第一場 5班 1800米
2.發達心聲 5.雅趣 7.好好運 10.壽比南山
     快馬唔多場合預期「劍臣」可輕鬆單騎領放，但本身大幅增程及季內冇FORM直路最早會斷，曾於4班守好位上名嘅「雅趣」就可居2疊2位靚位早早發力保一席，而上仗可居中前置入位嘅「發達心聲」於韋達發揮下應能跟5位2疊跟住「雅趣」一齊上。「好好運」難以令人忘記上季2度輕勝5班賽嘅姿態，上仗超慢步速轉彎走最大外疊追抹多場，今次6檔如能跟守7､8位鬥爆未必唔得。「壽比南山」退出休息幾日後賽前兩試大閘才出，做得咁積極報跑1800必有誠意去搏，1檔守到貼欄第3隻就尚有機會，第4隻就難了。
     「橫亨」轉倉未養回。「福陞」上季分別於3､4班入位，上仗落5班跑冇走勢，今次睇下係咪告仔馬熱身一場又大幅變身。「彩虹幻影」剛戰追落個勢OK但12檔局追一段慢步速難跑。「更捷勝」相近際遇，加上重戴眼罩要估。「給力」近仗場場走外疊唔太斷，但再增程有柏寶都或到等等，計母線有長力的。「飛天龍駒」1200較好。「步如飛」休出熱身。
第二場 5班 1200米
8.海豚 3.鑽飾天使 5.上海先鋒 12.好精伶
     「千笑」前速最大機會成為今仗領放馬，而有「凱旋無敵」緊迫，「明海光輝」落班唔慢閘亦有機會搶埋一份，令今仗步速偏快而轉彎都最少正常。「海豚」就可憑近仗前速切入，如1檔嘅「鑽飾天使」稍留更可進入一疊BOX SIT靚位，上仗田草1200嬴得甚輕鬆，轉谷草對手更弱再捷難度不大。「鑽飾天使」若非剛戰受阻應可入Q，今仗早段睇柏寶能否更積極守內欄第二隻。「上海先鋒」上仗好位追唔嬴，過往前速唔算快多數只能守6-8位，跟「海豚」上再爭一席。「好精伶」現時評分有利，事實上田草更啱追的，今次內檔預期跟一眾內疊有能力嘅馬上，爭3-5名吧。
     「明海光輝」轉倉繼續試，等佢跑5班泥地有權爆。「超勝」終落5班，但退化得快此組唔易應付。「大陣象」未見走勢。「滿貫之寶」跑5班要賺先得，11檔好難跑。「動力網絡」跑返短搶到未必夠快或要走3疊沿途蝕。「千笑」等熱身後季中弱組出擊。「頭等艙」未近過。「凱旋無敵」與「千笑」情況相若。
第三場 4班 1200米
3.但求勝(退出) 9.銀飛龍 1.日月暉華 6.名列前茅 4.神童

     今場真真正正放頭得一隻「但求勝」，上仗休出熱身沿途3疊快步速未算真輸，今次2檔自己慢放好唔同，未交代戰意高，3班連番上名4班級數夠晒，唯一驚個頭罩試大閘都唔肯走累事，呢隻告仔馬熱身後搏得過。「銀飛龍」今季跑田草未斷FORM，搏極都冇WIN試谷草對手較弱部署合理，6檔順跟「神童」切入入到2疊就夠做。「日月暉華」熱身後向來較好，3日前步速利內疊下出彎4疊輕鬆追近，今次9檔追到幾多要睇場地。「名列前茅」出自POSTPONED，谷草能力唔弱但初出冇隻得，幸母線幾早熟，3檔賺咗先成熱做保險腳。
     「多綵」3班追近熱身後季中跑較弱組別應有作為。「神童」冇咗最佳拍檔，5檔走2疊能力只值4班中級較大機會再爭3-5名而已。「和諧大使」路短熱身。「哇啦啦」同父初出成績不俗，但9月中血液唔正常影響操練先觀望。「恩典之心」今季方嘉柏多匹能取得預期較好成績，但11檔唔易發揮。「枕住嬴」表現唔穩定今場都冇得賺。「銳不可擋」轉配備繼續試，上季都係得個近字未上名。「鑽飾彩虹」稍退化部署落5班出擊。
第四場 4班 1200米
7.生豪 4.咁都得 12.有情風 2.歡樂時光
     「咁都得」夠晒快預期最大機會放，但放唔放得舒服就睇「勁信心」呢匹時快時慢嘅頂到佢幾多，走到2疊上名機會都幾大了。「生豪」就反而唔使搏咁多，近季多次谷草排內檔都能守4､5位前置，今仗2檔早段積極就好大機會穩位望嬴，上仗後追一段勢頭極強的。「有情風」季內谷草早段走3疊跑落唔太差，上仗鬥燒致敗，今仗3檔必守好位的，一蝕一賺下唔報5班於4班負輕磅有冷味。「歡樂時光」另一匹蔡廐初出馬，廐主以往只會將質素平庸嘅初出報谷草，但近來已見手法部署唔同咗，谷草成績不比田草差，父線跑短能力高，6檔可拖一票。
     「勁信心」今季未有FORM剛落班跑多幾仗等負輕D磅先搏。「喜樂洋洋」上季嬴馬一役大賺檔位形勢，上仗休出表現一般，今次7檔又預期要蝕。「華倫天奴」跑返短轉倉第二仗繼續觀察。「嶺峰」埋門連續兩課細閘有戰意，但9檔留同放都唔見處理。「喜逸」上季初出直路走中疊跑一仗低2分插班起步，同父馬夠早熟邊線不明物體之一。「開心駕到」有能力左右大局，但上仗騎師發揮甚差，等換人或增程排好檔。「你好我好」12檔追要快步速加場地之助。「風莫停」未見表現。
第五場 4班 1650米
6.足智多謀 4.威老虎 2.金得意 1.雪米糍
     「樂融融」近兩仗轉跑泥地1650都以飛快步速領放，如一貫跑法今仗11檔將會令頭2段確保快步速，前置馬要先蝕一注。反觀唔搶呢？「龍船快」､「宇宙駿駒」都唔算具級數份子，今仗「足智多謀」形勢上就可攻可守，預期走2疊中前位置，而多番於田草中距離有好表現，上仗跑1800最後一步才失3甲，但相近位置嘅「莫己若」轉谷草補中，咁睇落今場嬴面高得多了。「威老虎」剛戰初出跑1400追得唔差，頂住外疊「綠豆爽」､「好香港」､「紀利威威」等取得季席，今仗1檔雖預期要守貼欄第三隻，但如步速夠快佢守咁嘅位直路就好好衝了。「金得意」前仗走得甚蝕，上仗跟跑又沿途3疊，今仗檔位內移退熱回配3次合作取得2勝嘅郭立基，切入2疊未必唔夠爭，4班夠能力的。「雪米糍」近兩仗表現事實上蝕咗一D都唔叻，但由牌仔轉潘頓何良剛戰已有「魅力星」嬴得輕易，落班作保險腳。
     「龍之欣」､「兆豐泰」未證明太多。「叫關快」健康不穩馬休出實場場搏，有賠率拖一票。「烈風天馬」季內未有FORM今次大幅增程。「永順益」跑短對手弱D較好。「龍船快」上返4班又要等。
第六場 3班 2200米
1.真慷慨 3.中環英雄 8.飛快無敵 4.帝豪名駒
     「飛快無敵」預期最大機會成為放頭馬，而「中環英雄」則可順勢切入2疊一齊慢放賺慢步速，路有根據作配腳。「真慷慨」級數冠絕全場，2檔可守前置好位，一如「財寶鷹」轉場有級數就可橫掃。「帝豪名駒」上季此程走外疊追落唔差，巫斯義跑長途可跑高一截。
     「駕翠」強配到柏寶，但上仗追勢唔勁。「卡通飛飛」剛戰放得急潰敗，預期今仗再增程應唔會死搶。「安賞」上仗有內檔好位形勢今仗大幅外移，質新馬第3仗已跑2200唔易應付。「高友勁」剛戰若非中段受阻要靠追應有Q，不過睇返上季此駒前速唔算好快今場未必可賺到前置形勢。「勝利福星」此程勁，但柏寶做到磅都唔騎。「大衛精神」繼續減分。
第七場 3班 1650米
1.太陽海岸 11.精彩生輝 4.首飾孖寶 2.一團威
     「寶成智星」為全場唯一領放馬，步速中等而轉彎一段都唔會慢，內疊跟前優勢甚大。「太陽海岸」前季3歲已嬴田草1400，谷草此程同步頻而且1檔守BOX SIT好好跑，現時田草或水位唔多轉谷草部署正確。「精彩生輝」轉倉後首戰後追逼近3班頂能力嘅「樂馳」，熱身後轉谷草4檔前置到位。「首飾孖寶」夠忠心，上季最後一仗大敗只因心律不正，初出能大勝「超級精神」休出表現甚好，7檔如能切入2疊前置亦可一爭。「一團威」3班谷草具中堅以上能力，10檔無疑要蝕，但巫斯義跑此類馬沿途外疊韁繩控制得好問題冇咁大，恨交代作保險腳。
     「喜競寶寶」始終未出頭，縱使3班夠級數未熱身亦未宜高估。「綫路明星」､「喜跑得」近況一般。「豁達瀟灑」前仗慢步速走有利場地追得勁，但該組嘅馬再出都唔得，上仗雖沿途望空但直路一步都冇失望，用今季馬房殺手只宜作配。「軍士」會賺但上仗斷得急，或須小休。
第八場 3班 1200米
5.勁勢 3.自由勝 6.強風駿馬 2.珠光寶氣
     「錢照嬴」就算得佢自己一隻放都拉唔住段段快，外檔馬預期馬群扯得夠散未必咁蝕。「勁勢」首兩仗蝕盡場地都能以勁勢追入一席，上仗有內檔跟快步速即能輕鬆取勝，評分仍大有優勢，今仗9檔預期馬群扯得開或可守2疊，咁嘅形勢已可嬴。「自由勝」1檔確保貼欄守好位，而上仗第3名「名馬」及第4名「沙紙」再出都有好表現，組別亦唔弱，體弱馬把握機會再搏。「強風駿馬」上仗出彎走4疊蝕得太多，衝勢唔差的，今仗3強之一。「珠光寶氣」剛戰留到最後移出外疊衝與「帝國勇將」相近追勁，不過今仗又要蝕住追過對手強止於3-5名。
     「金津好」休出年幾要等弱組一如「精彩」咁先去搏。「旋風魅力」熱身等季中弱組。「大蘋果」､「吉祥」未有證明。「閃耀小子」､「妙不可言」､「精靈勇駿」減分等落4班。

賽後成績 (2012年10月24日谷草C欄夜馬)

GR上杉賽日提供(2012年10月28日田草B+2欄日馬)

返主場再度反擊成功!! 全日中3T5Q!! 其中一條更係858大冷Q!! (惜個人臨場WRONG BET買晒長勝膽冇中，總括而言，反擊成功!!!YEAH!!!)

賽道分析：田草C+3欄一向偏差穩定幾利內疊，上次10月1日就係一貫形勢返嚟，全日壓地前後內疊場地較好，而中距離直路走外疊才稍稍減少劣勢，當日「綠色快駒」就於此場地走外疊嬴而再出再勝，明日暫時會側重內疊馬，當然，留意明日即場分析睇下臨場觀察最準確！

第一場 4班 1200米
2.太陽好好 9.仁心仁術 7.自我本色 3.叻叻仔
     預期會領放嘅只有5及11，而一齊排中內檔起步步速應唔會快，內疊前置嘅馬會幾有利。「太陽好好」早於上手馬房展現4班頂能力，於此程分別力拼及壓倒3班上名嘅「最著數」及「捉金」，之後轉程就開始反覆，今季轉賀廐操足才出，大閘草地落齊柏寶更於大圈親踱，往往此馬房轉出嘅馬會有至少一WIN係手，再加上內檔可前置，即時交代。「仁心仁術」轉馬房後亦恨交代用到巫記，前仗快步速唔斷，上仗慢閘追落勢頭都唔差，今次抽到好檔如非慢閘亦可坐亞望冠。
    全場最不明排內檔嘅就係「自我本色」，上季最後一仗直路賽冇乜點望空下仍追落有勢，今次季內初出，賽前積極試大閘走勢輕鬆，更多課拍跳，與其他熱身嘅廐侶部署唔同，同父馬嚟得早今仗有權突擊。「叻叻仔」4班有利，上仗賺完追落失望，幸今次又抽返好檔作保險腳。
第二場 5班 1600米
4.辣得醒 1.福譽 5.彩虹幻影 10.辣手先鋒
     列陣馬中只得「時時有機」以往會放，而初次增程唔會放得快，步速應甚慢，變數就睇蔡明紹會唔會又出手令步速異動。「辣得醒」初出冇眼罩下能於劣勢下追至與「奪金」及「飛馬之威」兩匹其後能嬴嘅一齊過終點，上仗直路4度要收慢打韁追落唔差的，今次排好檔有埋手風甚順嘅潘頓助一臂之力，係時候出頭。「福譽」前仗賺場地嬴，上仗一來一回要移至A欄較為不利嘅最內疊衝，勢頭唔算差，今次9檔正常夠前速切入會好跑的，但騎者慣咗內疊一有馬俾住走就寧願沿途3疊，作配較安心。
     「彩虹幻影」田草此程曾上名，而近兩仗越追越好，排檔內移可加入爭位。「辣手先鋒」剛戰閹後首戰能與「香港發」直拼至終點，而後駒再出再勝，水準應唔低，排8檔但鑒於5至7檔均居於較前或後嘅位置，應能取得與上仗相若嘅好位。
第三場 4班 1000米
10.路路好 1.精靈勇駿 2.軍刀 6.歷山傳奇
    1000直路賽向來利前置，而C+3賽道較窄令內疊馬較易移出外疊場地，但後追就會更為不利。「路路好」雖排2檔，但會夠晒快移出外疊有利場地，上仗出閘稍慢下仍能快速跟守前列，只負於休出特佳嘅「喜盈門」，以前仗姿態計今場機會仍甚高。「精靈勇駿」剛戰差D偷到雞嬴強組，落班跑以往成績同樣好嘅直路賽，同屬機會馬之一。
    「軍刀」前仗嬴弱組，上仗換人發揮一般而中途受「橫掃千軍」影響甚大，排返外疊可再爭。「歷山傳奇」試閘夠快姿態輕鬆，父線早熟7勝中4仗於2歲取得，而且出自短途名種「星運時機」，母父VIKING RULER短途休出亦好，有好檔之助已有追捧價值。
第四場 4班 1400米
2.超級精神 8.松風 1.勝利旋峰 13.錦衣衛
    今仗1,8最大機會成為放頭馬，而8.排外檔會力搶，為免增程消耗太大1.應會稍慢形成最多中等步速。「超級精神」更唔使擔心步速形勢問題，3檔有助輕鬆跟守前列，大前仗就能力壓「松風」取得亞席，剛戰形勢影響下被坐後仍有力再追近，今仗對手唔強以前仗強組跑近計已能保一席。「松風」10磅仔發揮下人馬頗合拍，3戰均能以前領後追取得一席，今次14檔疊埋心水立心切入領放，C+3場地會有助。
    「勝利旋峰」前仗被困下追得勁而剛戰走稍不利場地亦差D到，今次增程操練加得咁辣反而冇做基本功夫咁好，形勢有賺作配仍可。「錦衣衛」今季轉谷草發展兩戰都唔差，上仗再增程轉彎蝕得太多，今次返田草6檔唔難發揮，只負111磅可加入一爭。
第五場 4班 1800米
8.精嘜 6.好球 1.太奇秒 11.文武精神
     多匹慣常領放馬在陣下步速甚快，但相對C+3段段快內疊馬都係有賺的。「精嘜」今仗排9檔但為後追馬中最有機會切入好位於中內疊追嘅馬，上仗谷草日賽早段大利內疊下直路移出外疊追得甚勁，返田草會更啱追，熱夠身呢場啱數。「好球」剛戰慢步速追入亞席，但被頭馬拋離甚遠而勢頭冇再多仗熱身嘅「精嘜」咁好，幸有好檔之助應可打疊再爭一位。
    「太奇妙」上仗跑3班跑近，早於上季只負於「華美之星」及「驌龍」個多馬位，熱夠身落4班有1檔之助可作突擊。「文武精神」廐主再用「壽比南山」操練一連兩週試大閘力磨狀態，上季於2000入位足證長力，4檔會賺亦屬機會馬之一。
第六場 3班 1800米
7.旅遊名牌 2.得男 4.歡欣滿載 1.安賞
    有數匹前置馬匹會跟前爭奪好位，但都非領放馬步速最多中等甚至因應中距離賽事而會稍慢。「旅遊名牌」剛戰就於相若步速跟守前列而直路輕鬆以22.3拋離對手致勝，姿態極為出色，可主動比後追馬更安心，而且葉廐一向喜於盃賽出擊，就如「蒜頭仔」增程升班報盃賽1600相若，爭勝要角之一。次選就可取上賽同樣出色嘅「得男」，上仗不利慢步速而且轉彎加快段速下追得甚勁，只以短距離負於慳咗位衝刺嘅「百事神駒」，外地嬴2000長力不成疑問，唯一8檔有機會要留後於外疊追非有利，作配較安心。
    「歡欣滿載」一連兩仗走不利外疊追得勁，今次6檔但內側只得一匹同類型跑法可居內疊好位，力足加入戰團。「安賞」上仗谷草對面直路極慢下發力上前，直路竟能越嬴越遠貫注到底，實為非一般北半球3歲馬，大幅加12磅負頂磅轉田草縮程難度極大，只合作保險腳而已。
第七場 2班 1000米
9.祟山寶 1.活力飛駒 5.熊英雄 3.幸運雄威
     主要前置實力馬排中檔，而且靠前速搵食，賽果應正路。「祟山寶」上仗初遇敗仗，主因韋達冇盡用馬匹快放之特質，事實上初對2班對手而頭馬再出能嬴水準夠晒高，今次兩駒再遇但負磅已一來一回差甚遠，可反先取今季首捷。「活力飛駒」上仗回一班嬴110分左右嘅對手今仗落2班跑甚著數，但與前駒計今仗要比該仗多負16磅，爭2､3名吧！
     「熊英雄」此程6戰5冠1季甚準，而且休出特佳，能嬴「風火神駒」擁2班頂實力可再爭奪前列。「幸運雄風」夠級數而同場中屬其中一駒評分未盡，賽前2試大閘試好報此組應非無的放矢，14檔唔塞就可爭一位席。
第八場 3班 1000米
4.御鋒 10.喜盈門 5.龜兔競跑 2.愛寶駒
     前置實力馬同樣排中外檔賽果應正路。「御鋒」上仗賽前用返上季嬴馬前操練即嬴得輕易，而亞軍再出即補中，今次賽前同一模式，極大機會連捷。「喜盈門」剛戰休出減夠分輕易嬴季內直路賽嬴得出色嘅「路路好」，回3班排8檔起用潘頓未能睇少，正常配腳之一。
    「龜兔競跑」上季初4戰取得2冠2亞甚準，只負已升至2班嘅「跑寶貝跑」及「名舵主」，密跑下體力回落才失準，其後休出第2仗跑轉彎路程走不利場地下追得不俗，證明能力非出現下降或失競賽意慾等問題，十月試大閘後賽前一如上季上名時試細閘先出，只係有1檔考驗嘅問題。「愛寶駒」上季已於田草有表現而且同父馬「家樂飛」､「精彩日子」等田草能力強，非單一靠泥地搵食，夠噸位跑此程但不明突然戴防沙眼罩出賽，同場機會馬之一。
第九場 3班 1400米
3.友瑩果 2.賀喜 8.歡樂時光 4.好心思
     全場冇領放馬而3.最大機會再可跟前慢放，內疊前置預期甚為有利。「友瑩果」轉蘇廐於谷草熱身一仗轉田草大幅變身，步步嬴只一步就影輸比「光宗耀祖」，此馬房通常好開會好，今場步速形勢會賺晒，可取得今季首捷。「賀喜」前仗嬴得出色，上仗黃金形勢下追唔到有些微失望，但今次抽到2檔可再賺，滇仔有正常發揮已可保一位。
     「歡樂時光」初出輕勝谷草1200後即匆匆再戰，增程轉田草升班難度本甚大，但抽到4檔好位柏寶騎韋達馬必求全力以赴，上賽後加11分極受評磅員重視 (萬醒駒上季嬴谷草同距離只加9分，安賞同日嬴4個多馬位只加10分)，配腳之一。「好心思」上季能與今季能勝嘅「卡加大師」互有勝負，上仗兩度受慢直路與「勁綵」走不利場地而能同速追趕，後駒已補中，起用10磅仔步速慢如能因應前置就可加入一爭。
第十場 2班 1800米
5.傲男 1.格哥兒 14.百事神駒 13.陽光普照
    13.應會獨自搶前領放，但過往獨自放都唔會放得急，可令前置馬優勢遞增。「傲男」上季季尾田草走內疊不利場地而負於「軍事出擊」，居2班具足夠能力，上仗季內初出慢閘後沿途走外疊，直路冇咩點認真催策都輕鬆追近，與試課泥閘冇大異，蔡廐馬熱身後更好，而且5檔可前置唔漏閘3甲機會極大。「格哥兒」初出不利追場地追得勁，剛戰轉谷草增程走大外疊追得不俗，最後幾步早已放緩，返田草再增程合理，外地跑慣2000米的，1檔可把握機會搶分爭跑更高級賽事。
     「百事神駒」上仗終開齋，現時仍3歲難度唔低的，今次升班負輕磅更為好跑，交返上仗22.29末段可再爭。「陽光普照」性格忠心，上季中能力壓「驌龍」，上仗賺場地下能壓倒同賺而再出佳態補中嘅「安賞」，初上2班亦負輕磅可賺形勢近。

今日數場臨場見到偏差唔大作了修訂但依然WRONG BET，須時檢討。

賽道分析：近季谷草A欄內疊前置馬優勢不少，今日預期短距離偏差會更大，評先內疊馬臨場再執！

第二場 4班 1200米
「海之宏」前仗排9檔切入力壓「咁都得」放到，剛戰排3檔用同一跑法，頭2段卻快至46.4，直路勢頭仍好只負於較賺形勢嘅「勝利大將」，今次此駒可再以其前速領放，負磅差別下有力放到。「喜逸」上仗為生涯第2次出賽，初跑谷草跟再出嬴田草嘅「歡樂時光」發力，直路早段一度要轉位移出再上，勢頭強勁，今仗排3檔而睇上仗此駒前速唔弱的，大有機會守BOX SIT好位爭勝。「勝利大將」上仗嬴馬步速稍賺但都唔慢的，嬴來姿態頗出色，加分後排4檔有機會要走2疊，兩大疑問下作配較合。「威威大少」上季初出追勢唔差，今戰轉配備排1檔，操足而臨，同父馬均甚早熟有變數值得一搏。「金紫荊」上仗走勢幾勁，但10檔要沿途蝕負頂磅難克服。「軒轅勇將」剛戰切入守好位形勢大利下失Q，今次8檔要沿途2疊亦難跑。「甜情蜜意」上仗步速場地均賺，但追落一D都唔勁。

第六場 3班 1200米
「太陽戰士」前仗能跟前並排領放，第二段快達22.25，直路忍到300米先發力，能頂得住其後補中嘅「山頂」，上仗直路早發力就如季內第一仗咁未能貫注到底，今次轉谷草對手冇快馬下可早早輕鬆領前，短直路啱晒發揮，輕磅放到。「強風駿馬」轉谷草發展後連仗見好，演出穩定，上仗快步速跟守前列直路步步頂住「旋風魅力」，轉韋達或發揮得更好，比後駒轉一檔更安心。「旋風魅力」上仗早段騎者走位出色，轉彎已咬住「強風駿馬」，但衝落卻未見能威脅其亞軍地位，雖然排檔轉好，但出閘有咩遲疑基本上都冇得補救，上季嬴「珠光寶氣」全因際遇對手要早移出外疊的。「勁卒過河」上季尾一役難追場地步速走大外疊追得甚勁，今季兩度出賽都受阻，今仗12檔無疑預期會蝕，且看馬偉昌早段會否切入前領2疊博克服。「熱刺小馬」剛戰賺場地下跟跑衝落尚可，6檔跟「強風駿馬」跑可爭3-5名。「仔仔女女」上仗賺場地步速嬴，加分後排檔外移已難再突破了。

谷草繼續弱臨場都改變唔到劣勢，要停一停檢討。

賽道分析：田草A欄今季兩次賽事於此跑道舉行偏差均不大，外疊衝只稍有優勢而已，內疊馬並冇大蝕，可當正常冇偏差場合計算，以馬匹實力行先。

田草A欄大反擊！取得6Q3T佳績！更中全日重心及冷門突擊！
週三全泥又要小心返！