第一場 5班 1200米
「上浦駿將」3度於5班同程上名後，上4班連續兩仗仍有不俗表現，兩日均走外疊不利場地而見追勢的，今次落返5班跑重配潘頓，賽前功夫騎者做到足，對手不強下極大機會可交代。「快快嬴」季內田草1400上名而上仗能壓倒其後於4班1400上名嘅「童夢」，此組排內檔有級數可賺前置形勢。「聖樂邦」曾於3班上名，今季轉吳廐後已極速減到33分，剛戰韋達沿途外遊輕鬆以22.4追近，試準成冷勿忘。「齊勝」季初就係休後出戰能嬴「上浦駿將」，今次刻意小休望重現威力。
「超勝」連續回復準繩可作配。「快達小子」減夠分縮返1200，馬房唔放棄有膽可拖一注。「共創良機」試閘走勢悅目，如步速夠快或能憑A欄形勢走入一席。
第二場 3班 1200米
「爪皇盛水」大前仗走外疊不利場地以勁勢衝近，該仗同走不利場地嘅馬再出表現均佳，包括已補中嘅「好易搵」，上仗沿途4疊望空跟跑直路仍以勁勢衝刺，證明狀態十足，今次14檔如早段唔積極搶順其自然順走，冇遮檔此組仍夠用。「轟炸機」剛戰A欄內檔取位不順下實際上表現與前駒不相佰仲，今仗最大問題再弱配，希望對本身發揮冇大問題。「星光騎士」試閘有前有後，更刻意跟馬尾走保留實力，本身夠噸位而且有前速，今季高廐初出S1馬4隻全入前4名，此組唔強可突擊。「樂有嬴」上仗谷草以22.2勁勢追入季席，但當日外疊冇問題表現尚可，轉返此程上季亦曾嬴合理配腳之一，但最佳拍檔早選騎退出馬「洪福齊來」，以往3W1T所有上名都係由黎海榮經手，睇下轉人後跑成點。
「皇龍大師」上仗見追勢，但此類開始有表現馬今季配韋達多數唔見影，居邊線而已。「北非諜影」前仗此程末段快，但慢步速下勢頭唔算勁，應止於3-6名。
第三場 4班 1400米
「敏歡騰」今季進步打疊4仗獲2冠2亞，而且對手組別強4班難留，今次最大問題係上仗賽後29日先復課，與一仗慢做功夫提升進度嘅做法唔同，信任能力才列首選，個人覺得機會馬之一但非能安心作膽。「電子福星」上仗雖大賺場地，但前段一度5隻一齊鬥搶，搶出切入內欄後又繼續俾馬燒，放59秒而能頂到尾表現已收課，上季4班表現甚準繩的，回勇必拼。「勁信心」今仗抽到1檔，剛戰大利內疊下沿途走4疊望空，直路頭唔斷最後仍見走勢，今次或可大幅提高名次爆冷而回。「齊齊歡心」初出一役走大外疊能與數匹其後表現佳嘅馬衝得勁而勢頭強，之後轉1200及1600表現失準，有幾次出賽經驗後回師1400，跑得返水準可一爭。
「貝利奇」上仗於A欄受阻後衝嬴，表現尚可，但增程負頂磅排檔外移成熱難寄厚望。「首席」剛戰試早1200大閘般沿途力磨，今次轉用馬房近期殺手馬偉昌，如有膽不防兼顧。「自我本色」上仗於冇偏差場地不敵再出均走樣嘅前三甲馬，用潘頓要騎高一班才可加入戰團。「勁加勁」剛戰重現走勢，唯一表現唔夠穩定，縮1400今仗正常會更好的。
第四場 4班 1200米
「龍城飛將」上仗突然變身，轉彎走大外疊以22.38極速追入亞席，比再出輕鬆補中而該仗沿途貼欄慳住衝嘅「白鷺高飛」更勁，今次A欄先再出弱組極大機會補中。「誠信寶駒」剛戰能力鬥上3班僅敗嘅「牛精好友」，此組會夠用，11檔早段要用力切入應冇前駒咁安心。「銀飛龍」轉谷草常要博克服短直路嘅問題，季初此程力迫「驚雷」的，今仗跑A欄小休做足功夫重現真身。「好威龍」上次賺完跑入一席，今次1檔可再賺前置形勢再勢3､4名。
「乖乖寶貝」剛戰轉彎蝕位甚多下開始見貫注走勢，今次4檔好跑得多，T/F4可作保險冷腳。
第五場 4班 1800米
「福譽」表現見明顯進步，上仗上4班能與「碧玉釵」單打獨鬥一條直路拋離群駒，如非用力多作膽夠穩。「多豐裕」連續數仗走大外疊不利場地衝得勁，包括262場次當日大利內疊一役，上仗沿途繼續外遊而且賽後驗到有痰，今次轉用曾合作上名嘅吳嘉晉，排1檔之利取位順利就可大幅調升。「永勝多」前仗嬴得出色，事實上此駒上季銳時3班都不落下風，就算今季小小回落4班仍超，上仗換人早段留得太後，直路取位數度唔順基本上冇咩點衝過，今次回配李寶利跑田草或可爆。「大有作為」近兩仗泥地表現甚勁，能力上未證明只止於泥地，跑田草中距離有賠率可搏做保險腳。
「金鑾大殿」此程3戰取得2亞表現準，剛戰泥地可當回氣賽，6檔屬機會馬之一。「牛精威旺」近仗稍失準，未知係咪早前搏得太勁，今次仍隔不夠一個月，跑返水準才可一鬥。
第六場 3班 1650米 [泥]
「福到多多」減夠分後上仗於4班嬴得甚易，上季就一口氣上3班再連嬴兩仗，此類馬承勇會再搏，屬爭勝要角。「無敵」於4班1650賺完嬴後，上3班縮1200米只以短頭負於「快樂無窮」，表現明顯泥優於草，近兩仗跑田草1200及1400亦見追得好，而且鄰近對手強勁，包括「海嵐一號」等，證明狀態十足，跑返泥地有內檔非常好跑，可以一爭。「香檳歲月」早前就排1檔嬴到無得跑，上仗轉彎太早移出外疊衝負於再出於2班入Q嘅「開心至愛」，只要吳嘉晉發揮正常就可爭。「富逸」上仗頭兩仗極速快放，50.9嘅前兩段轉彎拉慢步速分配甚不利，但仍於強組頂到1席第5負頭馬不足2個馬位，如場地利放可突擊。
「非常好」上仗1800表現都失望，此程比1800更差難兼顧。「新強勁」剛戰重現追勁，跑此程會更好，排13檔留嚟衝一段，如場地搏有得追或可爭。「傳奇快車」､「龍船快」近況唔算差，但同屬中前置排大外檔寧捨棄。
第七場 公開賽 1200米
「天久」上仗跑直路賽已連續兩年失準，睇返季內前仗表現仍甚勁的，當日前正常轉彎大幅加快走外疊極不利，未見退化，熱身後回此程可爭勝。「愛跑得」上仗一齊走樣，前仗放得咁快貫注到底表現出色的，一如上季嘅「時尚風采」，今次1檔冇快馬順放已可保入一席。「恩格斯」已適應水土，連番以極速衝刺，剛戰就正正能以22秒末段追入亞席，少馬場合唔會蝕底亦屬機會馬之一。「夢幻十一」上仗1000都能跑入季席再度回勇，2檔跟住「愛跑得」甚好跑，有賠率對手有咩意外可搏冷Q位。
「紅旗勇將」季內此程以22秒正末段力迫「天久」，前仗連番受阻下跑1400仍追得不俗，今仗鬥爆可再爭位。
第八場 2班 1650米 [泥]
「傲男」前仗轉彎早以走3疊當日濕慢泥極不利場地大勝，剛戰轉谷草再能壓倒百年紀念盃盟主「滿綵」，今次賽前功夫十分積極，大有機會再嬴一仗。「經典皇牌」上次跑泥地與前駒同場，同樣走不利場地追得勁，近兩仗跑草地表現算不過不失，事實上上仗慢步速沿途望空非蝕的，如非狀態回落可與前駒爭冠。「摩法神采」亦於該仗走不利場地衝得不俗，表現不及前兩駒，今次用返相同配備爭位。「齊歡笑」泥地能力不比田草遜色，未交代馬戰意足，屬機會馬之一。
「勝哥兒」證應得不俗，試泥閘唔錯但跑落要估，成熱欠信心。「軍功」情況相若，上仗轉彎受困形勢非有利，今次場地如能適應能居邊線。
第九場 公開賽 1800米
「大運財」跟跑一仗後連續三仗嬴得出色，剛戰能段段快跟下沿途走外疊嬴，末段能力壓要轉位衝刺嘅「蒜頭仔」，今次如步速唔快更安心，有力挑戰4歲3冠。「事事為王」初出受困，衝兩步就大幅追近，賽前積極用今季高廐必殺操練，同主馬不分正副出擊。「金秋」季內證明最多，能以頗輕鬆姿態於香港盃預賽跑入第5名，今次對一眾4歲精英未可輕視。「蒜頭仔」上仗如取位更順或能威脅「大運財」更多，今次要再靠追，繼續挑戰前兩駒。
「歡樂時光」明顯上仗不敵前2名，增程更難。「替天行道」､「將男」上仗一齊初出，於不利步速衝得甚勁，組別未對決事實上未知會否高於「大運財」那組，屬可爭欠穩之列。
第十場 2班 1200米
「綽力之城」季內初出表現大幅有進，輕鬆以22秒末段嬴到「山頂」冇得跑，前仗增程跑1400仍能壓倒其後表現出色嘅「閃爍武士」及「綠色快駒」，上仗跑谷草或未能適應大敗，小休個半月才復出，A欄14檔後追未成太大障礙，半冷取季內第2捷。「小宇宙」雖於季內出戰首仗不敵「山頂」，但相對表現比「旺當家」更好，此組非強可爭馬房Q。「羅馬兵」初出走最外疊仍肯衝表現已不差，上仗更遠遠落後下以22.09末段勁勢衝入一席第5拍住「祟山寶」過終點，此類馬用韋達雖經常走樣，但表現此駒甚強不得不防。「威威具星」分別於谷草及田草1000輕鬆以快末段跑嬴，而且姿態鬆容，但轉1200對手組別較強，作配較安心。
「奇葩」如跑得返此組可一爭，有賠率居邊線值搏。「強風駿馬」谷草連番爭功後上班轉田草唔易爭，一試居多。「旺當家」今次A檔冇得再賺，止於4-6名。

今日獲5Q5PQ1T，成績只不過不失，下週日再努力！

賽道分析：谷草B欄上季大利外疊，今季偏差雖然接近返前季偏差，但外疊仍冇蝕底的，睇返上次1月16日舉行嘅B欄賽事，當日沿途守1､2疊分別不大，而直路走外疊場地更好，如「愛寶駒」就於此情況下氣走內疊較差場地嘅「天賦傳奇」，而外疊中後置追亦見「豁達瀟灑」､「捉金」等，賽前預計偏差不大。


第一場 5班 1000米
「好笑容」部署減夠分落5班即報最佳路程，季內跑4班泥地表現都唔差的，上仗利內疊前況下沿途走3疊快跟才敗，回氣後今場有內檔可出擊。「枕住嬴」剛戰直路多番受阻唔夠空位衝刺，仍於田草1400交出23秒末段，落5班跑此組便夠用。「西域雄心」現時跑法冇咁主動，跑此較細偏差跑道會較合，上仗最後100才望空即以勁勢衝刺，賽前積極備戰早已卜定呂卓賢，如發揮上非有大失誤可爭冷位。「凱旋無敵」夠銳，如順利切入2疊也可一爭。
「名城」落5班後表現都係一般，睇下眼罩幫到幾多。「奇無極」上次轉彎嚴重受阻失蹄，追返唔少漸適應，但續用季內合作38次只得1亞嘅王志偉未似出擊之時。「滿貫之寶」減近嬴馬評分，小休會好，但1200會更強，只居邊線。
第二場 5班 1650米
「發達心聲」季內未交代，上仗最後階段勒避失蹄，今仗賽前操練積極，用埋必殺操練，配杜利萊似晒樣了。「京城精英」上仗第一個彎遊走外疊，之後搶前領放做中等偏快步速，末段仍唔斷，1月尾雖曾發燒停操，但月內少有地連續跳三課快時間證明健康不成問題，同樣未交代戰意高。「不老精英」剛戰埋門大幅落飛，睇嚟泥地都跑入一席第3幕後見態勇想出擊，惜早段已馬鞍滑移當冇跑過，復課續甚積極，未可輕視。「榮耀資德」早已試準長力，上仗跑谷草最短途衝一段22.3，5班唔常見，回師此程可突擊。
「動力網絡」1檔可順放，但今次步速壓地或會增強，已交代馬成熱未宜作重心。「龍得風雲」前仗鄰近對手水準不弱，抽到內檔易發揮屬機會馬之一。「利圖」質素平庸，上仗跑啱衝落都係咁多，增程亦未見太大信心。
第三場 4班 1650米
「駿馬精英」連續數仗於3班此程追得勁，剛戰增程1800亦見追勁，今仗減夠分落4班操練更為積極，以往廐主最強以此手法交代，如「風雲」､「福到多多」､上季嘅「無雙小子」等，今場到位。「多勝熊」父系泥地較強，前仗雖然大敗，但剛戰初跑路面較鬆軟嘅谷草見狀甚適應，而且對手級別比此組強，可與前駒一爭。「神奇飛龍」不斷轉路程､場地連搏多仗，近況夠銳的，但實際上小休才能發揮最強威力，密跑下只作配。「齊歌唱」有中距離經驗而上季可於田草1400入Q，快馬唔多蔡明紹季內已曾替賀賢此情況下出冷，作保險腳。
第四場 4班 1000米
「勁啲啲」近4仗場場肯追，不論外檔內檔，今次5檔能機動切入2疊中置好位，預期今仗步速唔慢只要剛戰體力非要負出代價就可補中。「心甜意合」搏開齋交代後未見放緩，少有地馬房咁早5歲就想用得就用，未見斷繩可續跟進。「好利佳」上季尾一役已見追得甚勁，上仗久休復出轉彎蝕得太多才敗，今次1檔相對易發揮，如場地非不利亦有權爭勝。「有膽識」剛戰見學識留力鬥衝而非靠單一領放，11檔預期會蝕，但場地如非利內疊可爭入一位。
「權駿精英」剛戰3班田草跑近漸見適應，轉谷草可賺級數，居邊線。「創出商機」上仗田草應要跑得更好，就算跑返谷草首本用何澤堯欠安心。
第五場 4班 1650米
「自成一格」剛戰直路一度受阻勒避，其後能再以勁勢衝嬴，谷草此情況下再嬴唔常見，B欄12檔非大為不利，換來賠率更抵搏。「威仔皇」上仗兩度受阻，但騎者早已收慢基本上冇加入競爭，以往於華廐3班都能入位明顯現時於4班甚超級，轉用馬房愛將更似樣。「盈威勇士」此匹KEEPER子嗣增程轉泥地即嬴得甚易，似乎中距離更合發揮，而且同父馬不限於泥地，上4班亦未可輕視。「勇創潮流」父系Oratorio，同父馬谷草性能極出色，如「軍事出擊」､「萬眾期待」､「首飾多寶」等，本身此駒前仗跑3班田草1600賺慢步速下與「你知我嬴」不分勝負，轉場可出冷。
「馬得利」上仗唔易追的，增程或更好，但冇氣量經驗下難作一選。「必勝精神」前仗跑第4多匹馬受阻唔叻的。「金堡龍華」減夠分，跑此程比1200更合，如見馬房攻勢就可兼顧。「環保之星」開始適應，等換柏寶或馬偉昌。「甜情蜜意」剛戰沿欄衝落唔多，或馬性要外面衝先更順，今次2檔繼續入面走多。「小林夜雨」上仗亦受惠於多匹馬受阻，不宜高估。
第六場 3班 1650米
「非常精」大前仗直路幾步能衝過「晨采」此匹早已於谷草有好表現嘅馬，明顯場地適應不成問題，前仗末段受阻，剛戰更於當日不利外疊場地追得甚好，同跑線另一場衝得勁嘅「永勝多」再出已補中，起用郭能5檔嬴面高。「幸運金龍」連續兩仗前段交出快步速下末段反撲衝前，快馬唔多下李寶利騎前領馬更硬淨。「智高星」前仗賺場地下嬴得非常出色，剛戰步速或跟得較急下轉彎拉慢雙重不利因素下才失Q，用杜利萊戰力不減反增。「精彩生輝」3班絕對夠能力，剛戰輕鬆於大外疊一衝而過，姿態出色，仍須兼顧。
「太奇秒」上仗段段於3疊快跟超兩班才可克服，今仗轉用祁義理，續用前領跑法更可爭冷位。「叫關快」剛戰柏寶發揮有如神助，上3班轉人就難以一爭。
第七場 2班 1800米
「友運行」出道5仗只於剛戰出閘失利先失前3名，極慢步速下於內疊以22秒末段力追一席第4，今季久休復出後出賽頻率正常，忠心馬而且有級數轉場仍好，B欄中距離不懼12檔，半冷更值搏。「四季」前仗指標賽事，與「牽動美麗」一齊以偏快步速領放只負於兩匹後追馬，而後駒再出能於百年紀念瓶入位，上仗嬴來有餘未盡，隔3星期先出夠休息期，承勇再搏。「君河」剛戰沿途留後遊走，直路拉唔住一鬆即以勁勢追近，今次賽前續有大閘，因應快馬唔多跟返前有力一爭。「威利加數」上季走不利場地以第4名僅負於「包裝博士」，2班必留唔住，上仗健康影響久休復出蝕分跑級際賽熱身尚見肯追，今季數匹東廐馬熱身後能大幅變身如「超級精神」，只要谷草適應隨時橫掃。
「喜競寶寶」大賺慢步速只與「勁高手」不分勝負，要搵位遲發力嘅「同個世界」輕鬆衝過，跑返谷草未見信心。「福到威威」上仗轉彎拉得甚慢唔發力，直路衝落尚可，但此組較強未揀到。「爪皇豪火」具田草中距離級數，但跑田草時稍有唔就嘅際遇就已經追唔到，轉谷草此跑法問題更大不易突圍。
第八場 3班 1200米
「衝線」5歲先作首仗出賽，成熟進度已十足，熱身後上仗於冇偏差場地以快標準時間3線收韁嬴馬，而當日所有場次均慢於標準時間完成的，屬出色頭馬，今次11檔B欄未必蝕底，值得一搏。「真誠真意」剛戰小休復出，受阻下未能與頭馬一爭，但見過往能力熱身後或可程現威力，12檔與前駒鬥爆爭勝。「萬醒駒」今季集中田草出戰，雖然冇上季時咁銳，但谷草3戰1W2Q，除初出一役外其後入Q只負於「一寶」此匹2班馬，可能係其中一匹谷草能力甚高嘅馬，馬房有馬配合不可不防。「奇勇」2戰未敗，由1000增程1200難度雖甚高近季未有馬於此情況下嬴，但上仗內疊緊迫下好多質新馬都唔肯衝的，此駒竟能初跑谷草就能鬥嬴，尊重不敗熱亦未能捨棄。
「好精神」上仗末段受阻，衝落唔係冇勢的，邊線可爭勝嘅馬之一。「時時攞彩」剛戰被貶落季席，本身取得嘅亞軍名次非僥倖的，T/F4尚要兼顧。

賽日重心兩隻WIN晒 加 重心場次中Q！個人投注策略則尚待改善！星期日再續！

賽日提供：今季第3次使用田草B跑道，季內2次此跑道偏差甚大，內疊馬擁極大優勢，外疊馬要到中長距離才或有機會稍減劣勢。

全日勁中 6Q 7PQ 2T！

賽道分析：谷草C欄內疊馬稍有優勢，沿途1､2疊尚可但走3疊已蝕得甚多，季內近3次同一跑道有2次先腳馬甚為有利，即谷草BOX SIT好位跑法將有機會成是日最有優勢馬匹，可評先。




重心場次：


第三場 4班 1200米 「叻先生」回光終抽好檔


「叻先生」上季拼搏甚多，打疊9場取得4W4Q1T，之後上3班體力連拼下終頂唔住，到今季初一直密跑減分，至前仗270場次，當日賽前小休一個月出賽，排11檔大利內疊場地下沿途三疊爭入爭席，顯然回勇，上仗C+3跑道偏差雖不大，但前段多匹馬搶前下用力走3疊望空，直路仍有勢上前，最後幾步唔夠位收慢取得第5名，兩次11檔不利情況下都跑得甚好，今次3檔預期步速唔快，可切入守「咁都得」後面，甚至「銳不可擋」搶前守2疊機動位亦可，同主馬4匹季內全未交代，而且「勇先生」都搏咗多仗都輸際遇，今次黃金機會必把握，作膽極穩。
「紅衣精靈」跑谷草轉後追跑法試出彩虹，上仗負頂磅能以22.15超強末段追入季席，連上季「奇葩」當銳追嬴谷草一役末段都係造22.21，今場小負5磅預期會蝕仍有力爭入一席。「咁都得」上仗於無偏差場地放慢步速頂到一席第3，最後2步先被追過，雖然對手唔強，但今次又冇快馬在陣，可輕鬆領放爭冷位。「勁感」初出追一段不俗嘅22.57，但今次增程步頻唔同要考驗，加上睇血統泥地才勁，成熱止於拖保險注。「盈豐快駒」上次2疊稍蝕仍嬴得輕易，今次排檔內移賽前備戰未放緩須繼續兼顧。「銳不可擋」季內此程取得1W1Q賺場地賺慢步速，上仗於不利外疊望空衝落只不過不失，不過今次又有返內檔好位形勢，仍可拖。

投注策略：
W/P 7.叻先生
Q 7.叻先生 拖 1.紅衣精靈 3.咁都得 6.盈豐快駒 8.銳不可擋



第五場 1班 1200米 「威威具星」穩奪4捷


「威威具星」打疊3仗不同路程場地嬴得輕易，前仗1000直路前速唔弱而末段仍甚勁，今次只要出閘順順利利就可篤定4連捷。
「一寶」季內未交代，戰意濃，前仗就能力拼實力指標「風之子」，但上仗走2疊相近形勢下失Q頗失望，今次攞到咩位好睇內外「威威具星」及「讚賞」早段取位，可爭欠穩而已。「鵬力洋洋」好返好多，上仗不利外疊下轉彎移到最出衝，唔係冇勢的，刻意報短T/F4必要拖。「帝國勇將」剛戰縮程衝落勢頭明顯不及「帝豪駿駒」同「大把在手」，就算跑短200步頻唔同都唔應該差咁遠，有內檔之利才拖返。「讚賞」剛戰田草1400快步速領放都唔斷，入彎仍係2疊的，今次雖排外檔，但預期「錢照嬴」及「紅衣叻叻」前速極快扯散馬群，佢有機會切入BOX SIT位一如前仗般大賺爭勝。「帝豪駿駒」回勇，過往1200有基本速度守BOX SIT好位的，上仗衝22.35取得季席狀態回升，同屬可爭一席之機會馬。

投注策略：
W 5.威威具星
Q 5.威威具星 拖 3.一寶 7.帝國勇將 8.讚賞 10.帝豪駿駒



第七場 3班 1650米 「安賞」獨忌「帝豪神駒」


「安賞」除初出一役走不利場地跟跑外，幾乎仗仗肯鬥肯衝，3歲愛爾蘭馬能於2200米大長途轉彎發力連衝2段快時間嬴表現極出色，前仗轉田草偏慢步速下能與一哩經典盟主「大運財」拍住返，彈甩實力指標「友運行」，當日同樣跟前賺而之後可提升名次上名嘅「陽光普照」該役完全冇得跑，剛戰早段超快步速跟前，與經典盃亞軍「總統之光」､第5名「華美之星」一齊早於200米就收韁，而頂得住快步速嘅「魅力知己」更嬴埋經典盃，今次轉返谷草落3班跑，對手弱返一大截，配安國倫半冷比用韋達成熱更好，11檔內側快馬唔多可早早切入2疊，轉彎發力致勝。
同場最大對手「帝豪神駒」，上仗轉谷草早段快開下末段貫注力仍強，初嘗勝果後此類馬可續有好表現，上週日「智勇福駿」就是如此，今次4檔可輕鬆跟前賺埋慢步速，與前駒一爭冠亞。「皇龍戰駒」休個半月復出表現不俗，名次上只得第5名好似唔算突出，但對手包括「海鑽石」､「芙蓉之寶」､「勁勢」等田草具級數嘅馬匹，今次3檔用基本前速已可守BOX SIT，或係高柏新送比祈義理薦行。「闊袍大袖」韋達天仙配，5次2冠3位，上仗冇偏差場地追入一席第3，轉彎蝕得頗多的，「龍騰虎震」都唔夠衝，6檔易於取中置好位，機會馬之一。「魅力星」剛戰追得不俗，但9檔慢步速李寶利轉郭能信心稍減。「豁達瀟灑」､「龍騰虎震」321場次一齊用力甚多，步速場地都唔就之下要爭入一席都絕唔容易。

投注策略：
W 1.帝聖神駒 4.安賞

Q/QP 1.帝聖神駒 4.安賞 2.皇龍戰駒 6.闊袍大袖


其餘場次：

第四場 3班 1200米 「愛寶駒」強組FORM LINE


「愛寶駒」大前仗放啱分配嬴馬，姿態唔辛苦蹄下敗將包括再出嬴馬嘅「衝線」，前仗跑田草1200再放啱步速，更賺埋場地，驟眼睇有D失望，但原來頭4名水準極高，包括轉倉後不敗嬴上一班嘅「太陽好好」､未失Q嘅「小母牛」､剛於田草1400以出色時間嬴馬嘅「夢仙」，轉返谷草已夠晒爭，9檔冇咩極速快放之輩，能切入2疊就可坐位望嬴。

投注策略：
Q/QP 2.愛寶駒 拖 5.沙紙 7.天賦傳奇 9.真如燕


第六場 1班 1650米 蔡廐雙龍出海博你唔信


「傲男」近兩勝泥地姿態出色，草地雖然冇咁突出，但並非唔識跑之輩，前仗出爭谷草1800米賽事，當日段段均速「同個世界」都唔到，佢走三疊可保一席第4力克香港金盃亞軍「滿綵」，足證馬正在勇點，上仗嬴完泥地加分，轉返谷草起用7磅仔抵消評分加幅，同場馬快馬唔多之餘多匹已從高點回落未跑得返，如「家樂飛」､「火龍駒」等，切入守好位可再爭勝。
「安穩」前仗出彎走5､6疊，當日大利內疊馬，末段仍肯衝表現唔差，剛戰田草冇望空跟跑一場，今次回谷草有賠率可搏，對手唔強或能與同廐馬一齊突圍。
「卓爾名駒」此程3戰1冠2亞，腳患馬必把握每次出爭機會，上仗田草早段嚴重勒避，尾兩段竟可造23.04-22.68甚佳締速，回谷草腳唔痛此組就可爭。

投注策略：
Q/QP 1.傲男 3.卓爾非凡 10.安穩

賽前3隻重心獲1W1Q1第4！
「叻先生」W68 P19.5
「威威具星」P 11.0

全日只獲2Q 3PQ，週六再努力！

賽道分析：田草C欄一向偏差不大，外疊馬與B+2跑道相若而比A欄稍蝕而已，實力行先而天氣正常下內外疊分別不大。



重心場次：
第一場 5班 1400米 伍廐強勢頭炮「駿」擊


「駿盈」季初積極減分，減到上仗才重戴眼罩，當日C+3跑道壓地前內疊馬甚為有利，此駒轉彎蝕位甚多下竟能貫注到底，交出23.2末段追過入面賺場地嘅「春風得意」，後駒再出谷草已補中，明日排4檔只要出閘順利，因應慢步速守於5-7位2疊機動位置已可奠勝。

投注策略：
WP 8.駿盈
Q 8.駿盈 拖 2.文武精神 5.電訊超星 9.金玉之光
第一口孖寶 頭關 8.駿盈 次關 2.軍士 13.鼓浪春風 3.非洲之光


第二場 4班 1600米 3強鼎立，伍廐延續「軍士」攻略


「軍士」上季快步速下只負於當日賺咗嘅「豹顯神駒」，最後一仗更能嬴回勇嘅實力指標「印度光輝」，足證4班級數能力，季初一連兩仗跑得好，場次44更只負於2班頭馬「得男」及3班中級嘅「綠色威」，剛戰久休2個多月復出，出閘大漏下轉彎移出當日甚不利嘅外疊衝刺，仍交出最快末段23.48，同跑線嘅「喜發龍」再出增程取得季席，賽前強組試大閘最重要睇起步，今次出閘順利就可出冷。
「鼓浪春風」大前仗沿途外疊遊走能擊敗之後大勝嘅「愛蓮說」，表現討好，升上4班一樣掂，偏快步速賽事下能與「喜樂洋洋」一齊衝返終點，後駒亦已補中，泥地回氣後今次再報田草1600，有力與前駒一較高下。
「非洲之光」上場跑得返上季尾打疊嬴嘅水準，以「福譽」前仗彈甩嘅表現，此駒只負1 1/2馬位能壓倒「多豐裕」表現唔弱，今仗實屬爭勝機會馬之一。
「友誼大使」連番追得不俗，剛戰便是2月12日內疊有利偏差而從外疊追得好，但成熱只合作副選。
「新標誌」弱組嬴完一仗，剛戰賺埋步速都不及「友誼大使」，有內檔賺步速都唔睇好。

投注策略：
Q 2.軍士 3.非洲之光 12.友誼大使 13.鼓浪春風
QP 2.軍士 3.非洲之光 13.鼓浪春風


第十場 二班 1800米 「牽動美麗」靠伍廐「得男」


「牽動美麗」昨文已多返指出級數及其能力，不作多提，今仗預期慢步速賺跑法下作膽最穩，力爭第二捷。
「得男」今季健康養回表現甚銳，取得3W1Q1T，就算唯一落敗一役表現亦好，當日A+3跑道外疊極不利的，結果該場與一齊蝕「爪皇豪火」再出可包Q，今次對手都係果堆必要兼顧。
「爪皇豪火」2班中距離有足夠能力企穩陣腳，但相對用力較多作配較合。
「喜喜精神」上仗壓地後外疊雖冇咁不利，但段段快跟下負133磅直路拋離對手爆出大冷，早前已見不俗表現爆冷並非冇績可尋，今次回2班作賽轉梁家俊，冇郭能此硬功師傅幫手，但如釋重負只負113磅，肯前置就可繼續爭功。
「勁高手」上仗差到唔似真，上季亦曾試過輸遠再出入Q，不妨拖返注。
「事事為王」初出受阻，剛戰多操上力下蝕慢步速形勢，交出全場最快末段22.27，但個人覺得慢步速隻馬超級應可追得再好，今次又成熱唔值搏，為打比今仗都唔會同你盡拼。

投注策略：
WP 1.牽動美麗
Q/QP 1.牽動美麗 拖 3.勁高手 6.得男 7.爪皇豪火 11.喜喜精神


其餘場次：第五場 3班 1400米 「好心思」今季終於出頭


「好心思」初出熱身後4仗取得3亞一季，上仗負頂磅直路內疊取位不順下締速竟達22.05，表現甚為出色，今仗C欄11檔考驗唔會太大，但隔晚見2倍已反映突，始終有內檔能爆得勁嘅「金鎸龍華」(今仗步速慢有權守BOX SIT位)，亦有2匹初出自購馬「大寶庫」及「御皇鷹」，觀賞價值較高。

第八場 公開賽 1400米 港隊強陣與你「一言為定」穩奪港澳盃


「一言為定」與「太陽好好」賽前諗咗好耐邊隻首選，前駒事實上要搏嘅冇後駒咁多，但投注上卻可一拼兼顧。先講「一言為定」，前仗1月27日B跑道中大利內疊馬，當日只得此駒及另一場「喜勝多」能於外疊以勁勢追入一席，結果此駒再出極慢步速衝21.6獲亞，「喜勝多」更蝕住嬴谷草中距離賽事，反映水準甚高，賽前拍跳多課先出戰，半冷比「太陽好好」更抵搏。後駒轉賀廐後4戰4捷，剛戰利內疊下轉彎走5疊以勁勢衝過新星「小母牛」，以往跑過1400有氣量經驗，當然比初次增程好，但換人排9檔預期步速唔慢，如果沿途外疊考驗氣量要求更大，無疑上仗表現極出色，5倍個人仍覺得值搏但實在冇前駒咁穩陣。
「蓬萊仙子」剛戰快步速沿途於內疊頂住廐侶「讚賞」，最後百幾才望空兩步就追過，而且姿態係拋甩對手果種，現時能跟擅鬥，於此組仍有利，4檔快步速更啱發揮，難以捨棄。
「超皇鷹」受阻後追入一席第4，爭D墮馬都要撞開搏位就知幾想交代，望空勢頭唔算勁始終直路中段擠碰頗多，今仗再有內檔，必力圖衛冕。
「綠色好」蝕快步速走3疊頂得住一席第3絕唔可以睇先，唯一壓地後外疊冇早段咁蝕，今仗屬機會馬之一。
可同場比較就係「幸運雄威」，直路移出最外疊衝刺甚強，如非內閃對頭馬威脅應更大，不過今次重戴季內表現欠佳嘅單邊眼罩，似乎不及「一言為定」值搏。
外隊馬實力最強為「肯定嬴」，睇返最後一戰春季錦標早於內欄領放，轉彎突然加速拋離對手奠勝，當日內欄早後段都見有優勢的，今屆港隊實力甚強非易突圍。


投注策略：
WP 4.一言為定
Q/QP 4.一言為定 拖 2.蓬萊仙子 7.綠色好 10.太陽好好 11.幸運雄威
第八口孖寶 頭關 4.一言為定 10.太陽好好 次關 3.小宇宙 6.善寶

成績大倒退只得2Q2QP，小休後週三加倍努力才可！