R6 三班谷草一六五零米
1 喜惑------田草評分無利,轉過來谷草弱組找出路屬明智之舉,季初初跑此程,起步失機後,沿途內疊追算不過不失,本生忠心肯跑,可惜整個十二檔俾佢,韋達連三捷的勁飛揚都唔騎,揀佢必有因,步速預計不快下,要寄望找到二疊位置才好跑是有難度的,但對手確比之前弱之下,拖腳是唯一選擇
2 玉峽生輝--今季轉倉後,表現持續穩定,告達理對年長實力馬保養確有一手,上仗慢放爆冷,耗力應不多,今仗再排一檔,快馬不多下,可守貼欄二三位,賺上仗同一形勢,負磅和上仗贏馬一樣,對手又是那一堆,只要沒疲態,發揮正常,三甲穩入
3 金堡龍華--又係呢隻神經馬,近仗又好似穩定返d,但賠率又變返熱了,排九檔又用埋巫師義,跑回季初一仗水準當然有機會贏啦,呢場水準極平均下,佢降班落黎跑真係機會唔錯,不過我都係唔鐘意呢類馬
4 帝豪名駒--評分差不多了,前仗重飛入Q,收獲應該不錯,上仗落飛卻是副車,今仗三檔,步速不快下有望貼欄跟前D,但亦只有位置機會
5 銘記心頭--初跑一六五零,湯志傑加吳定強,我投降了,不用浪費注碼
6 蓋世子牙--此程四冠三亞一季二負,路程專家非他莫屬,季初贏完同程後,轉跑其他路程旨在寓賽於操,今排四檔亦好跑,埋門彈細草閘,有出擊意圖,同樣貼欄等賺步速下,機會相當樂觀,何良全晚精兵制,相信應有王者興!!
7 勁飛揚----今季此程三戰兩冠一第五,同樣是路程專家,今仗負磅比上仗贏馬還要輕五磅相當著數,跑法機動而七檔亦不算差下,就算韋達棄騎亦應留意,唯旨今季搏得多下,體力是否可維持,上賽日就有同馬房的天外之天走樣,所以可拖勿膽
8 高一線----初跑谷草排十一檔實在攞命,加上此場步速預計不快,恐怕鞭長莫及
9 超群名駒--樣樣試過晒都唔出頭,係甘多料子啦,又做大熱門呀,我必對賭之
10 一團威---黎到呢個分,開始有得周旋啦,大前仗只負華美之星頸位,在此應該有得爭,而且此馬飛數偏熱,拖腳要預一注
11 漸信良駒--飛數反映機會,未係時候吧
12 睡得好----減夠分落四班好惡架,仲有成差不多半季,仲可以慢慢步署,不過四連環要拖定先,除時有機會鏟入黎
總結:又一場形勢平均的二三班混合戰,多匹路程專家互相較量,勝負取決於步速分配,玉峽生輝承勇再拚,步速形勢皆有利之下,首選之,蓋世子牙配合馬房攻勢,重返強項,機會樂觀,勁飛揚質新當起,力求挑戰眾強手,爭取此程專家地位,一團威重現生氣,黑馬份子!!
初步心水:玉峽生輝,蓋世子牙,勁飛揚,一團威
