GR上杉賽日提供(2012年6月3日田草B欄日馬)

賽道分析：近幾次賽馬日壓地前､後均出現極大偏差變化，上週三先有「帝國勇將」､「鐵胆龍」等例子，週日壓地後「你知我嬴」走原本有利嘅內欄衝都唔衝，騎者之後騎「愛歡笑」即醒目地走外疊衝嬴，故買過關嘅馬迷不宜將關次放於壓地前後，而應先睇偏差後 (如第一場後就可選二､三､四場)會較為安心，其實以往內疊好壓地後理應更好，今季卻一而再出現此情況，實際可能要較馬會方面去研究才會好，如繼續唔多唔少都會減低馬迷投注意慾。講返今次賽事，對上一次谷草C欄係養草已久嘅賽日，當日賽前一日有雨，早段內疊極好而壓地後外疊冇問題，今仗A欄內疊養草時間更加耐，早段可切入1疊前置馬匹會有甚大優勢，2疊可能已經稍蝕，到中段壓地後就要兩手準備再觀察。

全日馬膽：第八場 5.易搏嬴
冷門突擊：第三場 12.海之宏

賽日重心：
第二場 11.桂花飄香 2.錢程萬里 9.叻叻財星 5.有盈有利
第四場 7.威水福星 9.日日發 5.財源來 4.好運得福
第八場 5.易搏嬴 7.玉峽生輝 8.紅日 2.歐洲駿馬

   


[特別提供：六環彩 多寶 $4,132,445]
(補償下早前因工事繁忙未能出帖=P)

第三場 12.海之宏 9.神童 7.多多昇
第四場 7.威水福星 9.日日發 4.好運得福
第五場 5.幸福滿滿 8.金紫荊
第六場 8.清新空氣 10.幸運紀錄
第七場 6.包裝博士 5.軍事出擊
第八場 5.易搏嬴 7.玉峽生輝
(144注@$2 共$288)

祝各位好運！！

第一場 5班 1800米
6.天鷹 7.壽比南山 1.香港發 3.發達心聲

「天鷹」10歲今季此仗已經係最後一仗，之後已冇1800或以上嘅谷草賽事可報，近季此駒1650已嫌短了，剛戰直路內閃下仍追得不俗，該仗頭4名就有「碧玉釵」及「勝利多」再出補中，水準甚高，配柏寶馬未交代馬房亦未夠數，有2檔之利可早早切入守BOX SIT好位，必坐亞望冠。
「壽比南山」剛戰田草原本打算攞保護權待今仗出擊，出戰1200全程居後直路走內疊輕鬆追前當試一課大閘，今仗配合「衝鋒槍」而來，1檔可居「天鷹」之後，強配潘頓應非善類。
「香港發」愛爾蘭馬踏入5歲中漸見穩定演出，上仗就於偏快步速頂住一席第3，該役亞軍再出補中而第4名嘅「喜相逢」於5班甚居份量，應屬強組季軍，今仗無疑11檔會成障礙，如能切入2疊3､4位就有機會蝕得起一爭。
「發達心聲」過往於3班上名，轉鄭廐減夠分落5班上仗就成功交代，今仗轉韋達排外檔反而更好分，事實上騎者走位出色以上仗嬴強組水準今仗亦有力再搏。
「迅者」今季明顯唔夠銳，但今仗可早早切入一疊賺形勢，如大利內疊前置就可爭入一席。「及時雨」冇內疊形勢蝕唔起。「大將風騷」季內未交代，徐廐有機會一眾未交代馬出擊，檔好成冷可拖一票。「雪蹄靈驥」有內檔及配備變動，T/F4可拖。「金滿貫」跑唔返季初水準。

第二場 4班 1650米
11.桂花飄香 2.錢程萬里 9.叻叻財星 5.有盈有利

「桂花飄香」踏入3月休出漸跑出正常水準，此駒上季有好表現之前就係突然除開縫眼罩變身，今仗幾近同一手法，季內谷草一役賺場地肯追，3檔可守BOX SIT好位係時候交代。
「錢程萬里」未盡退化，但近兩季未再嬴好恨交代，補出由杜利萊出戰，無步速下可順放轉彎加快突圍，未補出前已於排位朝跳三段備戰積極，實力份子之一。
「叻叻財星」於外地4戰全入3甲，此匹愛爾蘭馬近戰漸見接近走勢，有黃金一檔之助位望甚高。
「有盈有利」與過往那匹明顯唔同，現只值4班中下級能力，幸韋達未肯放手，4檔步速慢亦可預期守2疊2至4位，儘管近仗走甩下被追過位望仍高。
「金添好運」近兩仗賺形勢下追得不俗，今次養草內又要後追要外疊場地好才可捧。「心甜意合」4班必超，唯同父馬全部都係1200才好大幅增程外疊甚難加入戰團。「時來風送」上仗表現稍失望，10檔亦預期會幾蝕。「聚好盈」甚有能力，此馬房亦幾重視轉倉馬，「化工之昇」轉倉不久就搏，如頭場見馬房有攻勢亦不防拖一票。

第三場 4班 1200米
12.海之宏 9.神童 4.大旋風 7.多多昇

「海之宏」上季兩度於3班此程入Q，今季轉倉現時已減至44分，早前密跑減分今仗賽前卻刻意小休，操好強配最佳拍檔普萊西，過往此人馬合作9戰可取得4冠1亞2季，12檔如肯積極切入領放，快馬唔多場合有權幫馬房追數上岸。
「神童」季內未嬴，但有進步下越跑越好，今次再轉配備出戰，過往兩度更換配備都能上名，有1檔之利韋達可守BOX SIT或領放爭勝，短途會比中距離偏差更大的。
「大旋風」亦係其中一匹路程專家，今季已3次入Q而未勝，人馬3戰1冠1亞亦甚合拍，未必要潘頓才好，3檔亦預期會有好際遇機會馬之一。
「多多昇」此程過往曾取得5W5Q，季內數仗因直路無位上才只追得接近，上仗休出跑田草1400都輸唔遠，熱身後會更好，4檔可切入一､二疊直路跟今場實力馬上前，會夠能力爭勝。
「事事順意」上仗追得甚勁，但8檔要沿途走外疊欠安心。「太陽雄心」初出即入Q，唯剛戰頭3名全部質新馬時間亦唔算特別好，賺完場地排外檔初跑谷草考驗甚大。「神聖駒」前仗騎者走位出色下騎落一滴都無，上次略受阻後卻對「確威星」毫無威脅，6檔可能要走3疊初跑谷草成熱要外疊無問題才可拖。

第四場 4班 1650米
7.威水福星 9.日日發 5.財源來 4.好運得福

「威水福星」今季轉倉表現甚銳，近仗不放而留表現更勁，上仗快步速下就走2､3疊直路可以勁勢與「喜勁駒」一齊拋離主馬群，強敵已去步速慢5檔甚好跑，應會承勇再搏。
「日日發」季內落5班休出即勝，前仗賺形勢下於4班田草1600入Q，轉谷草有2檔優勢便會大幅增加，同父馬「讚賞」谷草亦合，有力爭季內第2WIN。
「財源來」今季表現進步，前仗走B欄中､內疊不利場地追得甚勁，剛戰A欄壓地前利內疊下追勢極強，今次再跑相同跑道，如步速慢直路於外疊衝一段有權像早前「印度光輝」及「好旺財」般追入一席。
「好運得福」季內嬴馬姿態出色，之後分別受極慢步速影響及受阻，今次小休操足而臨，配硬功騎師亦合，如中､外疊場地不吃虧就可與「財源來」一齊突擊，始終休出跑嫌短嘅1650米可克服。
「金得意」落返4班可爭一席，此馬房今季棋下馬匹多用得就用。「好香港」上仗跑田草1600末段明顯衝刺力減弱谷草1650未必會合，內檔如步速太慢就會冇路可上。「神勇馬車」過往入圍全部都係休戰4星期以內，今戰休近40日熱身後才諗。「重量級」上仗表現失望，幸今仗步速應慢T/F4有預一席。

第五場 3班 1000米
5.幸福滿滿 8.金紫荊 1.搏得分 6.綠色寶

「幸福滿滿」初出遇意外後轉谷草數仗展現出驚人能力，前仗補中後上仗遇不利形勢才敗，但最後幾步勢頭甚強，今仗步速極快會有利爭勝，雖已交代若見馬房續有攻勢就可搏WIN。
「金紫荊」上仗賽後流鼻血，但表現也不差，休息一個月重新做操練，4月復操5月更兩試大閘非常積極，回配過往替其取得2WIN嘅潘頓，壓地後10檔可能不蝕反賺，早前「江山如畫」就係跑1000走3疊都得，冷勿忘。
「搏得分」上仗留守最後不利形勢下比前駒追得更勁，今次12檔預期單一留後跑法，步速極快如外疊無問題就可一爭。
「綠色寶」現階段評分跑泥地常遇強敵，部署返谷草合理做法，用柏寶排11檔可稍留鬥衝一段。
「常山鳳寶」剛戰大賺內疊前置形勢嬴，上返3班排9檔就難爭。「仔仔女女」上仗意外後勒避尚算肯追，步速快有位望。「喜萬家」剛戰前置有利下直路潰散，4檔內疊有快馬下現時要等落4班才有信心。「好先生」上仗快步速但守好位下直路一段都冇，可能多拼下已回落。

第六場 3班 1200米
8.清新空氣 3.御將軍 10.幸運紀錄 5.旋風魅力

「清新空氣」前仗嬴馬姿態出色，當日壓地後內疊並非特別好之下可追嬴其後再出有好表現嘅「連利福星」及「心中有程」，上仗跑落無段好睇，差到唔似真，賽後即考閘合格部署出擊，今仗補出排3檔有可能配合馬房攻勢而來，半冷可搏。
「御將軍」前仗可氣走「珠光寶氣」而上仗直路走外疊追近前兩名賺咗貼欄好位嘅馬，已表現3班仍具份量，續用潘頓有黃金一檔，如壓地後內疊場地仍好位置機會更比前駒更穩。
「幸運紀錄」以季初表現3班仍只是過客，但堕馬意外後極速復出未知心理影響有機大，作配才可。
「旋風魅力」一連4仗賺場地追得好，剛戰出頭後最後幾步而按韁姿態討好，換人排外檔卻換來好賠率，如外疊場地好搏WIN亦會係一個好選擇。
「銀桂飄香」上仗初出尚肯追，但方廐馬少會早用，今季出賽應係比馬匹多出賽經驗順勢減分等下季出擊。「善寶」初跑谷草成大熱，按理田草亦跑得好嘅馬無須轉谷草要抽檔位，要大利外疊才會保險注拖返。「新力飛」田草會更好，賽前冇落草地起用薛凱華亦不明用意。「軍駒」走規純熟，操足而臨5檔可機動但半冷才合理。

第七場 一班 1800米
6.包裝博士 5.軍事出擊 1.滿綵 2.衝鋒槍

「包裝博士」氣勢極銳，4歲馬大幅進步中，早前極不利步速下走外疊韁繩脫手下追入第2後便兩度於田草嬴強組，曾於谷草作賽已有經驗，季內中､長距離最後一仗100分以上賽事，只負113磅必把握機會出擊。
「軍事出擊」亦不斷進步中，谷草2戰取得1冠1亞，上仗跑田草更一條直路輕鬆追嬴，比總末段快一秒，成熱下作次選，一Q返機會甚高。
「滿綵」季內取得跑馬地盃賽首關一月盃，今仗將出爭另一高分賽跑馬地銀瓶爭雙料冠軍，現時中､長距離實力於香港應可守4位，即「自由好」之後，於此組級數夠晒，避戰遮打盃唔用蔡明紹有心一搏，屬前兩駒最大對手。
「衝鋒槍」於上手馬房已不須看近績，返主場用潘頓會全力出擊，9歲馬一季只得兩仗可搏，將會無所保留爭勝。
「家樂飛」上仗走有力場地追嬴，唯當日雨地下作賽幾近所有有好表現馬再出表現大幅下滑，可能與用力多亦不無關係，續用最佳拍檔亦只宜作配。「千杯不醉」忠心肯追，薛廐早已有「高友勁」及「較量」蝕分照搏嘅例子，T/F4必拖。「開心老友」近仗前速唔夠，未必可賺慢步速形勢。

第八場 3班 1650米
5.易搏嬴 7.玉峽生輝 8.紅日 2.歐洲駿馬

「易搏嬴」季內未交代，韋達亦甚愛於柏寶手上爭飯碗，上仗泥地1200內疊不利下柏寶越走越入，如非馬群中競逐與「城中話題」跑法同樣礙眼，當試一課泥閘後即報最佳路程出擊，戰意高可坐位望嬴。
「玉峽生輝」季內守好位嬴「紅日」，之後卻中段遇拉慢步速留得太後直路無一步有位上，休出後兩仗跑短及田草，回首本路程就可一如「高風格」般出冷。
「紅日」踏入2月連續4仗追得勁，上仗小休復出遇極慢步速無馬可追，7歲馬評分新高現時應用得就用下季初才部署減分，亦可加入一爭。
「歐洲駿馬」剛戰強組但放極慢步速都斷，可能與違反馬性冇追逐目標下表現失準，回配以往合作3WIN 嘅安國倫如肯稍留鬥衝就可爭勝。
「超群名駒」表現有進，但上仗嬴弱組後負頂磅對手增強成熱便不值。「精算縱橫」進入評分新高，泥地可能會更有信心。「福星」早前外疊發力一仗表現漸回勇，但3班甲一組唔用愛徒蘇狄雄亦唔似出擊。

賽道分析：對上一次田草C欄於4月9日進行，當日有好表現嘅馬多數都係沿途守內疊前置好位，包括「豹顯神駒」､「軍士」､「競技英雄」､「育成王子」等，外疊會稍蝕要像「歡樂寶寶」､「堅旺財」等有能力嘅馬先會蝕得起。

全日馬膽：第六場 7.真慷慨
冷門突擊：第三場 4.松風




賽日重心：
第四場 2.俊飛象 9.勝利多 1.中華寶寶 7.童夢
第六場 7.真慷慨 3.百事神駒 4.晴天 5.阿哥精神

   





第一場 5班 [泥] 1200米
3.英雄得勝 11.齊鼓掌 6.新三刀王 1.勁快
「英雄得勝」連續兩仗負於「兄弟齊心」，健康稍養回後演出漸見穩定，預計今仗稍快步速下應不難切入2疊，恨交代馬今仗必把握機會出頭。
「齊鼓掌」今季兩度入Q都係由蔡明紹策騎，可能韁繩與此駒特別夾，今仗有一檔之利預計可守6､7位直路才移出一攻而破，季內水準並不差的。
「新三刀王」早前用眼罩配備放偏快步速入Q，重用此配備而1至5檔快馬唔多下可早早必入領放，如跑道有利就可一爭。
「勁快」今季冇乜FORM可根據，唯一係終於4落5而起用柏寶，季內兩戰同程都沿途外疊競跑，4檔會夠快切入守BOX SIT，配腳之一。


第二場 4班 1200米
7.威祥 12.大將軍 5.金鑽龍華 4.聖樂邦
「威祥」吳廐馬少有初出已見接近表現，早段力留下馬匹依然表現甚佳前速，雖賺慢步速但可與今場掛頭牌嘅「威力寶」走得非常接近，熱身後操練持續，馬房未夠數可能要早用此駒，7檔會夠前速必入領放，弱組有權爆。
「大將軍」早前可連仗跑得接近且能力迫「驚雷」，此組會夠用，水馬多預期步速會偏慢，10檔可簡單留外疊直路可順衝爭首WIN。
「金鑽龍華」今季仍可於3班與「夢幻十一」串Q，落4班點會唔夠？現時磅位水平於上季初可連番入位，小休試大閘走勢出色，12檔預期會沿途蝕，希望可憑級數走入一席。
「聖樂邦」上仗休出早段跟得急下轉彎再早早發力，最後只負於相對賺得多嘅「心甜意合」個半馬位，表現合格，以上季賺場地下3班入Q計於此弱組都有作為，有賠率不防一搏。


第三場 4班 1400米
4.松風 8.喜運財星 5.喜發龍 14.辣得醒
「松風」前季喺黎海榮跨下取得冠亞季殿各人，今季人馬首次重逢，以往休出表現不差，賽前試閘輕鬆與高分馬跑近，今仗排14檔但內側無一快馬，如起步能像試閘般順利就可順放出冷。
「喜運財星」前仗回勇走內疊嬴，該場2､3､4名全走外疊追，剛戰排外檔早段留得太後，場地太慢下可能力短只衝一段便只維持同速，今仗8檔預期唔使好似剛戰般留得咁後，薛廐馬好開會好，機會馬之一。
「喜發龍」上仗沿途外疊休出下直路衝落唔多，受阻後只輕鬆策騎輸得遠預期可見，今次換上柏寶有內檔形勢會唔同，雖近兩季方廐B1馬9匹全負，但數據終有一日會破，對手唔強下始終要預一席。
「辣得醒」初出一役已追得甚好，季內追得接近都係此程，上仗黏地走不利內疊都算追得不俗，今次一檔預期可跟「喜發龍」而上，冷腳可作配。


第四場 4班 [泥] 1650米
2.俊飛象 9.勝利多 1.中華寶寶 7.童夢
「俊飛象」季內第2次跑泥地1200以全場最快末段追近，同跑線追得好嘅「太陽海岸」及「逸逸有福」均於3班表現極佳能力，上仗田草稍賺形勢可入位，試準長力轉泥地出戰，快馬多而有4檔可沿途守好位爭勝，下射「萬寶駒」孖寶出擊。
「勝利多」於5班走得近後連番見好，上仗慢步偏慢下轉彎受「俊飛象」影響急速後退，直路於外疊反撲上前表現合格，同程前仗已勝，承勇續拼。
「中華寶寶」季內試泥地試出彩虹，該仗1800輕鬆追嬴，可能泥地性能特佳，今次雖弱配湯智傑，但前季騎練就有「華劍寶」攜手入凱旋門嘅例子，冷勿忘。
「童夢」泥地比草地更好而今季於4班可勝田草1400，今季首次跑返此程，上季同程放得甚快都嬴，唔怕快步速可以加入一爭。

第五場 4班 [泥] 1200米

5.萬寶駒 1.無敵 3.千軍萬馬 11.兄弟齊心
「萬寶駒」上仗轉泥地即輕勝而回，同父馬於外地泥地佳到本地賽事亦一樣，而且2至4名於4班泥地已有甚佳證明，加分後仍只負中磅跑4班賽，1檔可夠快領放，上次拍住放而嬴，今次會有「拼勁」從外力迫，如非受此影響失準可連捷。
「無敵」早前讓「千軍萬馬」9磅而步步力壓後駒而勝，現只讓2磅，早前谷草B欄3班走內疊不利場地走勢都甚悅目，落4班重用柏寶12檔可憑能力追入一席。
「千軍萬馬」上仗受阻下入Q，事實上唔受阻結果亦一樣，但見走勢已比前成熟，於4班泥地會夠用。
「兄弟齊心」縮回1200一連兩仗嬴草泥，重回4班以剛戰輕鬆嘅勝出姿態今場負輕磅仍有惡氣，好檔可加入戰團。


第六場 3班 1800米
7.真慷慨 3.百事神駒 4.晴天 5.阿哥精神
「真慷慨」今季踏入4歲演出準繩未必獎金，而且多次於強組跑得好，今仗多匹強敵已去，轉用馬偉昌，上季二人合作愉快，有力取得季內第三WIN。
「百事神駒」大前仗以勁勢入Q後表現疑似失準，但睇返前仗轉彎走得太外衝刺，隔離並冇比其後再取兩WIN嘅「超群名駒」拋開，上仗慢步速同時衝刺最後受阻收慢冇騎，如非應會更為接近，今次有大樹遮蔭下起用硬功騎師有助發揮，前駒最大對手。
「晴天」少數3歲愛爾蘭馬可兩勝1800米，上仗黏地嬴得更為輕鬆，為下季打比鋪路現時多取一WIN部署會更為理想，承勇續拼。
「阿哥精神」來港後5仗場場追得近，最遠一次只因直路未能望空衝刺，剛戰受「自由萬歲」跛腳意外影響仍追得不俗，對手雖強亦有能力爭入一位。

第七場 3班 1000米
10.金剛驃 6.合駿騰飛 1.享耆成 5.快達飛駒
「金剛驃」經常因步速慢搶口而敗，1000常有正常偏快步速會更合，上仗直路賽全部前領馬帶返得此駒可追到，而且最後更須勒避收慢，今次弱組大有機會再嬴，郭立基跑直路賽成績唔差，可作膽。
「合駿騰飛」前速夠快，今場只得此駒與前駒可入位，檔好順利走到外檔可頂住一席。
「享耆成」初出直路賽表現不過不失，今季轉谷草對手強亦有不俗表現，回此組夠用，同樣有外檔可賺。
「快達飛駒」初出，賽前試閘夠快而末段都不俗，早於上手馬房試過1000米閘同樣有貫注力，作保險腳。
第八場 1班 1000米
2.風火神駒 11.旅英駿駒 12.幸運全勝 7.熊英雄
「風火神駒」1000直路賽為最佳出路，今仗有13檔之助可早早帶出，以上次C欄外疊馬仍好嘅優勢計今仗對此駒極為有利，只負125磅中磅可取得轉倉後第二場勝利。
「旅英駿駒」以往直路賽成績極好，之後受健康影響才失準，今季初戴眼罩跑此程冇位上下仍見肯追意慾，勢頭亦唔差，實力馬多排內檔有冷味。
「幸運全勝」直路賽連同外地極為準繩，今次雖排4檔，但有權像以往般留後移出有利場地追。
「熊英雄」此程5戰全勝，但上仗有利形勢下嬴得幾辛苦，今次3檔隨時會沿途被頂住走內疊不利場地，尊重不敗作保險腳。
第九場 3班 1400米
12.雙龍出海 5.海鑽石 2.齊哈哈 1.快利多
「雙龍出海」剛戰快步速領放，直路唔斷與頭馬「海鑽石」只相距1-1/4馬位，今次負磅再拉遠7磅，告廐養老馬甚有心得，成冷可搏WIN。
「海鑽石」3戰未失3甲，過往勝出組別未算太強，但70分現時仍有10幾分係手，於此組夠強，持續受操摩廐過往好開會繼續搏，Q/T膽應穩。
「齊哈哈」前仗可力迫「風雲武士」而後駒再出可增程繼續入位，水準不差，上仗黏地留得太後落敗可當回氣賽，有4檔之利可跟「海鑽石」上爭入一席。
「快利多」季內能與「新希望」於2班串Q，現時落返3班會夠能力，如到尾段外疊場地更好可一攻而破。
第十場 2班 1400米
9.堅旺財 5.伽羅 3.紅旗勇將 8.確叻迅
「堅旺財」性格忠心，而且甚夾薛寶力，剛戰黏地從甚後位置追得勁，今次有內檔又可如嬴馬一役慳位追上，作首選。
「伽羅」上仗本地作賽賺場地步步力壓再同場嘅「金獅威將」，到澳門作賽後有一個月準備時間再出相對以往部署安心，馬性亦忠心，有力與前駒嘅進步一爭。
「紅旗勇將」季內肯力拼「精彩日子」，應未盡，上仗黏地走中內疊追入殿軍耗力未算多，唯一慢步速12檔要克服就睇騎者臨場發揮，以上場轉彎加快步速可走外疊追「夢幻十一」亦有機會爭勝。
「確叻迅」上仗流鼻血後休3個多月復出，前季就試過休出嬴當時甚銳嘅「歡樂繽紛」，騎者與馬房近期合作相當愉快，同有內檔之利成冷有位望。

賽道特色：今季B欄C彎最大特色就係外疊場地極佳，季內只得一次走內疊場地會較好，今日天文台更預測有雨，隨時唔壓地下外疊追得更勁。

全日馬膽：第七場 7.喜來仙子
冷門突擊：第八場 11.多多利

賽日重心：
第一場 1.卡加精神 6.千笑 3.時時有機 7.你好我好
第六場 2.旺綵 5.賀喜 12.天賦傳奇 11.多綵
第七場 7.喜來仙子 3.揀得正 4.魅力星 12.閃耀小子

  



第一場 5班 1200米
1.卡加精神 6.千笑 3.時時有機 7.你好我好

「卡加精神」於上手馬房跑4班賽與「卡加大師」一齊追一役已令不少人留下深刻印象，之後不斷跑都係得接近表現，近仗加面篩更帶來少少反效果，上仗就係用此配備下於轉彎加快嘅不利步速仍於外疊追得不俗，今次終除面篩及鼻篩以眼罩出戰，6檔可守機動位置而主要對手排外檔早段起碼正常，如轉彎稍稍拉慢就大幅提升此駒機會，5班必超作首選。
「千笑」上仗雖已交代，但此馬房好開嘅馬常可保持勇態及連貫性，剛戰頭兩段放46.9比之後4班一仗快而末段保持，水準唔差，連續兩仗嘅對手「滿貫之寶」排檔外移，此駒排10檔早段亦應夠前速切入領放，亦唔怕「凱旋無敵」拍住領放。
「時時有機」今季受健康影響令出賽頻率唔正常，休出表現一般後，上仗出閘大慢閘，復課試閘出閘迅速冇問題，今次3檔可輕鬆守「千笑」之後或自己領放，典型五班中堅馬未交代會有誠意一戰。
「你好我好」同受健康問題影響，上仗復出走勢不俗，但力短，谷草會更好，今仗排7檔只要外疊冇問題亦可加入一爭。
「滿貫之寶」上仗形勢比「千笑」好得多而未能作出威脅，排檔再外移機會較遜。「大行其道」落班大幅減分轉配備，但試閘走勢只比前好仍未夠。「凱旋無敵」上仗排檔外移即變咗第二隻馬咁，用返大師傳睇下會唔會真係好返咁多可爭腳。「劍臣」試前試後上仗慢步速慢跟都斷。

第二場 5班 1650米
1.京城精英 10.不老精英 9.好精伶 7.馬皇帝

「京城精英」早前試閘出色怎料出閘受意外影響落敗，次仗已即可與超班馬「好好運」串Q，上仗更以不俗段速輕勝，嬴馬後加分雖多，但今次用賴維銘只多負兩磅，11檔可隨「不老精英」切入二疊，外疊場地如非不利場地作膽會穩。
「不老精英」剛戰飛快步速領放竟於田草差D放到，該仗第4､5名嘅馬都係5班甚具能力嘅馬匹，水準絕不低，9檔會夠快切入領放，Q腳首選。
「好精伶」多番於短途追得勁，上仗更以最快末段22.68不斷轉位衝近，增程1650一試，評分已達淘汰階段實盡搏，如外疊有利便可一衝而過。
「馬皇帝」前仗利內疊加轉彎加快步速都可走外疊輕鬆追近，計表現比「再來旺財」好，未交代馬戰意好繼續爭取成績。
「再來旺財」上仗賺完衝落唔多，強配只邊線。「超力駒」小休再返B欄作賽，其間操練冇間斷，但過往要熱身一仗才好。「及時雨」近仗表現一般，轉倉後未算有特別大起色。「旺財神算」上手馬房試過追得勁，但試閘快腳直路即潰散。「華獅」上仗嚴重受阻後尚肯追，冷腳必出於此。


第三場 4班 1650米
7.超綵 2.家傳碧玉 1.神州八號 4.旅遊小子

「超綵」前仗可追近休後大幅進步嘅「風雲」，表現討好，剛戰直路從未望空衝刺，敗不足據，季初曾跑谷草上名而且上季已有1600米經驗，轉場作賽對手弱得多，有力取得季內第3WIN。
「家傳碧玉」仍是處女馬，成熱便不值，幸今仗1檔形勢會非常好跑，試閘反應亦佳，馬房甚少用到馬偉昌，可能早前用郭能此等嘅硬功騎師有好表現，作配腳難捨棄。
「神州八號」轉倉後已出賽3次，其中前次可於強組走近，久未落4班作賽評分甚為有利，轉配備如合有權橫掃。
「旅遊小子」不必介意跑得密，返查紀錄上季亦係同樣部署而間中亦可上名，4檔如起步順利可跟前因應步速而作出變化，上仗沿途外疊末段更受阻，如非此意外最少可取得一席殿軍。
「創新高」休後特佳，但季內試過休出跑谷草冇表現，上名一役大賺場地同組馬再出只得當日走外疊追嘅「非常精」其後有表現。「新力多」起用到柏寶，上仗沿途位置唔差直路衝落一D都冇，騎高咗亦難言勝。「信賴」剛戰表現有D回落。「威力高」上仗除鼻篩衝落唔多，今次用返此配備亦難憧憬可大幅變新。


第四場 4班 1200米
1.駟馬難追 4.日月暉華 2.金獅駿將 9.金鑛龍華

「駟馬難追」季內兩度於3班上名，今仗落返4班評分甚為有利，上仗田草走有利場地近表現合格，上季此體重水平亦多返上名，回配最佳拍檔力求交代。
「日月暉華」季內兩勝4班賽表現出色，上仗不利外疊下與「飛躍之鋒」一齊追近，賽後繼續彈泥閘備戰，對手唔強可爭季內第3場勝利。
「金獅駿將」亦曾於快步速之下鬥嬴，與「日月暉華」相若落4班便有利，11檔外疊B欄應唔蝕底，用近期合作甚歡嘅蘇狄雄有權出冷。
「金鑛龍華」上仗不利慢步速下與「秒不可言」一齊追，但勢頭更勁，早前曾指出此駒要跑啱晒舒舒服受下表現才好，今仗1檔隨時全程提供一個理想環境作賽，有返上仗22.3嘅末段都冇幾多匹對手可夠衝，唯一怕該役水涬唔高。
「妙不可言」上仗與「金鑛龍華」同組走外疊追，T/F4仍有機會。


第五場 4班 2200米
3.正歡騰 9.實業傳奇 2.金瑞 1.勝利福星

「正歡騰」休後復出打疊兩仗追得勁，上仗早段場次利內疊仍能迫近大賺形勢嘅「大衛精神」，過往此程曾跑入亞席，轉倉後未交代戰意高，作膽。
「實業傳奇」評分未盡，今次返谷草大長途5戰4次入3甲，亦與潘頓極為合拍，唯一擔心上仗黏地用力會較多，作配首選。
「金瑞」上仗不放而留，早前跑同程放偏快步速下只負於前駒一個馬位多，今仗快馬唔多可領放，有機會賺到步速形勢跑入一席冷腳。
「勝利福星」亦與柏寶合作甚好，大前仗就係此對人馬配搭嬴，剛戰補出4班依然追近，回4班便夠能力爭。
「印度光輝」上仗跟「京城三寶」衝追勢不弱，但馬房初用薛凱華信心不及用愛將大。「萬子千紅」休後操練不多減定分等下季。「勝蹄飛」試用鼻篩效果唔錯，邊線腳之一。「電訊至尊」現時落腳慢，近仗表現亦未見於現評分仍有大幅上升空間，初跑2200T腳才預。

第六場 3班 1200米
2.旺綵 5.賀喜 12.天賦傳奇 11.多綵

「旺綵」上季尾賺形勢下於2班上名，今季亦兩度轉谷草試馬，兩仗非最佳路程都輸唔遠，評分減至現時水平，前仗跑田草1200就能於超強組跑近，同場1至8名再出均提升名次有極好表現，對手唔算強有力出頭。
「賀喜」季中開始主力向田草1400發展，基本上今季都甚少輸得遠，前仗就能與再出再嬴嘅「海鑽石」串Q，上仗直路從未望空仍可衝22.78，跑至第6場外疊場地可能更為有利，薛廐馬好開可繼續追捧。
「天賦傳奇」季內此程可力壓「喜來仙子」，之後轉路程､場地表現都未如理想，小休個多月復出，體力充裕下普萊西離港前表現落力亦有望爭勝。
「多綵」轉何廐後上仗表現令人耳目一新，當日壓地後內疊不利，連「你知我嬴」一走入去衝都冇得衝，此駒可走此場地而明顯有追近，何廐今日強陣隨時此駒用愛徙突擊串冷WIN。
「連利福星」上仗好位直路全無追勢，但「紅運福星」退出後必守BOX SIT好位，起用潘頓如內疊場地冇問題就有機會加入一爭。「駿蹄飛」剛戰追得不俗，但以往休後出賽才好。「活力至寶」上仗稍稍勒避意外後直路冇甚追勢。「沙紙」賺有利場地追近「綽力之城」，計跑法形勢如外疊有利會有位置但爭勝機會不高。「仁愛之友」力短外檔難跑。「金紫荊」回1200冇1000咁好潘頓亦棄騎。
第七場 3班 1650米
7.喜來仙子 3.揀得正 4.魅力星 12.閃耀小子

「喜來仙子」增程後表現比短途更佳，大前仗便走蝕位下最後幾步而勁勢力迫「幸運金龍」，前途騎者直路移得太外仍可於田草追得近，剛戰臨場換人騎雖未能威脅前二馬，但「紅山茶」及「永勝多」於田草3班中距離能力極高，回谷草此組便成大超級，有正常際遇就可穩勝。
「揀得正」休後表現特佳，體重水平雖達新低，但賽前楊明綸一手操足個多月今仗有心打硬仗，上季曾爆冷嬴「紅日」及「四季」，屬前駒最大對手。
「魅力星」小休復出，季初出色表現已證明三班必夠一席，賽前密密試閘操足，有心配合馬房攻勢，唯一過往上名都係熱身之後，今次只宜作配。
「閃耀小子」前仗同樣排12檔追近「喜來仙子」，當然勢頭冇後駒咁強，但排檔不利下表現已討好，今仗形勢相若，步速唔快下可再爭入一席。
「漸信良駒」剛戰唔放越留越後，直路可反撲上前表現唔差，但亦明顯冇打疊上名時咁銳，今次用安國倫負磅增要極慢步速大利前置才夠爭勝。「海力童」休出賽前試閘反應尚可，但近兩季都係尾季出賽減分就抖暑。「雪山神駒」一次配蔡明紹即可入Q，人馬可能幾合拍，但相隔兩星期體重急跌38磅便欠安心。「海南花梨」早前賺晒慢步速亦不敵排12檔嘅「閃耀小子」，今場應冇反先機會。
第八場 3班 1200米
11.多多利 8.禮尚往來 4.勁飛駿 1.勁有盈

「多多利」初出以22.98嘅末段走不利場地追近強組對手，當日轉彎步速加快，亦唔易初出馬發揮，再出增程1400難度更高，步速轉彎唔慢下再度走大外疊蝕位追，今次賽前試埋谷閘先出，轉彎順暢而且末段輕鬆追入亞席，父系KEEPER子嗣淋地多數出色，今仗只負113超輕磅，如尾場外疊場地好便有力一條直路追嬴。
「禮尚往來」上仗轉倉初出轉鼻篩冇反效果，兩匹主要對手雖因意外而墮馬令水準唔易計算，但論形勢段速卻甚好，負133磅沿途走4疊放46.39可頂到一席第2，今次有黃金一檔如直路肯移出衝亦不冇機會。
「勁飛駿」跑開二班賽落此三班甲一組會稍為有利，上仗尾段場次內疊已冇早段咁好，亦可貼欄衝近，安廐寶藏一WIN未足可於此組爭勝。
「勁有盈」表現準繩，上仗早段走3､4疊領放末段冇俾「幸運雄威」及「小宇宙」拋離表現唔差，小休復出賽前試閘走勢輕鬆，黏地亦合，位望甚高。
「錢照嬴」減夠分睇下幾時出擊，如有膽拖一票無防。「帝國勇將」剛戰賺步速場地追嬴，姿態不俗，但對手唔強今次大幅增強須考驗。「名舵主」血液異常休後三試大閘復出，體重卻急跌35磅非好現象，但尊重5戰4勝1季賽績外疊場地好亦要兼顧。「城中話題」剛戰問話，谷草､泥地均有追勢已試準，如內疊場地好就可提升機會。

賽道特色：正常C+3跑道內疊前置優勢會幾大，但5月19日就越跑就越利外疊，全因當日賽事中落大雨，昨日(16/6)全日落大雨，未知影響有幾大，而預期今日(17/6)只間中有雨，據過往經驗，如早上開始冇雨而有少少陽光都會令場地啜腳大利前置，暫時會以馬匹實力加淋地有賽績馬匹評先。泥地方面，對上一次有雨之後嘅泥地已係4月21日，當日內疊前置馬匹稍有優勢，暫時會以此類馬匹評先。

全日馬膽：第二場 4.尚駿心
冷門突擊：第三場 1.勝利旋峰


賽日重心：
第三場 1.勝利旋峰 4.紅衣神仙 13.快達小子 3.必勝熊
第四場 1.綠色好 3.光宗耀祖 2.銀桂飄香 6.勁卒過河
第九場 6.甜橙 12.雅雪 2.讚惑 4.勁飛寶

第一場 新馬 1200米
7.牛精好友 9.頌友 10.奇兵 3.飛魚君王

第二場 4班 1000米
4.尚駿心 5.龍東至尊 2.翡翠明星 8.紫氣東來

第三場 4班 1400米
1.勝利旋峰 4.紅衣神仙 13.快達小子 3.必勝熊

第四場 3班 1200米
1.綠色好 3.光宗耀祖 2.銀桂飄香 6.勁卒過河

第五場 5班 1600米
10.金玉之光 5.愛蓮說 1.大衛金剛 9.實在好

第六場 4班 1600米
9.利駿 8.真奇寶 1.名人 4.財神駕到

第七場 3班 [泥]1650米
11.共同目標 8.健康藍莓 2.非常好 3.福到多多

第八場 3班 [泥]1200米
1.天賜福星 6.綠色寶 5.勁力 12.都靈一號

第九場 公開賽 1400米 [精英盃]
6.甜橙 12.雅雪 2.讚惑 4.勁飛寶

第十場 3班 1400米
7.進取 11.銀子彈 13.你知我嬴 5.金刀銀鑽

第十一場 二班 [泥]1650米
6.傲男 4.獵豹小子 10.玉峽生輝 2.摩法神采


明早詳細分析，密切留意！

第一場 新馬 1200米
7.牛精好友 9.頌友 10.奇兵 3.飛魚君王


「牛精好友」剛戰初出，走勢稚嫩下轉彎欠順與「奇兵」碰撞，之後再反撲上前，賽前缺課嘅情況下表現出色，今次有幸抽黃金一檔減低轉彎問題，同時「赤膽」大賺嬴馬後要一來一回讓多7磅，反先機會極高。
「頌友」初出，同父馬KEEPER子嗣初出成績唔差，賽前試閘夠快直路雖要推騎，但可拍住4班泥地甚具能力嘅「萬寶駒」過終點，同父淋地亦好，有力出冷。
「奇兵」跑過兩仗，初出熱身後剛戰轉彎欠順由原本貼欄好位走出4疊，今次外檔起步可順走，「赤膽」負頂磅可能會留守好位，此駒就有機會跟「頌友」入拍住領放，同為KEEPER子嗣，地淋更為有利。
「飛魚君王」試閘守BOX SIT直路俾落反應尚可，有好檔拖一票。
「赤膽」剛戰超慢步速勝出姿態一般而且要負頂磅，一位已足。「奪目商人」上仗因「奇兵」急劇移出而可沿欄而上，衝落卻唔多。「旅遊世家」試閘與「頌友」相若，同父馬初出好，居邊線。

第二場 4班 1000米
4.尚駿心 5.龍東至尊 2.翡翠明星 8.紫氣東來


「尚駿心」前仗可於同程大勝力迫「信心十足」嘅「日日中」，上仗連捷機甚高，怎料起步受碰撞須留得更後下直路再嚴重受阻，反撲上前走勢甚勁，賽前試閘時間快，而且姿態輕鬆，配合馬房攻勢而來，回勇續拼。
「龍東至尊」上仗末段未能完全望空下走勢不俗，今次12檔可輕鬆跑有利場地，但未知眼罩會幫到定累到，正常情況下應唔夠「尚駿心」鬥，作配。
「翡翠明星」展轉跑返初出即勝嘅直路賽，上仗跑泥地走不利場地與「萬人迷」同過終點，潘頓棄騎亦須防範。
「紫氣東來」同父馬初出成績好，葉廐亦曾部署於直路賽初出即搏，操足3個多月潘頓揀騎作保險腳。
「星運俊爵」此程表現好，但休出試閘俾都唔走熱身後才諗。「御鋒」上仗轉倉初出走不利場地，如跑出過往狀態夠快移出外疊就夠爭。「喜寶龍威」休出常跑得好，轉蘇廐初出，季初就於好至黏地跑入一席第3，如有賠率亦可兼顧。「路路好」上次對手快馬不多，上4班後步速唔同4檔唔易移出外疊，不利發揮。

第三場 4班 1400米
1.勝利旋峰 4.紅衣神仙 13.快達小子 3.必勝熊


「勝利旋峰」今季仗仗都輸得唔遠，前仗組別夠強取得第3已不俗，上仗走不利場地下只負於轉倉初出嘅「共同目標」，今仗冇快馬外檔亦會夠快切入領放賺慢步速，同程表現佳作膽夠穩。
「紅衣神仙」上仗初出落腳較慢留後追，而直路衝順下不敵谷草常蝕位跑得好嘅「樂有嬴」而第3只係「心甜意合」，水準未必高，初增程亦要考驗，幸一檔會有利發揮。
「快達小子」於上手馬房多次以勁勢嬴同程，轉倉後上仗終肯除鼻篩，走內疊有利場地追勢尚可，回此程上班負超輕磅如能守7､8位可突擊。
「必勝熊」剛戰雖遇慢步速，追唔到「團隊精神」等谷草馬似甚失望，但直鏡睇到末段多次觸碰失平衡下可比次藉口，初增程如外疊場地冇問題會係機會馬之一。
「綠色快駒」初跑田草，唯一3檔初戴眼罩屬變數，計表現難以突圍。「張家界」上仗黏地走不利場地直路初走勢尚可，最後200幾米明顯轉弱，有過一次路程經驗可能會有進步，有賠率就可拖。「勝利駿駒」剛戰谷草追落一般，一如「傲闖」賺晒搏極都唔得，用柏寶也上於一位。「醒少少」開始有追勢，但未算特別勁可初步留意。

第四場 3班 1200米
1.綠色好 3.光宗耀祖 2.銀桂飄香 6.勁卒過河


「綠色好」已證明過黏地好，可兩度嬴3班強組，包括「小宇宙」､「新力飛」､「善寶」等其後再有好表現嘅對手，12檔如能切入2疊起用馬偉昌有力反先預期蝕跑法嘅「光宗耀祖」。
「光宗耀祖」上仗勁得恐怖，末段可衝22秒而且最後100幾米增速驚人，外地初出已嬴黏地，如外疊場地冇問題嬴面亦高。
「銀桂飄香」外地初出一役落敗外跑淋地未失Q，上仗跑谷草極快步速下唔斷而末段可再衝前，姿態不俗，初跑田草場地有利就有權爆。
「勁卒過河」休後復出，過往3度勝出顯出鬥心極強，休賽前最後一仗沿途外疊負於極快步速，今仗會賺步速形勢，體重跌也可作保險腳。
「大家勝利」復出表現差，有機會一如廐侶「風火飛駒」等跑唔返。「好傢伙」初出走有利場地追後未再有表現。「樂有嬴」嬴4班普通賽事上3班此組對手更強，以谷草能力計有檔利也應止於一位。

第五場 5班 1600米
10.金玉之光 5.愛蓮說 1.大衛金剛 9.實在好


「金玉之光」上仗回勇，極快步速下唔斷纏鬥到底，跑第3同蝕快步速嘅「不老精英」再出谷草嬴得易，而該場第4､5名5班賽績硬淨，今仗強配杜利萊，雖再有快步速，但未交代戰意必高，作膽最穩。
「愛蓮說」KEEP子嗣淋地不用懷疑，返查4次黏地唔入位因狀態問題，而今季休出2度跑黏地都跑得接近，人馬合拍可先賺前置形勢，正路配腳。
「大衛金剛」季內3度跑頭2名都能壓倒「電訊至尊」，絕非僥倖，前仗沿途脫口，上仗排外檔早段又走3､4疊中後位置根本唔能夠發揮正常水準，今次重配梁家俊而且3檔會好跑，成冷可爆。
「實在好」黏地2度跑入3甲而且人馬甚合拍，一場回氣後如外疊冇問題就可一衝而過，明顯近仗表現甚佳的。
「傑出君子」上仗回復強勁追勢，淋地證明過得，如外疊場地冇問題可加入一爭。「感恩」上仗好位下追落不過不失，再度增程要考驗，又睇柏寶可以幫到幾多。「日月霸王」上仗2000米大賺步速分配最後力弱，今次步速難以再賺要跑位置都唔易。「淡淡定」同父4駒一跑淋地可跑高10幾分，包括「闊袍大袖」､「帝豪名駒」等等，起用普萊西成大冷要拖一注防變身。「電訊新星」上仗跟前表現尚可，但14檔多快馬預計馬偉昌又會沿途蝕。「森淼盛」可打疊好，繼續輕磅屬邊線腳之一。

第六場 4班 1600米
9.利駿 8.真奇寶 1.名人 4.財神駕到


「利駿」曾黏地入Q，經過一輪休息上仗復出追勢強勁，上季此程已追得不俗，此馬房常試好一段後勁又可出擊，回用柏寶弱組作膽一搏。
「真奇寶」淋地成績極佳，上仗早段步速偏快下末段纏鬥到底，今次楊明綸棄騎用馬房另一合作成績好嘅蔡明紹，如肯跟前仍有機會再爭。
「名人」落4班作賽，休後復出，賽前試1200米閘俾落跟得住，以往有狀態時都跟唔到的，3檔如利內疊前領就有權憑級數爭勝。
「財神駕到」現時跑落能力上係差唔多，屬4班中級馬，馬主恨嬴，誠意必佳，今仗1檔睇下可以賺到幾多，正常計應止於一位。
「各適其適」前仗黏地有利步速下追得不俗，但再增程加眼罩試閘表現只一般，成熱作配較合。「揚威寶」上次增程表現甚差，可能前仗上名對手太弱，再跑1600信心亦唔高。「桂花飄香」上仗應跑得再好，9檔亦不易發揮。

第七場 3班 [泥]1650米
11.共同目標 8.健康藍莓 2.非常好 3.福到多多


「共同目標」於上手馬房已於不同場地路程跑得好，轉倉後初出即可走有利場地嬴，而且2､3名都居內欄此駒姿態夠勁，賽後操練未放緩轉泥地換賠率，7檔可機動初上3班Q/T膽亦穩。
「健康藍莓」早前跑得太密，季內嬴馬前就跑較慢泥地跑得甚勁，賽前試閘騎落反應佳，如跑出水準就可挑戰前駒爭WIN。
「非常好」上仗慢步速轉彎加快下此駒走外疊衝嬴，續用嬴馬拍檔韋達，成熟後1650亦好，再跑此程此唔會睇少。
「福到多多」此程取得3W2T極準繩，上仗慢步速追落唔及「非常好」勁，但負磅今仗對手反讓兩磅，3檔守好位有杜利萊之助機會唔會比後駒差。
「中華寶寶」兩戰泥地全勝，可能泥地特佳初上班14檔都要兼顧。「金獅猛將」早前較慢泥地快放唔斷，前仗追上仗又跑谷草大長途未可作準，今次一檔有冷門機會。「超級精神」同父馬泥地佳，如內疊前置有利可爭3-5名。「俊威威」此類泥地證明冇問題，此程亦好，6檔跑法可前置取有利位置，位望亦高。

第八場 3班 [泥]1200米
1.天賜福星 6.綠色寶 5.勁力 12.都靈一號


「天賜福星」上仗休出賽前操練唔完整下跟快步速走內疊不利場地而未被「開心指數」拋離，今次對手轉弱而且操練完整得多，夠快4檔可領放嬴返一仗。
「綠色寶」泥地夠準，前仗走不利場地只負於泥地甚佳嘅「飛躍之駒」及再出田草嬴馬嘅「逸逸有福」，上仗谷草跟前返晒嚟，此駒仍可衝22.71，機會馬之一。
「勁力」嬴泥地一役就於較雨後泥地嬴，早前已指出此類可能係濕泥特別好嘅馬，上仗直路早段一度受阻，亦初跑1650，今次縮程會好，有力一爭。
「都靈一號」4班嬴泥地姿態出色，上仗直路初追勢不過不失，之後嚴重受阻，今次有一檔會繼續好跑，上班負輕磅可爭一席。
「龍城動力」泥地未算證明太多，12檔亦非好跑，要外疊特佳才有望。「太陽海岸」繼續密跑，跑得太多休後再跟進。「閃耀之星」休出跑泥地，馬夾韋達，但賽前泥閘一般而谷草閘好，可能今場熱身部署再去谷草搏。「添歡笑」外地膠沙3戰2冠一亞，上仗賺場地嬴出信心可能會續好，如外疊場地好就可居邊線。


第九場 公開賽 1400米 [精英盃]
6.甜橙 12.雅雪 2.讚惑 4.勁飛寶


「甜橙」季中集中跑4歲賽表現甚佳，不利形勢下仍可跑入一席，上仗終對國際級別精英，仍能於極快末段追入一席第3，而該仗第4名嘅「續領風騷」跑新航國際盃可取得亞席，今次小休縮程再出，過往此程表現亦好，內疊場地冇問題必作膽。
「雅雪」讓磅賽甚為有利，早前勞愛德常不放而留表現才較失望，今次主要前領對手「傾力之城」由韋達騎應唔會作太多壓迫，如順放就可爆。
「讚惑」季初能追「小橋流水」及「盈彩繽紛」已一再證明能力，前仗可嬴冠軍一哩亞軍「精彩日子」，大賽用柏寶應係主力所在。
「勁飛寶」轉倉後兩仗級際賽表現未算突出，今次小休賽前試閘加鼻篩走勢順暢，告達理養此類已被睇低嘅馬有一手，季初仍可跟「雄心威龍」等鬥，2檔有利楊明綸近期信心甚好大冷腳。
「軍事攻略」馬主為名戰意不成疑問，唯一兩戰不入3甲而且用郭立基負頂磅信心不高，淋地冇證明不宜作重心。「甜將」剛戰嬴「先鞭直前」極辛苦，就算最佳路程回此組負127磅未見安心。


第十場 3班 1400米
7.進取 11.銀子彈 13.你知我嬴 5.金刀銀鑽


「進取」早前可迫近「閃爍武士」而壓倒再出提升名次嘅「非常好」及「紅山茶」，此組會夠用，剛戰1800可能太長直路又走不利場地，今次1檔甚好跑，半冷作膽信心較大。
「銀子彈」上仗力追表現比前更為進步，今次強配柏寶5檔相對好跑，未交代戰意足，續爭初勝。
「你知我嬴」季初兩度於同程跑得接近，上仗休出直路移入最內欄不利場地冇得衝，今次回1400有中內檔，如內疊冇不利此駒未交代戰意佳亦成半冷可爭一席。
「金刀銀鑽」上仗初出甚輕鬆追近再出補中谷草嘅「漸信良駒」，今次縮程遇弱組隨時可爆。
「電子威龍」此系馬戰意佳，但韋達冇馬騎都放棄，對上一匹合作嘅「印度光輝」落敗而回，先觀望。「森淼獵鷹」嬴完缺課，但有2檔小休可居邊線。「好心思」連續兩仗近而冇威脅，T/F4才諗。「卡加大師」排不利外檔，但如外疊冇問題有雨就可大幅提高爭勝機會。


第十一場 二班 [泥]1650米
6.傲男 4.獵豹小子 10.玉峽生輝 2.摩法神采

「傲男」早前快步速跑同程可壓倒「喜蓮標緻」，證明已足，前仗更走不利場利偏快步速下不敵4歲精英之一嘅「軍事出擊」，有1檔可機動守前列好位或自己領放，作膽最穩。
「獵豹小子」上季一試此程輸得唔遠，剛戰起步慢下仍肯追，回勇要防。
「玉峽生輝」上仗回首本路程直路又冇位上，泥地此程以往曾嬴，冷勿忘。
「摩法神采」一戰此程以勁勢追「好好計」，未交代續用柏寶仍須兼顧。
「齊歡笑」母線泥地好，但擔心小休後再跌磅，此類馬一如同廐嘅「博愛福星」，部署下季初再出擊。「經典皇牌」排14檔跑泥地又大機會追近而威脅不大。「正白旗」試閘表現極佳，馬鞍滑移都嬴，但13檔相對難跑。

賽道特色：對上一次谷草C欄賽事於5月30日舉行，當日大利內疊前置馬匹，居前守2疊尚可蝕得起，但若沿途走外疊居中馬劣勢甚大，直到後段場次外疊形勢才稍減，加上上次B欄大利內疊，對中､外疊場地踐踏唔多，故賽前會以傳統C跑道內疊馬行先。


全日馬膽：第六場 5.喜勁駒

冷門突擊：第二場 3.勁啲啲


賽日重心：
第一場 6.好笑容 2.你好我好 7.凱旋無敵 11.歡樂駿駒
第二場 3.勁啲啲 6.勁勢 5.勝在分秒 9.創出商機
第三場 6.常山鳳寶 4.金湶 9.仔仔女女 1.巴其利
第六場 5.喜勁駒 4.新力多 7.財源來 1.魅力心
第八場 1.天外之天 7.快人快語 2.靚到爆 12.喜競寶寶

  


第一場  5班 1000米
6.好笑容 2.你好我好 7.凱旋無敵 11.歡樂駿駒
「好笑容」今季轉倉，熱身後轉谷草此程即可嬴4班都夠份量嘅「飛躍之鋒」，次仗上4班同有1檔之利能力迫「喜萬家」，上仗除開縫眼罩跑田草1200用人馬初合作嘅王志偉跑，直路到最後200才能望空，竟能跑近早已衝順嘅「你好我好」，而後駒已再出補中，今仗3檔極有機會守「歡樂駿駒」之後而比「你好我好」快守最佳位置，補出嬴面極高。
「你好我好」今季受健康影響，休出已能於田草跑入一席第3，再出轉谷草即以佳態補中，匆匆承勇再出，但休4日復課仍急跌22磅，上仗用力唔多也只宜作配。
「凱旋無敵」轉倉初出賺形勢上名後連續兩仗轉彎仍要走2､3疊跑，今次5檔可順勢輕鬆切入2疊，谷草1000短途多純跑速度，起用馬房愛將亦不無機會。
「歡樂駿駒」前速銳利，轉吳廐兩仗跑泥地已比前見有貫注力，賽後試好課谷草閘後一直踱步直至今場先出，試閘有前有後，今仗有2檔之利配合跑道形勢可出冷。
「大欣賞」季初冇眼罩兩度於田草追得勁，落此組5班大為有利，但最短途12檔甚難追。「震撼」初戴眼罩，但剛戰守好位下衝落唔多早段亦唔夠快。「友情友義」近仗失去前速。「劍臣」要段段迫先跟到1200米步速，直路俾「時時有機」拋離今仗7檔亦可能要沿途外疊。「齊鼓掌」短距離對佢嘅重口勁有幫助，但外檔要靠追難搞。「創先機」現時亦唔夠快。


第二場 4班 1000米
3.勁啲啲 6.勁勢 5.勝在分秒 9.創出商機
「勁啲啲」轉沈廐後連仗表現都不俗，華廐向來甚多寶藏，前仗泥地1200與「萬寶駒」快放與「萬人迷」等實力指標跑近，上仗田草1000快放走內疊稍不利場地只以3/4馬位見負，今仗轉谷草最短途有3檔之利，預計可輕鬆放出賺步1速形勢取得處女勝利。
「勁勢」蔡廐初出馬，此廐馬初出跑谷草馬實力冇田草咁好，幸有2檔守天然BOX SIT位，試閘刻意走大外疊直路推騎試走勢，走規算純熟，有望賺完爭勝。
「勝在分秒」上仗直路完全冇位上，冇用過力，今次戴眼罩希望早段可快過「辣得喜」必入2疊，未交代戰意仍好，位望較高。
「創出商機」馬偉昌未肯放手，試閘走勢輕鬆前速飛快，徐廐馬練氣足加上騎者以往騎「友情友義」會肯用力推騎切入而非沿途外疊遊，全兄弟馬「新薪」谷草表現佳，只要肯咁跑有望克服6檔。
「常山之龍」試閘比落都一般。「中國好」上次追勁恐怖，能於谷草衝21.8，但上次步速慢距離近相對會較好追，今次步速唔慢又要留咁後加上跑道偏差應會止於4-6名。「辣得喜」近仗前速唔快，起用最佳拍檔蘇狄雄也只宜作保險注。「名城」上仗末段力弱而走不利場地相近位置嘅「芙蓉生輝」可嬴，用柏寶排10檔亦要再等。


第三場 3班 1000米
6.常山鳳寶 4.金湶 9.仔仔女女 1.巴其利
「常山鳳寶」前仗小休復出表現復勇，但以佳勢彈甩嬴，上仗重回3班跟快步速下末段追入亞席見有勢，今仗少馬可跟「金湶」切入，人馬合作一次即勝，表現較穩定下更為安心，作膽最好。
「金湶」前仗多馬搶放下憑較佳檔位一放而回，初上3班能即嬴難度高，出道7戰可取得2冠1亞2季，極為準繩，回此程有力再嬴。
「仔仔女女」前仗受意外影響勒避後走外疊追得不俗，上仗前3名放返唯一此駒可沿途留到第10位直路移出外疊以最快末段22.3追得第4名，反映狀態仍佳，以往此程可守3､4位，有2檔之利加入一爭。
「巴其利」初出跑谷草留守內疊直路走不利場地追，當時B欄內疊冇咩馬可見有追勢，其後轉泥地發展，退出未見影響操練而剛賽日有泥地唔報，谷草最短途有利前領有望出冷。
「翡翠海星」休出一年，初跑谷草雖有一檔之助，但早前4月一度缺課，埋門都未敢操得太辣，跌32磅先觀望。「軍駒」上仗初出賺快步速守內疊直路唔衝，今季吸收下經驗先。「仁愛之友」上次走不利大外疊追得唔差，形勢甚蝕的，但匆出縮程又要靠追難安心追捧。「但求勝」終休息，但賽前兩度試閘比都唔走，3分區減多場下季4班見。
第四場 3班 1650米
1.一團威 9.安甲 2.開心至愛 5.蓋世子牙
「一團威」持續勇銳，今季復出以來從未輸得遠，早前一度失運受阻才敗，未交代馬戰意續好，上仗沿途走3疊只以短距離見負，今仗少馬場合冇正常放頭馬步速會甚慢，4檔可守2疊機動位置有望出頭。
「安甲」上仗就守「一團威」之後同樣沿途走3疊，直路勢頭不弱，高廐馬第一季常有誠意搏殺省招牌，慢步速外疊早望空鬥衝不比內疊馬差。
「開心至愛」剛戰比前兩駒賺而直路衝落勢頭唔夠強，潘頓騎除非比柏寶合拍好多，應止於一位。
「蓋世子牙」近3仗跑田草2場留後都衝23秒內刻意走內疊衝，終轉回最佳路程場地1檔亦可大賺前領慢步速，唯一係過往搏殺賽前都有拍跳課期，今次只得兩課單跳一段，如狀態冇問題亦夠爭勝。
「精彩生輝」轉倉搏極只得位置，今仗強配馬偉昌棄愛徙，但早前兩度對此組對手都落敗而回，要超賺步速形勢才有望爭入一席。「悅璐孖寶」剛戰超弱組追入一席第3，回此組便不易再入位。「駕寶」上仗轉倉初出，直路鬥衝不及比此組稍高嘅實力指標「易搏嬴」，續用以往合作兩WIN嘅黎海榮仍有位望。
第五場 4班 1200米
4.仁心仁術 3.百利旺 12.大少爺 10.月光寶盒
「仁心仁術」今季轉倉後多次留後試追於3班追勢不俗，近兩仗落4班跑田草不留而放效果只一般，但變數在於今次轉柏寶轉場地轉配備，近期蘇保羅都幾鍾意用柏寶搏殺，包括「財寶鷹」及「千笑」，如立心搶欄領放有力賺跑道形勢開齋，對手甚弱各有疑點搏此駒3班級數夠用。
「百利旺」10歲毫無保留，剛戰慢步速下於有利內疊追得甚勁，賽前有快跳已足，續有內檔繼續爭入一席。
「大少爺」前仗雖賺有利場地，但排檔相對「神童」較差下仍能於末段力抗對手衝刺，今次2檔會好跑得多，可再度領放或切入後守BOX SIT好位，此馬房銳開會繼續搏。
「月光寶盒」上仗賽前已試好谷閘，而且時間不俗，休出泥地熱身後轉此場地用近期合作得愉快嘅王志偉，4檔可放可守2疊前列好位，有力出冷。
「開心動力」前仗走不利場地衝，但近仗見早段起步唔快，外檔要追落班也應止於一位。「神奇飛龍」五月中缺課10天體重跌19磅欠安心。「荃城歡欣」試谷閘要比，但完成時間甚快，5檔如能切入2疊亦可一爭。「嶺峰」試泥閘表現出色，時間甚好，但該課係泥閘亦有頭罩冇面篩，今仗出賽配備唔同亦跑谷草1檔成大冷才兼顧。「神童」預期要走3疊難蝕得起。
第六場 4班 1650米
5.喜勁駒 4.新力多 7.財源來 1.魅力心
「喜勁駒」起用潘頓後取得1冠1亞同於此程取得，上仗雖只能力拼險勝「威水福星」，但3歲能早早克服谷草1650也絕不簡單，今仗快馬多又可留居中2疊機動好位，轉彎慢此能移出外檔早望空衝爭勝，始終內疊多近期冇FORM或實力弱嘅馬，連捷機高。
「新力多」過往可於3班入Q，於此組會夠用，上仗走2､3疊跟快步速最後50米才力弱，今次2檔形勢會大逆轉，問題係1檔嘅「正榮」會否帶出後拖後幫韋達，如能守BOX SIT入直路亦有勝望。
「財源來」今季表現進步，常追一段甚強嘅後勁，大前仗就走中內疊不利場地追近，近兩仗亦走外疊追得勁，今次4檔預期沿欄留後，如內疊空位足亦可爭勝。
「魅力心」兩度退出前該仗不利步速分配下以勁勢衝嬴，返查該組頭9名再出都可取勝或入位，水準甚高，之後皮膚出現問題到今日先復出，賽前試閘力騎磨起狀態，季初試閘亦要力騎，不必太介懷走勢唔勁，內疊被困就有望走外疊一網成擒。
「神州八號」剛戰與「超綵」､「信賴」同跑線但未能迫近，應止於一席。「過關勇將」田草大賺超慢步速嬴馬後轉谷草用大師傅雙重加磅，快馬多形勢亦未見有利。「得運歡笑」轉倉賽前有停課及跌磅。「有盈有利」未能復勇剛戰亦斷得急。「童夢」減分等下季。「正榮」冇能力，1檔亦幫唔到幾多。
第七場 3班 1800米
6.駕翠 5.可愛人生 3.歡欣滿載 9.飛快無敵
「駕翠」近兩次入位轉彎走大蝕位下衝得甚勁，比嬴馬一役賺場地有進步，剛戰跑2200早段見有前速，今仗排4檔快馬唔多可守BOX SIT好位，早前此程取得1WIN1Q全由黎海榮經手，人馬合拍而有形勢之助下做膽最穩。
「可愛人生」上仗休出沿途3疊下可追入第2而力抗相若形勢嘅「福到威威」，賽後操練未有放緩而相對各主要對手都有更充足嘅休息期，1檔如能守「駕翠」之後可一齊追入前列。
「歡欣滿載」具田草中長距離3班頂級數，此組會夠用，而早前此程亦曾入Q，強配薛寶力出戰，上仗走內疊直路只得最後50米望空用力少，5檔如能必入2疊都夠爭。
「飛快無敵」前仗賺場地形勢爆冷後，耗力多下轉谷草再跑大長途最後幾步才力弱失P，今仗回配馬偉昌而有慢步速之利，10檔應可輕鬆切入2疊慢放，位望甚高。
「公平競技」愛爾蘭3歲馬告東尼唔急進，一如「晴天」及「加州動力」開始有追勁，試多兩仗睇下季尾定下季初出擊。「福到威威」追極都係咁上下，而8檔預期沿途會蝕，負頂磅難讓得起對手。「帝豪名駒」上仗跑2200轉彎蝕到咁都肯跑，狀態回勇，如臨場落雨就可大幅提升取勝機會。「晨采」上仗慢步速斷冇咩藉口。「大衛精神」上仗4班大賺形勢嬴馬後回此組排11檔便難以一爭。「得男」上仗休後復出賺步速但表現已算不俗，今仗仍有位望。「馬主光輝」評分見盡對手太強。
第八場 2班 1650米
1.天外之天 7.快人快語 2.靚到爆 12.喜競寶寶
「天外之天」上季3歲已嬴至1600，性能應不限於田草1400，轉東廐後表現更明顯進步，能力拼「華美之星」，至少有7､8分係手，東廐轉倉馬會盡用，如非騎者又無故快放勝望甚高。
「快人快語」轉倉後表現穩定，能2戰2捷同程，前仗留後上仗跟前鬥爆亦得，今仗6檔可輕易守1､2疊前列好位，但唔明點解唔用返嬴馬拍檔起用薛寶力，如非壞影響最大機會威脅前駒。
「靚到爆」谷草此程甚準，上仗休出走大外疊與「軍事出擊」等一齊衝，落返2班此組仍有能力可爭，重配安國倫過往2WIN人馬合拍，正路配腳。
「喜競寶寶」上仗田草可與「花月春風」跑近，此場嘅第6名並不差，今仗除眼罩出征，上季嬴馬就冇眼罩配備，3檔可守BOX SIT好位而且步速應段段正常難追，除非外疊場地到尾場好先要調整。
「超群名駒」連續兩仗嬴姿態出色，上仗實力指標跑啱晒都威脅唔到，11檔要外疊有利才可一爭。「挈跑得」未見貫注力。「超群如意」上仗走有利場地冇藉口了。「君河」能力上未見突出，8檔切入守好位應未能爭Q位。「紅日」此組對手強等下季再用。

賽道特色：週三又再出現壓地後偏差大逆轉，令買開過關嘅投注者難以適從，特別係買六環彩､三T等大彩池就更難處理，希望馬會日後會子細研究呢一方面嘅問題。今次用返全闊A跑道，對上一次於5月27日舉行，此跑道一直比較公平，主要以馬匹實力行先，配合段速分配就能得出正路結果，而近日雨勢已漸漸減少，除非早上有雨而其後有太陽令場地變啜腳，前置馬匹並冇特別有利之處。


全日馬膽：第八場 1.金鎸龍華

冷門突擊：
第二場 4.榮進蜜運
第三場 1.化工之昇
第六場 1.尊勝福星


賽日重心：
第一場 4.華麗堡 7.鐳射槍 2.更捷勝 3.喜相逢
第三場 1.化工之昇 9.明旺 8.同感 4.深智能業
第六場 1.尊勝福星 9.最著數 6.新力飛 4.旺綵

  



第一場 5班 1800米
4.華麗堡 7.鐳射槍 2.更捷勝 3.喜相逢
「華麗堡」上仗田草1600轉由柏寶騎即嬴，而該仗次名「金玉之光」再出得亞席而季軍馬「不老精英」已補中，此駒同樣跟快步速水準甚高，復課柏寶捉住唔放快跳三課，只加5分多負4磅，以往谷草1800只負於當時甚銳嘅「無敵福星」，今仗步速甚慢柏寶可再用步速智慧爭取連捷。
「鐳射槍」轉李廐後已打疊上名，剛戰前兩駒賺步速形勢而此駒沿途走外疊追得第3已不俗，今次楊明綸因傷臨時換人，韋達上陣非自己馬會盡搏，同樣可跟前賺慢步速爭取前列名次。
「更捷勝」初落5班甚為有利，上仗全程留到最後於轉彎加快步速走大外疊追近，表現不俗，用潘頓有1檔之助唔使留咁後，重拾狀態有力交代。
「喜相逢」上仗賺快步速追入一席第4，該仗頭3名已有2隻上名水準高，今次2檔可拍住「更捷勝」只要可留守中置位置就可一爭。
「神箭金剛」上仗嬴馬時間比標準時間快，仍負輕磅葉廐馬喜打疊出機，可續爭一席。「威陽」上仗有返D起色但14檔宜家唔夠前速好難追。「金滿貫」可切入跟前，但過往田草只得1位冇谷草咁有信心。


第二場 4班 1400米
4.榮進蜜運 8.黃金褭蹄 6.永順益 10.非洲之光
「榮進蜜運」季初兩度於1400追得勁，之後不斷試谷草泥地期望搵到出路，怎料試落都係一般，今次終回此程而用返替其生涯兩度上名嘅安國倫，今場多快馬會由外疊切入步速會快，而且多數直路會停，只要守2疊機動位置直路拉出嚟衝就可一網成擒。
「黃金褭蹄」終換走王志偉，近兩仗發揮非好的，上仗直路無一步望空當回氣賽，今季未交代戰意必高，有4班中級能力此組會夠用，唯一怕1檔直路走裡面會冇位上。
「永順益」前仗比「威力寶」跑得蝕之下最後勝負距離並冇比後駒拉遠，而後駒嬴馬加分後負頂磅上仗差D Q都保唔住，上仗加眼罩效果差，今次除返用湯智傑只要早段稍留鬥追一段有力反先「威力寶」。
「非洲之光」質新初出已見追勢，近兩仗增程1400前仗直路冇位上，剛戰望空後反而藉口唔多，幸今仗初戴眼罩存在變數，用冷殺手潘頓有力於弱組爆。
「威力寶」上仗賺步速場地險失Q，增程難度更大。「太陽雄心」上仗全程外疊，但初增程下線全為1400以下才跑得好嘅馬，排外檔要大幅進步才得。


第三場 4班 1400米
1.化工之昇 9.明旺 8.同感 4.深智能業
「化工之昇」全組馬之中同程往績最好，上季尾就於此程嬴「進勝福星」及「龍城動力」，今季轉何廐落力減分，早前一落4班已幾近交代，近4仗跑谷草場場跑大外疊敗，今仗終回田草作賽，4檔可守機動好位而步速偏慢下居守「心甜意合」外側嘅2疊甚好跑，對手唔強可交代了。
「明旺」季中多番於谷草大蝕下追得勁後李易達又密跑部署減分，近仗跑谷草都係沿途外疊再轉彎發力的，雖然明顯冇上名時勇銳，但今仗賽前快跳時間出色，有返上名時嘅操練段速，加上久未到上季跑得好嘅田草應會有賠率，起用柏寶可出冷。
「同感」打疊上名比季初時穩定，上仗賺轉彎拉慢步速追可頂住已補中嘅「利駿」，表現不差，潘頓繼續揀騎可再爭位。
「深智能業」上仗增程1400角逐，直路一度以不俗勢頭衝刺，可惜最後百多米處嚴重受阻勒避，今次14檔立心留到最後衝一段，如步速正常可一如「同感」般鬥衝一段爭勝。
「心甜意合」初跑1400，如肯用4班會夠能力，2檔有形勢之助可爭一席。「蜚聲國際」上仗雖蝕慢步速，但直路衝落唔多，預期3檔留後於內疊唔易搵位，又應會近而無威脅。

第四場 4班 2000米
11.勁威小子 13.金鑾大殿 5.印度光輝 1.家傳碧玉
「勁威小子」剛戰跑2200大長途，因應12檔早段初次留後競跑，直路走有利場地之下追唔到先發制人嘅「飛快無敵」，表現只不過不失，但今次3檔冇快放馬之下守前列會好跑得多，因應步速形勢只要直路肯早出頭靠大步就可一爭。
「金鑾大殿」近兩仗於5班稍有形勢即可上名，上仗更大賺步速形勢嬴，雖然未能拋開「牛精威旺」有D失望，但柏寶續騎步速預期又會再賺，應可續爭一席。
「印度光輝」現時大長途賽表現會更好，剛戰留守後列直路走內疊衝刺，直到最後100米才望空跑入一席第4表現唔差，此駒可前置的，13檔第一個彎順走對面直路才逐步跟前就能克服不利形勢。
「家傳碧玉」上仗留返後衝表現不及前4名相若位置衝嘅馬好，但今仗有2檔之利早早跟前，賺步速形勢位望較高，戰意好作保險腳。
「好球」今季兩勝都配安國倫，今次小休復出跑返水準4班留唔住。「精嘜」此噸位水平跑2000米會好，但1檔要留後如受勢慢步速會更難跑。「常盈多」比前跑得更近離嬴馬時期不遠，但同樣靠追有得分才拖。


第五場 4班 1200米
3.官仔骨骨 8.威威大少 4.銀飛龍 1.烈風天馬
「官仔骨骨」初出由柏寶騎可跑入一席第3，走中疊下負於「綽力之城」而壓倒週三上名嘅「創出商機」表現不差，上仗排大外檔須留後克服，走內疊稍賺場地下追得不俗，今仗重用柏寶排4檔可前置賺偏慢步速，有望一如「利駿」般交代。
「威威大少」上仗初出肯追，復課苗禮德繼續壓迫試埋大閘才出，5檔與上次檔次差唔多，此系馬戰意好，同父馬亦早熟，今場有力突擊。
「銀飛龍」連續兩仗蝕形勢下追得勁，上仗更與「官仔骨骨」守相若位置而直路走大外疊蝕盡追入一席第3，但今次後駒可前置而此駒8檔要再留後跑，估計可爭2-4名歸來。
「烈風天馬」季初可於谷草強組迫近「按一按」及「珠光寶氣」，上仗轉彎走多咗之下於3班賽事跑近，今仗落4班可跟定先，騎練週三就有「你好我好」合作勝出，6檔易發揮加入戰團。
「一定快」上仗守好位直路移出衝唔算太勁，12檔又要留後買後追都揀「銀飛龍」先。「樂馳」剛戰守內疊好位衝落唔算太多，今次13檔要大幅進步才可一爭。「多豐裕」初出馬成績一般，幸蔡廐初出馬常可跟前列2檔會賺，係賠率太熱唔值搏。「中國天使」一度追得勁，甚似「多多利」及「業盛於和」，不過1200米14檔沿途要走外疊蝕位追，睇嚟練馬師都計到咁不利無論出擊嬴唔到走光，等下仗。

第六場 3班 1200米
1.尊勝福星 9.最著數 6.新力飛 4.旺綵
「尊勝福星」一早已證明能力，已筆者指出此渝1300磅大步馬跑短會更好，剛戰跑谷草快放走內疊不利場地下頂得住一席第5，「金湶」此賽前後一場都有好表現都被放散，今仗回田草作賽回配嬴馬拍檔安國倫，對手唔強會夠快切入，有力一放而回。
「最著數」季內外閃下不敵「名舵主」而與實力指標「閃爍武士」相近位置過終點，此組已夠用，前仗柏寶早段留得太後與「多多利」一齊衝得勁，上仗增程卻沿途外疊競跑，今次小休近3個月重新做功夫，與馬偉昌甚為合拍，1檔因應「尊勝福星」放頭可守貼欄第2或第3隻，轉彎加快步速有利發揮，如非再跌15磅已可作膽。
「新力飛」近仗跑正常場地與「善寶」互有勝負，今仗亦屬爭勝要角之一，同主馬只得「新力多」季初取得一WIN，大摩必緊張想盡快嬴多兩場交數，5檔守2疊7､8位若有馬早段壓迫「尊勝福星」就有機會追到。
「旺綵」上仗雖因出閘稍慢而失3甲，但直路望空後衝落唔多冇咩藉口，今場揀完頭3駒後已冇馬好揀，保險腳而已。
「高山威龍」剛戰跟快步速下仍跑入一席第3，但不同於「禮尚往來」要沿途外疊負頂磅快跟，今仗13檔要留後，段段快均速好難追的，用韋達成熱寧捨棄。
第七場 3班 1000米
7.勁賽王 1.振興中華 4.勝利攻略 5.精靈勇駿
「勁賽王」初出嬴馬姿態驚人，輕鬆收韁大勝而回，跑第二嘅「超級精神」能力唔差的，上仗負頂磅增程作賽，轉彎走4疊下只以短距離不敵沿途1疊嘅「城市之都」及「明興寶寶」，3月復課後慢慢做足功夫才出，3試大閘唔好唔出，所有拍跳由柏寶包辦，8檔有利場地跑出正常水準就可嬴。
「振興中華」前仗同走不利場地而力壓其後可嬴嘅「按一按」及常追得近嘅「勁飛駿」，上仗早段極快步速走3疊跑最短途中疊倒後根本難以再加速衝刺，回氣後回直路賽排10檔有利場次，落3班可賺級數爭WIN。
「勝利攻略」前仗賺有利場地能追「熊英雄」而壓倒「禮尚往來」，上仗增程跑轉彎賽直路轉位再衝表現不差，復課試閘走外檔騎落反應甚佳，今仗排11檔大外檔又可再如入Q般再爭一席。
「精靈勇駿」此程表現佳，上仗極快步速領放最後100才斷，狀態甚好，1檔如夠快移出外疊有利場地就夠爭。
「健康精英」嬴完3班弱組對手大幅增強一位已足。「黃金年代」受健康影響現時復出，試閘表現只不過不失，出道4仗1W3Q夠準可爭3-5名。「祟山寶」新馬賽表現驚人嬴馬時間佳，但排4檔月初缺課8日欠安心，成熱搏舊馬更有信心。

第八場 至 第十場 如明早前有時間將盡量寫出分析

賽道分析：今季谷草A欄偏差頗為穩定，可能因為順序用A/B/C欄能內欄場地養草時間充足，加上颱風過後近日陽光都幾猛烈，場地乾快下內疊前置馬優勢會甚大，但壓地後就要小心會否再次出現偏差大逆轉嘅問題出現了。

全日馬膽：第七場 6.綠色好
冷門突擊：第二場 10.金玉之光


賽日重心：
第二場 10.金玉之光 9.無敵駿駒 4.的確好靚 1.鑽石瑪瑙
第五場 3.錢程萬里 7.威水福星 9.日日發 4.歡欣星
第七場 6.綠色好 4.恩格斯 3.按一按 1.禮尚往來

   


第一場 5班 1650米
10.不老精英 2.京城精英 9.飛天龍駒 1.聚好盈
「不老精英」轉李廐後小試兩三場即以極快步速領放而直路最後50米才失Q，該役亞軍馬再出田草佳速補中，上仗出閘稍慢下早段留守中置二､三疊位置，步速前正常轉彎都正常下走三疊發力早早衝刺，竟能貫注到底，後列追趕馬匹未能對之構成威脅，現時並非單一放頭將更易處理，楊明綸停賽下起用過往另一合作次數最多嘅梁家俊，只負116磅排11檔能切入2疊就可連捷。
「京城精英」踏入今年操練轉為積極，明顯想交代，前仗有檔位配合下即能輕勝而回，剛戰排大外檔切入2疊下轉彎被「不老精英」早發力直至最後200幾米才能望空，其後越衝越勁，5班依然會有利，12檔可跟「不老精英」切入，但居2疊或3疊會成關鍵。
「飛天龍駒」KEEPER子嗣喺香港普遍以中距離較好，而且母系外祖父出自SALDER'S WELL，長力應不成問題，今次除近仗唔夾嘅開縫眼罩，起用人馬合拍4戰1W2P嘅潘頓，2檔將可處於極為有利嘅位置，始終1200速度跑此程可跟前好多，1檔唔快當然守BOX SIT會更好，預期「神采飛揚」放頭步速轉彎唔會慢的，半冷值搏。
「聚好盈」竟起用柏寶，查上季而今何良只得兩駒配柏寶，而且兩匹更只因騎師邀請賽而焗住用，睇仔細D會留意到寶樹系一向喜用柏寶，加上此駒初出道時3配此子可取1Q2T未失3甲，今次4檔預期要取得2疊好位唔難，近兩仗轉倉出賽早段都走得唔順，同騎師韁繩唔夾，誠意做足落5班求交代。
「福到財星」評分落5班有周旋餘地，上季用得多跑多仗下季初可即用。「華麗堡」此程3戰1W2Q準得可愛，前仗快步速嬴得出色的，剛戰1800田草賽事要自己均速放可能太長，今次初用麥道朗而唔用今季另外幾個騎得好嘅騎師，6檔早段唔夠積極就要走3疊了，但論實力此組絕對夠用，第5選。「彩虹幻影」轉倉後性能有變泥地才比較好。「再來旺財」上次好位啱步速唔衝冇咩藉口。「兄弟班」未跑得返。「奪目星光」早前近大賺場地，等下季再睇。「神采飛揚」試閘見貫注力稍增而已，20分唯有盡人事。「華獅」前仗受阻，上仗最後移出中疊追勢頭不俗，冇得保留可作邊線腳。

第二場 5班 1650米
10.金玉之光 9.無敵駿駒 4.的確好靚 1.鑽石瑪瑙
「金玉之光」重戴眼罩後打疊兩場跑入亞席，前仗段段快步速可嬴「不老精英」及「龍船快」等其後再上名嘅馬，第四､五名於5班級數超群，上仗守好位下只負於上4班連捷嘅「感恩」，末段從未被拋離，水準極高，今仗排11檔但預期可跟「無敵駿駒」切入，今季未交代葉廐一手馬配合，爭勝要角。
「無敵駿駒」轉倉第一仗已可於田草1600以佳速取勝，拋離「八佰匹」而蹄下敗將「怡情養勝」及「華劍寶」等其後能勝，之後再放超快步速段段被燒下仍能取得亞席，耗力多下再出快放仍可與其後兩度上名嘅「金滿貫」一齊過終點，今次小休體重回升，上月初雖缺課9日，但月中已試泥閘走勢輕鬆，10檔內側快馬唔多夠快切入，跑回水準可與前駒一鬥。
「的確好靚」跑谷草走勢特別好，1月跑1200時已能負於「幸運紀錄」及「神童」等個多馬位，大前仗B欄走最內檔不利場地以勁勢追近，前仗直路無位望空才敗，今次再回谷草作賽，現時跑法添機動，起用潘頓有心拼，落5班亦有望交代。
「鑽石瑪瑙」早前4班1600兩度輸得唔遠，上仗一落5班跑1200最後幾步衝勢強烈，同跑線嘅「你好我好」其後再取2WIN，今次增程角逐谷草1650，同父馬中距離及谷草成績都唔算差，2檔會好好跑，只要適應場地就能加入戰團。
「十足十」用返眼罩都唔得，回咗落5班都要再等。「太陽奇妙」此程稍短。「彪形好漢」早前上名賺盡形勢。「天下寶」近況見泥地衝得更好，性能似出現變化，補出機平。「天鷹」與「電訊戰駒」剛戰直路一齊受阻冇位上，後駒賠率會較好如要拖寧揀後駒，個人就兩隻都唔要，因為無阻唔止衝到幾多都係靠估。「馬皇帝」上次打到盡都係得第4。「魅力影子」用返鼻篩，11分冇得保留盡拼，賽前操練十級積極，冷P在於此。


第三場 4班 1200米
6.妙不可言 2.大旋風 4.烈風天馬 11.鑽飾天使
「妙不可言」取得處女勝利後轉田草作賽，仍可與「愛歡笑」､「各適其適」等有級數嘅田草馬跑近，上仗排10檔騎者出色走位下於慢步速賽事中追近，但直路上事實並冇足夠空間衝刺的，今仗排1檔好位，預期「好利佳」唔會放得慢，守BOX SIT嘅「大旋風」唔會斷而移外衝刺，形勢大好下可為日本馬主取得易主後第2WIN。
「大旋風」前次直路受阻，上仗換人轉彎早早移出3疊即能衝嬴，佳態持續馬房喜繼續搏，今仗2檔應夠快切入1疊，守BOX SIT好位，預期步速會段段均速甚至偏快有利發揮，承勇嬴返上3班。
「烈風天馬」季初可於3班谷草1000力追「珠光寶氣」取得季席，證明場地適應並冇問題，上仗田草超慢步速末段可衝21.99追表現討好，今次匆匆再出回師谷草，排6檔預期要走2疊，但後勁強烈下就可憑班底一爭。
「鑽飾天使」上仗柏寶直路唔走內疊移出外疊衝，末段反應強烈勢頭強，漸見適應水土，今仗5檔跟「妙不可言」相對比另一匹追勁力強嘅「飛躍之鋒」有利，作保險腳。
「好利佳」早前跑此程用韋達特式步速放都輸，休出跌15磅至新低有「海之宏」壓迫下便欠安心。「橫掃千軍」能力唔高11檔更有機沿途3疊。「莫己若」上仗久休復出平常。「捷領風騷」試閘要俾反應不過不失，1270磅馬初跑谷草排外檔難度極高。「金德勝」一再賺而排檔大幅外移要好進步才有位望。「危險巨星」未見走勢。「海之宏」普萊西人馬合拍，狀態亦見回勇，如「好利佳」搶出後唔放此駒便有權上名。「飛躍之鋒」4班必夠上仗亦追得勁，但12檔太蝕了。


第四場 4班 1650米
1.好旺財 8.皇仁威龍 9.時來風送 7.永得勝
「好旺財」上季初可打疊取得3W2Q，上3班都唔吃虧，上仗跑田草1800早段步速跟得急下直路可再展開不俗衝刺取得季席，而守前列馬匹多數潰敗，轉返谷草作賽此程上名率雖遠比1800低，但話晒3班都可入Q的，11檔而8-10檔嘅馬都唔快，可順住「事事順意」切入，把握條件賽事取得今季首WIN。
「皇仁威龍」初出兩度蝕步速分配下追得不俗，上仗超慢步速沿途跟外疊直路亦可以全場第2快23.15追，回谷草即強配潘頓，同系馬未交代馬房必更心急未必留下季用，2檔初出2仗見並非全冇前速的，慢步速守好位此組屬爭勝要角。
「時來風送」前速唔夠快，上仗就要留得較後前段受際於慢步速，對面直路開始走3疊發力，衝足800米表現絕不比留最後衝400米嘅「喜欣賞」差，5檔預期慢步速可守5-6位2疊位置，希望能早早發力鬥均速一爭。
「永得勝」上仗夠休復出氣管有氮病不足據，第2仗體力正強，以往4班成績甚好，慢步速下有機會配合馬匹攻勢爭入一席冷腳。
「金添好運」上仗雖預慢步速但冇段好睇，用韋達亦未見變身餘地。「事事順意」增程用柏寶，此部署今季多次出現成績甚差，上仗賺步速形勢上名的。「化工之昇」剛戰慢步速跑啱唔衝，戴眼罩以往都識上名，今次除返冇大變身條件。「勝利就好」季初B檔走不利場地追得不俗，之後再度蝕步速分配追得好，並非谷草唔得，如外疊場地轉好有望衝入一席。「深智能業」除眼罩上仗衝得甚勁，轉返谷草增程下亦有權爭位。「喜欣賞」不及「時來風送」般好，檔好要追也只居邊線。「金威王子」同父馬谷草性能極佳，上仗轉倉後初跑谷草1200即以22.44勁勢追近，直路還一度受阻，12檔單一留後跑法，如外疊冇問題亦有冷門機會。「回鄉精神」跑多場下季落5班可即用。


第五場 4班 1650米
3.錢程萬里 7.威水福星 9.日日發 4.歡欣星
「錢程萬里」上季減夠分今季到季中季尾階段開始反彈，上仗初配杜利萊人馬甚為合作，轉彎順住均速走越衝越有，呂廐馬多匹好開可打疊好，今仗步速正常騎者可再用盡均速特色再嬴多場。
「威水福星」轉配韋達6戰1W4Q1T未失3甲，上仗早段受形勢所逼留後衝，直路稍稍內閃下輕鬆追入季席，上仗主要對手「日日發」排檔外移而且用力會較多，今仗大有機會守好位反先，除非壓地後內疊場地又變差。
「日日發」上仗比「威水福星」賺下只以短距離負於突然變龍嘅「飛騰」，今次4檔走2疊仍會好跑，只要體力保持仍可爭入一席。
「歡欣星」性能廣泛，泥地､田草､谷草均可，今次再度跑季內曾跑得接近嘅谷草中距離，2檔預期同樣可守好位，只要上仗短距離嬴馬耗力下體力可保持就如「日日發」般跑入位列。
「魅力心」皮膚感染前一役嬴馬姿態極出色，上仗休出表現亦不俗，但今仗步速分配預期會蝕，應止於3-6名。「新力多」柏寶出色發揮下都只得搏入一位，騎者放手會更難。「信賴」表現穩定，上仗追「超綵」表現不過不失，但今仗11檔要沿途外疊追就難跑了。「各適其適」上仗步速唔快下取得次席表現尚可，始終2-5名全部前列跟返未算表現突出的，今次初跑谷草排10檔成熱更難有信心。「勝蹄飛」前仗追近恰可走勢，但12檔不易克服。「萬子千紅」上仗超慢步速放都斷。「重量級」上仗不良於行，但此仗守好位賺步速都斷。「不老英雄」磅位繼續嚴重偏低近仗亦唔見追勢。


第六場 3班 1650米
4.大把世界 8.超綵 2.可愛人生 6.海力童
「大把世界」剛戰賺慢步速形勢開齋，但當日內疊場地並無外疊般好，今次又冇領放馬在陣可再賺慢步速，對手比上仗還要弱，嬴馬後只加5分負124磅爭取連捷配合「綠色好」出擊。
「超綵」田草受困後剛戰轉谷草守好位下嬴得甚為輕易，最後幾步已收韁用力唔多，再報谷草有1檔之利，應可憑基本前速於慢步速中守box sit好位，韋達轉彎識發力走的，只要內疊場地冇問題就可於季尾克服4上3爭勝。
「可愛人生」此程比1800更好，上仗夠前速守好位下直路被迫走內疊不利場地只負2又3/4馬位，表現非差，今次9檔預期會蝕，初配潘頓希望可跑得機動d，如外疊場地見好更可提升名次。
「海力童」上仗久休復出，沿途外疊下直路初時睇衝落唔多表現一般，但事後睇同跑線嘅「喜來仙子」及「悅璐孖寶」都可提升名次，可能場地非好的，今仗3檔因應慢步速可守前列好位，作保險腳。
「安穩」嬴馬一役甚為出色，能拋離「陽光普照」，但上仗谷草1800直路卻斷得急，初用柏寶亦唔易突然變身。「雪山神駒」上仗直路望空一步都冇得衝。「瀟灑駿駒」大幅增程轉谷草繼續爭取經驗。「快人一步」､「龍之欣」同樣須先吸收經驗等下季。「百威將領」上仗賺場地開始跑近，再減下分下季4班可有作為。「紀利威威」密跑又轉場試。「雪米糍」剛戰操練唔完整下仍衝得勁，但今次又慢步速11檔唔易爭Q，T/F4才可預。


第七場 2班 1200米
6.綠色好 4.恩格斯 3.按一按 1.禮尚往來
「綠色好」出道第2仗已試過於谷草衝22.59，場地適應問題唔大，近仗多番與進步中嘅短距離新星互有勝負，潛力仍不低，以本身前速今仗有3檔之利可守1､2疊前列好位，預期「錢照嬴」會段段快放賺形勢，作膽較穩。
「恩格斯」初除鼻篩，上月2試大閘反應甚好，大前仗田草1200能衝22.21，而且迫近「幸運雄威」亦能壓倒「鐵胆龍」，以此場賽績於此組便夠用，此系馬亦有「卡格斯」用郭立基嬴，不必介意柏寶唔揀騎，有心交代。
「按一按」季內同程追得唔差的，前仗快步速下仍能氣走「一寶」及「風之子」等路程專家，今仗有黃金一檔之利可順跟好位，用近期合作嬴馬嘅薛凱華可再度爭勝。
「禮尚往來」轉倉後兩仗都表現甚好，前仗沿途外疊快步速唔斷，剛戰雖賺BOX SIT好位，但沿途步速甚快的，直路取得空位一放絕塵，而且最後幾步早早收韁致勝，今次9檔預期段段快步速會甚蝕，唯一期望外疊場地壓地後有利才可一搏，保險拖返票。
「旅英駿駒」表現回勇，但8檔快馬多預期都係蝕，谷草非主場邊線機會。「中國動力」早前嬴弱組，休出快馬多此組唔易突圍。「錢照嬴」已減至有利評分，11檔都會夠快切入放，但同場步速壓力會大唔易放到。「名舵主」上次初失3甲因氣管有痰，轉配備今次形勢同對手都唔見有利。「勁飛駿」上仗快步速下應該要衝好D而唔應俾「帝國勇將」衝過。「順利得勝」上仗不利場地韁繩脫手都衝得勁，但此組對手強10檔好難跑。「享耆成」減下分先下季再用。「銀桂飄香」谷草前仗快步速表現不俗，但對手再增強下季才諗。


第八場 1班 1200米
9.幸運雄威 5.先鞭直前 10.文武維揚 7.鐵胆龍
「幸運雄威」季內重回1200作賽打疊5仗上名，近兩仗試谷草都得，部署上更有彈性，上仗守好位下直路能力迫谷草不敗馬「鐵胆龍」，小休個多月再出賽前試大閘甚為積極，今次後駒要多讓4磅，守3檔好位絕有機會反先。
「先鞭直前」同樣極忠心準繩，而且愛爾蘭4歲馬不斷進步中，剛戰早段搶得太急末段只以短距離負於「甜將」，表現出色，今次初強配韋達而有2檔好位，自己領放或守好位亦可，同屬爭勝主角之一。
「文武維揚」今季受健康影響遲復出，但復出兩仗第一場跑直路1000試馬衝22.02，次仗再跑田草竟可與「喜惑」等對手一齊衝，而騎者輕鬆推騎未全力逼趕，今次回未失Q嘅主場機會可大幅提高，7檔只要能切入2疊就有望一爭。

「鐵胆龍」此程4戰不敗，上仗早段有「錢照嬴」拉快步速而可取得2疊有利位置，今次10檔相對冇極速快放馬冇咁易可取得2疊好位，尊重谷草專家賽績如外疊場地轉好就可爭第5WIN。
「高風格」連番見好，但上仗賺場地嬴泥地加至頂磅唔易讓得起同場多匹進步中嘅短途新星。「步步快」未見復勇，1檔起用到柏寶亦只邊線機會。「軍事行動」草地非強項。「夢幻十一」兩度跑谷草夜賽表現差，9檔留同放都唔易發揮。「大把在手」試泥閘表現不俗，但對手稍嫌強。「如願以償」前仗走外疊快跟表現出色，此組會夠用，休出悉心操好，機會就睇2檔韋達點同呢匹蔡廐馬夾。「威威多星」上仗直路一度受阻，衝勢唔比衝順嘅「一寶」差，如休息期更長會更有信心搏冷位。「一寶」忠心，但12檔難跑能力亦未見於此組有利。