賽道分析：上季谷草B欄被喻為魔鬼跑道，或由於灑水影響令外疊場地經常大利，但今季用此跑道無論日､夜賽內疊場地一D都唔蝕底，忘記上季，睇返前季之前數據為妙，個人會以實力行先，臨場執生。

P.S. 明日本人將會到跑馬地馬場即場觀戰，即場分析會後補，敬請見諒。

重回正數！！

賽道分析：傳統田草A欄偏差不大而外疊後追稍稍有利，預計以馬匹實力行先！

全部回復正數！勁中6Q2T！！

週日10場賽事於B跑道進行，季內一次於12年9月16日進行，當日大利內疊前置，番查上季內疊前置同樣較為有利，於壓地後情況才有變更，且看週日會唔會出現同樣情況。
今次為大家重點推介「藍雪山」，此駒上次出賽跑同程4班賽事，當日場地無大偏差，咁勁係邊？即時同大家回顧下：

排11檔起步最慢力留切入



轉彎步速拉慢早早移出3疊



直路早段一度受「奇兵」防礙要努力向外移出攞位



最後只以短頭見負


再認一認以下馬匹：
2013年1月20日田草A欄1600米


2013年1月12日田草C+3欄1400米


2013年1月12日田草C+3欄1400米



該日1､2､4名再出都已全部都輕鬆補中，頭馬更增程嬴得甚易，「藍雪山」2次出賽賽前大幅落飛亦反映幕後自視甚高，今仗係時候坐正。

賽道分析：今次賽次用以往少用嘅B跑道，上季尾兩度壓地前利內疊前置而壓地後外疊場地有利，今乎一戰則全日利內疊前置，賽前可稍稍評先內疊馬。

第一場 5班 1600米

「金玉之光」上仗跑略短嘅1400米只負於上4班近嘅「鼓浪春風」及已補中嘅「愛蓮說」，前3名拋離後列馬匹，賽績夠晒硬淨，回師1600會更好，3檔預期可賺，作膽最穩。「蜚聲國際」上仗連番受阻仍於內疊展現追勢，季內4班此程常可追近，5班便夠用，起用韋達更熱作配較合。「川河名駒」早於3､4班表現出不俗走勢，但陣上常反覆，如跑出水準夠班底爭，而且季內初出表現較好一役有配備變動，今仗同一手法睇下可否帶來新鮮刺激。

第二場 4班 1200米

「品學兼優」同父馬初出62匹獲5W6P近17%上名率算可以，韋達早已一手摸住，最近一次試閘一路搵遮擋，最後100多米移出小試即時湧上，1280磅馬夠噸位，做足功夫初出跑弱組可即勝。「上浦駿將」季內跑此程表現出超5班實力，縮返此程弱組有內檔便夠用。「天地福星」試閘有前速而且走勢純熟。「誠信寶駒」外地早已全日4組中最快時間嬴試閘，邊線腳之一。

第三場 3班 1000米

「軍刀」上仗快時間輕鬆嬴再出均能上名嘅「萬醒駒」及「大行情」，組別或會比後駒再上名嘅312場次好，6檔順住「江山如畫」帶出外疊場地有力再捷。「幸運全勝」剛戰好遲望空，如非受阻應可衝入一席第2，今次繼續排外檔有利檔位，直路賽屬唯一出路求交代。「金湶」上仗出戰田草1200米，於C+3跑道沿途外疊快跟下纏鬥到底，跑1000有外檔之助夠快放出成冷勿忘。「碧科」剛戰初出同程走內疊場地表現不俗，檔位外移至有利場地或能提升名次。「江山如畫」再爭配腳。「精彩」於此組唔腳痛已能爆，只係抽2檔難以發揮。「美麗昇華」幕後極為重視，但轉倉初出試閘見甚急出賽都未必留得住。「風花雪月」上仗初出表現尚可，但名氣馬主成熱縮程唔值搏。

第四場 4班 2000米

「碧玉釵」上仗內疊取位衝嬴，能反先早已衝順領前嘅「綠豆爽」及「多豐裕」，今次5檔出戰預期可輕鬆守中列好位，可續爭連捷。「好球」前仗跑同程，當日頗利內疊嘅情況下於大外欄衝得甚勁，剛戰換人跑谷草取位冇咁順仍力保一席第3，重用最佳拍檔可爭季內第2捷。「牛精威旺」上仗輸塞死，望空後仍衝的。「福譽」跑法機動，剛戰跑1800末段越嬴越遠，增程更好，上4班排內檔一樣夠爭。「超光越影」剛跑1600早段一度冇位上，望空後追近返「各適其適」，4班頂能力，唯12檔不利加上初上2000不易突圍，下線清一色擅1400或以下途程的。

第五場 4班 1400米

「藍雪山」前文已提及出於強組，8檔只要非大利內疊前置就能補中。「勁嬴晒」上仗跑3班繼續近，此類馬落4班會有優勢，但13檔不易發揮，作配較合。「路飛」剛戰排內檔跟快步速鬥嬴，當日內疊非有利，唔似係負碌嬴馬，今次再有內檔不敗馬可續爭功。「神聖火炬」上仗跑1200嬴弱組，幸200米才望空勢頭尚可，續有內檔可保險腳。「飛快威」轉倉前表現出色，現時4班必夠，上仗轉倉初出沿途3疊快跟，熱身後可拖一注防變身。

第六場 1班 1400米

「富高勝」剛戰同程利內疊前置步速下走外疊追得不俗，直路早段勢頭不下於「驌龍」，轉此1､2班組別或可出冷。「綠色快駒」忠心準繩，而且今季表現更進一步，銳開未斷纜，復課仍正常，12檔夠快切入可續爭。「蓬萊仙子」上仗早段唔快，直路於外疊展開強烈衝刺，今次操足換1檔有權變身。「金獅威將」上日走不利場地追過再出提升名次嘅「海鑽石」，有內檔之利可加入戰團。「如願以償」今次檔位未必再有黃金形勢。「締造美麗」退化，但此類組別以前仗走勢會夠爭，惜排14檔睇騎者點可由預期蝕變賺。「摩法神采」剛戰泥地於不利場地追得不俗，唯此駒現評分可能與「經典皇牌」､「傲男」等要等泥地。「好好計」強組跑入亞席，但增程對手或更強，成熱唔值捧。

第七場 3班 1600米

「好主意」上仗走不利場地段段快開，末段仍未被賺步速形勢嘅「時來風送」及「精彩生輝」迫近，回3班有1檔必會夠爭，如非馬房嬴完又收埋可再勝。「喜勝多」剛戰不敵經典一哩賽冠軍「大運財」，而頂得住再出補中嘅「強中堅」，分數比後駒有利而且少跑一仗體力更足，6檔機動與前駒一鬥進度。「樂馳」谷草嚴重收阻落敗，跑返以往較好田草可爭腳。「強中堅」具3班中級能力，揀完頭2駒可爭馬唔算多，9檔一如上仗切入會係範圍之一。

第八場 公開賽 1000米

「天久」上季此程適逢柏寶停賽換上安國倫，末段最後幾步才望空敗不足據，上仗步速甚不利下走大外疊追近難度甚高，除頭馬「龍王」明顯超班外2､3､4名均沿途入1疊的，換到賠率更值搏。「鷹之團」直路專家，此匹上季盟主3試大閘等今場出，蓄銳一擊有外檔之利力圖衛冕。「愛跑得」上仗步速分配雖有賺，但第2段放得咁快比中前置馬不利的，7歲大熟初跑此程亦不容忽視。「恩格斯」表現仗比仗進步常可衝22秒末段，如能於直路賽同樣能貫注到末段鬥爆可越級挑戰。「時尚風采」上仗操足復出，表現冇上季咁銳了。「跑寶貝跑」､「祟山寶」一同挑戰馬王組別，與「鷹之團」不同之處係只嬴2班中級組別，而且末段唔算強，上仗「鷹之團」能以22.2末段擊退一班直路賽特佳嘅「風火神駒」的。

第九場 3班 1400米

「好心思」上仗如非受阻已可嬴，今次14檔局住留，但對手未有加強，如非極不利可穩入前列。「海嵐一號」數度展現追勁，上仗取位不順仍衝得不俗，強配潘頓恨交代。「愛的呼喚」上次冇大跑錯跟正常步速頂唔住，幸組別夠強，包括再連番上名嘅「紅衣神仙」及早已證明能力嘅「卡加大師」，有內檔之助成熱作配較佳。「阿哥精神」3班中級分子，休出賺體力，對手同屬相近級數有權爆。「綠色威」復課試閘再漏閘，或已成壞習慣，分未見優勢下成熱不值捧。「萬醒駒」增程1400便難了，上季就係一增程遇更強對手即落敗。「駿馬名駒」辛苦大賺嬴弱組增程上班更難爭。「雙龍出海」回3班冇優勢，要場地大賺才可爭位。

第十場 2班 1200米

「太陽好好」轉倉後表現驚人，3戰全勝姿態輕鬆，能跟擅鬥之馬3班上2班未有阻力，力爭4捷。「夢仙」墮馬後久休復出，上次走不利場地最後200幾米才移更入明顯試馬，有走勢即報返轉彎路程，可加入戰團。「小母牛」要靠放易被對手壓迫，患4級喘鳴隨時發作就會潰敗，經常成熱作配才合。「好友福」前季此程能鬥特首杯盟主「富高勝」，減夠分隨時一網成擒，必作副選。

KEEP 住水準中5Q1T，惜今日偏差大冇咩冷門捉到，下次田草日再嚟過！

賽道分析：谷草C+3欄偏向利內疊馬匹，雖然直路較窄但彎位夠銳內疊馬常有空位衝刺，而近兩次用C跑道嘅C+3欄分別於11月28日及12月28日舉行，11月該次偏差未算嚴重1､2疊均可，而12月一戰則大利，今次賽事第2場將會係跑道特色指標，賽前個人會以利內疊偏差而去選馬。
P.S. 今次於列表提供上有近仗出色馬隱約透露，大家搵到出嚟嗎？



第一場 5班 2200米
「雪蹄靈驥」以此組計表現屬較穩定一駒，4戰獲1季2殿，而且近況較佳，上仗就於外疊與其後上4班仍可入Q嘅「福譽」一齊蝕住衝，相隔個半月賽前積極密密拍跳，明顯想交代，戰意佳爭勝要角。「奪錶」現階段評分已頗為有利，大長途用巫斯義發揮更好，今次3檔如非中段遇極慢步速困死就可一爭。「如日方中」前仗田草1400已見銳利追勢，結果剛戰轉跑谷草大幅增程一樣掂，今次再大幅增程至2200米，父母線雖均未見長力，但近兩季蘇廐訓練此途程馬極出色，近2季7匹獲3冠3位一殿未失前4名，信賴廐主功力。「勁威小子」4落5，上季田草2200黏地追得不俗已證明氣量足以應付，上仗走不利場地走勢尚可，賽前積極試多課大閘，有變數半冷可搏。
「壽比南山」近仗表現係咁上下，大長途冇柏寶中途發力之助止於一位。「步如飛」同場對手不同場次遇過唔夠衝。「速度快」剛戰放慢步速比數度賺慢步速上名嘅「無敵駿駒」更差，賺完都係4-6名帶返居多。


第二場 4班 1200米
「金堡龍華」轉吳廐後由71分極速洗到52分負中磅跑4班賽，上季初仍於2班力拼當時打比希望「醒目精英」，此匹以往曾嬴谷草嘅賽駒剛戰直路走3､4疊不利場地衝近，賽後更驗到蹄鐵移位，狀態到位試準即轉谷草，有內檔之助已可爆。「比你高」表現轉穩定連番追近，今次5檔繼續好跑3甲應穩。「高耀之寶」上仗受阻當冇跑過，此類中距離馬跑返短途可賺級數，更有1檔之利，唯一問題係初戴眼罩，雖然有報導指上年1月已試準，但若試好夠信心何必宜家先用？反而係更似無可奈何出最後一招，前兩仗表現非好的，成熱預期雙賺只作配。「仁愛之友」上仗走內疊場地稍追，轉倉用返鼻箍啱數，抽到好檔賽前廐主少有地積極出拍跳課期，配腳之一。
「紅衣精靈」現時評分可爭上名，但11檔李寶利多數外遊唔會積極切入，預期蝕難以一爭。「仁心仁術」上仗弱組只追得亞席，10檔亦要蝕，放棄早段靠追亦未見可嬴。「生豪」現階段或谷草不比泥地差，始終今季兩度上名都係谷草，課期長期都係咁唔洗介意疏落，邊線腳之一。


第三場 4班 1000米
「叻先生」上季承勇浪打疊取得4W5P，其後上3班飽和就開始重回減分期，今季出賽頻率密密減分，直至上仗小休一個月出戰，當日大利內疊下走3疊以勁勢追近，同跑線嘅「心甜意合」已補中，外面蝕位衝得好嘅「甜情蜜意」上中距離只以短距離見負得亞席，反映此季軍水準甚高，上仗賽後氣管有血快復課再辣操，今次雖再抽不利11檔，但快馬多應較易切入，如能入2疊就夠嬴。「勝在分秒」剛戰力搶至彎位中段先有得回氣，直到最後200仍於前列纏鬥，早前幾仗亦表現唔差只敗於形勢，今次抽到1檔，季內就於熱身後2度排內疊嬴馬，半冷更值捧。「金紫荊」上仗慢閘下追得不俗，現評分會夠用，重戴眼罩以往表現一樣好，可作配。「好利佳」試好晒先復出，上季利內疊下休出追得幾勁，用呂卓賢只要發揮正常可爭一席。
「寶正勁」落4班快可交代，但檔位內側快馬多今場未到位。「事事順意」休2星期先復課，上週日兩匹相近操練模式嘅「天久」及「愛的呼喚」都表現一般，唔易突圍。「勁啲啲」上仗賺完嬴排12檔難再一拼。「勁感」一貫高廐馬試閘現走勢，但同父馬清一色谷草唔得的，4檔或一如「藍雪山」先熱身一仗。「有膽識」上仗早早輕鬆走2疊轉彎順勢衝刺，表現不過不失，今仗內疊有4匹前領馬絕唔易跑，成熱寧捨棄。


第四場 4班 1650米
「喜寶龍威」季初數度於不利形勢下追得好，其後落5班即勝，之後回4班更加添1W2P，上仗直路被困甚久，望空後衝勢仍勁，今次有1檔步速非極慢就能爭季內第3捷。「香港發」季內2勝後上4班作賽沿途走外疊遊馬河，其後有內檔出閘遇意外被迫留後，直路非受阻已可入冷位，上仗又遊走3疊，今次跑返谷草有內檔之助，步速唔快機動跑法施回馬槍。「甜情蜜意」前仗已表現甚勁，剛戰力拼「自成一格」兩駒單打獨鬥拋離第3名，如體力保持9檔或可蝕得起。「精彩生輝」上仗直路被困之後騎得甚柔，今次續有好檔，以前仗不利外疊衝計跑谷草短力馬更勝任。
「名列前茅」常賺完都唔衝，大前仗大賺場地衝22.19唔叻的，起用柏寶要發揮神乎其技先可嬴此強組。「大將軍」上仗受阻前走勢唔強。「高明威威」跑多仗落5班就可出手了。

第五場 3班 1200米
「天賦傳奇」雖然上仗賺步速形勢，但直路走不利場地仍保持衝勢，今次5檔再可賺前置形勢作膽較安心。「金笸籮」同日轉倉初出，直路走不利場地衝22.34狀甚出色，今仗有內檔本應最好，但小心留意增程1200季初就有「紅運福星」等跑得好走樣，作配較合。「衝線」腳患馬上仗5歲於香港首戰彎急嘅谷草賽事，直路上數度受困轉位衝勢頭比「環保戰士」更勁，再戰同程有1檔之助繼續爭功。「神童」谷草於4班常取得位置，本上3班難爭，但有內檔而且明顯冇步速會大賺形勢，作保險腳。
「珠光寶氣」近仗表現回落加眼罩未見信心。「真如燕」上仗跟「好精神」追近漸見走勢，但對手強未見有利。「環保戰士」剛戰韋達直路又騎得柔，表現穩定T/F4可拖一注。「千軍萬馬」上仗不利外疊走最外疊衝，表現唔算差，大冷T/F4腳在此。

第六場 3班 1650米
「闊袍大袖」部署一如廐侶「可愛人生」，後駒上季密出減夠分於田草追近後轉首本谷草即勝，更何況前駒本身谷草此程特佳，只於季初久休一年減分期時落敗，季內初次積極拍跳做好功夫出戰，3檔不勝有位。「龍騰虎震」轉後追跑法表現有進，剛戰居中就能力迫季內好FORM嘅「豁達瀟灑」，更拋甩群駒，隔兩星期再上，拼搏甚勁後如體力保持可再爭。「轉戰香江」亦表現出色，上季初出跟快步速反撲上前，今季初出提升名次鬥其後取得1W1P嘅「勝利之星」，該組季軍亦於田草取得1W1P，而第5名「強風駿馬」更於谷草取3W，組別甚強，受健康影響十一月尾才復操，賽前兩試大閘轉谷草作戰，唯初跑此程及賽前改用不明嘅開縫眼罩才作配。「玉峽生輝」前仗走外疊蝕得多力追季席，如今仗因應預期唔多快馬11檔早早切入成冷腳之一。
「帝聖神駒」開始有走勢，試前試後日後縮程要留意。「魅力小子」上仗賽前稍缺課表現不俗，前領馬用巫斯義更硬淨，邊線腳之一。「魅力心」常衝一段，但嬴馬後加分對手增強冇有利場地就以難再勝。

第七場 3班 1000米
「四季星」連續兩仗韋達取位不智落敗，終換人回2戰1W1P嘅谷草，有內檔之助作膽應穩。「精靈勇駿」上仗走不利場地表現合格有餘，續有內檔再爭一席。「吉利大師」兩季初出均能勝出，今仗步速甚快10檔早段如順利切入鬥後勁唔會輸蝕。「奇勇」渡江出戰，初上3班作賽，上仗姿態輕鬆，查以往同父馬如「威威之星」及「心中有運」均谷草特佳，尊重不敗馬列作保險腳。
「捉金」排11檔跟前跑法快步速都唔易切入2疊，要外疊冇不利才可續爭。「超新鮮」適應步速後上仗貫注到底，但9檔內側快馬多難跑。「名馬」上仗走外疊衝落尚可，今次1檔預期會賺，個人揀蝕場地嘅「精靈勇駿」才不列入4選，同屬機會馬之一。「好友星威」4班都冇上風，上3班難爭一席了。

第八場 2班 1650米
「開心至愛」前仗表現甚勁，當日大利內疊下唯獨此駒蝕步速分配走大外疊追入亞席，上仗增程跑泥地1800只負於一步不蝕嘅「競技英雄」，起用潘頓季內未交代嬴面壓一。「軍功」父系多番勝出一哩一級賽包括育馬者一哩賽，有長力根底，連同上季多次追得好，今次初增程作賽有內檔之利會較易適應，與前駒一Q返。「四季」剛戰快步速田草1800表現唔差，有表現後轉以往取得2W1P嘅谷草，3檔形勢佳可作配。「金汯」初出強組追得不俗，外地演出準繩而且同父馬谷草性能不俗，排1檔好位列作4選。
「正白旗」已回落。「確叻迅」上仗雖蝕快步速，但「綠色快駒」唔斷而此駒力弱表現已冇季初咁好。「高一線」大賺完入位此組對手更強9檔形勢更不利。「魅力星」上仗嬴在騎者發揮神勇，對手轉強可捨棄。