現時係 2000 歐洲國家盃翩版 ...
當時四強：主辦國(荷蘭) v 意大利；法國 v 葡萄牙
=> 決賽：意大利 v 法國
=> 冠軍：法國

現時 意大利 已淘汰 主辦國(德國) 入決賽 !!! 今晚還看 法國 可否擊敗 葡萄牙 !

施丹 上仗突然番生，帶起成隊 法國，防守方面，法國一向都穩健(只要 巴夫斯 唔好傻)，今晚我覺得佢地唔會輸 !

費高 會唔會好似 施丹 咁突然發顛 ?! 我覺得可能係勝負關鍵，不過機會應該唔大 ! 葡萄牙 前鋒線係最弱一環，得個二流貨色 保你大，要入波都係要靠一班中場球員。

兩隊勢均力敵，又係五五波，大家都冇必贏把握，攻守能力都差不多，又 0-0 打加時 ???

如果兩隊防守力都差唔幾，法國 o既創造力同把握力應該會高少少 !

引用:

原帖由 馬神 於 5-7-2006 10:26 AM 發表
我鍾意葡萄牙多D!:em42:

客觀 d 以賭波角度睇，其實同昨晚 德國 v 意大利 一樣，因為勢均力敵，亞洲盤邊隊受讓都比較值搏 !