引用:

原帖由 linlisun 於 19-9-2012 08:31 PM 發表
今日出马少，且普遍不在状态，所以感觉很难投注

加埋偏差又大利外疊~
我都係剛起到步

賽後成績 (2012年9月19日谷草B欄夜馬)

賽道分析：田草C欄偏差一直較細，主要受分配影響，但要留意上季第4次賽日正正跑C跑道而且季內用多一次B+2跑賽事，當日內疊守好位馬匹甚為有利，所以明日可稍稍側重內疊好位馬而再根據賽日而作出微調。直路賽一向以外疊較好而泥地因週二翻土，如見讀數較低較鬆軟就可稍稍提高內疊前領馬嘅機會。

全日馬膽：第十場 6.總統之光

冷門突擊：第九場 6.清新空氣


賽日重心：
第二場 2.馬主明星 1.勝利旋峰 10.銀飛龍 4.星運俊爵

   



第一場 5班 1400米
4.的確好靚 3.卡加精神 7.辣得醒 12.海豚
「的確好靚」上季兩度落5班都能以短距離落敗取得3甲，證明5班評分必有利，同父馬「金獅威將」今季一出即勝，應該本身細馬休出唔會太差，有基本前速應可切入守好位，操練程序完整有力一出交代。
「卡加精神」上仗嬴來有D賺咗形勢，但姿態甚為出色，能力必值4班，唯一14檔好難跑，要有前快轉彎慢段速幫到手先得。
「辣得醒」連番於4班追得不俗，今次有3檔之助唔使留得太後，伍廐馬之中叫操得夠辣，機會馬之一。
「海豚」剛戰走勢不俗，末段締速22秒54，而且上賽前已由蔡明紹親自試閘，停賽到今仗接手，上季試過有前速可前置，如非因初戴眼罩有太大影響亦有力左右戰局。
「天蓬戰駒」試閘好似有前有後但時間非好。「有盈有利」上季多次走甩都輸，9檔亦大機會要沿途3疊或更外競跑。「醒少少」4班跑近落5班都就快可交出成績。「時時有機」上仗沿途走外疊遊馬河，不過今戰對手甚強。「普道馗」上仗轉倉初出追得不俗，另外「電訊新星」都試過休出同程受阻下仍能追近，可惜兩駒排12､13檔就唔易蝕得起。

第二場 4班 1200米
2.馬主明星 1.勝利旋峰 10.銀飛龍 4.星運俊爵
「馬主明星」上季一出就能以快時間嬴「咁都得」及「樂馳」，後兩駒分別於上季及今季再出補中，賽前準備一貫手法先試大閘再埋門落草地跳，雖然試閘表現差，但見「太陽海岸」等都係泥閘差而出賽大為不同，快馬唔多可守前列好位，有力取得跨季孖寶。
「勝利旋峰」上季初出落4班初出即勝，姿態出色，今仗快馬唔多10檔有心切入就大有機會克服劣檔，半冷值搏。
「銀飛龍」能鬥「驚雷」而之後再連番不利分配追得好，唯今次快馬唔多下跑法被動作配較安心。
「星運俊爵」現時評分比上名低9分，前季更能嬴「鷹之團」，加上此程佳，11檔屬唯一較大憂慮嘅地方。
「化工之昇」上仗游馬河冇跑過，但1200稍嫌短。



第三場 4班 1000米
4.尚駿心 9.太陽雄心 10.勁啲啲 12.燈火輝煌

「尚駿心」有硬功騎師幫助會好，上季就靠李寶利能跟得較前變身嬴馬，今仗由薛寶力策騎12檔可跟前，對手證明唔多作半冷膽。
「太陽雄心」上仗追得不俗，結合上季表現都幾肯纏鬥，但此程前速唔夠快下5檔會幾蝕，作配。
「勁啲啲」雖排3檔，但前速夠快有力一如「路路好」般盡早移出外疊，上次不利場地頂到一席已可接受。
「燈火輝煌」里程尚新，未確切證明能力極差，新季初出排不俗嘅9檔有10磅仔幫助之下有冷腳機會。
「富國強駒」初出結合血統都早熟，係唔明點解早一日出試週二就作最後試跑，個人嫌熱而已，課閘追得唔差的。「飛哥」亦屬馬房試閘操得好嘅馬，高廐馬一向如此，但同父馬跑此程非強項，先觀望。「軍刀」休出好，如唔使留咁後11檔有半冷機會。「明偉光輝」上仗甚失望。

第四場 5班 1200米 (泥)
8.合利高 3.長勝 6.鈦合金 10.森泉嬴
「合利高」上季此程能前快後快後放到，彈甩姿態極為出色，低分反彈下現時仍只負120磅仲有大把反彈空間，只要放頭冇不利就可再嬴。
「長勝」相同部署落5班就搏，上季同程嬴馬時間亦甚佳，連到季尾跑田草1400､1600嘅表現一D都唔差，柏寶騎首選配腳。
「鈦合金」初跑泥地，同母馬一匹能取得十捷包括3級賽而另一匹泥地性能極強，賽前試泥閘快時間試得勁，大幅減分落5班有變身條件。
「森泉嬴」母線方面就有「綠色寶」等泥地好手，今次轉倉初出試一大閘兩細閘極積極，一如以往「興緻高」般突如其來超輕磅爆。
「快達小子」落返5班又有利，但12檔要外面有利先得。「華劍寶」排11檔，以往試過泥地前速唔夠唔係咁穩定一定搶得出，上仗表現只不過不失，邊線機會而已。「嬴啲啲」試閘出色，如步速夠快而場地有得追就有機會取得3-5名。


第五場 4班 1650米 (泥)
1.飛騰 3.金獅猛將 13.傲闖 14.荃城歡欣
「飛騰」上仗大賺慢步速嬴，過往泥地表現唔差，睇形勢步速唔會太快，呂健威喜承勇搏位望仍穩。
「金獅猛將」72分曾嬴現時落4班跑甚有利，上季中曾14檔搶出段段快放唔斷，此組會夠用。
「傲闖」到季尾先有少少進步D嘅表現，計能力唔會好高，但45分就見到周旋餘地，大摩馬見好可追。
「荃城歡欣」同父泥地極強，睇「幸運駿駒」､「開心指數」等多捷好馬就知，本身兩仗跑1200有少少均速，下線「超光越影」1400能力展現，未跑過此程或更強，換出賠率就值得一搏。
「金瑞」泥地此程冇1800咁強。「不老英雄」操練較悠閒。「站站名牌」上仗慢步速斷得急難變身。

第六場 4班 1400米
5.綠豆爽 11.大快人心 7.松風 4.旅遊小子
「綠豆爽」演出忠心準繩，未失前4名，此類馬休出表現常會更好，唯一8月20-23日缺課，希望影響唔大坐取一位。
「大快人心」上季多番追得勁，下調至44分反彈空間夠大，希望1檔唔使留得太後有力取得首次勝仗。
「松風」今仗會再賺步速，上次雖放得快，但最後100幾已力弱用力亦較多，大賺場地守相近位置跟快步速嘅都唔太斷，表現未必一如外界睇咁好。
「旅遊小子」此程3班數度蝕分配追近，現時55分絕對唔可以睇少，並非一定要等以往才更佳嘅谷草搏，大冷值得一試。
「超級精神」上仗斷得甚快。「紅衣神仙」未證明太多兩試大閘走勢都唔好。「勝利駿駒」柏寶發揮一絕才多返取得3甲，今仗換吳嘉晉不易發揮。「愛的呼喚」因馬主而受追捧，初出1400唔易即嬴。「莫己若」上仗受阻望空後追勢唔算強，用上季如「大快人馬」受阻後衝比較個勢就睇到，成大眾追捧對象唔抵熱捧。「鑽飾天使」熱身後田草都未必唔得，有大冷腳機會。

第七場 3班 1000米
1.順利得勝 6.精靈勇駿 10.御鋒 3.威威具星
「順利得勝」前季於一班谷草取得一席位置，到上季落3班跑下能取得1W1Q2T，今仗9檔夠前速前置，C欄外疊會有利，唔使靠追以級數較安心作膽。
「精靈勇駿」此程於3班有中堅能力，上仗季內初出無疑表現失望，但此馬房一直都唔使睇近績，對手唔算強可以一搏。
「御鋒」上季尾此程嬴再出能以快時間補中嘅「帝聖駿駒」，以往3班都能嬴的，賽前操練模式一如上季上名齋落草地試，有前速移出外疊場地有力出冷。
「威威具星」跑過兩仗第一仗直路早段勢頭不俗下早就收埋，第二仗留後跟跑都追得唔差，柏寶揀騎7檔如非留得太後可搏熱避冷門作突擊。
「金剛驃」與韋達韁繩唔太夾，經常人馬角力，3檔要靠追並非理想。「藍城堡馬」3班都近，轉配備休出居邊線。

第八場 3班 1600米
2.陽光普照 6.得男 8.薄荷糖 4.香檳歲月
「陽光普照」夠忠心，休出又可重現威力，今仗冇咩前領馬可大賺步速，唯一唔明滇仔唔騎比蘇狄雄，希望體重跌37磅非大影響。
「得男」上季轉倉跑兩仗谷草試準轉田草1600即能嬴，健康影響下跑得少但見出賽操練都已變為正常，出馬唔多步速正常下應可守6､7位，鬥爆下有力取得跨季孖寶。
「薄荷糖」本身極為忠心，上季中後期跟方嘉柏一齊沉，現時休出如跑得返一貫水準仍能左右大局，評分未盡的。
「香檳歲月」上仗表現極失望，但此組唔算多馬可揀，如跑得返上季初水準會夠做，慢步速作保險腳。
「百事神駒」追極都係3-6名有D似廐侶「經典皇牌」要等。「軍士」4班弱組連番上名回3班對手較強下唔易再爆。

第九場 3班 1400米
6.清新空氣 12.路路發 2.好心思 11.樂馳
「清新空氣」上季尾轉田草跑一仗比一仗進步，今仗初出更見驚喜，直路一直未能望空一有空位卻如飛殺上衝得甚勁，鄰近一早望空嘅「大家勝利」及「自由勝」再出包Q，今仗4檔可守中置機動7､8位，唔壓地下尾段拉出衝或會更好，冷膽出擊。
「路路發」於同場追得甚勁，但計場地冇前駒咁不利，上季此程曾上名，馬房季初攻勢強烈同屬半冷好分抵買。
「好心思」上季與「卡加大師」互有勝負，而後駒今季初出1200亦差D能勝，暑期閹咗跌30磅唔使太介懷，騎練合作唔差望進步繼續一爭。
「樂馳」上仗蝕步速場地仍追得不俗，換滇仔騎或會更好，輕磅如場地外面較好就能突擊。
「喜惑」上仗幾失望，如非場地有利現評分難嬴。「賀喜」現時評分比嬴馬時低15分，睇上季表現未見退化，只係馬房棋子多要先熱身。「勁綵」夠忠心，但爆發力唔算太強，如步速唔快鬥爆可能又止於一席。「靚好聲」等增程。


第十場 2班 1400米
6.總統之光 3.齊歡笑 14.光輝之星 13.帝國勇將
「總統之光」上季兩度擊敗「華美之星」，先於黏地初出爆冷，再跑竟於極快步速下唔斷力拼到底，評分或值110分左右步速唔會快下作膽最穩。
「齊歡笑」曾與「甜橙」多番難以分出勝負，本身亦忠心肯追，11檔柏寶騎如見步速唔快騎者或會因應跟前，屬前駒最大對手。
「光輝之星」與「精彩日子」同父同母，上仗初出全程走大外疊不利步速直路一鞭未開試馬味甚濃，有2檔之利甚輕磅或可出冷。
「帝國勇將」上仗蝕場地分配追得唔錯，試貫注未必止於谷草短直路，外疊場地好就可一搏。
「格哥兒」外地夠級數，但久未出賽柏寶嫡系唔騎先觀察。「多采多姿」上仗亦係失望嘅蔡廐馬之一，除非熱身後能大幅變身。「堅旺財」忠心薛寶力騎功騎師更合發揮，但要靠場地幫手。「佳同」上仗追得唔差，但轉返田草此組咁強難以一拼。


[ 本帖最後由 GR上杉圭 於 23-9-2012 01:29 PM 編輯 ]

賽後成績 (2012年9月23日田草C欄日馬)

GR上杉賽日提供(2012年9月26日谷草C欄夜馬)

賽後成績 (2012年9月26日谷草C欄夜馬)

賽道分析：田草C+3欄偏差甚大，內疊前置馬優勢極好，而對上一次C跑道亦利內疊前置，預期好檔能守好位嘅馬將能提高爭勝機會，近日陽光普照而且乾燥，場地快之下將對前領馬更為有利。

全日馬膽：第八場 6.真慷慨

冷門突擊：第十場 2.包裝博士


賽日重心：
第二場 10.志氣高昂 9.敏歡騰 1.蒜頭仔 11.天富

      


第一場 5班 1400米
5.金玉之光 8.愛蓮說 12.豐彩人生 11.天子駕六
首場賽事前領馬唔多，預期前領馬將能提升爭勝機會。「金玉之光」季內已跑兩仗，首仗1400早段唔夠快下仍追得不俗，其後增程1600更合發揮，怎料當日大利內疊馬，轉彎蝕得甚多下仍以勁勢追近，今場雖再縮返1400跑未必可守前列位置，但4檔希望可守2疊7､8位，以季內FORM較強之下作膽會較安心。「愛蓮說」以往休出常有好表現，前季初出就於4班入位，上季受健康影響下未跑回過往忠心4班中堅能力，幸暑期減6分今仗能以117輕磅上陣，同場冇快馬下可早守前列力爭一席。
「豐彩人生」季內初出一役走不利場地斷得急，計表現唔合格，但熱身後操練執得更正，有1檔之利又可賺跑道形勢要預返一位。「天子駕六」減分過龍季內第二戰即能勝谷草中距離，上仗嬴來騎者發揮出色，轉返田草未算話有大優勢，10檔亦唔易跑，不過騎者跑呢類步速有時能中段發力突圍而且叫季內有勝出賽績較可尊重。
「的確好靚」上仗追落唔多，睇下熱身後有內檔變身變得幾多。「佑嬴」､「得力助手」可前置但上仗一齊斷得急。「團隊福星」季內追得唔差，賽前落草地積極11檔居邊線。「實在好」上季此程連番追得勁但賽前操練悠閒熱下身先。「普道馗」轉倉試好睇下幾時旭手。

第二場 4班 1400米
10.志氣高昂 9.敏歡騰 1.蒜頭仔 11.天富
弱組賽事而且季內已熱身嘅馬都未算有好好賽績，步速難計能力上計算較為妥當。「志氣高昂」上仗沿途外疊望空於當日甚不利場地仍能見走勢，開氣後於此組賽績便夠安心，始終上季能力拼「超光越影」，現時43分可扶搖直上。「敏歡騰」剛戰與前駒同場轉彎發力同樣蝕之下表現相若，今次一檔比前駒或更有利，但過往始終最叻都係跑第6，作副選較安心。
「蒜頭仔」上季初出一役追得不俗，同場對手前3名之中有兩匹今季已能勝，而「樂馳」兩度於不利場地追得勁，跑此組超晒，可惜初出唔係跑1200而係上1400作賽，賽前少見葉廐兩試大閘先出，試得閘出賽嘅已經有好表現，試足兩課更重視，不過季內未出過必成大熱寧作配。「天富」試閘見貫注力增強，隔過暑期或會唔同，有前速冷腳之選。
「極霸戰道」試閘有前速但斷得快，打都唔走。「競駿才子」初出跑第4個勢唔夠強只不過不失，今仗或有能力爭3-6名。「威駿寶」上賽因馬主有喪事退出，但竟再試多課大閘先出咁有誠意，如11檔肯搶前切入或能克服。「駿威煌」季內跑5班一役衝落唔勁。

第三場 公開賽 1000米
5.風火神駒 1.甜將 7.活力飛駒
7隻馬少馬場合預期一齊可移出有利場地跑，令固有1000偏差大幅減低了。「風火神駒」休出而且1000特佳，每逢見到呢D賽程都必把握機會出擊，只負117磅作膽最安心。「甜將」休出亦能展現甚佳表現，上季此程就夠前速下只負於揚威海外嘅「小橋流水」，評分已盡今仗已成出擊目標賽事。「活力飛駒」同場中季內FORM最好嘅馬，上仗雖只嬴2班，但時間卻甚為出色，最輕磅未可輕視。
「富貴金龍」有級數，但轉蘇廐後未見回勇。「高風格」此程熱身。「步步快」上仗見真係有D退化。

第四場 3班 1000米
3.振興中華 5.藍城堡馬 2.順利得勝 7.火燎腚

田草C+3欄最短途外疊場地甚有利，前置亦可評先，一如「御鋒」內檔馬如夠快都可克服。「振興中華」上季初出就能於前程放嬴當時未回落嘅「勁闖駒」，之後轉倉初出一役亦只以短距離輸比「熊英雄」等二班好手，今場跑3班賽有10檔之利用吳嘉晉減磅跑，易發揮只要發揮到正常水平就能於一放而回。「藍城堡馬」季內跑第2途中騎師馬鞍滑移，本身有前速可守前列，但1檔相對冇咁安心作配。
「順利得勝」上仗場地賺多D而一條直路都追唔近「藍城堡馬」，今仗係個8檔睇下幫到幾多，叫季內識上名預返一席。「火燎腚」上仗明顯放極快步速幫廐侶交代，今仗排7檔有前速隨時大賺，成冷作保險腳。
「勁飛駿」此程上季見過有唔錯表現，但4檔唔夠快下難追，T/F4才拖。「勝利攻略」轉倉初出，睇噸位此程非強手，如突然能前置才有望爭入一席。「升力」初出賽前準備唔算強，噸位亦唔夠試馬居多。

第五場 4班 1600米
1.高耀之寶 11.揚威寶 4.利駿 10.蜚聲國際
預期只得「幻想家」會均速領放而季內FORM唔夠，守好位嘅「高耀之寶」將會啱晒佢均速發揮。「高耀之寶」上仗1200追唔到快步速領放嘅「開心陶寶」，呢類均速馬增速能力唔強比較賺之下追唔近有少少失望，不過留意暫時未知後駒轉倉嬴進步有幾大，今仗睇形勢幾可肯定會大賺，同場對手熱過身嘅未算有太強水準，作膽應穩。「揚威寶」上仗走外疊不利場地追近，加上該仗步速極慢的，同父馬中距離能力甚強此程未必如上季般失準，5檔唔使留太後搏冷之選。
「利駿」休出表現唔差，3戰取得1W1P，而且過往跑1600有內檔之利可守得較前位置，屬機會馬之一。「蜚聲國際」上仗兩度嚴重受阻，睇追勢唔差的，不過今場11檔唔易跑，叫季內展現過走勢投以保險注。
「京城三寶」4班未盡的，留意馬房同日早段有冇馬配合。「勝風」轉倉初出先觀望，論作風屬急進的。「勁威小子」季內出賽轉彎發力雖俾頂4疊走，但當日外面場地甚為有利的，表現唔算好之下轉返更強水平嘅田草作賽成熱就唔值搏。

第六場 4班 1200米
5.星運俊爵 6.特別熊 4.開心歡笑 3.官仔骨骨
快馬唔少之下步速壓力有幾大好睇「太陽昇」､「富吉利」､「仁心仁術」做法，而選馬方面臨場睇睇場地偏差再作調整吧！「星運俊爵」以往3班上名，季內初出雖賺慢步速，但即能以末段22.44取得亞席，今次9檔可再度以相近跑法克服，如快馬多可稍留4､5位或更好衝。「特別熊」上季尾表現進步，兩度以相近快標準時間完成賽事取得1W1Q，今次季內初出要估夠唔夠銳能搶放到底，作配較安心。
「開心歡笑」現評分水平甚有利，上仗外疊場地極蝕下抹咗去再嚟過，如步速夠快就可一爭。「官仔骨骨」上季試追末段幾勁的，之後慢步速跟前反而冇咁好，今次季內初出有內檔之利如立心衝一段有望爭入一席。
「紅衣神仙」上季淋地一役追「勝利駿駒」唔差的，唯今季跑落唔追睇下熱身後會唔會好似廐侶般大幅變身。「富吉利」上季休出後表現可初步留意，不過今役12檔好難跑先觀察多仗。

第七場 公開賽 1400米
4.雅雪 1.讚惑 2.勁飛寶 7.卡達聖
快馬會多而幾匹較有級數能力嘅都排內檔，有機會一如上季精英杯般咁嘅形勢跑返嚟。「雅雪」早已集中此程出擊而且多次放極放步速能放到，上季已指出勞愛德賽後報告寫要自己領放，賽事中無端端留住嚟跑競賽小組又冇問草草了事，計上季尾能嬴頂級份子「甜橙」現時加6磅作賽亦未能輕視，睇下「蓬萊仙子」搞到佢幾多，部署明顯兩試大閘為此賽而來的。「讚惑」級數甚高，中短途於香港屬頭幾名之內，上季就能於中距離擊敗「精彩日子」及「步步穩」，雖然部署全力於大賽出擊，但今仗有2檔之助有級數之馬必要兼顧。
「勁飛寶」上季尾就於預期相若步速賽事跑入季席，只於最後兩步被「甜橙」追過，上仗復出無疑失望，但內檔賺場地下級數會比同賺嘅「多采多姿」高，希望熱身後跑返正常水準。「卡達聖」賽後常驗到氣管多血，健康唔算穩定，必集中休後拼搏，上季初出便爆冷殺低「雄心威龍」，今仗8檔快馬多如早段順利切入跑返水準便可作突擊。
「富高勝」上仗嬴得出色時間亦好，但少馬場合唔計得太高而且今仗12檔非常難跑。「多名利」部署中長距離大賽跑短一如「爆冷」般熱下身先。「包裝選擇」休出好但能力上未於此組有優勢。「締造美麗」大賺場地跑近對前二馬都冇甚威脅。「喜蓮標緻」上季最後一役於谷草走極不利場地嬴強組，但以往田草唔算跑得好好或荒馬場特佳，今場可睇多D。「多采多姿」上仗賺場地但嬴來姿態輕鬆，今仗對手林立爭3-6名。

第八場 3班 1800米
6.真慷慨 8.歡欣滿載 1.爪皇豪火 10.高友勁

少快馬步速會慢，中長距離正常偏差冇咁大，馬匹能力會較為重要。「真慷慨」上季連番蝕住追得勁，而且中長距離能力特別出色，此分必未盡，而兩匹上季互有勝負嘅對手都冇出戰，續配賴仔戰意高昂力爭跨季孖寶。「歡迎滿載」能力值3班頂，現時減至72分已有利，上季頭兩仗於此程已能取得1W1T好成績，賽前試閘磨利力足挑戰前駒。
「爪皇豪火」同樣屬5歲中長距離精英份子，就算跑2班都未能看輕，出爭3班賽唔難追入一席。「高友勁」上季曾於2000米爆冷擊敗「財寶鷹」及「喜威寶」，跑出水準於3班都夠用，可機動賺跑法成冷拖返票。
「財運」剛戰大賺步速場地嬴「好好機會」而已，上季試過對「真慷慨」等駒未能匹敵。「晴天」愛爾蘭3歲馬上季2勝1800難度唔低，但成熟程度現時或未夠轉5歲嘅同場對手。「喜來仙子」遲復課，熱身後再諗。

第九場 3班 1400米
2.豐衣足食 1.光宗耀祖 5.新力飛 3.喜惑
此組排頭排幾匹能力上明顯有幾大優勢，如跑法上配合到應會跑正路賽果。「豐衣足食」早於3班此程企穩，只負於「奇葩」､「新希望」等等嘅強敵，此忠心馬休後常有好表現，季尾一役見前速未必要留得太後，用10磅仔較大機會賺場地下作膽安心D。「光宗耀祖」之前指出頭兩仗均有不利因素第三仗即爆大冷嬴馬，姿態卻比預期恐怖得多對手亦甚強，之後再出走不利場地步速常可衝22秒極速末段追近，今仗抽到1檔唯一擔心唔夠快就好大機會冇位上，如初次有好檔能跟前就可掃晒。
「新力飛」上仗嬴1200時間出色姿態同樣好，相近跑線而憧憬能力較高嘅「信心十足」完全追唔到，此程以往都上過名並非單一1200米馬，如跑到尾段場地冇大不利可再勝。「喜惑」上仗季內第2次出賽，熱身後賺場地都唔得都幾失望，不過今次又會賺步速，而計級數能力會比4上3嘅老馬「雙龍出海」好，作保險腳。
「紅日」已兩度走不利場地唔算表現好差，續跑此程減多幾分可反彈。「威利猛男」告仔一見追勢就可開始留意，上季「晴天」､「加州動力」便是如此，不過谷草1200轉田草1400級數大為不同，止於一位。「金剛驃」上仗已指出唔夾韋達杜利萊發揮必會更好，但步速唔夠快就會係一大問題。「綠色快駒」賺完嬴上3班跑要適應下先。「銀子彈」能力與「齊哈哈」相近，可爭一位而不穩。

第十場 2班 1600米
2.包裝博士 7.紅山茶 3.金獅威將 10.包裝之寶
步速唔快下上仗放偏快步速嬴嘅「金獅威將」又可前置，形勢上前置馬會有優勢，但此組有幾匹實力未見底嘅精英份子在陣，或能有力反轉偏差。「包裝博士」出賽第3仗極不利步速場地韁繩脫手下仍以勁勢力迫「驌龍」，其後分別能反先及擊敗「華美之星」，現時評分肯定未盡，季尾一役跑曾落敗嘅谷草都確認場地唔合發揮，今仗雖要負頂磅，但5檔上仗試過可前置而且級數最高，半冷值搏得多。「紅山茶」上次走不利場地下唯一一匹追得嬴，季內FORM持續見好，8檔前置亦唔難跑，不過得2倍值唔值搏又係一回事，T膽會穩的。
「金獅威將」上仗突然領放賺場地爆冷，但睇時間與姿態同樣出色，唔係話大賺埋慢步速果類，今仗快馬唔多又可再切入領放，季內有好賽績繼續要捉實。「包裝之寶」上季能於此程取得季席只不敵「包裝博士」及「華美之星」，upcoming嘅馬隔暑期或進步更大，作保險腳。
「戶外名駒」上仗甚失望。「如願以償」幾度出戰谷戰1650都表現一般，此程對手亦增強或冇1400咁好。「同個世界」打比一戰追得勁此評分必有提升餘地，2檔亦好跑邊線腳之一。「佳同」賺完場地近今戰雖可再賺，但對手比上仗更強唔易再爭入Q腳。「勝利之星」上仗騎師發揮出色下險勝，上2班強組便賺都難爭。

全日馬膽､冷門突擊 兩隻W 一冷一熱搞掂~
全日重心 中大幅落飛Q
全日勁中7Q3T
大反擊！！！！YEAH!!!!

GR上杉賽日提供(2012年10月6日田草A欄日馬)

第一場 5班 1600米

「天寶之威」､「福譽」､「天下寶」均出自同組，上次內疊有利下前兩駒都走內疊場地賺咗串Q，唔同嘅係「天寶之威」受阻後轉位再追而「福譽」嬴馬加分加磅，今次後駒一檔A欄未必係好位，反而可走外疊衝嘅「天寶之威」更安心，作膽。
「天下寶」上仗直路早段一路冇位上，過300米段柱搵到位人地都走晒，潘頓繼續騎有賠率可兼顧。「給力」連續兩仗走得接近，由1200逐步增程1600，上仗跟快步速前面得佢同「海豚」唔斷，而母線有長力，吳廐馬走得近可跟了。

第二場 5班 1200米

「鑽飾天使」上仗4班1400走近，前快轉彎慢步速佢係入面唔好發揮的，加上轉彎都被阻得幾緊要，今次落5班柏寶即騎返，計級數肯搏掃晒。「海豚」前仗現追勢而上次加罩跟快步速又到，跟前留後同樣得明顯有分係手，吳廐寶藏試準跑短對手更弱亦有力出頭。
「大將軍」4班級數落5班大為有利，賽前操練完整有做大閘，用賴仔戰意高初出亦要睇實。「電訊超星」前季初出於3班入Q的，華廐馬今季嚟得早，呢D冇咩用過嘅馬反彈空間大，作配合理。
「快達小子」上仗快步速轉彎走外疊衝刺跑錯晒當熱身，唯一係直路未見一段競爭力只可抹賽績而未能加分。「鼓浪春風」根本短優於長，此程初出如利追都屬邊線腳。「齊勝」上次步速分配大利下嬴，雖內疊場地當日唔好，但「地上最強」都近，雙重加磅後寧放棄。

第三場 4班 1800米

「旅遊名牌」上仗雖遇快步速，但最後200先有位而追勢強勁，血統宜長而且外地嬴2000的，今場強配潘頓到位。「足智多謀」以往打疊兩､三場上名，此程亦1戰入Q，休後好開可繼續追。
「印度光輝」轉倉後出賽仍追得勁，上季連續12仗勤拼都場場肯追，4班有利機會馬之一。「常盈多」上次不利場地跑短轉彎大蝕位下走近，今次增程啱數。
「奀皮仔」前仗直路受阻早已受慢，上仗轉彎時被坐得甚厲害後直路早段追勢甚強，今仗退熱屬一路奇兵。

第四場 4班 1200米

「勝利旋峰」上季初出嬴此程後上班轉泥地才走樣，今季初出一戰早段被動下直路要等一輪才能望空衝刺，頭馬勁唔在講二馬再出補中，今場對手甚弱交代時機。「中國天使」上次賺完追叫不過不失，但同場跑過嘅對手冇咩邊隻特別揀得落手，而叫馬房肯再做功夫用上季合作愉快嘅吳嘉晉減磅出戰，有賠率可兼顧下。
「皇仁勁駒」以往於李廐都算準，而且現時評分比上季初上名時低12分，轉倉做足兩課大閘先出，此系馬轉得倉戰意夠晒高，即拼格。「回鄉更好」上季直路賽跑第5一役騎者早已收韁，但去勢持續，3歲英國馬經過半季適應水土，早復課做功夫而馬身更長成，弱組有力出冷。
「深智能業」上季尾谷草嬴馬加完分後優勢大減，要跑得返上季尾銳勢先得，成熱就唔值搏。「駿盈」賽前試細閘先出，返查上季上名跑近都係咁去操，作保險腳。

第五場 4班 1200米

「銀飛龍」上次遇慢步速下可跟前D形勢都幾利下追唔到頭3名，表現唔算勁只算可以，唯一係亞軍馬能再出補中而今仗對手之中只得一匹今季初出嘅明星馬，有季內表現作膽較穩。「你好我好」前仗略受阻後近，上仗再出跑谷草不利形勢下於大外疊追得勁，跑返田草都唔可以睇少。
「驚雷」能沿途蝕住力拼「山頂」，絕對唔野少，今次健康出問題後季內初出要負133磅，如正常跑得返計能力必掃晒。「叻叻仔」上季3班能追入一席第三不敵「夢幻十一」及「飛燕」，現時54分有著數，對手亦唔多證明可兼顧。

第六場 4班 1400米

「勁加勁」上仗內疊場地有利慢步速下走外疊後追強勁，同場表現最好一匹，今次A欄應會更好追，作冷膽。「乘奔御風」上次起步慢咗沿途3疊望空走頂到第4都唔算差，今次快馬唔多出閘只要順利機動跑法會賺的。
「神奇飛龍」亦於不利場地追得勁，確認轉返徐廐冇問題，甚至比跑谷草時更勁，但增程1400對手更強就要考慮，作配。「至勝威龍」同父馬初出成績唔差，而母線更可發現「心中有理」一族休出特佳，試閘走勢純熟有噸位可兼投。
「紀利威威」落4班有著數但轉配備操練唔算太完整下最多作保險注。「超級精神」上次變身大賺場地步速的。「綠豆爽」忠心常近預期3-5名應有一席。「好香港」上仗受阻追賽後氣管有血，始終唔知真正望空追到幾多成熱就唔太值搏。

第七場 3班 1600米

「得盛」上次唔好追下轉彎移出衝走勢唔差，而頭馬再出二班強組竟差D嬴埋，或屬強組季軍可機動作膽安心。「非常精」上仗同組不利追下走外疊走勢唔錯，增程更合亦坐位望嬴。
「風雲」上季已講上表現大幅進步後3班都唔可以睇少，上仗走有利場地即嬴得甚易，今次A欄都啱衝升班要照跟。「樂馳」常可以終極時速追近增程1600望可以更機動跑法競逐，步速唔快下鬥爆有利的。
「飛翔星」用返1冠1亞嘅配備馬房大手馬配合，季內初出亦唔可睇少。

第八場 3班 1200米

「環保戰士」季內出過而走內疊場地下追得唔差，當日壓地後內疊稍好但嚴格計跟前大利的，此組唔算強有力突擊。「名馬」上仗連續兩仗賺完入位唯一勝在忠心，對手唔強下跑法又賺要續跟。
「喜蓮芳芬」轉倉後馬房向來急進即取得一席，雖快步速蝕但好位下冇拋離快放嘅「太陽戰士」，水準未證明高，只作配。「薑餅人」上季初出跑1400強組直路一度衝刺唔弱，鄰近對手「轉戰香江」今季初出能力拼「勝利之星」，操好季內初出先買一注。
「幸運紀錄」上季尾一仗追得勁，上次初跑1400不利場地下後列跟跑，不過唔追始終唔安心，只可話係機會馬之一。「威威具星」個人始終覺得質素唔平庸，留意下走勢吧！

第九場 2班 1200米

「好好計」上仗不利場地追下走勢極為強勁，草地唔比泥地差，唯一1檔有D欠安心，始終要靠追A欄受阻機會增高的。「風之子」同組直路慢慢移出追勢頭夠勁，但亦係2檔而且冇咗拍檔安國倫之助。
「名駒」上仗又係同組而以22.61追近，今季跑唔同上季草地都得，呢一組唔算強可以預返一席。「奇葩」上季數度以終極時速追嬴，此組跑A欄絕對會好，睇下休後會唔會好似上季中咁回落，但試閘能跟前以22秒正試嬴狀態佳的。
「名舵主」上季大賺步速場地嬴馬，今次A欄唔易再賺了。「恩格斯」閹後初出先觀望，上季谷草一役唔受阻並非冇得鬥的。「善寶」兩試大閘誠意做足，但上2班潘頓､韋達做到磅都唔爭住騎要考驗。

第十場 3班 1400米

「超光越影」上仗季內初出1200大蝕下追得勁，熱完身跑1400到位。「卡加大師」保持上季水準3班都夠用，跑法可攻可守必要兼顧。
「清新空氣」前仗不利場地追得好勁，上仗早已比「勁綵」坐足大半程，今次A欄有望見真章。「博愛福星」上季兩勝均蝕盡形勢而嬴「陽光普照」夠證明，季中休後復出跌磅都唔睇好，今次增返磅隨時配合馬房攻勢出擊，有力突圍。

「競技英雄」上季5月受傷，今季轉倉轉配備初出，嬴馬水準上2班都隨時夠但眾多不利因素成熱睇場先。「綠色威」大賺場地入位後形勢逆轉。