賽後成績 (2012年10月6日田草A欄日馬)

賽道分析：上年至今谷草A欄多次出現利內疊前置嘅情況，大有可能因現時養草時間令內疊場地更為爽快，賽前當然仍會以馬匹能力行先，如現場真係出現上述情況，到時希望即場分析會為大家幫到手。




第一場 5班 1650米
3.好好運 8.光芒四射 11.不老精英 9.奪目星光
水鬥水場合預期11排2檔會放而步速壓力只正常。
「好好運」已兩度出賽，而兩次賺場地下表現只不過不失，唯一記存上季曾兩度嬴得甚為漂亮，而今次用返最佳拍檔，如非場地大為不利計能力應可掃晒。「光芒四射」2季前4度戴面篩全敗，事隔已久再用未知效果會唔會都係咁差，上仗與前駒一齊走有利場地追，但騎者卻求其得多，事實上呢組真係冇邊隻揀得落手，搵返D有追勢嘅馬跟進下。
「不老精英」前仗走不利場地，上仗步速偏快下直路實際已移出3疊跑，並非完全走不利場地，藉口唔多下要利放先幫到手。「奪目星光」暑期大幅減7分，賽前搵甚少合作嘅薛寶力一早過檔兩試大閘，誠意十足，今場各冇把握下都冇表現可等退役。


第二場 4班 1000米
4.中國好 2.好友星威 3.創出商機 8.辣得喜
2要於外檔殺埋嚟加上裡面嘅3,7,8,11都會快步速唔慢馬群扯得散，對4會有利冇咁易受阻。
「中國好」上仗走位出色下直路於當日不利外疊一追而過，姿態輕鬆，谷草最短途經常難嬴得遠而加分少，梁定華最後一季必用得就用，1檔步速夠快應易於取位，作膽最穩。「好友星威」上仗休足一整季後復出，排外檔早段耗力下直路移出中疊走，睇走勢冇減弱而比兩匹內疊賺晒嘅馬僅僅追過，今仗步速或可能更快，但健康有問題馬同樣唔會保留。
「創出商機」此程2戰取得1冠1亞，而落敗一仗只負於今季兩度於3班入位嘅「勁勢」，於此組便夠用，兩試大閘輕鬆帶返，今仗5檔季內首戰仍有力一爭。「辣得喜」上季一出便嬴此程，現時評分更低6分，成冷勿忘。


第三場 4班 1200米
7.海之宏 3.駟馬難追 5.團隊精神 8.榮進蜜運
步速會帶到幾快要睇2同8兩匹外檔馬早段點處理。
「海之宏」上仗走內疊壓地後嘅稍不利場地放到，步速唔慢的，今仗對手未見加強，加權添食。「駟馬難追」上仗賺晒下跑第二，但叫季內能力迫好FORM嘅「中國好」，騎者常有心有力切入好位，今仗8檔入到2疊就夠爭。
「團隊精神」仍未盡老化，上仗沿途雖走內疊賺，但該仗能改變名次嘅馬不多，而且最後移出中外疊追勢頭唔差。「榮進蜜運」剛戰泥地以快步速跟快唔斷取得季席，轉谷草須兼顧。
「但求勝」大幅減分落4班絕對有著數，但試閘､出賽用頭罩都係唔肯走。「神童」剛戰走有利場地追唔近。「定做」大幅縮程，但引到安國倫騎，此程其實算準，小心出冷。

第四場 4班 1650米
4.神勇馬車 6.財神駕到 9.財源來 1.魅力心
冇正宗放頭馬步速唔快跟前馬會有著數。
「神勇馬車」兩度於B欄不利場地走得好，或本身荒馬場特佳，剛戰嬴荒馬場外本身做出時間頗出色，早段只得此場可快過標準時間完成，跑法機動有4檔之助作首選。「財神駕到」跑到上仗終嬴馬，雖賺場地但步速頗快下直路能彈離對手姿態好，當銳又可賺步速可爭奪連捷。
「財源來」上仗直路要移位再上最後200先擺正個軚去衝，追落唔比超4班嘅頭馬「正歡騰」差，外疊場地好更可提高爭勝機會。「魅力心」早已指出4班有利，前仗田草熱身後剛戰即回復真身，屬今仗機會馬之一。
「業盛於和」柏寶肉緊而能力上應唔止於4班，唯一搏佢未熱身。「威水福星」走有利場地早用咗力都算失望。「奄尖大少」剛戰走不利場地走得算唔差，邊線腳之一。

第五場 3班 1800米
4.歡欣滿載 11.軍士 3.財駿福星 7.南陽望族
預期1,3相近檔位拍埋去放應唔會太快，重要係睇8,11早段會唔會力搶上嚟一齊迫，預計中等至偏快步速
「歡欣滿載」上季初出追入一席後第二仗即能補中，能力上於3班有頂級實力的，上仗全日利內疊情況下直路可於外疊力迫「真慷慨」，轉谷草此組已夠用有餘，唯一擔心馬偉昌加胡森大熱門。「軍士」演出穩定，兩戰都能取得一席，上仗步速唔慢下直路拋開今次又同場嘅「陽光普照」，以往曾嬴谷草短途場地適應唔成問題，機會馬之一。
「財駿福星」上仗賺場地，但步速放得唔慢的，上季能兩勝3班今場對手唔強下仍可一爭。「南陽望族」剛戰季內初出韋達轉彎時不斷打摏，敗像早現，今次換杜利萊有一檔之利，如步速夠快就好好跑，作保險腳。
「駕翠」有潛力再上的但8月尾缺課兩星期埋門試大閘比都唔走。「飛快無敵」能於田草1800入Q壓倒「財寶鷹」，但馬房唔算太積極於季初爭功。「安賞」3歲愛爾蘭馬上仗走不利場地試馬，今次可留意睇多D能力有幾多。
第六場 3班 1200米
8.勁勢 1.帝國勇將 9.紅運福星 5.強風駿馬
4多數拉唔住又會快放，12應會用46秒頭嘅前速跟或一齊放，形勢偏快甚至快步速。
「勁勢」今季兩度出戰都大蝕位下追得甚勁，今次賽前韋達更親踱，2檔可守好位如步速快馬群拉散會更好跑。「帝國勇將」季內初出一役不利場地及步速分配下追近，表現甚佳，上仗預不利追場地走內疊跟跑一仗，回師谷草1200把握會更大，場地非大利內疊就有力一爭。
「紅運福星」上仗留後直路移出更外下衝刺或比頭馬「銀桂飄香」更勁，當日壓地後內疊場地好返D並非純賺步速場地追近，6檔好跑得多有力加入戰團。「強風駿馬」大賺嬴馬後8檔冇上次咁好跑，只作配。
「錢照嬴」早就減夠分睇下幾時旭手。「至尊飛星」剛戰直路無位上冇騎過，但冇望空實際有幾多得個估字，計能力有田草1400級數會夠用，但9檔寧捨棄。「吉祥」試閘悅目飛咁衝上嚟，自購馬由80分減至62分隨時反彈。
第七場 3班 1650米
3.超綵 6.勁綵 12.豁達瀟灑 9.飛騰
全場只得10會快放而9可選擇守BOX SIT未必一齊搶，步速應會中等甚至偏慢。
「超綵」4戰此程取得2冠2亞全入Q，路有專長，上仗賺晒但姿態仍輕鬆，馬房喜盡用唔會保留。「勁綵」忠心只一戰失獎金，該仗就係谷草但留意當日利內疊下騎者沿途外疊轉彎飛出去大外疊衝，仍能走近已不簡單，同父馬此場地出色今仗若成冷更值搏。
「豁達瀟灑」剛戰能於不利步速下改變名次絕唔容易，但對手非強，隔晚成一面倒大熱唔值搏，只作配。「飛騰」馬房同樣鍾意承勇盡用，又抽到1檔非常好跑，繼續兼顧。
「銘記心頭」此程準此馬房少有，T/F4必拖。「奪金」同父馬多匹谷草好適應力高，但體重經暑期竟再跌25磅新低點難投信心一票。
第八場 2班 1650米
8.皇龍戰駒 2.格哥兒 9.精奇 6.快人快語
1號10檔搶放而7號預期都會頂住佢一陣先比佢切入，步速應會前快轉彎稍稍拉慢。
「皇龍戰駒」轉倉後落3班即嬴，計返與打比冠軍「陽明飛飛」串Q計上2班仍有能力一爭，而且4檔有步速下非常好跑，作膽應穩。「格哥兒」外地連香港賽績表現忠心準繩，上仗場地不利追下取得季席絕不容易，今仗轉谷草對手級數上或有得賺，11檔仍難捨棄。
「精奇」上季已試過於谷草同樣蝕分配場地追得勁，睇下會唔會好似「奇葩」咁休後跑唔返。「快人快語」轉倉後兩勝此程而且姿態不俗，最後一仗直路從未望空才敗，此類路程專家可留意一如「鵬力洋洋」般爆。
「邦先生」剛戰田草都見有D追勢，大冷腳之一。「靚到爆」與「鵬力洋洋」甚似，但二擇其一下揀咗「快人快語」。「漸信良駒」夠忠心T/F4仍要拖。「開心至愛」上仗輸意外的，亦屬保險腳之一。

賽後成績 (2012年10月10日谷草A欄夜馬)

轉返谷草大敗非常抱歉，希望星期日返田草可回歸

賽道分析：田草A+3欄偏向公平，較少出現大利內或外疊情況出現，明日十場賽事預期能以實力馬行先，而留意後段壓地後出現一D咩嘅變化，近幾次壓地後內疊前置都好咗的。


第一場 5班 1800米
11.奪錶 1.喜相逢 7.牛精威旺 8.鐳射槍
「奪錶」前季轉馬房前能3度於4班中距離上名，現時減至28分已大為有利，剛戰直路一直要跟頭馬「喜相逢」追而未能望空，加返眼罩即見追勢，葉廐馬試準就多數正頭正路同你搏，強配埋韋達戰意加零一。「喜相逢」上季初2勝5班而能與「金得意」力拼，根本上4班都唔可以睇少，但受際遇影響只近而未能再上名，今季熱身一仗轉久未重逢嘅谷草即嬴得易，加分後起用10磅仔抵銷評分加幅，唯一騎師技術欠成熟下而此駒過往上名都要靠外藉大師傅下作配較合。
「牛精威旺」剛戰直路移出大外檔衝，當日貼欄3匹取得3甲內疊有利的，加上熱身後多匹東廐馬能大幅變身，可前置拖一票。「鐳射槍」上仗賺場地追入一席後操得更積極，數度拍跳更試埋細閘，偏差唔大12檔有力克服加入一爭。
「電訊高星」上仗受阻勒避冇跑過，但實際ON唔ON FORM要估有膽有賠率才可拖。「清風駒」初跑此程而上仗追落唔算好勁。「無敵駿駒」有能力但轉返苗廐體重加近40磅廐侶亦須熱身後較好。
第二場 4班 1000米
10.路路好 2.喜盈門 6.尚駿心 12.龍東至尊
「路路好」剛戰季內初出嬴馬姿態甚驚人，時間亦唔差，排中檔夠前速作膽最穩。「喜盈門」連續兩季初出取得1冠1亞，上季中見跑得差後就不斷密跑泥地谷草減分，現時比上季初出嬴馬仲要低十分，加上兩試大閘埋門韋達再嚟課細閘盡做比你睇。
「尚駿心」上仗早段太早力留而賽後驗到腳掌血腫，比次藉口佢，始終上季中尾段嬴此程姿態唔差的。「龍東至尊」重戴眼罩用馬房愛將之一出戰，近況唔好但今次賽前轉一向嘅操練模式出戰，有好檔不防拖返注。
「軍刀」上仗遇大雨冇咁乾快場地快馬唔多下好檔嬴，今次換人､檔差､復課踱步而體重大幅加32磅，成熱寧放棄。
第三場 3班 1600米
2.百事神駒 4.得男 10.無雙小子 1.中環英雄
「百事神駒」現時仍3歲屬北半配英國馬，上季已兩度於中距離入Q難度甚高，季內初出利內疊場地及步速下走最外疊輕鬆追近，今次再遇「得男」而負磅拉近6磅，慢步速鬥爆反先一D都唔奇。「得男」兩勝此程未輸而健康養回能以正常頻率出賽，今仗仍屬爭勝主角之一。
「無雙小子」上仗遇慢步速大利內疊前置分配加場地於外疊追得不俗，早於150分騎者已放緩，今次非又大利內疊已可爭。「中環英雄」上次慢閘遇難追步速場地當試課閘，此組叫中長距離級數證明最多，列作保險腳。
「喜勁駒」上次嬴4班弱組，今仗要上班增程成熱要嬴絕唔容易。「非洲之光」上仗賺場地同前兩駒一比今仗難反先了。
第四場 4班 1600米
3.京城三寶 13.大快人心 12.金鑾大殿 7.萬眾期待
「京城三寶」上仗預不利追場地加步速分配有咁嘅表現合格有餘，賽後仍有快跳用大師傅，弱組肯搏可橫掃。「大快人心」上季數度追得接近，上仗轉彎拉慢下分配唔算有利的，而比佢前位置嘅「鑽飾天使」再出能提升名次，而亦能頂得住外面再出亦可提升名次嘅忠心馬「綠豆爽」，此組可揀馬唔多已夠爭。
「金鑾大殿」上季尾於中長距離重拾正軌，叫做於2000米能力拼4班中級馬「家傳碧玉」，跑返相近水準今仗都可一爭。「萬眾期待」谷草上名後轉田草難度唔低，但上次叫完成時間出色而同場跑第4嘅「神州八號」再出可取得亞席，用得少望進步。
「金瑞」剛戰轉彎加快步速於外疊力踩直路早段走勢尚可的，但轉田草就冇谷草咁安心。「名人」操練做到最足了，前季3班能嬴「勁高手」，唯一驚好似上季前速都冇埋咁就難搞，有膽就唔介意冷拖一票。「宇宙駿駒」上仗冇得賺打回原形。「多豐裕」冇證明成熱變身自問冇本事預佢一席。「青出於藍」上仗走勢唔算太差，今次再增程可再睇多D。
第五場 4班 1200米
1.開心陶寶 12.仁心仁術 5.富國強駒 8.開心駕到
「開心陶寶」剛戰轉倉初出走有利場地下前快後快嬴，怎料2-5名再出都有好成績，今次加5分後要負頂磅作賽，但對手比上次甚至更弱，13檔換嚟賠率就仲抵玩。「仁心仁術」減分多下上仗終能跟快步速下入位，最後幾步反撲上前走勢比賺步速嘅「金鎗俠」更好。
「富國強駒」初出1000直路移入稍不利場地追得唔差，同父馬轉彎路程表現幾好，但本身始終未跑過轉彎路程成熱只宜作配。「開心駕到」密跑下狀態已見提升，剛戰同程最後幾步追得唔差，今仗冷腳之選。
「永順益」上仗數度受阻未真正拼輸，不過跑田草能力上就爭少少。「多多昇」上仗9歲馬初跑泥地試追熱身，今仗用10磅仔成冷拖一票冇壞。「大少爺」上仗沿途快步速走3-6疊跟，唔係真輸但個人認為跑谷草才值搏。
第六場 4班 1400米
10.卡加精神 12.敏歡騰 8.幸運勇士 6.金威勝
「卡加精神」今季唔再用配備出戰即兩度以極佳姿態嬴5班同程，馬房搞返好搏開就一如廐侶搏到分盡先收手，此組唔算強有最後試跑仍屬爭勝要角。「敏歡騰」上季第2仗出賽走勢已出色，上仗雖賺慢步速同形勢，但取得第2姿態輕鬆並拋離季席以後馬匹，配合馬房攻勢而來劣檔唔好睇少。
「幸運勇士」雖未出頭，但表現甚穩定下暑期獲減兩分比上季初出上名還要低，試閘走勢好一出已可如上季般即搏。「金威勝」剛戰跑短熱身，直路能以22.37追近表現已唔差，熱身後增程啱數，此組有力突擊。
「旅遊小子」上仗又走入面遊馬河，唯復課未加強再減多幾分先。「松風」休7日先復課，連續兩仗用力只宜拖。「幸運來」忠心，但同樣休7日復課相對冇咁安心，氣管有血後做返功夫體重跌18磅，亦可拖而不穩。
第七場 3班 1200米
5.山頂 2.太陽海岸 14.太陽戰士 11.戰士
「山頂」3戰全勝未敗，最後一仗更只衝一百米能追近2馬身嬴「芙蓉之寶」，睇血統噸位都宜長大把進步空間，一如「陽明飛飛」休出般做多課大閘冇問題先跑，季內初出都有信心4捷。「太陽海岸」上季能與「幸運雄威」串Q已顯示擁2班實力，今季初出直路早段冇位上下衝嬴唔容易的，賽後保持正常操練3檔又可機動，前駒有咩意外就可連捷。
「太陽戰士」本以為純因剛戰賺場地近，怎料跟跑入位嘅「喜蓮芳芬」再出能提升名次，負磅甚輕放出有力出冷。「戰士」剛戰衝得最勁時受阻收慢，今次4檔前列馬應唔斷帶到佢上，腳患馬必冇保留。
「綽力之城」輕微缺課轉配備體重減16磅，排埋13檔更難爭。「好勝煌」埋門才緊張D大幅加47磅縮程唔見有信心一爭。「滿地金」前季已於高班展現能力，受健康影響停大半季才復出，現時只4歲英國馬或剛開始成熟，冷勿忘。「轟炸機」､「奪綵奇兵」試閘唔錯，但對手甚強本身陣上有表現才留意。
第八場 3班 1400米
7.賀喜 1.光宗耀祖 12.樂有嬴 10.信心十足
「賀喜」季內一出即能以強烈後勁追嬴，最後幾步已收韁姿態有餘未盡，馬房難得養返必承勇再搏，作半冷膽較「光宗耀祖」更為安心。而後駒季內跟快步速下追唔過「雙龍出海」都幾失望，不過上仗賽前操練未算好完整，今次熱身後續有好檔，可續爭前列。
「樂有嬴」初增程跑1400米，睇血統應能勝任，上仗慢閘追得勁後再試課大閘才出，此程唔使留咁後4檔易發揮的，步速唔快鬥爆亦可一爭。「信心十足」上仗追勢唔及「超光越影」而後駒再出表現一般，但賽後冇驗唔知係隻馬問題定水準唔高，計本身上季嬴馬姿態能力應未盡。
「喜惑」連返賺都唔得賺都難上名了。「馬主明星」剛戰出色姿態嬴馬，但本身該場大賺慢步速及弱組，增程升班難度十級提升，成熱寧捨棄。「高山威龍」血統此程會更好，但初出表現一般只合少注拖返。
第九場 公開賽 1800米
4.包裝博士 5.締造美麗 7.花月春風 2.多名利
「包裝博士」上季能以出色姿態兩勝2班強組已唔簡單，季內初出可於不利分配下走內疊追嬴，今仗初跑級際賽應唔會話交代咗就留手，照計往後可做級際賽常客，柏寶騎2檔可機動更有信心。「締造美麗」擁國際賽冠軍之名級數冠絕全場，告仔一路都唔肯放棄退役終於跑得返，上仗大利內疊下走大外疊以22.72強勁後勁追近，今仗增程1800而此程以往打比預賽能取得季軍，有力馬主親自攞返呢個贊助盃。
「花月春風」上仗跑稍短嘅1400米走不利場地越追越勁，熱身後跑此程啱數，可爭賽駒之一。「多名利」上季大長途賽事能取得1冠1季，今季應向香港瓶進發，但熱身後跑此程合適，有級數能力作保險腳。
「智多飛」嬴遮打盃當然級數佔優，但未熱身呢場亦唔會係目標所在熱身居多。「卓爾非凡」以往田草都得的，但上仗稍蝕追唔過「鵬力洋洋」後駒跑此仗都唔會買掛。「紅山茶」上仗雖沿途外疊望空可抹，但增程對手更強難以一爭了。
第十場 2班 1400米
3.歡呼星 6.堅旺財 1.人人興旺 5.好友福
「歡呼星」前季能於一班讓磅賽擊敗「摩法幻影」現時跑2班賽已大利，上仗跑短追落尚可，有步速1檔幾好跑，作膽應穩。「堅旺財」要大師傅之助去處理內閃問題，上仗不利追場地下仍忠心追近，今場14場內心衝一段如非大利前置有力爭勝。
「人人興旺」上季有D過咗銳氣嘅感覺，唯今次落2班對手弱咁多可多比一次機會。「好友福」上仗跑谷草追得甚勁，賽後更試多課大閘，以往冇眼罩都跑得好唔使太介懷除配備，今仗機會馬之一。
「新希望」以往忠心上季尾終見回落，怕一如「奇葩」跑唔返。「利錢伯爵」剛戰跑直路賽輕鬆追近，跑返合適路程配合「山頂」而來。「確叻迅」上仗近賺場地。「芙蓉之寶」1200取得威脅不大之季席而增程1400對手加強，難度甚大。「城中話題」上仗連番受阻早段有追勢的，此組仍強日後對手減弱可多加留意。

今次返田草再度爆發勁中6Q1T7PQ，希望週三全泥夜宴繼續保持好成績！

今次泥地賽事選馬以能力行先，抱歉今次唔夠時間逐隻馬寫分析，如有問題請隨時發問吧！我會盡可能抽空回答的。

全日只中4場PQ，睇下星期日谷草日戰會否一如非全場成績般失準。

賽道分析：谷草日賽上季2度谷草日賽都採用B跑道，第一次近乎全部走入前列馬匹都於直路走外疊衝刺，而第二次早段頂到3場內疊之後又係外疊衝嘅馬玩晒，今次除要計算下邊隻馬有機會走外疊有利場地衝外，亦要留意臨場邊個騎師醒目識執生走外疊衝，賽前仍以馬匹能力及正常偏差計算，臨場再執。

第一場 5班 1000米
4.合利高 2.雄姿儷影 3.足球快綫 8.瀟洒靚龍
「合利高」重戴眼罩後兩戰泥地跨季取得1冠1亞，而上季中休出第一仗冇用此配備跑谷草表現亦唔算差，應唔會淨係跑泥地先得，今仗4檔預期夠前速可拍住「瀟洒靚龍」或「時時有機」於2疊放，直路便較大機會走有利場地，伍廐上季已有「綠衣郎」､「好精彩」等泥轉谷取得好成績嘅例子，半冷作膽。「雄姿儷影」密跑3仗田草減夠分即轉返較好嘅谷草，而賽前罕有地彈草細閘，有心一拼。
「足球快綫」上季初田草4班沿途外疊望空仍走近，照計現時於5班便大為有利，賽前試谷閘走勢出色，埋門3課快跳由潘頓一手包辦，同父馬休出唔差有力突擊。「瀟洒靚龍」上仗泥地稍利前置下守好位未能威脅「合利高」，今仗1檔或賺但亦有機會蝕場地，成熱只宜作配。
第二場 4班 1000米
10.勝在分秒 7.中國好 3.駟馬難追 2.馬得利
「勝在分秒」剛戰順利切入內欄能嬴甩1000甚準嘅「創出商機」，加分後今仗對手未見加強，4檔只要能切入2疊就可爭取連捷。「中國好」易主休出後場場走外疊追得勁，上仗雖賺內疊追落好似唔夠勁，但自從上季初內疊追完搏得勁後就冇再出現同類畫面，或許該仗鬥得太勁走裡面唔太肯追，今次11檔回復正常水準就夠爭。
「駟馬難追」上仗留得較後走有利場次追落唔多，但始終季內能守好位下衝嬴「金紫荊」及「勝在分秒」，埋門仍落草地夠積極，有位望。「馬得利」3歲愛爾蘭馬初出要負頂磅作賽，而且2度試閘均見慢閘問題，不過同父初出及谷草能力不俗之餘，試閘末段走勢非常悅目，如外疊大利一追過晒都唔奇。
第三場 4班 1800米
10.錦衣衛 11.川河名駒 6.喜欣賞 2.百威將領
「錦衣衛」今季轉谷草兩戰均入位，而上仗更跟快步速之下唔斷跑入一席第三，該役2疊出彎嘅頭馬「財神駕到」再出再嬴，而此駒走4疊出彎蝕得更多的，父線有長力根據增程或更好，跑法機動作膽。「川河名駒」上季於上手馬房曾於谷草3班賽事見走勢，今季轉倉初出3度受阻不利步速分配下仍能走入一席第4，轉谷草作賽條件更為有利，有力挑戰冠軍地位。
「喜欣賞」上仗偏慢步速下守好位嬴得幾輕鬆，但對手唔算強，今仗7檔未必再有咁好際遇，成熱作配。「百威將領」季內初出衝得唔順下仍能迫近群駒，而剛戰直路早段勢頭一D都唔弱，之後嚴重受阻收慢，今次用返外地嬴馬配備，如外疊場地大利有權爆出大冷。

第四場 5班 1650米
1.京城精英 7.金威神童 12.不老精英 5.電訊超星
「京城精英」今仗已3度出賽，而且賽前冇準備下跟跑減分等落5班，怎料上仗原本打算跑1000減分，末段竟能以勁勢追近，今仗落5班即重配韋達，有好檔之下可機動跟守前列直路移出致勝。「金威神童」本身休出及同父馬休出成績佳，上季一輪減分後重回5班作賽，賽前試大閘輕鬆追近，已有作賽狀態，今仗4檔可跟守前列爭取一席。
「不老精英」上仗原本打算守BOX SIT好位，怎料「龍船快」切入後再拉慢令到要跟守貼欄第三隻，更遇極慢步速，直路一度追近，到最後100米騎者見追唔到就左手拉緊韁緊，今仗12檔必順勢切入領放，如冇馬搞順放隨時幾隻跟前返晒嚟。「電訊超星」上季墮馬前已見有跟進價值，今季休後復出追「海豚」表現一D都唔差，熱身後轉谷草中距離作賽，如外疊有利就能突圍而出。
第五場 4班 1200米
1.真誠真意 6.紅衣神仙 9.團隊精神 8.一兵一卒
「真誠真意」上季轉此程便兩度以高難度動作取得一冠一季，嬴馬一役更走稍不利場地，之後健康問題而操練稍為放緩，但到4月尾已開始再有快跳，廐主唔心急，試足4課大閘等現時才復出，一如「驚雷」唔好唔出，4檔可跟守中前置2疊好位，作膽甚穩。「紅衣神仙」上季田草1400能受阻下僅敗於4班中級馬「勝利駿駒」，轉嚟谷草便可恰較弱嘅對手，今季初表現冇上季咁OK，但見上仗當日大利外疊下轉彎飛到咁出直路早段一度有睇頭，熱身幾仗越跑越好，未可捨棄。
「團隊精神」今季兩度出賽，第一仗已見追得不俗，上仗離譜轉彎飛到咁出追，當日利內疊當然追唔到，今次終抽到靚檔，有基本速度可守好位直路移出爭勝。「一兵一卒」剛戰轉谷草1000突然變身追得甚勁，但始終該役轉彎先移出追走得幾順的，今次增程會啱追D但對手會強咗，成熱列保險腳。
第六場 4班 1650米
1.魅力心 2.雪山神駒 4.超級精神 10.日日發
「魅力心」此程表現甚佳，特別係轉馬房後更見穩定，上仗突然遇利內疊前領下轉彎走三疊衝能與先發制人嘅「日日發」同過終點，表現較好，今次排11檔留埋衝一段，到中段外疊場地照計上季兩次都好啱追。「雪山神駒」今季兩度出賽均遇不利形勢而見追勁，前仗極慢步速而上仗利內疊下又飛到最外疊衝，今次落班即強配以往甚合拍嘅韋達，可與前駒一同追趕。
「超級精神」季內第二仗變身，上仗守內疊下輸唔遠，幾乎與季軍同過終點，當日A欄外疊追較好的，今仗轉返谷草對手冇咁強，亦有以往發揮此駒出色嘅巫斯義相助，仍屬機會馬之一。「日日發」剛戰就與「魅力心」一齊走3疊蝕，表現尚可，今次8檔如早段能切入2疊前置仍有位望。
第七場 3班 1650米
10.利駿 6.富逸 1.全能足球 7.安甲
「利駿」剛戰季內一出即勝，當日雖內疊場地有利，但步速跟得頗急下直路能彈離對手致勝，相對賺步速嘅「蜚聲國際」冇得追，以往谷草曾入Q場地適應唔成問題，此組唔算強升班可再嬴。「富逸」前仗極慢步速領放爆，上仗賽前個人睇得較淡，怎料直路早段一度係威係勢，直至200米左右撞到「晨采」失衡收慢減速才輸得較遠，今次轉返嬴馬拍檔可再捧場。
「全能足球」首次轉谷草作賽即見走勢，賺完場地衝落勢頭不俗，之後操足而臨，1檔跑法與上仗相若，可爭入一席。「安甲」本具3班谷草較高級數，上仗跟好位下慢步速追唔到「富逸」較為失望，經常成熱作配才合理。
第八場 3班 1200米
3.勁卒過河 2.駿蹄飛 6.清新空氣 9.多多利
「勁卒過河」上季3勝4班賺晒一D都唔叻，但季尾休出第二仗卻極蝕下追入一席第3表現甚出色，剛戰季內初出直路嚴重受阻當熱身一仗，賽後積極試多課大閘先出，今場到位。「駿蹄飛」前仗走內疊追近但該役受阻而且冇得望空，上仗衝得較順即能逼近前場冠軍馬「強風駿馬」，相對表現比「多多利」好，12檔留一段力追，如場地有利就有力爭勝。
「清新空氣」季內初出一役蝕晒場地下衝得甚勁，前仗增程1400中段一度被「勁綵」坐後而敗，但上仗表現卻甚失望，雖不利追，但相若位置嘅「綠色威」都衝得甚勁，除頭罩只宜作配。「多多利」今季復出走勢冇上季咁勁，除非熱身後能大幅變身，今仗好大機會要沿途走三疊的。
第九場 3班 1000米
5.八心之鑽 3.大家勝利 6.善寶 9.金湶
「八心之鑽」今季踏入4歲尾出賽表現出色，英國馬現時才開始進入成熟期，上仗走3疊甚難追近，此駒竟能嬴埋而力壓再出取得1冠1亞嘅「勁勢」，1檔如非直路走不利場地幾可肯定連捷。「大家勝利」前仗蝕位蝕場地下唔斷，剛戰轉谷草即能與該仗一齊蝕嘅「自由勝」串Q，今次唔明蔡明紹冇馬騎都唔揀，作配較安心。
「善寶」熱身一仗轉兩戰兩度上名嘅谷草賽，今場快馬甚多衝一段未可睇少。「金湶」此程路有專長，上仗轉1200才失準，前仗賺場地下叫頂得住「勁勢」，跟前馬中揀此駒作保險。
第十場 2班 1200米
2.紅旗勇將 1.鐵胆龍 9.尊勝福星 12.銀桂飄香
「紅旗勇將」1400田草夠膽拼「精彩日子」，幕後自視甚高，此駒早已於谷草1200有甚佳表現，上仗跑稍短嘅1000於不利場地步速下追得甚勁，今仗柏寶停賽起用韋達，以往同馬房嘅「一寶」韋達都發揮得好，WIN相不比「鐵胆龍」低。「鐵胆龍」此程取得5捷貴為路程專家，上賽準備一般仍嬴得易，今次再試多課大閘操得更勇才出，掛頭牌屬前駒最大對手。
「尊勝福星」剛戰沿途外疊快跟唔斷直路反撲上前，大步馬早已指出跑短比1400更好，今仗9檔預期走2疊B欄多數比走1疊好，可爭入一席。「銀桂飄香」剛戰直路200多米才扭正軚追嬴出色，上季早於此程入Q只負於「綠色好」，如利追仍可加入爭3､4名。

賽後成績 (2012年10月21日谷草B欄日馬)

賽道分析：剛剛跑完谷草日賽10場B欄賽事，3日後轉戰C欄，上季亦曾有相同編排，但當日內疊馬並冇因場地踐踏得多而蝕底，大多能因應C欄內疊偏差而繼續有利，另外，近期谷草成績較差因為偏差比重計得較細，今次側重大咗睇下改善程度有幾多。


明早提供詳盡分析，請密切留意！