第八場，「常歡笑」，父系出自 Happy Giggle，祖父為 Rory’s Jester，屬有速度的短途馬。而「常歡笑」與「飛駿寶」同母，「飛駿寶」在外地一戰一千轉彎路程大勝四個半馬位，來港後連贏三場直路一千，連同外地四戰全勝，最後一仗以96分114輕磅贏本地公開賽，跟住就唔知點解退o左役? 但好似番o左澳洲跑wor？從來港評65分插班三班即贏，加15分，再出又贏，再加16分又贏；犀利！最後評分105分。

但個人感覺，「常歡笑」應該就無咁有霸氣了！所贏的對手都唔算勁，上場雖然贏「安畋」，但「安畋」跟本就唔係一千馬，而第三名只不過係「長驅」而已！而且上場的步速都唔算快，今場上一班則要面對一班一千專家「步步勇」、「鄉村樂韻」；保證有速度的「電光火力」、及短途黑馬「紅旗飛揚」及其餘的正宗短途馬等！保證今場步速唔會慢，相信佢要跟得到好位都有點吃力，更何況要贏馬呢！宜家隔夜賠率3.7倍好似唔係好值呢！但此駒仍然係有前景的！

買佢又無o乜肉食，唔買佢又驚佢會好似同母馬「飛駿寶」咁犀利！今場我都係齋睇好了！

從01-02年度至今, 一共只有五匹馬在二班贏一千直路後, 立即上一班跑一千直路, 分別為「得令威」,「好望角」,「精蝦王」,「喜皇寶」及「大富之星」, 而其中只有「好望角」能順利贏馬, 咁就要睇下「常歡笑」有無「好望角」咁o既級數喇!

提醒一下, 田草一千直路賽一班及二班係有差距的!

[ 本帖最後由 毅力 於 12-4-2008 03:19 PM 編輯 ]

引用:

原帖由 angry 於 12-4-2008 04:14 PM 發表
"今場上一班則要面對一班一千專家「步步勇」、「鄉村樂韻」；保證有速度的「電光火力」、及短途黑馬「紅旗飛揚」"

全部跑輸左比常歡笑

有o乜問題呢? 重點只在於佢一定無「好望角」o既級數, 今場一定贏唔到的!