第二場 5班 1200米

8.團隊精神 11.卡加精神 3.聚豪精英 9.連戰連勝

團隊精神已屆八歲之年，每季季初經過一輪減分期常有不俗表現，上季就於1月中時候開始3度於3班入Q，今季初出以頂磅入Q後密密跑減分，與當時相距已減十分，上仗排12檔早段局住留後追，雖賺有利場地，但於步速極慢之下，怎料可以22.64o既後勁威脅再勝o既日月暉華，再出於泥地上名o既好利佳及潛質優厚o既好香港，今仗3檔可再用過往前置跑法致勝。
卡加精神於大前仗122場次再現追勢，不明騎者為何直路一路騎一路望入面，而冇全心全力追趕，上仗排不利9檔，當日外疊場地不利，但仍可與於田草補中o既卡加大師同到，復課滇仔包辦近兩星期o既快跳､踱步功夫，若場地偏差不太大就有機會可與前駒爭勝。
聚豪精英亦已八歲，但表現卻能常帶出驚喜，季初更能2勝4班賽，前仗小休復出排11檔，此仗前4名全部入直路前都係貼欄於直路才拉出追趕，敗不足據，上仗泥地直路移出走勢尚可，回獅過往2w1p o既谷草1200有幸搵到黃金一檔，跑出水準就有機會以季內嬴谷草o既前置跑法爭位。
連戰連勝上季段段快排外檔亦能刻服4班賽，賽後一再睇片此馬配蘇狄雄搏殺時常出閘就揮鞭搶欄領放，失準時就了解到真正原因，今仗5檔只得一匹神童會用放頭跑法，如幕後出擊就可直領到底，由於戰意難明，作配會較安心。

第三場 4班 1800米

4.金瑞 1.十足十 3.勝利就手 6.智財

金瑞大前仗泥地1800大利貼欄前置，以為水準不高，怎料次仗可於谷草1650快步速轉彎走4疊下仍能壓倒幸運勇士跑第2，上仗增程1800就預期賺慢步速下直領到底，今仗刻意等1800再出擊，體重輕12磅但同大前仗相若，體力應能保持，再賺慢步速坐二望一。
十足十季初於3班熱身幾仗後上仗回獅谷草即係不利場地追得第3，前二馬金瑞､精密紡大賺慢步速，同日亦有尾場自由勝走不利場地追得好而於田草1400也差點補中，今仗排8檔但前領馬不多應可切入2疊與前駒爭勝。
勝利就手前仗係轉彎加快不利追o既步速走大外疊追，再睇鄰近對手原來再出已大幅提升名次，包括帝豪名駒､雪山神駒､十足十､揀得正，水準實不差，上仗直路被迫走內疊不利場地所負亦不遠，事實上直路曾一度出頭，今仗排5檔應會比電訊至尊快，就算勁擊積極取位都能守2疊，與廐侶不分正副出擊。
智財於169場次走不利內疊追得甚為出色，之後每隔6日就再跑，未知係咪體力問題所累，今仗刻意休一個月才出，不必介意操得比較疏落，胡森o既馬一向如此，排12檔成冷勿盡忘。

第四場 4班 1650米

4.奄尖大少 7.浦東之威 2.白蹄烏 3.閃耀小子

奄尖大少初出操練積極，賽前試大閘､拍跳而能負給於3班上名o既南陽望族及壓倒嬴3班o既雪山神駒，季內除眼罩排2檔即嬴同程，上仗賺內疊場地但直路未望空都有如此追勢，小休個多月再次做埋大閘､拍跳先出，排3檔預期可守開心歡樂後面，對手不強，嬴面壓一。
浦東之威連續兩仗於同程入Q，上仗雖受同廐主甚有關係o既韋達讓路領放，但步速段段快下只負於新力多蹄下，今仗9檔內疊得開心歡樂會前置，好大機會再賺形勢穩入一席。
白蹄烏上季大勝濕慢泥地大幅加分，今季於正常泥地都冇甚表現，前仗於谷草轉跑法只能得一席冇威脅o既第5，怎料上仗一轉跑法竟能於極慢步速賽事下一追而過，對手南陽望族雖預嚴重意外，但以後駒能於3班奪亞計水準絕不差，埋門同上仗一樣跳三段先跑，跑o岩形勢亦可一爭。
閃耀小子季內輕勝谷草1200，嬴弱組後加磅便只能取得一席恰可o既第4，上仗增程預期賺步速形勢亦有選，事實上賺步速下o既第2名只不過不失，今仗賽前收埋操近兩個月，並兩試大閘再出，如進度有所提升排4檔就可再賺前置跑法爭勝。

第五場 3班 1200米

1.勁有盈 5.喜來仙子 2.駿蹄飛 6.綠色好

勁有盈轉伍廐後表現再進一步6戰2冠3亞一殿極準繩，有再進一步之感，過往一再沿途走外疊段段快都唔斷，近兩仗跑谷草1000前速唔夠快下仍能以後上跑法克勝奠勝，連搏兩仗後小休一個月跑返過往都有好表現o既1200米，5檔應可同海之宏一同切入走2疊爭季內第3win。
喜來仙子前仗谷草1000走勢初現，上仗增程1200只負3/4馬位得第4，同自由勝走不利場地及後駒頂磅下比較表現只不過不失，幸好今仗續跑同程強配紀仁安，更抽得2檔好位，以告東尼對質新馬o既急進手法，過往有走勢就必要兼顧。
駿蹄飛於吳定強馬房預期都會減分慢慢用，此馬房馬匹大多評分有唔少係手，上季就可於3班賽嬴當時甚銳o既威威財星，今季馬主可能已唔想再等，轉沈廐一試，上仗未轉馬房時已於當日偏利內疊o既場地於大外疊跑得不俗，今仗埋門用埋沈廐必殺操練才出，預期有快步速幫助下有機會刻服12檔爭位。
綠色好為初出新馬，同父馬係香港賽績極好，包括陽明飛飛､太陽好好､自由港，今季一早已做拍跳功夫，3試大閘及谷閘，4歲南半球馬亦成熟已足，唯一外地跑開左轉初跑右轉排9檔須遇考驗，配腳才考慮。

第六場 3班 1000米

6.綠色寶 11.祥禎 1.紅衣叻叻 9.幸運多寶

綠色寶血統出自泥地種ELUSIVE QUALITY，季內熱身3仗走勢漸好後轉泥地即輕勝，次仗再跑同程排外檔局留後轉彎走得急下不敵直路才追趕o既俊威威，事實上泥地跑得好o既約1/3跑谷草亦不差，因為谷草場地較鬆軟易於泥地馬適應，而季內亦於谷草展現追勢，今仗快馬極多，2至5檔都會搶快，排6檔可切入賺步速追趕。
祥禎季內6仗全跑谷草1000得1win2Q1p2第4未失前4名，上仗更守嚴重意外影響須於彎位移出外疊走避，入直路後卻可比冇受意外影響o既競駿寶寶好多倍，排12檔但步速夠快，復課亦見紀仁安積極一手為此駒親踱，最大機會與前駒爭勝。
紅衣叻叻季內只以前仗跑得較好，當日不利內疊而此駒過往亦以谷草1000較好，放得一席第4已可接受，回顧上季此駒未必一味靠放，有2檔之利可守box sit讓多駒搶散後直路才出擊。
幸運多寶於4班賺有利場地輕勝，怎料上仗增程升班於不利場地步速快都幾乎能再勝，用力極多下兩個星期後再跑，復課又唔見近兩場賽前o既操練，冇落草地只單跳兩段，預期會蝕快步速，所以只列第4選作配更安心。

第七場 3班 1650米

12.旅遊小子 2.魅力星 4.心中有程 8.威仔皇

旅遊小子季內初出熱身後演出準繩，只係黏地留係跑才失獎金，前仗於戴圖理出色發揮下便可輕勝4班賽，上仗上3班原本配吳嘉晉負超輕磅，因身體不適轉鄭雨滇沿途快步速鬥燒下只負於賺步速o既頭馬1 3/4馬位，表現極之出色，今仗可重配大前仗已於田草為其上名o既十磅仔少負8磅，排2檔可等重戴眼罩o既心中有程先走跟守box sit，預計後駒會以最佳均速跑法帶領，轉彎加快下佢亦可賺形勢下爭勝。
魅力星今季表演持續進步，常可守好位直路展開強勁衝刺爭勝，上仗直路迫夾下亦能與走較好場地o既馬匹跑得甚為接近，今仗小休後第2仗體力正強，馬房一手馬配合而來，抽到黃金一檔可守旅遊小子或心中有程之後爭季內第2win。
心中有程於89場次段段快放而只以短距離負於步速､場地相對有利o既魅力星及帝豪名駒，上仗騎師賽係日本騎師手上留守中間位置未能盡用其均速本能，今仗只得旅遊小子會夠快，重帶眼罩亦可望走得更集中，於上手馬房重帶眼罩亦曾於騎師賽日變身爆冷，今場三大勢力之一。
威仔皇一再可於轉彎減慢時係外疊發力衝兩段爭前列歸來，今季亦未曾輸遠，係華廐o黎講算非常穩定，而且尚未交代，以上仗可比當時81分o既邦先生走更外疊而同過終點，雖受讓17磅但於此組亦可夠用，排位朝更積極到落草地跳兩段，今季都未試過如此積極，唯一怕步速轉彎加快佢就會好難於外疊追得切，作保險腳更安心。

第八場 2班 1650米

2.千杯不醉 5.好好彩 7.邦先生 11.愛睦善

千杯不醉今季轉薛廐每場都能交出一段凌厲後勁，每仗都以全場最快後勁追上，上仗亞軍開心老友早已於前列操控步速轉彎走，前駒竟可於谷草1800米以23秒末段於大外檔追嬴，同場第3名續領風騷回田草嬴強組二班賽，加上當日騎師賽走內疊相對有利之下都能以前走位勝出，配馬房愛將之一安國倫負中磅無須擔心，唯一問題係馬房今季除好球轉場地縮程成功外，其餘今季表現甚勇o既新強勁､喜相逢都相計失準，總括而言以實力計仍應作首選。
好好彩上季於泥地1200能力拼富貴金龍，季尾因受健康影響跟跑一場谷草短途便休息，季內初出泥地1200表現一般，熱身後增程1650竟能大幅變身，於轉彎加快o既賽事中可走大外疊追得一席第3，同場前列馬匹全部一早守前置好位，當日外疊場地並冇大利，加上佢追勁比常於泥地衝得勁o既經典皇牌勁多倍，長力試準復課操足唔等月中過往跑得亦好o既泥地才出，同父馬傾力之城､火熱動感､甚至初出o既傲男都於田草跑得好，勿輕視。
邦先生轉谷草4仗跑同程得2冠2季未失前3名，而且走勢出色，有力接任為新一代谷草專家地位，3班上2班阻力不大，跑同程少負5磅，同場對手快馬不多，轉彎拉慢有機會像上仗般走外疊賺形勢爭勝。
愛睦善由4班開始於田草､谷草不同1400至1800都能經常上名，至前仗2班快步速同再出補中o既蓬萊仙子同過終點，上仗於過往亦未曾上名o既好黏場地才失準而回，小休近2個月埋門試埋草閘才出，配吳嘉晉配109磅超輕磅只要轉彎肯走好大機會再跑入前3名。

總覽：

谷草賽事通常由跑道形勢主宰賽事，偏差之大可以令一匹長期缺乏表現o既馬匹亦能跑入位置，故此，各位請謹記臨場因應偏差再作調整。
(以下分析為無大偏差下進行)

第一場 5班 1200米
2.都靈一號 4.普道馗 11.嘻哈大少 5.快意

第二場 5班 1200米
8.團隊精神 11.卡加精神 3.聚豪精英 9.連戰連勝

第三場 4班 1800米
4.金瑞 1.十足十 3.勝利就手 6.智財

第四場 4班 1650米
4.奄尖大少 7.浦東之威 2.白蹄烏 3.閃耀小子

第五場 3班 1200米
1.勁有盈 5.喜來仙子 2.駿蹄飛 6.綠色好

第六場 3班 1000米
6.綠色寶 11.祥禎 1.紅衣叻叻 9.幸運多寶

第七場 3班 1650米
12.旅遊小子 2.魅力星 4.心中有程 8.威仔皇

第八場 2班 1650米
2.千杯不醉 5.好好彩 7.邦先生 11.愛睦善

[ 本帖最後由 GR上杉圭 於 4-1-2012 05:20 PM 編輯 ]

引用:

原帖由 whatchee 於 4-1-2012 04:38 PM 發表
咁好心機，真系要俾個讚

謝謝

事實上逐場睇返D片､操練､同日比較､計步速形勢等等要用好多好多時間~
好處係自己每場都已清晰分析形勢，落注時都會比較容易~
寫出黎希望大家可以以不同觀點再結合自己心水去投注，好多時大家都睇到唔少報紙上OR各途徑取得o既TIPS大多數都冇任何理據支持，希望往後有時間繼續持續落去做分析。

第一場 5班 1200米
2.都靈一號 (Q) 4.普道馗 (T) 11.嘻哈大少 5.快意 (F4)

第二場 5班 1200米
8.團隊精神 (T) 11.卡加精神 3.聚豪精英 9.連戰連勝

第三場 4班 1800米
4.金瑞 (Q) 1.十足十 3.勝利就手 6.智財

第四場 4班 1650米
4.奄尖大少 (Q) 7.浦東之威 (T) 2.白蹄烏 3.閃耀小子 (F4)

第五場 3班 1200米
1.勁有盈 (Q) 5.喜來仙子 (F4) 2.駿蹄飛 (T) 6.綠色好

第六場 3班 1000米
6.綠色寶 (T) 11.祥禎 1.紅衣叻叻 (Q) 9.幸運多寶

第七場 3班 1650米
12.旅遊小子 (T) 2.魅力星 4.心中有程 8.威仔皇

第八場 2班 1650米
2.千杯不醉 (F4) 5.好好彩 7.邦先生 (W) 11.愛睦善