賽道分析：全泥夜賽上季兩度利外疊追而今季1次卻利內疊前置，偏差不穩定下要到臨場才可確定偏差利咩，賽前以馬匹表現､操練､血統行先，今晚再睇偏差結合。

預期泥地成績會冇咁穩定，但仍保持開季而今3成Q率及近5成QP率，希望田草成績可令此基數更上一層樓！

賽道分析：上季B+2欄多次內欄稍好而只得一次偏差不大，但今季同一跑道偏差卻並唔明顯，始終係田草賽事，賽前會以馬匹實力行先。

TIPS OK 自己唔太OK，主因投注策略問題，檢討檢討！

賽道分析：對上一次谷草賽事選用全闊A跑道，距今已兩個星期，加上C跑道一向內疊馬優勢較大，如賽事非雨中進行預期內疊馬優勢會頗大，當然最穩陣都係留意臨場動向。

第一場 5班 1000米
12.盈驥 4.足球快綫 8.華劍寶 7.滿貫之寶
「盈驥」已有兩季多冇嬴馬，現時評分新低點，上季尾轉倉都係想重回凱旋門，上仗縮落1000有返D走勢，今仗再遇「足球快綫」，但此駒排檔內移而同場至少有3-4匹早段會鬥搶形成快步速，無論跟「華劍寶」或搶先切入內檔都十分好跑，1､2檔都會慢的，作膽最穩。
「足球快綫」上仗賽後隔6日先復課對呢類健康有過事嘅馬非好現象，埋門叫都有落去彈課泥閘，預期8檔因應快馬多可切入2疊，跑出正常水準會夠爭。
「華劍寶」上季嬴田草1400，季內初出及次仗轉泥地不利追大慢閘下表現都唔差，現時雖落腳較慢，但3檔仍大有機會取天然好位，騎練組合唔差，力足作配。
「滿貫之寶」上季就於此程嬴當時頗銳嘅「千笑」，上仗利內疊下全程走3疊遊馬河，今次轉蔡明紹發揮或不比喜全程外疊蝕嘅巫記差，肯放棄早段或可一爭。
「鑽飾彩虹」及「有情風」落5班有利，但一齊排外檔先行跑法要切入好位一D都唔易。「千笑」上仗步速放啱斷得快，等跑多兩仗季中才諗。「瀟洒靚龍」剛戰步速飛快唔太斷，今次6檔如能切入2疊或可爭3-6名。
第二場 5班 1650米
2.的確好靚 4.飛天龍駒 10.天子駕六 12.森淼盛
「的確好靚」上季此程只負於「金玉之光」而田草1400只負於今季連番有好表現嘅「飛快威」及「豐彩人生」，甚具惡氣，季內熱身後表現有進，上仗如非受阻已能衝嬴大賺嘅「京城精英」，對手非強作膽信心較大。
「飛天龍駒」剛戰力戰到底嬴馬而回，嬴完田草轉以往此場地1200有不俗成績嘅谷草會有賺，用力多幸休兩日已復課，一如上仗排位朝彈細閘，5檔可再守好位，屬前駒最大對手。
「天之駕六」上仗於無偏差場地應要再追好D，季內嬴谷草姿態唔錯，11檔後追馬仍可兼顧。
「森淼盛」上季田草能力拼「鐳射槍」，今季只一仗泥地大敗，失準馬唔使睇近績，跑得返水準現時呢個評分可出冷。
「京城精英」排檔外移欠信心。「金威神童」休出表現一般。「彪形好漢」極慢步速賽事上名又未能證明太多，成熱只宜拖。「無敵駿駒」上仗賽後翌日驗到不良於行，轉以往都得嘅谷草未能睇得咁死。「財富之星」操足才作賽，1檔有利形勢居邊線。
第三場 4班 1650米
3.龍船快 6.烈風天馬 7.錢程萬里 11.青出於藍
「龍船快」連續兩仗嬴極慢步速賽事，本以為水準唔高，怎料上仗守好位下嬴得更輕易，告仔喜盡用此類銳開嘅馬，同場快馬少又可再賺，有望季內第4捷。
「烈風天馬」季內頭兩仗無甚表現，收埋操一個月剛戰增程1650表現甚令人驚喜，極慢步速賽事能以全場最快末段22.68追近，今次如場地非大蝕可爭勝。
「錢程萬里」上仗利內疊B欄賽日沿途走外疊唔夠快切入，今次用返鄭雨滇冇馬放嘅情況下甚好跑，只要肯於對面直路開始加快盡用均速性能就能由蟲變龍。
「青出於藍」今季初出於田草1400走不利外疊現追勢，上仗縮1200又能追一段22.47，如今仗步速唔快因應跑開短途前速守好位鬥爆衝22秒幾出冷唔奇。
「雪山神駒」落4班甚惡，但12檔慢步速要靠追難搞。「安陶」上季初出3班追近落4班已可，但轉倉一出就報谷草中距離用人都唔似，似試馬多。「金得意」上仗平常要場地大賺先得。「財源來」同樣排檔外移慢步速面臨考驗。「旅遊小子」近兩仗都有意外，今次若能因應慢步速搶前放或可一爭。「幸運勇士」季內完全冇FORM，近先諗。
第四場 4班 1200米
1.威威加瑪 2.多綵 4.歡欣星 6.金滿載
「威威加瑪」現時已學識拍住放纏鬥，唔同以往一齊燒就散，季內兩仗跑3班強組快步速都唔斷，今仗落4班即強配柏寶，對手無快馬可輕鬆前領一放而回。
「多綵」上仗B欄利內疊情況下沿途走3疊唔斷仲可以追過該仗步速大賺及後轉泥地嬴嘅「神童」，今次睇排檔必可反先「銀飛龍」，但馬房､馬主向來與馬偉昌冇交收，用人成一大疑問作配。
「歡欣星」上季嬴田草1400夠級數，今季唔急慢慢操足追返D進度先出，有黃金一檔之助成冷更值搏。
「金滿載」剛戰初出跑1000米，當日頭4場壓地前內疊馬甚為有利，此駒能走3疊以22.3秒全場最快末段最近著實不易，但留意季內數匹1000上1200嘅馬如「紅運福星」､「銀桂飄香」都有阻力，作配較合。
「銀飛龍」大賺慢步速嬴後排檔轉外不易再勝。「生豪」上仗賺場地下只能取得一席無威脅嘅亞軍，排檔外移用韋達亦未必有大幫助。「你好我好」縮短途賺形勢提升名次後再度增程，對手強例追都止於3-6名。
第五場 4班 1650米
10.香港發 12.回鄉精神 5.喜樂洋洋 6.神州八號
「香港發」田草險勝後轉谷草賺場地形勢再嬴，上仗臨時換人排5檔都要全程3疊遊馬河，直路早段已冇騎但仍見湧上，今次回配馬偉昌而抽到好檔，此組4班唔強可爭季內第3捷。
「回鄉精神」現時評分比嬴馬時低11分，以往成日唔打得鞭收收埋埋用，今仗轉倉初出戰意必高，排8檔但對此匹例追一段嘅馬影響唔算好大，夠爭一位。
「喜樂洋洋」同父馬增程更好，但季內追落勢頭唔強的，幸有內檔之助柏寶亦MARK實唔放手，可作配。
「神州八號」減分已足，比前季嬴馬低17分，而前仗試後上仗試前均不俗，分已到位可再爭。
「財神駕到」上仗好位衝都唔衝，前仗嬴得已見辛苦，續負頂磅不易再爭。「閃耀小子」立心減分落4班博惜抽到大外檔。「太奇妙」上仗雖蝕快步速，但斷得急，季內叫初跑谷草有內檔有膽才拖。「神勇馬車」交代後減分再重新部署。「威駿寶」上仗增程表現非佳。「雙月灣」同樣增程太急。「高明威威」此馬房唔使睇近績，如有手影一檔可加入戰團。
第六場 3班 1650米
3.勁綵 5.晨采 10.豁達瀟灑 9.勁嬴晒
「勁綵」嬴馬當日尾兩場外疊有得追的，亞軍「銘記心頭」上2班能補中，此駒該仗快步速頂到表現極為出色，計級數此駒跑3班田草都夠惡，上季此程落敗只因騎者轉彎飛出7､8疊，今仗更有內檔､形勢之助大可連捷。
「晨采」此程5戰取得4亞甚準，剛戰快步速跟跑下只負於賺步速及田草級數嘅「非常精」，有內檔續爭一席。
「豁達瀟灑」上仗超慢步速下走大外疊追得甚勁，今次更有內檔，惜用合作少嘅郭立基而且未退熱，作配才合。
「勁嬴晒」休出跑田草追得不俗，於谷草會夠級數，同父馬谷草適應力強，負輕磅亦能一爭。
「一團威」有1檔未能睇低，上仗沿途外檔一入直路無耐騎者已企起身冇騎過。「超綵」此程取得1冠1亞評分上調後已非有利。「強中堅」前仗受阻基本上冇跑過，有3檔強配李寶利亦可加入一爭。
第七場 3班 1650米
4.首飾孖寶 6.喜勁駒 8.共同目標 11.路路發
「首飾孖寶」具田草3班中距離中堅能力，轉谷草又係可賺，上仗初跑田草不利慢步速下於外疊追得甚勁，只以短頭不敵「喜競寶寶」，今仗有內檔之助可言勝。
「喜勁駒」剛仗田草強組跑入一席，見無機會爭冠早已放柔，轉返以往得嘅谷草有好檔亦有力爭勝。
「共同目標」上仗田草中距離轉彎走多咗下頂得住一席季軍，與亞軍「綠色威」爭得唔遠此組亦會夠，3隻強中強之一。
「路路發」血統長優於短，季初跑田草1200已追得甚勁，外地增程1600即大勝而回，今仗屬奇兵一路。
「幸運金龍」上仗表現平常。「悅璐孖寶」剛戰騎者輕鬆競跑都能以快末段一齊衝近，但今仗12檔唔易克服。「綫路明星」上仗內疊追落唔多。「寶成智星」上仗大賺步速只能跑入季席，對手仍強再大賺也止於一席。「威仔皇」轉倉出賽追勁尚可，但未見大進，此組仍能爭3-5名而已。
第八場 3班 1200米
8.帝國勇將 9.城中話題 4.尊勝福星 10.中國動力
「帝國勇將」谷草能力一如同父嘅「鐵胆龍」跑高一截，上仗如非受阻能更具威脅，今仗強敵已去坐位望嬴。
「城中話題」轉倉初出跑田草直路受阻下衝得唔差，上仗轉田草1400因應對手受阻而取得亞席，幸轉谷草1200作賽大賺級數，有內檔能切入一疊更能提升機會。
「尊勝福星」韋達騎非最佳，因唔能夠盡展其均速性能，好在4檔而同場冇領放馬，只要第二段肯加快就可加入爭勝。
「中國動力」季內初出，上季跑3班未見有優勢，但今場如「尊勝福星」順放就會大賺，可爭腳。
「軍功」上仗1000追勢尚可，轉谷草排11檔卻難預安心。「勁有盈」用得好盡現評分欠優勢。「芙蓉之寶」10檔要切入2疊都唔容易，級數足但要睇非凡際遇才可搏。「讚賞」剛戰組別追近此組夠，但8檔都好大機會要走3疊，留後追又未必夠「帝國勇將」等衝。

谷草成績稍有改善，繼續努力！

賽道分析：季內一次C欄於9月23日進行，當時早段有雨但整體時間反而稍快，到尾段場次冇雨先開始稍稍啜腳難追，偏差未算太大，而且今次首次轉冬草C欄賽事，落住雨之下未必會再次出現該次尾段啜腳嘅情況。

賽後成績 (2012年11月25日田草C欄日馬)

賽日提供：谷草C+3跑道向來頗利沿欄賺咗嘅馬，明日早段應會出應相若情況，但到中後段小心留意會否因近日天雨影響，唔壓地直路外疊或會越走越有利。

P.S. 賽日本人將會親臨跑馬地馬場先駿廊即場觀戰，即場分析將改為後補，希望到時有機會見到大家！




第一場 4班 1000米
5.勝在分秒 1.精靈勇駿 7.駟馬難追 12.大地王者
「勝在分秒」兩勝同程後維持正常操練，上仗切入放中等步速末段仍可快達22.68，內側冇快馬越過「叻先生」就能順著領放而回爭三連捷。「精靈勇駿」上季仍能嬴3班直路賽，未見退化，減夠分後一如前季轉返此程，當時取得兩連捷，今次跟「勝在分秒」切入2疊形勢不差，有力一爭。
「駟馬難追」剛戰最後200左右受阻收慢，近況表現穩定的，預期能切入2疊，8檔換到賠率不防兼顧。「大地王者」久休復出，前季能嬴田草1400，谷草1200亦曾以22秒8末段追入位席，今次夠晒新鮮感，華廐最後一季季內休出馬表現均不差，4檔早於內疊如步速夠快或能衝入冷位。
「高山威龍」近仗衝落唔勁，初轉谷草雖有2檔之利易適應，但賠率就反映晒，有膽才可拖。「樂融融」試閘快放唔斷時間出色，唯已報週日泥地，今場10檔都唔易切入放。「有膽識」上仗氣管多痰今次重新計過，12檔放棄早段T/F4成大冷未盡捨棄。


第二場 4班 2200米
10.勇先生 1.好球 6.印度光輝 4.喜欣賞
「勇先生」今季連番於泥地不利場地形勢下追得甚勁，今次終於轉返以往勝途，起用剛戰合作愉快嘅馬偉昌必求交代。「好球」上仗轉韋達策騎，直路中段一度放緩，及後再度策騎又湧返上嚟，表現未算太失望，今次回配最佳拍檔安國倫，而且全組同程成績最好，3戰取得1W1Q，實力馬之一。
「印度光輝」轉蘇廐後第一仗表現保持水準的，前仗換柏寶回一回上仗泥地又再追得不俗，草地長途不嬲都係強項，跑出水準4班絕對能交出頭馬。「喜欣賞」夠銳，而且血統有足夠長力，上仗硬拼後復課快，體力保持到亦屬機會馬之一。
「愛得過」增程太急。「足智多謀」､「百威將領」上仗衝落差唔多冇大威脅。「明旺」刻意小休操足而臨，此程未證明過唔得，如休後跑得返上季水準亦非4班能留。

第三場 5班 1800米
8.給力 3.更捷勝 11.無敵駿駒 6.橫亨
「給力」一如「元豐泰」，柏寶接手搏到嬴為止，續有好檔比對手安心，作首選。「更捷勝」甚準而且谷草能力佳，照正常有好表現唔奇，但佢另一樣準繩就成此駒最大疑問，就係經常跑完氣管多血，上次頂得住硬拼大長途嬴，復課快，但次次成熱有健康疑問個人認為作配較合。
「無敵駿駒」轉倉熱身後表現進步，剛戰對手雖非強，但見有勢湧返上嚟，而且健康保持，以往好至黏地取得季席，今場步速唔快有得賺，可一搏。「橫亨」上仗表現有起色，跑大長途正常直路中段咁樣夾完都會大敗而回，此駒反而一再發力衝近，因應慢步速11檔順勢切入，賽前彈埋細閘積極，作保險腳。
「喜相逢」唔太夾蔡明紹上仗走勢亦普通。「華麗堡」熱身後有淋地有內檔難批死。「發達心聲」前仗此程表現唔差，但預期杜利萊排8檔直路又會飛出去，有偏差就難搞。「彩虹幻影」今季幾仗快地追得唔錯，雨中進行要估。


第四場 4班 1200米
2.開心陶寶 3.日月暉華 5.勁信心 12.銳不可擋
「開心陶寶」前途轉倉初出於田草1200取得一場出色頭馬，除快步速外2至7名再出都取得好名次，上仗開閘後馬鞍已滑移，更快步速下沿途3疊，唔斷都難，賽後反覆試閘，泥地斷得急加眼罩試草地走勢輕鬆，今次用此配備抽到黃金一檔，如順利放出場地冇不利就可帶到。「日月暉華」剛戰極慢步速賽事直路走外疊追得甚勁，走3疊果隻「多綵」已補中，此駒形勢更不利的，今仗雖排12檔，但後追馬而且梁家俊騎功進步，發揮後勁馬甚為出色，放棄早段切入追如步速迫得快可成一路奇兵。
「勁信心」狀態回升，上仗田草1400能頂得住「卡加精神」，此組強配後夠用。「銳不可擋」剛戰賺極慢步速但能迫近「銀飛龍」，賽前大細閘做齊配硬功騎師李寶利，有內檔之助可再賺。
「事事順意」前仗賺慢步速嬴，但組別夠強，經泥地回氣返谷草或可拖回馬槍。「紅衣精靈」賺完近排10檔內側快馬多難克服。「飛馬之威」夠級數，但狀態未算足。「軒轅勇將」銳開繼續搏，如能切入2疊可爭一席。「海之宏」7檔要好睇際遇，切入1､2疊才夠爭。


第五場 3班 1800米
1.安賞 2.帝豪名駒 5.歡欣滿載 6.旅遊名牌
「安賞」前仗對面直路開始發力，大長途用力衝兩段直路大幅拋離對手嬴，3歲馬難度極高，上仗轉田草遇快步速只負於輕磅賺形勢嘅「高友勁」，今次返谷草再戰，中距離9檔唔成疑問，只要有正常步速就夠嬴，慢步速鬥爆就危險了。「帝豪名駒」2200米追入亞席，表現唔遜色，賽日或有淋地之助跑高8-10分的，睇天氣決定能否挑戰前駒。
「歡欣滿載」季內頭2仗都不利步速場地下追得好，上仗回一回氣定回落今仗可睇多D，好處係1檔應唔使太後，淋地過往3戰取得1亞1季，跑出水準爭入一席。「旅遊名牌」剛戰初上3班遇少有中長途快步速，直路一度纏鬥，最後百幾米才力弱，有步速經驗轉谷草作賽，以前仗表現絕對夠爭，但體重大幅跌23磅成疑問，只作配。
「財駿福星」季內打疊3仗入前3名，不同跑法都克服到，今仗仍可爭位。「駕翠」上仗跑啱晒明顯未跑起狀態。「安甲」上仗韋達早段咁快步速鬥搶，中段又留下留下留到後列，可抹，惜前仗未見上季銳時表現，轉柏寶亦只宜觀望。「勝利福星」夾何澤堯的，近況狀態唔差亦係保險腳之一。「飛快無敵」上季大雨中爆冷，明日如大雨可考慮拖一票。

第六場 3班 1000米
7.四季星 1.錢照嬴 9.火燎腚 6.名馬
「四季星」2戰未敗之師，剛戰排外檔初跑谷草難度甚高，竟能一如同父馬「美猴王」般以輕鬆姿態取勝，上3班又排外檔，但對手多快馬會好跑，跑到第6場如唔壓地外面場地未必咁輸蝕，韋達續騎期望繼續不敗。「錢照嬴」剛戰轉谷草最短途憑天生速度一氣呵成完成，段速出色，今仗預期都會係最快果隻，唯一馬房新勝馬唔穩定作配較安心。
「火燎腚」前仗田草入Q，季內初出一役蔡明紹放得極快做步速，上仗又脫腳踏又馬鞍滑移冇跑過，今次唔使做步速內檔可順跟好位，預期2､3疊快馬入直路會斷，但此駒走一疊就能順跟「錢照嬴」上，此程3W可一搏。「名馬」前仗快步速下頂住季席出色，該仗跟得快嘅都斷晒，而且頭馬再出再嬴組別唔弱，今次配安國倫成冷，快馬多唔使鬥搶，外疊場地唔蝕或能衝返一個冷席回來。
「江水如畫」要搶檔位逆轉返要等了。「電光能量」同父谷草成績極強，但本身表現未算突出。「捉金」一度停課，前仗有意外下表現尚可，今次內疊可賺但隔晚熱到咁寧搏「名馬」

第七場 3班 1200米
8.真誠真意 4.駿蹄飛 5.強風駿馬 3.綠色寶
「真誠真意」上仗休出賺慢步速但能輕鬆取得跨季連捷，賽後冇匆匆報名，操足個多月才復出，上班作賽起用潘頓夠晒誠意，4檔跑法可更機動，對手多暫見盡可扶搖直上。「駿蹄飛」剛戰不利步速及場地下於大外疊追得甚勁，末段快達22.46，前仗內疊都肯衝今次1檔形勢唔差，如場地冇不利可挑選前駒爭勝。
「強風駿馬」勤拼下未見進步，上仗就表現出評分暫時差唔多，幸爭百萬挑戰賽戰意足，蔡明紹亦較熟手績爭位。「綠色寶」上仗極快步速唔斷，最後仲反撲上前表現極佳，嚟緊週日有較佳成績嘅泥地唔報報今仗，起用大師傳有誠意的，外疊場地冇不利可出冷。
「勁卒過河」近仗表現相若，剛戰切入放有利步速唔到，今次有2檔要大賺才可提升名次。「馬上得勝」轉倉初出，高廐轉出嘅馬多匹快有表現，有膽拖一注無防。「勝利大將」近兩仗嬴得出色，但賺完內疊要克服12檔，跑法亦唔同局住留嚟衝，最多一位。


第八場 2班 1000米
2.紅衣叻叻 12.多益善 1.飛闖 4.旅英駿駒
「紅衣叻叻」快放馬此程甚佳，上仗放嬴最近跑國際二級賽亞軍馬「紅旗勇將」，今次對手更弱，淋地唔大影響極大極會連捷。「多益善」前仗此程以22.35佳速力迫「恩格斯」，表現唔差，泥地回氣後返此組夠晒用，必成前駒最大對手。
「飛闖」夠休復出，前季屬1班賽甚至級際賽常客，於此組實力超群，現時評分要跑級際賽始終會有難度，唔多唔少都有D老退，但呢組對手就好唔同，跑出水準可爭Q。「旅英駿駒」轉倉初出，本身休出上季就能力迫「高風格」，尾場外檔或有利無害，保險腳。「威威多星」大前仗順衝唔夠「讚賞」嚟此組唔易突圍。「大家勝利」月中一度缺課3日此程亦非強。「八心之鑽」季內嬴此程表現唔差的，之後一度失準，今次負輕磅如跑得返或可一爭。

多謝支持!!!