唔想再聽周榮澤講馬啦!!!

賽馬資訊, 上網大把, 6蚊雞買份馬經乜都齊,
而家馬會對馬匹資料亦做得好齊,
操練, 分段, 賽事報告, 獸醫報告做足, 不需勞煩馬評人幫大家重覆講多次

就以今日d馬為例, 周榮澤曾在第二場話:
   "霍利時手馬大多體重比以前高,
    唔知馬房發生左咩事, 可能轉左食料"
單就呢幾句真係聽到火滾!!! 點解? 皆因周生浪費晒我o既時間!!!
霍利時今日出馬9匹, 其中4匹重左, 另外5匹保持, 何為大多數?
阿周生你仲意隻超勝冇問題, 但唔好用自己o既幻想去解釋一d不明o既轉變, 自圓其說,
"唔知馬房發生左咩事, 可能轉左食料", 我都識講,
點解唔話因為跑星期日, 馬匹磅體重時間同平時跑夜馬唔同, 所以有出入?!!
大家仲記唔記得, 有幾年馬會搞即場體重果陣, 乜馬過跑馬地都輕十幾廿磅!!
估出黎o既原因有好多, 講到真o既一樣都仲得,
但馬評人臨場係要講出隻馬如何, 呢樣係佢地o既本份,
超勝出黎行圈有冇肥到? 隻馬到底肥左定壯左? 周生隻字不提

我唔係針對佢一次半次黎講, 事實佢一而再照紙上資料講馬, 不過亦冇point!!
好似今日第8場隻好兄弟, 重左三十幾磅,
佢就只係話隻馬重左三十幾磅肥左, 反而隔離黃家豪都識講:
   "隻馬我都有留意, 雖然重左, 但身形線條, 水門, 頸位都起晒坑,
    肥就唔係肥, 不過隻馬分盡冇機會"
就算一隻冇機會馬, 都用心去研究, 然後將自己親眼睇到o既交代比觀眾,
佢o既同事做得到, 周生呢? 口啞啞

睇漏眼唔出奇, 揸流灘我都周不時, 但係知果樣就講果樣, 唔識就唔該收聲,
舉例今年告東尼好多馬體重都上升左好多, 跑到而家就知到係未到時候, 但季初真係要靠相馬專家提示,
又或者一d三歲馬初出, 比上季重左, 到底未得定大隻左? 兩個答案一個天一個地,
馬迷需要o既係呢d情報, 馬評人勤力定"握"飯食, 一聽就知