西甲同意甲今晚開快車，今期「6寶半全場」亦以這兩個聯賽做主打，分別玩三場西甲同三場意甲，戲碼唔錯，今晚凌晨2時截止投注。由於上期「6寶」只得半注中，今晚共有四十八萬七千餘元多寶獎金，各位又有發財機會。

　　今期「6寶」頭關為西甲（三）8貝迪斯對維拉利爾，第二至第六關全部有強隊列陣，計有巴塞、AC、國米、祖記同皇馬，真係星光熠熠，其中巴塞同祖記主場出擊最令球迷放心，呢兩關單選「和主」好路。至於其餘幾關都幾考功夫，要雙選或者三選先至可以搞得掂。

今期「孖寶半全膽」繼續玩英格蘭聯賽杯，今晚凌晨2時45分截止投注，頭關車路士對查爾頓，尾關甘士比對紐卡素，車仔同紐記贏面高，毋須刻意求冷。