我個人比較傾向維拉利爾，因為阿仙奴今季作客戰績好差，而今季歐聯所贏對手只係杜安、阿積士、斯巴達、褪色中的皇馬及態沉的祖記，當中對同係西班牙球隊皇馬，兩場主客比賽都是比較處於下風一隊，若非享利這位阿仙奴救世主的一球世界波，相信未必能過皇馬這關。
維拉利爾近三季進步神速，論實力巳列入西甲上游之列，今季歐聯對住英超球隊如愛華頓及曼聯等都可保持不敗，上一圈亦是作客落後之下，返主場贏國米進級。而且今場波壓力一定在阿仙奴一方(因維拉利爾基本上已經超額地去到四強，反而雲格常將歐聯夢掛在口邊)，究竟阿隊班年輕球員喺作客情況下，能否承受強大壓力踼出水準呢？這點大家值得深思。
平手盤下一定揀維拉利爾班兄弟波，因喜歡隊中無大牌球星，球員唔獨食，有默契，夠齊心，大部份又係失意軍人，今晚一定大打爭氣波。
