巫斯義同太座攪緊離婚，但顯然冇影響到心情，今季呢位好手成績突出，外間就笑言佢要搵贍養費。佢\同相熟馬主講，現在揀馬盡量貴精不貴多，一來可以有最佳體力騎實力馬，其次亦可以保持高上名率。今次賽事，巫斯義在同場有馬揀的情況下揀左「華中寶」、「包袋福星」來騎，擺明心中有馬。另外，「紅旗威揚」同「創佳績」都四平八正，隨時又贏幾場。(頭條馬網)

「華中寶」、「包袋福星」~下次自揀馬留意!:smile_39:

[ 本帖最後由 社排2 於 27-10-2006 09:02 AM 編輯 ]

胡森轉勢搏金枕

胡森改名後果然有馬贏，據悉練者以高價搵高人改名兼睇風水，雖然馬狀知道賽前馬房信心一般，但有馬贏總好過冇。今次練者最想交代的，就梗係頭場隻「盈峰」，加眼罩、配韋達，連同廄主改名都做齊，再唔贏馬主都話會幾失望。另外，「金枕」狀態都話係季內最好一次，已叫定龐太著靚靚拉頭馬，呢個馬主出名闊綽，若贏馬派紅錢，一鋪都夠和味啦！