引用:

原帖由 minisizeshirt 於 19-1-2008 02:36 AM 發表



17年前要用1萬多加埋年費！（呢個不實際問題唔好問喇！）

咁鬼貴!

花旗盃就聽日先答你! 我仲未睇! 但基本上跑千六米,「爆冷」應該唔夠「好爸爸」跑o既!詳細d就聽日先!

引用:

原帖由 minisizeshirt 於 19-1-2008 02:41 AM 發表


大哥用個網誌外掛啦！咁咪大家睇得清楚囉！唉！

我唔得閒玩網誌呀! Good Night!

引用:

原帖由 minisizeshirt 於 19-1-2008 02:48 AM 發表


兩隻都唔見影就得唔得吖 ！

想兩隻都唔係到, 唔係唔得, 不過就難D! 根據數據顯示, 從04-05年度開始計, 真正o既平磅賽中(126磅),不計那些有條件的讓磅賽, 似乎就只有19場, 當中就只有4場頭馬係蝕超過5分的可以贏馬, 但就無同場同時兩匹馬可以超過蝕5分的串Q了! 而花旗盃中, 從第3號馬的「紙醉金迷」開始就已蝕超過6分了, 所以今次兩匹頂磅馬「爆冷」及「好爸爸」同時無影, 機會率就相當低了!

因為跑平磅賽, 多數是要跑級數的, 蝕分太多的就比較蝕底了, 除非該場的頂分馬突然間失水準! 因為馬匹要上到超過120分的水平左右, 之前已經過了多場拼搏及面對多匹硬o野! 要到呢個評分水平就唔係靠好彩喇!

引用:

原帖由 minisizeshirt 於 19-1-2008 02:44 AM 發表



乜唔係一場過咁登咩！果ｄ加减規則你都未同我講！

你都有啦! 使o乜我登晒出o黎呀! 呢d野係你推介o既, 你無理由唔識o架? 我既然做得出o黎, 就更加無理由唔識啦! 又無人俾錢我, 我做o乜要為人地寫說明書呢!  

[ 本帖最後由 毅力 於 19-1-2008 12:17 PM 編輯 ]

引用:

原帖由 minisizeshirt 於 19-1-2008 01:19 PM 發表


比錢你整！好番未！ 你都好勇敢喎！ 教番人轉頭添！ 勁嚇！ 唔識就真係笑死！

我唔會收錢o既! 但又唔會俾你o既! 因為我都唔係做生意的!

總之, 落到我o既手, 就有大把地方可以改進! 睇真d, 仲有好多發展o既空間wor! 唔! 加埋我果d觀客觀評分, 仲有...!

引用:

原帖由 minisizeshirt 於 19-1-2008 01:33 PM 發表


信晒你！不過唔好好似星期三夜馬咁？一味靠呢ｄ分析喎！ 如果又係咁！真係救唔到你

自己！ 「海之暈」發軟蹄慢肌操練跑最短途你又唔聽人講！後生仔賭血統？ 好野！ ...

不有怕!「海之宏」一定有料到! 睇佢可以收得幾耐? 初跑谷草, 轉直彎走五六疊, 想唔輸都幾難? 不過都跑贏大熱門o既「寰采商人」!

我都唔得閒睇晨操, 亦都唔識! 但我會參考一下報紙上一d晨操客o既評語! 只注重有無正常o既操練及健康! 但到唔係我最重要o既參考!

引用:

原帖由 minisizeshirt 於 19-1-2008 05:44 PM 發表


睇嚟毅兄已經準備食大茶飯咁話喎！果然天生慧根曠世之才吖！飛馬王子如果跑第一？會加幾多分？:)

我講如果吖！

唔使如果喇! 根本佢今場就無機會跑第一! 已停止進步了, 講前速又唔夠今場對手快, 講後勁又唔夠今場對手強! 已睇過今場o既形勢了, 「爆冷」可憑級數跑第三, 但要贏就唔容易了, 因為千六米唔係佢o既強項! 而蝕十分以上的那幾匹馬都唔係可以再進一步的馬, 所以今場要「好爸爸」做膽, 拖「紙醉金迷」, 「俊歡騰」及「勝利飛駒」! 應該無蝕水! 再想慳皮d, 就用「好爸爸」拖「紙醉金迷」及「俊歡騰」, 廿皮攪掂! 若想再穩陣d就「好爸爸」,「紙醉金迷」及「俊歡騰」鐵三角, 無蝕水兼若開「紙醉金迷」及「俊歡騰」呢瓣就賺突有餘!

米睇少「俊歡騰」呀! 我睇佢仲未盡o架! 今場係有機會贏o架!

引用:

原帖由 minisizeshirt 於 20-1-2008 12:03 AM 發表


毅兄！比心機鑽研吖！花抱盃我今晚會比心機睇吓！多謝分享先！揾我唔洗用激將法呀！當日小第話睇晨

操馬匹三隻脚跳贏四隻脚！唔知你重記唔記得？ 我成日聽人講話晨操 ...

晨操唔係無用, 不過一日有咁多隻馬操練, 你睇得幾多隻, 三四點就要起身走入馬場, 真係風涼水冷! 操到爸爸聲, 又俾人唱到熱無肉食; 操少D又唔夠火路去搏殺! 唔通真係要柄埋係馬房操咩! 馬匹操練主要以泥地為主, 與出賽時大多以草地又不同; 就算跑番泥地, 操練o既泥地又與出賽時o既泥地唔同! 鬆d同實d就差好遠! 睇電視又睇唔足, 又有d野睇唔到! 就索性唔睇喇! 不如o係屋企高床暖枕等那些晨操客逐一匯報好過! 反正我都係只注重馬匹質素、路程、跑法和形勢! 只要健康正常, 食得操得就無問題!

引用:

原帖由 minisizeshirt 於 20-1-2008 12:03 AM 發表 當日小第話睇晨

操馬匹三隻脚跳贏四隻脚！唔知你重記唔記得？ ...

當然記得啦! 馬匹在高速奔跑時, 一般都唔會同一時間四腳著地的, 若全程只得三隻腳跑, 唔識轉腳, 入到直路, 唔腳軟都幾難, 叻極有限! 若轉腳頻繁, 就可能係力度不足, 左腳跑幾下又腳軟, 轉右腳又跑幾下又腳軟, 真係好打有限! lol: