17/07/2021 TKS 2 vs Stray Dog 800 draw 3:3 賽後報告 ( 硬野 )
對賽往績
17/07/2021 TKS 2 draw 3:3 - 15 / 11x2 ( 36 )
16/02/2019 HV win 5:0 - 11x4 / 14 ( 9 / 11 / 21 / 16x2 )
17/07/2021 賽後報告 ( Chi Wai )
賽前傳出不利好消息，費占近期打邊爐打到胃痛，無胃藥下頂硬上，隊友們因此士氣降低
賽事開段二打六嘗試盡快取得入球，積極進取攻門，可惜面對對手高壓迫搶，控球權好快變成三七比，二打六中路無空位轉身下要由後防長傳到前線，可惜對手後防企位一流，難以突破，到半場前都只有靠撚王rick難得幾次突破做出攻門，其餘時間二打六都只能夠安份防守，而面對對手既矮腳前鋒華麗轉身，加上兩邊兩翼落低出波，半場成功攻破門神貴大門兩次(當中一球志偉不能不出腳情況下踢入己龍) ,半場完二打六無奈落後兩球，加上鐵牆4哥奮力防守下拉傷小腿，發哥未傷好都要出黎頂硬上。
半場休息二打六吉祥物副領肥包皮終於趕到，搞笑本色令一眾隊友好似忘記左落後緊兩球，笑聲令到隔離對手心諗你班外賣仔係度玩咩把戲。
下半場開段開段基本同上半場差不多，二打六都係比對手㩒住嚟砌，可惜面對二打六既銅牆鐵壁，左封右擋，久攻不下之際，一次反擊撚王rick終於靠撚手招數成功追反一球。可惜對手好快又射入一球，輸到1:3 , 不過二打六全隊並無因此放棄，反而士氣大增，有你無你打死擺就既精神，終於一次防守成功下門神貴接實波後快速大腳傳比大蛇，可惜大蛇跳到盡都掂唔到個波既環境下fake到對手漏頂，皮球幸運落入壽星仔鏗哥腳下，轉身推左兩腳下見對手龍門企出左就笠射入網， 追到2:3 , 二打六乘勝追擊，搶返不小控球權，終於完場前不久，靠一次角球大蛇開出，但非常貼門，對手門將以為輕鬆接實之際牛油手出現，皮球落到撚王rick頭前，忍住道力頂左入網，3:3!!!!!! 完場。
全場分析二打六全靠打不死精神，就算多方面不利好消息，仍然保持高昂士氣，加上吉祥物半場趕到，面對實力比我地高既stray dog都能夠力追打成平手，好波兄弟💪🏼
費占叫我揀MOM , 我原本想今晚全隊都係，可惜佢話唔得， 所以大家都打和
** 17/07/2021 attn : 9 / 25 / 10 / 16 / 36 / 21 / 32 / 14 / 5 / 15 / 4 / 11 / 17
[ 本帖最後由 no.14 於 27-7-2021 12:19 PM 編輯 ]
