引用:

原帖由 DrHorse 於 6-5-2012 05:13 PM 發表
d 跑馬過終點圖好靚仔. Can u tell me where to find them ? Thank you.

新APPS 有PC版同手機版~
都幾好用~

按此

引用:

原帖由 DrHorse 於 6-5-2012 08:08 PM 發表
will try. thank you very much.

不過要留意本身造GAME 果個唔係好識賽馬~ (我都識識地果個人)
D 馬匹能力同跑法要改的...

引用:

原帖由 fatmanchai 於 7-5-2012 11:06 PM 發表
Is it only be used in the racing day only?  As it only display the tutorial mode, when press, there is no function?

排位日晚上9點開始用得~
只要按排位表就可以做各場模擬~
但唔可以睇返過往紀錄

賽道分析：對上一次谷草B欄要數到3月7日，當日場地讀數2.70，早段場次內疊馬優勢甚大，就算步速分配前快轉彎拉慢都甚難從外疊追趕，直至尾段場次偏差才漸漸回復正常，故賽前並非單單評先外疊後追馬，臨場再確認。

全日馬膽：第五場 5.幸福滿滿

冷門突擊：第四場 3.明旺


賽日重心：
第一場 7.京城精英 6.好好運
第四場 3.明旺 5.喜勁駒 11.更捷勝 12.陽光王子
第七場 1.風之子 5.一寶 8.勁飛駿 10.振興中華
第八場 1.安穩 5.高友勁 10.馬主光輝 6.喜威寶

  


第一場 5班 1650米
7.京城精英 6.好好運 12.不老精英 9.馬皇帝
「京城精英」早前試閘走勢出色，就料出賽時被閘前助理拉住出唔到閘，大漏閘下末段仍肯衝，剛戰出閘正常前置守好位只輸於大超級嘅「好好運」，今次強配韋達力求交代，有3檔之助好大機會會快過「及時雨」守BOX SIT，戰意盛WIN選之一。「好好運」剛戰屬極出色頭馬，步速並未有利下最後100勢頭極強輕鬆取勝，今次再抽外檔，如肯放棄前段早早切入就大有機會再嬴，最怕好似前仗咁沿途外疊就有疑問，故作副選，計實力應係全組最高的。「不老精英」轉倉後近仗開始積極打磨，上仗就極速快放下唔斷，與2､3名相距極短，今仗12檔疊埋心水搶放，只要配備冇大影響仍有位望。「馬皇帝」今季表現已較穩定而唔上名都輸唔遠，近仗開始轉谷草作賽，試前試後表現尚可，今仗起用潘頓，4檔可守2疊4位有利位置，谷草第一場步速常會較慢利前置馬，今場有機會賺形勢入位。
「及時雨」5班有微利，但剛戰前速正常直路辛苦追過「不老精英」今仗要走貼欄第3隻考驗增加。「財富之星」上仗回復走勢追得甚勁，如外疊場地有利有力出冷。
  


第二場 4班 1200米
3.勁信心 1.化工之昇 7.大旋風 10.神童
「勁信心」前仗休出未能完全望空下追得甚接近嘅第4名，剛戰早段有前速下騎者力留違反跑法，敗不足據，今仗強配普萊西，此駒上季於3班可力迫「喜惑」及「御將軍」，此組必夠用，只要夠誠意切入2疊就可嬴。「化工之昇」今季轉何廐後減夠分落4班幾近場場好，證明於4班極有利，上仗休出走三疊下僅敗，今次7檔預期會有利得多，未交代戰意夠高亦有力爭WIN。「大旋風」剛戰同場跑入一席第2，現時能力明顯有些退化，失黃金機會下今仗排3檔可輕鬆領放，如步速唔快仍可一爭。「神童」表現穩定，但近仗跑啱晒都嬴唔到現時評分冇位水位再上，但未交代而且起用剛合作嬴馬嘅韋達，如步速繼續慢亦有力再入位。
「心甜意合」3班都近此馬房可早上名嘅馬落4班已用得，睇誠意幾時出擊。「精明出擊」於3班走近現評分有1檔好好跑，但加面篩後表現一般最多作邊線腳。「大欣賞」初出已追得不俗，之後戴眼罩有前速表現反一般，用郭立基亦唔似出擊。
  
第三場 4班 1200米
1.田園名駒 3.叻先生 7.神奇飛龍 2.深智能業
「田園名駒」近3仗轉潘頓策騎非冠即亞，剛戰賺慢步速嬴只加5分可留4班作賽，對手未見大幅增強，最重要又大有機會再賺慢步速，上名機會繼續高。「叻先生」評分反彈到現時水平上仗開始鬥得比較辛苦，事實上初上名後短時間內連續搏咗8場，小休唔夠一個月又再跑，而且排11檔早段須用力切入，作配較安心。「神奇飛龍」剛戰轉谷草對手冇咁強之下再度入位，最段一百米因馬鞍滑移停止策騎，本應可走得更近，今仗5檔會夠快切入一二疊，好形勢下有利再度入位。「深智能業」連續兩仗追得不俗，證明轉返頭罩配備正確，今次快馬唔多預期要繼續蝕步速，但如外疊場地有利就可突圍，作保險腳。
「一定快」跑水心情3班負輕磅都可入位，如有賠率拖一注無防。「妙不可言」前仗雖賺晒而嬴，但剛戰跑田草可於強組跑得接近，頭4名都勁，唯一今次10檔會好難跑，外疊場地有利才諗。「銳不可擋」開始有走勢，但追落只接近而威脅不大，1檔都可能只夠爭3-6名。
  
第四場 4班 1650米
3.明旺 5.喜勁駒 11.更捷勝 12.陽光王子
「明旺」季內轉谷草作賽多次走不利場地及不利步速下追得勁，先於422場次轉彎加快步速走大外疊追「雪米糍」得亞軍，之後連續兩仗都走不利場地而有追勢，今次10檔預期要走2､3疊，希望外疊場地唔太蝕以此駒實力都夠嬴。「喜勁駒」之前可於田草1400好位跑入亞席，剛戰轉谷草作賽因排8檔而要留得較後，未交代馬戰意必高，4檔亦可再用該次跑法守前列好位，應屬前駒最大對手。「更捷勝」轉蘇廐後表現不退反進，456場次一役極慢步速只得此駒可追近，上仗重跑田草全程外疊居後當回氣賽，小休一個月跑返谷草有內檔之助就居惡氣，位望亦高。「陽光王子」上季跑4班賽已追得近，今季減一輪分後跑田草､谷草都可於5班上名，重回4班賽上次泥地可能不合才敗，今仗2檔必守天然好位，步速未必會快下會大賺，能力不及也可爭入一席。
「金添好運」上仗賺場地下追勢唔算好強，今次步速唔快如無場地之助要再追到著實不易。「財神駕到」剛戰轉谷草跑表現只不過不失，今仗排9檔更要用力切入。「重量級」過往小休後出賽表現都不俗，上仗就可休出走有利場地嬴，今次3檔預期會賺，但見前仗轉彎慢跑啱晒都輸現評分冇大利，應只夠爭3-6名。「威水福星」上4班後仍可兩度入位，但今次對手強得多11檔用力切入後唔易再上名。「喜欣賞」於382場次追得唔錯，而前仗開始綁利近況表現卻甚一般，可能要再跑多D吸收多D經驗下季才搏。
  
第五場 3班 1000米
5.幸福滿滿 12.時時攞彩 9.軍刀 8.駟馬難追
「幸福滿滿」之前已經多次講過有幾勁，剛戰有快步速加有利場地即輕鬆追嬴，今次明顯再有快步速，加上6檔可守2疊會比1疊更機動好跑，如馬房肯出擊幾定可再勝。「時時攞彩」現時跑谷草比泥地更好，前仗唔夠快沿途3疊轉彎竟走出4､5疊發力衝刺，直路早段出頭亂跑下仍有餘力，今次2檔會好跑得多，賽前已著湯智傑一手操好，有力出冷。「軍刀」體重回復嬴馬及上名水平，今季兩戰同程都追得不俗，賽前試埋大閘先報名出賽，快步速排外檔也可一爭。「駟馬難追」今季可於3班兩度入Q，今仗排1檔會守天然好位甚為有利，早前連輸3仗不合嘅田草及泥地賽，評分減至今季上名評分水平，亦可作配腳之一。
「江山如畫」無最佳拍檔加上12檔難蝕得起。「搏得分」賺場地追落都係4455，要再減分。「銀桂飄香」初出不明物體，外地夠準而且血統早熟可拖一注。「科研精英」剛戰稍稍回復角逐興趣，但5檔起碼走2疊放又難唔放又唔係最佳跑法。「喜萬家」､「金湶」4上3難度加添，步速快輕磅亦唔易放到。
  
第六場 3班 1200米
1.連利福星 5.順利得勝 4.御將軍 2.活力至寶
「連利福星」連續兩戰同程得第2，起用吳嘉晉後證明減磅出擊起到作用，今戰續有好檔之助，今仗最多都係走2疊跑到中後段場次唔會蝕，跑法夠機動對手唔強有力交代。「順利得勝」見404場次一役走勢明顯開始復甦，剛戰更跑田草強組都可入位，今次5檔如早段唔夠積極可能要走3疊，睇騎者發揮以上季尾於1班丙組上名計現評分可起作用。「御將軍」上仗力拼僅勝，幸亞軍「珠光寶氣」如非走錯位已可補中，今次1､2檔馬唔會快可切入再守BOX SIT位，有力再爭一席。「活力至寶」同主馬今季未交代，大摩必更肉緊，剛戰操好臨場卻因出跑道時走甩退出，今仗排10檔如步速夠快也可後上一爭，到中後段外疊場地可能已冇早段般蝕的。
「帝國勇將」上仗賺場地下應要追得更好，1000磅細馬搏第3仗開始有介心。「威老虎」夠級數，只係現時進度未夠成熟下表現反覆，相對8檔唔易跑，等有形勢才諗。「開心動力」過往有匆出上名模式，今次排外檔但評分已十分有利，比上季上名時低近20分，成冷可拖一票。「紅運福星」兩度走有利場地不及「旋風魅力」衝刺，就算1檔大賺也應止於1位。「日月暉華」近仗輸唔遠，但評分落返4班才更為有利。
  
第七場 2班 1000米
1.風之子 5.一寶 8.勁飛駿 10.振興中華
「風之子」此程特佳，今季3戰同程更全上名，可能英國馬踏入6歲表現更穩定，早前跑田草可當回氣賽，回谷草就可如「高風格」般由蟲變龍，排1檔步速夠快必把握黃金機會，守好位直路才移出衝刺奠勝。「一寶」現時計能力與前駒不相伯仲，但排8檔可能要留得更後才可克服，因5､6檔馬都係同跑法的，形勢不及下作配較安心。「勁飛駿」剛戰休後復出跑田草1000都追得近，今季3戰谷草獲1冠1季具惡氣，5檔快馬夠多亦可一爭。「振興中華」上仗同組跑沙田直路賽跟得急仍唔斷，轉徐廐後戰鬥力未有減退，如「錢照嬴」轉倉後前速減退便有機會可切入領放，上名機會仍高。
「紅衣叻叻」剛戰嬴得出色，但10檔有機會要走3疊甚至4疊，此駒要貼欄走走勢才會較好，成熱便唔值搏。「旅英駿駒」過往上名均冇眼罩，季初上名水準不差，4檔快馬多形勢會好，有賠率可拖一注。「按一按」早前幾仗都追得不俗，計能力現時與進步嘅「勁飛駿」差唔多，如賠率相近寧選較好形勢嘅前駒。
  
第八場 3班 1800米
1.安穩 5.高友勁 10.馬主光輝 6.喜威寶
「安穩」前仗跑同程嬴到對手冇得跑，而今仗多匹對手該戰已對過，快馬唔多10檔也可輕鬆切入守好位，「高友勁」有2檔之利可能會安於守好位，可一齊賺慢步速帶到。而「高友勁」今季曾於谷草大長途入位，當時狀態仍未銳，以此駒今季可力拼「驌龍」及輕勝「財寶鷹」計，此組同樣有利，應會係前駒最強對手。「馬主光輝」上仗蝕形勢下追得不俗，表現屬季內最好一次，狀態提升而且有1檔之利唔使留咁後，只要守到「高友勁」之後好位亦有力爭Q。「喜威寶」跑田草1400回復走勢後已連搏4仗而只得一位，今次12檔預期步速唔快又會蝕，未交代戰意仍早續爭2-4名。
「福到威威」反覆試前試後今仗可能到位，只係對手仍強可能會再等等先出擊。「新力多」3班可爭位，但今仗對手強最多只夠爭3-6名。「金得意」現時4班只可勉強爭位，上3班便更難。
  

[ 本帖最後由 GR上杉圭 於 9-5-2012 12:08 PM 編輯 ]

賽道分析：季內兩次雨後泥地分別於1月15日及4月9日進行 (另一次4月21日泥地賽前都有雨但早上有極好陽光令場地乾得較快)，前置形嘅馬匹優勢較大，當然季內泥地數據唔多濕泥亦少之有少，臨場再確認較安心 。


全日馬膽：第五場 1.太陽海岸
冷門突擊：第六場 4.天瞳

賽日重心：
第五場 1.太陽海岸 7.飛躍之駒 9.逸逸友福 2.巴其利
第七場 2.開心指數 7.天賜福星 5.喜惑 4.風雲上將
第八場 2.電光能源 5.愛跑得 11.獵豹小子 9.花月佳期

  


第一場 5班 1650米
12.光芒四射 2.八飛 1.精算拍檔 10.天寶之威

「光芒四射」無戴面篩下出賽今季初出熱身後表現極佳，可兩度入位而且其中一仗跑B欄內疊不利場地都追得勁，未交代續用韋達3甲應穩。「八飛」過往以1650表現最好，而且3度跑5班賽可兩勝，上仗4班1800跟快步速走近今仗可守黃金包箱位。「精算拍檔」季內同程放得頗急下於4班強組走近，落5班會大為有利，內側快馬唔多有力切入領放。「天寶之威」此程表現準，轉倉初出過往濕泥有表現亦宜拖。
「日月霸王」早前走甩都輸，加上轉谷草賺晒都只表現不過不失，利放才有望。「快馬當先」排中檔都只得位置，排14檔更欠安心。「冰火」連仗泥地蝕形勢追得勁，但復課一課快跳都冇馬房亦少用郭立基搏。「乘風破浪」1800較好。「駿馬飛騰」泥地肯追，輕磅冷可拖。

第二場 4班 1200米
1.萬人迷 4.月光寶盒 3.齊歌唱 8.白鹿勁

「萬人迷」屬典型3､4班升降機，與馬偉昌亦特別合拍，季內未交代而且排4檔可因應內側馬較快而可跟前，剛戰亦指出有機會528場次水準不高故上仗就憑能力追入亞席，作膽最穩。「月光寶盒」上仗轉泥地最後一百才力弱，而同場「萬人迷」更最後兩步才過到此駒，復課操練更積極試埋谷草閘才出，3檔可輕鬆跟前甚至如「華劍寶」般一放到底。「齊歌唱」上仗轉彎走大外疊衝而步步被「千軍萬馬」力抗，該組528場次水準未必高，6檔預期可守2疊4位好跑也只宜拖。「白鹿勁」72分自購馬減至現時49分，轉高廐後於中距離越跑越好，轉泥地1200可賺級數，邊線腳之一。
「翡翠明星」試泥閘勁到不得了可以佳速帶甩「電光能源」，但出賽可能兩回事而且未必可單騎領放下亦會唔同，因泥閘而過熱便不值搏，除非頭場放頭大利才諗。「雄姿儷影」近兩仗泥地直路都冇位上，以大前仗可與「都靈一號」走近計現評分會有位望。「天光明」田草級數轉泥地作賽，但11檔極有機會要沿途走三疊，均速馬要外疊場地好才有位望。

第三場 4班 1200米
1.都靈一號 3.荃城歡欣 5.回鄉更好 10.元豐泰

「都靈一號」兩勝同程姿態輕鬆，埋門試埋大細閘才出，早前5班負132磅可入Q，結合嚟計應可坐二望一。「荃城歡欣」出自近年香港泥地種王，兩戰同程一放一追都入位，而且兩仗對手都強，賽績硬淨。「回鄉更好」剛戰最後200冇騎過於弱組走得近，3歲英國馬進度須未足，但此廐馬有接近表現轉場就可加倍留意，始終分齡讓磅都賺返5磅的。「元豐泰」上仗谷草按韁輕鬆領放，早前跑泥地缺課下都可輕鬆跟前，復課有快跳賠率上依然值搏，此廐馬過往如「喜萬家」都曾打疊跑得好的。
「千軍萬馬」出自528場次一組，今場8檔預期要留得較後及沿途外疊，寧願放棄。「溫暖先鋒」泥地較好，但進度卻未足，起用潘頓有誠意T/F4可拖一票。「歡欣星」上仗內疊賺完近，今次又要留得更後都係T腳，Q應難。

第四場 4班 1650米
12.電訊至尊 5.金瑞 3.康駿 1.勝風

「電訊至尊」近5仗表現穩定，全入前4名，前仗更轉彎走得急下力抗嬴4班賽，上仗做步速快放亦唔斷，同父馬「龍城動力」可於泥地取得1冠1季，7檔可用基本前速守2疊好位作賽，只要泥地合位望極高。「金瑞」今季3戰泥地取得2W1T，上仗放唔到都算肯追，薛廐馬未斷纜可繼續支持。「康駿」季初兩仗延伸浪表現極出色，B欄內疊不利場地都嬴，休出後表現雖未如理想，但見剛戰戴返眼罩都算有前速，季內FORM夠強搏冷。「勝風」3班追近落4班已可拖一票。
「飛躍之旅」同居級數最大問題健康欠穩，計能力可爭一席。「駕世仔」上仗跑啱晒落敗。「玩具神話」上季此程入Q，冷勿忘。「飛騰」泥閘甚勁但13檔1650現時前速唔夠唔易發揮。「勝利多」東廐質新馬好開會好，但初跑泥地成熱便不值一搏。

第五場 3班 1200米
1.太陽海岸 7.飛躍之駒 9.逸逸友福 2.巴其利

「太陽海岸」近兩仗排大外檔要留得後亦可力追實力指標「開心指數」，落腳非慢今次4檔可像嬴馬一役守前置好位，大馬唔怕負重可嬴上2班。「飛躍之駒」上仗雖賺場地，但末段衝勢強而且能力迫「芙蓉之寶」，重返泥地6檔相對都會好跑，Q腳首選。「逸逸有福」剛戰追勢比「太陽海岸」更勁，但問題係落腳甚慢，如臨場外疊有得追就可提升評級。「巴其利」首次排7檔以內，應可領放而「精靈勇駿」會帶給此駒步速壓力，大利放頭才有勝望。
「旺綵」剛戰近但勢頭唔強，同父馬泥地會好F4才預。「綠色寶」冇柏寶排檔外移止於3-6名。

第六場 3班 1650米
4.天瞳 2.福到多多 1.勁力 8.國中之星

「天瞳」同父馬多數跑泥地都唔差，此駒應合，剛戰慢步速重現威力轉彎加快步速走外疊追得甚勁，薛廐馬常有延伸浪今場慢步速4檔可守6､7位，繼續有分頭可再搏。「福到多多」季內同程嬴得甚為出色，休出第一仗跑同程走內疊只可過不失，不過當日頭馬其後可於田草2班再上名，前仗1800可能稍稍嫌長，回1650會更好。「勁力」早前嬴泥地一役就係雨後泥地，之後跑返正常泥就打回原形，初增程同父馬有長力，5檔步速唔快可用1200速度守3､4位。「國中之星」季內試泥閘出色跑落表現都不俗，當日「金獅猛將」14檔用力切入而此駒守內檔直路衝過未見困難，能力上可能差唔多，但賠率相距甚遠，慢步速足爭入冷位。
「非常好」1800才好。「穿針引線」減分已足如外疊利追可突如其來。「金獅猛將」今仗9檔都要用力才可切入早段形勢與上仗差不多。「博愛福星」健康受影響少有力鄭廐馬要休7日才復課，有能力如分頭好才拖。

第七場 3班 1200米
2.開心指數 7.天賜福星 5.喜惑 4.風雲上將

「開心指數」新泥地短途王暫時仍不敗，剛戰最後幾步已奠勝，今仗步速壓力可能比剛戰更細，9檔夠快切入爭取第5WIN。「天賜福星」季初跑泥地表現不俗，有3班頂實力，上仗氣管有血才輸得遠，今仗形勢甚好可爭入一席。「喜惑」1戰泥地中距離路程不合但都輸得唔遠，回1200泥地賽便可賺田草級數，只要非泥地不合2檔亦可爭位。「風雲上將」外地3戰膠沙地全勝，而且未失3甲極忠心，上仗初出熱身後試泥閘走外疊輕鬆追得勁，今仗黑馬之一，不得不防。
「幸福紅椒」不斷減分今仗用馬房愛將安國倫，1200會合可拖一票。「城中話題」兩度追近但勢頭唔夠勁。「好好計」外地嬴膠沙地，來港不斷跑長上仗跑1200追得不俗，外疊場地好可提升機會。

第八場 1班 1200米
2.電光能源 5.愛跑得 11.獵豹小子 9.花月佳期

「電光能源」現時泥地最強，每季都係等泥地賽程出擊，戰意必高，前途跑同程負頂磅亦嬴得出色，唯一不明係突然戴眼罩上陣，過往跑泥地未試過泥閘都未試過，信能力作首選。「愛跑得」前仗就係同程一齊追，勢頭不比前駒弱，剛戰蝕分跑平磅賽走內疊可與頂級短途馬跑近，亦屬機會馬之一。「獵豹小子」上仗沿途3疊最後可再上力迫賺晒嘅「飛闖」，今仗10檔又會蝕但跑泥地忠心肯走，位望仍高。「花月佳期」早已試泥閘而可追當時甚銳嘅「魔幻大師」，應合腳法，快馬多另一匹摩廐馬剛已交代，計數此駒戰意會較高。
「軍事行動」退役前最後一仗，中距離泥地準但1200要考驗。「讚賞」剛戰強組跑近，T/F4要拖。「名駒」試泥閘甚勁，但真跑又可能兩回事加上步速壓力甚大唔易放出。「君河」從未跑此程及泥地，如內疊前置好T/F4才拖。

引用:

原帖由 a550 於 16-5-2012 07:10 PM 發表
請問版主可以send模擬賽馬結果給我嗎,thx我想知1至14名

時間唔夠冇認真做

賽道特色：對上一次C+3賽事為4月21日，當日場地讀數 2.75，凌晨有雨之後早上開始放晴，場地乾得快越跑越乾爽，令全日賽事整體時間都可偏快完成，另外，跑道以內疊馬優勢極大，沿途守貼欄而直路移出中､外疊衝就賺盡今次跑道特色。直路賽則正常地以中､外疊較好。總括而然，賽前可大幅調低外疊後上馬而守中前好位嘅馬匹可多加留意。

全日馬膽：第十場 4.華美之星
冷門突擊：第一場 9.中國天使


賽日重心：
第二場 1.大將軍 13.實在好 9.愛蓮說 10.劍臣
第七場 1.歡欣滿載 2.進取 10.靚好聲 7.晴天
第十場 4.華美之星 1.摩法神采 3.多采多姿 7.堅旺財

  

第一場 4班 1000米
9.中國天使 2.叻叻仔 3.尚駿心 12.盈豐快駒
「中國天使」連返走外疊蝕位追得勁，已試準睇下幾時用，今場縮1000都追定先。「叻叻仔」4班繼續會有利。「尚駿心」以往可於3班上名，難得跑得返應會盡用。「盈豐快駒」早前此程壓倒「小宇宙」，用潘頓未可輕視。
「御鋒」轉倉初出可作邊線腳，但重點係要夠快移出大外欄。「芙蓉生輝」馬主喜即拼，同父馬亦偏向早熟，但廐主多匹初出馬試閘好跑落又會唔同，成熱便不值搏。「龍東之尊」剛戰走稍不利場地肯追馬，尚有邊線機會。「太陽雄心」同父馬初出成績亦好，近1100磅夠噸位可拖一票。
第二場 5班 1400米
1.大將軍 13.實在好 9.愛蓮說 10.劍臣
「大將軍」連番於4班強組跑近，落5班用吳嘉晉可即交代。「實在好」近兩仗重現威力，走蝕位下都衝得甚勁，7檔預期可切入1､2疊，直路移出外疊衝爭勝。「愛蓮說」俱4班實力，休出後熱身兩仗用返馬房愛徒位望極高。「劍臣」賀廐馬會試準後勁加柏寶出擊，此駒正是如此部署，加上3檔應可守貼欄第3或第4隻位置，如非太後可加入一爭。
「風馳電掣」剛戰大賺嬴，如場地夠慢就可憑場地性能再爭。「鼓浪春風」上仗追得不俗，但12檔後上會好難發揮。「時時有機」5班有利，1檔可作邊線腳。
第三場 4班 1200米
4.威力寶 5.永順益 1.一定快 6.快樂良友
「威力寶」初出賺前置形勢下不敵「信心十足」，水準未算好高但預期今仗可再賺，作Q膽應穩。「永順益」谷草近6仗全入前5名，已漸見忠心穩定模式，轉田草作賽步速慢下柏寶要搏會早段拍住「威力寶」雙雙賺步速一鬥。「一定快」剛戰回復走勢，慢步速下沿途3疊追得勁，4班會有一定份量，5檔可守好位繼續兼顧。「快樂良友」同父馬初出成績向來甚好，加上已屆澳洲4歲馬，外地試閘亦只以頸位不敵「精彩日子」，奇兵一路隨時橫掃。
「必勝熊」剛戰谷草慢步速追嬴非易事，但轉田草要排9檔預期太蝕應止於3-5名。「好事必得」初出漏閘追落尚不算太差，操好先復出T/F4要拖。「杯盃勝」初出一役漏閘下追得勁，但11檔亦預期難跑。
第四場 4班 2200米
4.好球 2.飛快無敵 1.俊威威 11.實業傳奇
「好球」早前可後追嬴「高友勁」，後駒上3班作賽絕不蝕底，同程亦屬同場內少有有證明嘅一匹，只要跑出水準就可爭勝。「飛快無敵」14檔會夠快切入領放，早前段段快放下曾唔斷氣量應足，今場對手快馬唔多亦減少氣量要求，初落4班已可亂大局。「俊威威」屬另一匹3､4班升降機，今場步速相對較慢下有機會可應付此路程，1檔步速形勢點都會賺咗先必拖一票。「實業傳奇」谷草同程5戰4度入位極準繩，上仗小休復出重現威力，轉田草續負輕磅甚有利，有力突圍。
「勝利福星」谷草嬴完加分後轉田草同程相對冇「實業傳奇」咁好。「不老英雄」此程亦好，李廐馬不必睇近績，如有賠率亦可拖。「朗天」､「電訊高星」早前於5班2000一齊追，上4班對手增強應止於3-6名。
第五場 4班 1400米
2.共同目標 8.美的人生 7.大快人心 1.勝利旋風
「共同目標」於上手馬房已見超4班實力，今次轉倉初出反覆用兩次大閘去試有眼罩同冇眼罩，出賽決定用，應試準而來，相信起用柏寶亦會心急轉倉即拼。「美的人生」大前仗走不利場地追得甚勁，近兩仗續排大外檔便蝕唔起，以之前表現計應評分已盡，今次排檔轉為有利2檔，比多次機會佢。「大快人心」大前仗力追「喜勁駒」及「勁加勁」，兩匹對手再出表現亦好，今次操足起用馬偉昌，3檔可跟「美的人生」發力衝亦係爭勝主角之一。「勝利旋風」4班有微利，今仗預期只得此駒會放應可像剛戰般再賺步速入位。
「帶喜來」上仗復出走不利場地表現不差，但大幅增程10檔要沿途蝕甚難發揮。「辣得醒」早前兩次同程追得甚好，今次4檔亦可跟主要對手競跑，如對手有差池便可一爭。「勝利金剛」要睇臨場場地，如夠慢就可跑高幾成加入戰團。
第六場 3班 1000米
3.牛精巨星 4.龜兔競跑 11.金剛驃 2.江山如畫
「牛精巨星」回復狀態，前仗就能力迫「萬醒駒」而壓倒3班極有能力嘅「幸運紀錄」，剛戰1200米最後100幾米力弱確證得1000米力，今次回田草直路賽賽前試埋大閘才出，14檔輕鬆沿欄可放返。「龜兔競跑」實力應不比「跑寶貝跑」差很多，至少有3班頂實力，轉谷草大敗後返直路賽用直路專家杜利萊，可能配合馬房攻勢而來，只要小休後跑返水準亦夠爭勝。「金剛驃」上仗不利步速及場地於外疊追得不俗，今場步速會快應合發揮，唯一係C+3較窄場地下要後追取位不易，作配腳。「江山如畫」勤拼不疲，睇嚟今季想用得幾多得幾多，上仗沿途外疊下直路反撲肯追可壓倒賺步速嘅「幸福滿滿」，回田草1000成冷亦可拖。
「得盛」上仗初出衝22.56表現合格，但縮1000有少少似「真慷慨」部署，應慢慢等下季用未必急進。「藍城堡馬」早前直路賽表現只值4班頂水準，初轉配備亦須考驗。「健康精英」同樣能力值4班頂，上3班對手大幅增強應止於3-6名。
第七場 3班 1800米
1.歡欣滿載 2.進取 10.靚好聲 7.晴天
「歡欣滿載」早前可鬥「沙貝利」，於3班便大為有利，馬房近期喜用韋達交代，同場對手大部分都係4班及谷草上名後轉田草嘅馬匹，應可輕鬆取勝而回。「進取」初跑1800，幸步速慢下應有權像剛戰大賺形勢下捱到，有爆發力Q腳首選。「靚好聲」上仗走不利大外疊追得勁，該場頭7名馬全首前列好位唯一一隻可追到，但今仗又要預慢步速，健康難得保持會盡用，機會馬之一。「晴天」大前仗已指出走勢初見接近，受阻後次仗便用高雅志補中，今仗對手多為4班水準，3歲愛爾蘭馬適應得快潛力不低，有權繼續入位。
第八場 1班 1600米
2.新力勁 7.人人興旺 9.家樂飛 8.蓬萊仙子
「新力勁」同組屬最高級數之一而今季季內水準算較好一匹，未交代用韋達點都要搏，13檔留復鬥衝一段以剛戰衝22.2計，同場應只得受健康影響嘅「君子一言」可比擬。「人人興旺」重戴眼罩，早前用此配備表現不差，賽前試閘走勢輕鬆4檔亦可沿途好位直路才移出爭勝。「家樂飛」前途跑1000可衝22秒內末段夠勁，剛戰直路多番取位不順下走T腳，評分唔會有幾多空間但用柏寶會決心一搏，對手事實上唔算態銳亦有能力前置賺步速加入戰團。「蓬萊仙子」季初快步速於谷草放入Q腳後轉田草後追都表現不差，今仗預期只得此駒放頭步速形勢可大賺，如發揮得宜有權突襲。
「君子一言」腳患嚴重用把握機會盡搏，睇剛戰表現可能跑短更好。「一言為定」季初馬王組別走勢尚可，賽前用必殺操練可作配。
第九場 3班 1400米
3.信心十足 3.新力飛 2.豐衣足食 12.旅遊小子
「信心十足」初出嬴出姿態極為驚人，上仗缺課後休出可以極輕鬆姿態取勝，無疑上班增程難度雙重加添，但對手唔算太強而且4檔預期可以短途速度守前列好位，賺埋形勢下交出正常後勁都可再度輕勝，母線有足夠長力的。「新力飛」上仗前正常轉彎加快步速於外疊力追「綠色好」，此組會夠用，6檔預期可跟主要對手跑爭入Q位。「豐衣足食」重戴眼罩，過往一次同配備雖大敗，但以此忠心馬該場差到唔似真，亦為谷草賽事，今仗9檔預期會蝕，如尾段外疊場地較好就可爭勝。「旅遊小子」早前兩度跑同程追得甚勁，此程現時可能比谷草更好，2檔可守前列好位超輕磅亦可爭入一席。
「齊哈哈」加分後負130磅排13檔難以安心。「好主意」上仗賺場地下追得不俗，賽後收埋操提升進度，但14檔要追C+3跑道要好超才可一爭。「海南花梨」初出同程可跑入一席第4而對手極強，今次重回舊地賺慢步速亦有位望。「太奇妙」谷草加分後轉返田草只居邊線。「好好機會」閹後戴眼罩與季初表現大為不同，而冇早前咁高水準，內檔也只於一位。「卡加大師」上仗賺形勢嬴，11檔上班考驗增多F4才拖。
第十場 1班 1400米
4.華美之星 1.摩法神采 3.多采多姿 7.堅旺財
「華美之星」可分別力拼「包裝博士」及力壓其後再嬴嘅「天外之天」，至少值近110分，拼後隔近一個月才復出可再勝。「摩法神采」好想交代，前仗泥地追得勁後上仗又蝕極不利慢步速只得一位，今次8檔可守2疊中置機動位置，如外疊場地較好隨時力迫前駒爭勝。「多采多姿」季初與「甜橙」､「齊歡笑」等鬥，上仗證明此組夠能力可爭，前置跑法有利3甲應穩。「堅旺財」嬴馬後一役走不利外疊追得甚勁，今次6檔相對較上次會好跑，亦有能力一爭位置。
「紅旗勇將」上仗轉彎加快下走外疊追表現出色，但弱配增程增磅便欠安心。「快利多」1檔預期可像上仗般賺，但對手甚強應止於3-6名。

引用:

原帖由 GR上杉圭 於 19-5-2012 12:12 PM 發表
賽日重心：
第二場 1.大將軍 13.實在好 9.愛蓮說 10.劍臣
第七場 1.歡欣滿載 2.進取 10.靚好聲 7.晴天
第十場 4.華美之星 1.摩法神采 3.多采多姿 7.堅旺財

兩T一PQ~~

27/5/2012

引用:

原帖由 roy2005 於 30-5-2012 05:40 PM 發表
兄台！今晚有料到嘛？？？？

sorry~太忙趕唔切 POST~
呢排成績唔錯~ 星期日會盡力及早POST出嚟~