戰出賽表現差，苗禮德即時收埋操足3個月加眼罩才出，賽前試1000米谷草閘輕鬆領放快達59.5，查今季試閘時間只得一匹「佳同」可以1分鐘內完成而其後有極佳表現，今仗2檔可領放而預期「紅衣叻叻」會安於取BOX SIT好位，同系馬「電光能源」6歲仍有好表現，現時此駒只5歲加上泥地1200都嬴得冇理由谷草只合1000米，成大冷有權突擊。



第八場 1班 1200米

2.高風格 6.美猴王 10.紅旗勇將 8.威威多星

「高風格」屬告達理其中一匹代表作，今季5戰谷草可取得3冠1季佳績，剛戰1000米騎者發揮出色下力抗谷草1000米專家「風之子」強勁衝刺，今次排檔內移更好跑，復課有正常程序而體重升屬好現象，為爭百萬挑戰盃必拼。

「美猴王」轉倉季內田草馬王組別依然跑得好，前仗谷草不利外疊下沿途走蝕位，賽後更驗到左後蹄割傷可能影響咗才大敗，高伯新求變試眼罩，實前試泥閘輕鬆與「精彩日子」同步衝刺，今場快馬多韋達韁繩應可切入好位，有力變「新」出擊。

「紅旗勇將」今季跑田草一再有出色表現，早前田草1200不利步速下可以勁勢追「夢仙」及「魔幻大師」，其後增程1400多仗與「精彩日子」跑近而可拋離群駒，返谷草負輕磅必夠級數，唯一一月曾缺課2星期，埋門試閘比落走勢只一般，作配較合。

「威威多星」上季表現突飛猛進，姿態可人，可任新一代谷草短途專家，季初一役雖賺有利場地，但姿態極輕鬆，前仗休出轉田草竟可稍賺形勢下爆出大冷，表現比早前更進一步，上仗輸落藉口唔多，但轉返谷草排5檔仍可憧憬一席。