引用:

原帖由 fatmanchai 於 2-3-2012 06:00 PM 發表

以你意見臨場孖寶飛還是隔夜/賽前孖寶飛較有實用呢?

兩樣都有佢用得著嘅時期~
等於現時香港賽馬季初/季中/季尾選馬嘅方法都會有D唔同~
只不過我只有時間用於隔夜賠率同賽前賠率比較呢一方面~
而孖寶飛若有時間研究亦可有所作為~
可能兩者結合得出黎嘅結果會更好呢

第五場 4.小宇宙 拖 1.堅旺財 10.最著數 Q/QP

第八場 9.華美之星 10.自由萬歲 Q/QP

第十場 5.較量 W/P

3X4 @$5 Total $180


第五場 4.小宇宙 拖 1.堅旺財 10.最著數 Q/QP

第六場 5.跑寶貝跑 7.先鞭直前 Q/QP

第八場 9.華美之星 10.自由萬歲 Q/QP

3X4 @$5 Total $180


第五場 4.小宇宙 拖 1.堅旺財 10.最著數 12.綠色好 Q

第八場 9.華美之星 拖 4.勝利之星 10.自由萬歲 11.百威將領 Q

2X1 @$10 Total $90

4-3-2012

賽後成績 (2012年3月4日田草B+2欄日馬)

賽道分析：今季B欄常利外疊衝刺馬匹，季初到現在都偏利外欄，對上一次2月8日偏差少有地比之前略減外疊馬優勢，「神勇馬車」､「開心駕到」都可因應內疊分配而嬴馬，早段至少可保持內疊正常形勢，如臨場有雨而唔壓地尾段場次才會大利外疊，故選馬早段會以無偏差計算。



賽日重點：

第二場 6.大衛金剛 2.電訊至尊 11.瀟洒大少 Q/QP

第三場 7.幸福滿滿 拖 5.軍刀 8.夢幻魔術 9.仔仔女女 Q

第五場 10.卡加精神 W/P



全日馬膽：第三場 7.幸福滿滿

冷門突擊：第五場 10.卡加精神



{#ScreenHunter_01 Mar. 07 17.34.jpg}   



[註：藍字為上仗跟進馬 - 紫字為過往跟進馬]



第一場 5班 1200米



9.創先機 1.好通勝 6.十項全能 10.極速寶寶

「創先機」季內轉蘇廐出賽，4戰試田草､谷草不同路程，終於上仗開始回復走勢，出閘跳躍失地甚多，直路仲喺最後位置，能夠以非最佳跑法追入一席第4，中段更一度移出搵位上，今仗排3檔會比2檔快切入，跟守天然BOX SIT好位，最有機會可賺晒步速分配爭勝。

「好通勝」剛戰轉倉初出，輕描淡寫操幾課就出，跑1000最短途入彎前切入領放，跑入一席第4而頂得住再出補中嘅「飛天龍駒」，賽後部署增程跑今仗，賽前做足功夫試大閘輕鬆放返，目標交代。

「十項全能」早前柏寶接手教馬，試大閘､快跳都一手操，如非受傷上仗已由此子出戰，之後勞愛德騎完肯操想霸住騎，但柏寶一傷好即時重新接手，以剛戰追「飛天龍駒」走勢，今仗2檔可跟「創先機」上，同樣會賺到步速分配競爭。

「極速寶寶」受健康影響早前一度缺課，連跑數仗證明健康已回穩，剛戰全日轉彎步速偏快而不利外疊後追馬，此駒就係走咁不利位置而漸見走勢，匆出縮程配合「幸福滿滿」出擊。





第二場 5班 1800米

6.大衛金剛 2.電訊至尊 11.瀟洒大少 3.兄弟班

「大衛金剛」近仗回復勇態，而評分到達新低下終取得來港3季以來首次勝仗，上季曾打疊8場連續入前5名而未失獎金，以上仗姿態轉谷草有內檔之助好大機會順跟BOX SIT位置，而且步速應會甚慢，過往只於初出道時跑過一仗谷草未證明場地不合，有力將田草Q轉谷草再演繹一次。

「電訊至尊」為愛爾蘭馬，剛轉4歲才漸見適應，剛戰就可順放下力迫回勇嘅「大衛金剛」，轉谷草作賽而且2檔可輕易切入一疊順放，同場並無快放馬應只得9檔嘅「八佰匹」切入2疊跟跑，步速正常甚至偏慢，再串Q機率極高。

「瀟洒大少」早前多仗都毫無走勢，以為已完全退化失去競爭意慾，怎料上仗於不利嘅極慢步速從大外疊追入一席第3，同跑線嘅「壽比南山」完全無咁嘅追勢，6檔因應步速慢唔使留咁後保持2疊機動位置，有力再爭一席。

「兄弟班」以此程戰績最佳，5戰取得1冠3位，1月初就於同程4班都追得勁，之後3仗刻意跑短減分，終可落5班而即報最佳路程，同樣配合「幸福滿滿」出擊。





第三場 3班 1000米

7.幸福滿滿 5.軍刀 8.夢幻魔術 9.仔仔女女

「幸福滿滿」前仗轉谷草作賽以45.7極快步速領放而只於最後50米才力弱，跟守前列全部潰散，已做出高難度動作，上仗賽前走甩，沿途走3疊直路群駒衝刺而此駒再轉內疊追，竟可衝一段22.1追入一席第3，跑法不止於放頭，今仗4檔極大機會可取2疊好位對手都係差唔多，好大機會補中。

「軍刀」休8過月復出而於同場追得勁，末段快達22.3，今仗排檔轉好應會跟守「夢幻魔術」，續用同系馬愛將有力串Q。

「夢幻魔術」大前仗初上3班賺形勢下取得1席，至少證明適應3班步速適應得快，前仗利內疊沿途走外疊而剛戰氣管有痰，賽後快復課操個半月才復出，蔡廐馬休後可有進步空間，加上抽到黃金1檔會賺分配形勢，亦可爭Q。

「仔仔女女」前仗跑此程追入一席極接近嘅第4名，剛戰發力點受碰撞而其後更冇足夠空位衝刺，之後保持正常操練程序起用10磅仔會稍稍提高競爭力，Q/T腳必須兼顧。





第四場 4班 1800米

5.好運得福 11.更捷勝 1.家傳碧玉 6.金得意

「好運得福」前仗轉用開縫眼罩可力迫4班甚具級數嘅「明旺」而壓倒「雪米糍」，事後睇返原來稍賺形勢下表現出色，剛戰就於轉彎加快嘅不利步速於大外疊追嬴，難怪追入第4嘅「實業傳奇」再出可補中，隔近一個月才復出跑同程爭盃，對手未見大幅增強而負磅相若，排6檔機動好位有力再下一城。

「更捷勝」上場同場追得勁，賽後更驗到氣管有血絕不比「好運得福」差，賽後快復課亦夠休息期再出，排檔冇前駒咁好預期步速更慢，如要爭勝必要靠更好際遇才能挑戰。

「家傳碧玉」連續兩仗於4班中距離入位，上仗只以半馬位負於再出嬴3班嘅「可愛人生」，追勢比「金得意」更好，今仗只得已失前速嘅「喜綵」放頭，此駒排12檔極有可能早段入彎前搶前切入，形勢便會大大不同，夠級數可一爭。

「金得意」近仗表現已見評分漸盡，要再進才可爭WIN，幸好有5檔之助而且步速極慢，應夠快切入守前列好位再爭位列。





第五場 4班 1200米

10.卡加精神 11.好精彩 8.上海先鋒 2.東方駿馬

「卡加精神」大前仗慢步速之下與「卡加大師」分列2､3，當日外疊不利的，故後駒其後能加添兩WIN，前仗發力點受阻而剛戰再遇內疊大利形勢而於外面追得勁，馬主終轉倉一試，今仗3檔可一如過往跟守前列，應只得「好精彩」領放而預期位置甚有利，排位朝有快跳程序安心，轉倉即拼。

「好精彩」剛戰雖於弱組跑入一席第2，但相對早段用力較多走2疊入直路唔斷，今場可再賺形勢而好大機會切入一疊單騎領放，Q/T腳之一。

「上海先鋒」上季可於3班田草1400上名，於此組會夠用，剛戰慢步速轉彎走9疊追衝入接近嘅第4而勢頭唔弱，檔位好轉有機會一如落5班一役直路才移出衝刺。

「東方駿馬」上季5戰1000米取得2冠3位，今季更增程1200都能取勝，上仗不利外疊慢步速負頂磅追落唔多，事實上出閘而慢而用力追貼馬群，賽後收埋操一輪今仗才復出，1月雖兩度缺課，但2月快跳做足埋門更落草地拍跳，以其實力狀態7､8成於此組也可一爭。





第六場 4班 1650米

7.浦東之威 4.定做 2.軍士 8.喜欣賞

「浦東之威」季內上名後蔡約翰保養得宜，已打疊5仗跑入前3名，近2仗快步速可守中置位置而追得好，前仗負於上3班可再度上名嘅「閃耀小子」而剛戰力迫已補中嘅「雪米糍」，今仗步速會快韋達可一再利用其出色走位切入2疊已有競爭條件。

「定做」剛戰賺步速形勢而嬴1200米，雖然嬴在形勢但過往1200嫌短唔排除本身有進步的，2檔可守天然好位而用10磅仔負磅比上仗更輕，有力加入戰團。

「軍士」一連兩仗田草走大外疊以強勁追勢追入第4，轉谷草夠級數而起用柏寶，戰意更好，此程曾入Q而7檔加添機動性，亦可一爭。

「喜欣賞」3歲馬出道第4仗可增程至1650追得第3，分配唔算有利下同「橫亨」一齊追得好，白德民養傷起用潘頓夠誠意，早前廐主已透露谷草更合此駒腳法的。





第七場 3班 1200米

2.祥勝愛駒 10.幸運紀錄 3.綠色寶 11.尊勝福星

「祥勝愛駒」前仗快步速跟守2疊4位末段拋離其後補中嘅「中國動力」嬴，上仗2檔本可守好位但早段搶放並非用最佳跑法而梗得第4，過往都係守好位較好，今次7檔同場有快馬從11､12檔切入，應可沿用過往最佳跑法，有追逐目標會更好，半冷可搏。

「幸運紀錄」剛戰柏寶騎沿途搶口2疊放快步速，直路已力弱，前仗轉彎包尾而且失平衡之下一條直路衝嬴已做出高難度動作，起用馬房合作成績甚好嘅韋達有望可重現威力。

「綠色寶」早前跑同程強組用咗一個錯跑法都能得一席第2，前仗田草直路賽走不利場地，上仗直路又無路可上，回師最佳路程有2檔之利，用湯智傑亦未可輕視。

「尊勝福星」一直希望轉短途作賽，一如「魔幻大師」大步均速馬跑短途段段快可能更好，上仗跑1600放至氣管多血，賽後快復課隔一個月才出，轉谷草11檔立心搶入領放亦有冷望。





第八場 3班 1650米

1.勝任有餘 8.大把世界 5.開心至愛 6.驚喜

「勝任有餘」剛戰憑休出特佳及步速形勢嬴，但姿態討好，可拋離自製慢步速嘅「華倫天奴」，賽後再隔一個月先出，而試泥閘比落反應尚可餘勢唔差，今場步速唔會太快7檔應可切入2疊守好位直路早出頭爭勝。

「大把世界」上仗初見走勢，慢步速下直路比「紅日」移出更外疊追而走勢相若，後駒再出差D補中，潘頓埋門操足3課，呢對騎練剛戰就有「綠色好」匆出換人嬴，8檔跟「勝任有餘」力爭第一捷。

「開心至愛」雖潘頓棄騎，但剛戰賺形勢下末段輕鬆抗衡「紅日」衝刺，姿態甚好，加磅排檔外移至12檔，幸尾段場次有機會外疊場地稍好，加分後依然夠爭的。

「驚喜」剛戰不敵「勁飛揚」，後駒再出因割傷才失準，薛廐馬好開會有延伸浪，一如「高友勁」上3班強組都可入位，發揮120%能力可繼續跟進。




2012年3月7日谷草B欄夜馬

衝衝衝~~

賽後成績 (2012年3月7日谷草B欄夜馬)

引用:

原帖由 GR上杉圭 於 7-3-2012 06:40 PM 發表
衝衝衝~~

搏錯左兩隻WIN

賽道分析：田草C+3欄為全港最窄嘅田草跑道，跟前內疊馬常可因轉彎有足夠時間回氣及後上馬因跑道較窄而難以追趕，如步速偏慢跟前馬會比正常賽道更為有利，對上一次就難以從外疊蝕得起，「勁綵」､「沙貝利」等都因場地而有更優異演出。泥地方面，3月5日進行翻土工程，對上一次2月11日亦於5日前進行同樣工程，當日跟前馬甚為有利，故此類馬可評先。



賽日重點：

第六場 3.好勝煌 4.天瞳 Q/QP

第八場 2.魔幻大師 拖 5.齊歡笑 1.爆料 9.超皇鷹 Q

第九場 2.大把在手 1.電光能源 7.紅旗勇將 Q

第十場 6.育成王子 W



全日馬膽：第十場 6.育成王子

冷門突擊：第七場 6.精奇






第一場 5班 [泥]1200米



11.齊鼓掌 1.西域雄心 2.新三刀王 9.駿馬飛騰

「齊鼓掌」季內轉倉初出同程即可跑入一席第2，只負於賺步速形勢且評分大利嘅「長勝」，上仗沿途走大外疊遊馬河，當日內疊場地有利的，今次返泥地繼續用眼罩配備，雖未知剛戰蝕位下完全唔衝會否配備帶嚟嘅影響，但步速慢而且對手極弱下極大機會出頭，應會盡拼。

「西域雄心」上季曾於4班同程輸近得一席第4，近兩仗出閘失地多非用最佳跑法，今仗賽前彈泥閘才出，如能出閘順利有機會因場地形勢而爭入一席。

「新三刀王」季初跟快步速輸比段速出色嘅「咁都得」，之後增程角逐積極減分，剛戰跑田草1200亦走沿途三疊蝕位甚多才表現失望，今仗轉泥地一試，雖未曾跑泥地，但以其基本前速已可跟守前列好位，加上經過近月回氣期文廐馬再度出擊，週三就有「嘻哈大少」有突破演出。

「駿馬飛騰」12月及1月缺課兩個月，2月快跳幾課3月初試大閘後就出，狀態明顯未足最佳水平，但1檔應可賺場地形勢及對手甚弱下，此駒於季初泥地上名表現已有機會爭位了。

第二場 4班 1000米

3.神采商人 2.官仔骨骨 8.綽力之城 9.創出商機

「神采商人」同父馬初出1W3P，本身噸位逾1300磅甚足夠跑田草1000直路賽，賽前試大閘大步放返而高分嘅「恩格斯」推騎都未能對之構成威脅，同組試閘仲有一匹初出追得不俗嘅高分馬「環保戰士」，操足4個月才出有外檔之助可一出即拼。

「官仔骨骨」父系O'REILLY一族本身並短途快馬，多以中距離較好，十月開操後期間3試大閘，第一課已見肯追馬，之後再試埋谷閘，可跟得甚輕鬆而自動波想搵空位衝上，競賽意慾甚強，1130磅左右噸位亦足以應付最短途賽事，同父馬初出可得8W19P，對手唔強可與其他初出馬齊作突擊。

「綽力之城」亦屬初出馬，十月開操，期間白德民､勞愛德輪流教馬，早前與「自成一格」一同試閘走勢比後駒輕鬆得多，父系2歲2戰全勝包括一級賽藍鑽石錦標而母係亦6捷短途包括二､三級賽，父母線均速高而質素優良，偏向早熟快馬，摩廐今季多匹質新馬一加頭罩即變身嬴馬，包括「花月佳期」及「軍事出擊」，「小宇宙」亦於加罩後越跑越進步，檔位雖較差但亦可憑實力爭一位。

「創出商機」前仗初出與「小宇宙」及「千軍萬馬」幾乎同到終點，後駒上仗加眼罩而表現冇大改善，此駒剛戰卻可於轉彎路程較強組別跑近，該組前列馬包括「山頂」､「大將軍」､「勝利金剛」再出都有好表現，續強配起用巫斯義有心一拼。

第三場 3班 1000米

6.龜兔競跑 2.熊英雄 3.禮尚往來 10.松林之星

「龜兔競跑」出道4仗同程獲2冠2亞，前仗只負於剛勝2班賽嘅「跑寶貝跑」而剛戰輕輕鬆鬆跑3班賽補中，今仗再跑同程而起用吳嘉晉抵銷評分加幅，負同磅出馬只11匹1檔亦應夠快於早段移出外疊鬥，爭勝要角。

「熊英雄」遠征回港後一度受健康影響，上賽後停課兩星期，2月重做功夫現時狀態未算十足，但以其上季尾嬴其後奪百週年短途錦標嘅「鷹之團」及復出狀態不足增程鬥「芙蓉之寶」計，7､8成狀態都有爭W機會。

「禮尚往來」前仗閃入閃出以短距離負於「跑寶貝跑」及「龜兔競跑」，3班會夠級數，剛戰沿途3疊跟快步速最後百幾米才力弱，回此程可爭一位。

「松林之星」轉倉初出泥地一役走大外疊追得甚勁，剛戰利內疊情況下亦追得不俗，同日有4班1400米唔報而報此場，未必純為減分，有快步速外檔之利亦可加入戰團。

第四場 4班 1400米

4.齊歌唱 8.多利皇 2.卡加大師 6.辣得醒

「齊歌唱」前仗轉此程跑即可跑入一席第2，剛戰直路全程受阻冇跑過，賽後副練一手操轉回前仗合拍嘅柏寶，步速夠快而本身3檔會極好跑，有機會似「勁綵」憑場地之助嬴馬而回。

「多利皇」實力只屬4班中級，早前不斷跑谷草回一輪氣大前仗就重現真面木，不利外疊下後上追得勁，前仗再跑同程可抗衡「幸運勇士」追勁，而且最後幾步更有再度拋離之感，剛戰又轉谷草跟快步速與其後提升名次嘅「錢程萬里」一齊過終點，今場排4檔有助爭勝。

「卡加大師」於223場次蝕位蝕步速追得勁後翌仗跑田草1400即能走大外疊補中，之後再跑同程有檔位之助更嬴得甚易，上仗因食慾不振退出，無缺課而體重不跌反升，唯一怕12檔如跑正常C+3跑道便難蝕得起，作配較安心，但論實力絕對係爭勝要角之一。

「辣得醒」初出一役直路不斷要從馬群搵位上亦可與其後補中嘅「奪金」及「飛馬之威」同過終點，剛戰匆匆加程落敗亦非意外，因為難度極高的，今仗回師1400而賽前試大閘加用配備才出，如能把握機會取得2疊7､8位便可提升爭奪勝利機會。

第五場 4班 [泥]1200米

6.寶貝 3.荃城歡欣 10.都靈一號 8.雙辣

「寶貝」泥地具4班中級能力，如有檔位之助常有不俗表現，大前仗便因應1檔而嬴「萬人迷」，之後休55日跑同程當日大利前領基本上冇馬可改變名次，上仗跑田草明顯不合，今仗強配柏寶有2檔之助應可跟守BOX SIT好位，場地有賺之下便有力再捷。

「荃城歡欣」剛戰初出起步有意外要靠後追跑入一席第2，未固定跑法今仗又排9檔，如能跟守前列會更安心，始終上仗追3班草地都差D能嬴嘅「開心指數」難度不低的。

「都靈一號」轉倉後連仗追得勁，入Q後於泥地同程補中，姿態輕鬆，之後返谷草兩仗分別因不利外疊及極慢步速才輸得遠，回此程而有3檔便有機會變身出擊。

「雙辣」過往只一戰泥地未能作準，同父馬取得6W14P應不差，季內可嬴「勁綵」及「熱錢」，4班已具有中級實力，賽前操近3個月才出，休後常可取得好成績，而且可前置，配合馬房攻勢場地有助就可爆。

第六場 3班 1600米

3.好勝煌 4.天瞳 2.漸信良駒 9.永勝多

「好勝煌」前仗賺分配下嬴其後再出可再度上名嘅「精算縱橫」，表現算不俗，剛戰段段慢轉彎加快步速全程留最後直路走大外疊上可衝最快末段而與打吡入選馬「驌龍」跑近，水準甚高，今仗1檔而前面會有「奪寶」帶頭確保中等步速，配合「龜兔競跑」出擊作膽最穩。

「天瞳」甚失運，連仗因受阻而追唔到，其爆發力極強，早前同樣段段慢步速只得此駒可於大外疊衝200米更差D嬴埋，今場強配薛寶力會更安心，如非薛廐馬失望或受阻後表現大幅失準應可作膽。

「漸信良駒」上季可打疊9仗取得前3名，極忠心準繩，評分高企今季初遊一輪到1月才回復表現，大賺慢步速而嬴，之後兩仗雖未能上名但表現不差的，到上仗轉谷草就可賺場地跑入一席第2而後面馬匹冇一能對之構成威脅，該場步速甚快有此表現已屬合格有餘。

「永勝多」前仗3班同程可追入一席第3，頭2匹為3班中上級馬而壓倒今次又同場嘅「超群名駒」，剛戰留得太後末段衝全場最快末段23.2跑入一席第6，今仗亦會配合馬房攻勢出擊，有力加入戰團。

第七場 2班 1600米

6.精奇 3.伽羅 4.貝利高 5.皇龍戰駒

「精奇」今季加眼罩後打疊4仗取得2冠2亞，剛戰轉彎加快不利步速下從大外疊追入一席第2，難度甚高，而第3名「花月春風」及「愜意小開」可再提升名次，水準甚高，今仗5檔少馬場合亦唔使留咁後，休一個月相對體力較好作膽最穩。

「伽羅」大前仗轉彎加快不利步速可與一班「齊歡笑」一齊追，前仗墮馬意外嚴重受阻後從內疊輕鬆追入一席第4，上仗轉不合跑泥地洗一洗底，今仗再回田草作賽，過往此程及谷草中距離表現不遜色，此系馬未交代戰意必高。

「貝利高」前仗同於強組作賽，因步速放得好難追僅勝，剛戰轉泥地可以已無以前3班時咁有分利，重回田草作賽賽前有快跳而是日賀廐馬部署出擊，少馬場合步速慢有機會像前仗般轉彎加快走甩。

「皇龍戰駒」連續兩仗與「陽明飛飛」串Q後再跑同程頂唔住後上馬衝刺只得第4，體力回落下跑濕慢地大敗一仗，小休一個月後轉谷草排大外檔第一個彎要走4疊跑，入直路移出不利外疊衝刺末段可反撲上前跑入一席第4，勢頭不俗，剛戰再排外檔遇快步速全程走3､4疊難以蝕得起，回田草少馬慢步速有機會可重新展現鬥「陽明飛飛」嘅能力。

第八場 公開賽 1400米 [港澳盃]

2.魔幻大師 5.齊歡笑 1.爆料 9.超皇鷹

「魔幻大師」今季踏入4歲轉短途發揮更成熟進步，谷草熱身一仗後打疊6仗非冠則亞，大前仗谷草段段快步速可頂得住「佳同」衝刺而只負於同樣進步良多嘅「奇葩」，剛戰泥地中距離極快步速直路輕鬆推騎最後幾步被迫近才認真推騎幾步，姿態出色，回田草1400大步馬合發揮，如早段非力留而順走快步速都幾難追到佢。

「齊歡笑」季初力追當時甚銳嘅「甜將」而壓倒「甜橙」，前仗不利步速追而負於相對實力相當高嘅「精彩日子」及「牛精大師」，追勢尚可，剛戰臨場因柏寶受傷轉湯智傑守好位衝落卻唔算多，未知是否騎者發揮問題，今仗最重要抽到2檔好位加上用返柏寶，如跑回季初水準就有機會與前駒一爭，大前題係本身狀態有冇回落。

「爆料」上季於澳門常負頂磅作賽處回氣期，剛戰休出用返放頭策略嬴，如回復水準以前季可放斷「雅雪」計今場會係爭勝主角之一。

「超皇鷹」前仗蝕位蝕步速分配追「牛精大師」表現出色，上仗因主力旁落留得後輕鬆追趕，直路只跟「利錢伯爵」衝而望空追勢不俗，今仗11檔唔易跑，如步速夠快切入2疊中置才有望一爭。



第九場 1班 [泥]1200米



2.大把在手 1.電光能源 7.紅旗勇將 12.龍城動力

「大把在手」此程8戰2W5Q1T未失3甲，加上出道以來只得2仗失前4名，性格忠心，前途同程放45.4快步速唔斷，剛戰轉谷草快步速只負於兩匹賺步速嘅馬，今仗終可用配吳嘉晉有減10磅之利，可跟前作膽最安心。

「電光能源」終於坐完馬監等到泥地賽，剛戰谷草走內疊走勢不過不失，起碼唔算狀態差，部署今仗出極起用杜利萊必拼。

「紅旗勇將」同父馬得一匹「富貴金龍」泥地性能較好，其他只得3P，幸好剛戰跑法見加添機動而且最後幾步而輕鬆收韁而嬴，用力唔多，大摩季初亦曾以「讚惑」轉泥地跑嬴級數，今仗2檔同屬好位如能適應就可爭勝。

「龍城動力」季內初出熱身後即可走不利場地嬴同程，之後再跑同程亦只負於「夢幻十一」及「飛躍之駒」，實力應有2班實力，此組對手強但好處只負108超輕磅，3檔可跟守有利位置有機會爭一席T腳。





第十場 3班 1400米

6.育成王子 12.你知我嬴 9.好嘜 8.火熱動感

「育成王子」2戰2勝，初出拋離輕勝，剛戰再報同程4班甲一組跟快步速下輕鬆再嬴，初跑3班賽但對手未見大幅增強，而5檔預期會好跑步速亦唔快，極大機會再下一城取得3捷。

「你知我嬴」出道2仗跑強組都能走得接近，初出賽前走甩追「天外之天」及「快利多」兩匹3班頂馬，而之後再走大外疊迫近「華美之星」及「驌龍」，今場3檔應可跟「育成王子」追，計級數此組已可保一席。

「好嘜」上仗初出全程冇望空下追得不俗，今仗加程跑幸6檔尚不差，如保持水準可加入爭腳。

「火熱動感」3班中距離級數此組夠用，休出體力充足而早前冇缺課收埋操好再出，柏寶揀騎只要尾段場次內疊非大利就有位望。

2012年3月10日田草C+3欄日馬