日日飲足8杯水會變靚﹖﹗

成日都聽見人地話﹐
日日飲足8杯水就會變得靚啦~
但係係唔係有好多人都覺得﹐自己明明飲左8杯水啦。
DSkin同以前都無明顯改變啦﹖

其實﹐飲水都有秘方﹐都有獨特O既守則要學。
第一要問自己﹐
你指的飲水﹐是否真係純純O既水﹖﹖

這個問題好重要﹐
我指O既係“清水”。

其實O既“水”﹐絕不可能混為一談。
很多人每日都會飲用唔同O既飲料，
以香港為例，早餐、午餐\及晚餐如係街外進行，
往往都有套餐式的奶茶，咖啡，檸檬茶之類O既飲品附送；
中式的又有豆漿或中國茶等；
注重健康人士往往會有果汁，紅酒之類作為飲料，總之就唔係水。

每日八杯水，並不能以茶、果汁、湯、咖啡或其他飲料代替。
水是體內工作O既重要媒介。
所以一定要係清水﹐我所指O既﹐都係清水﹗非水，非也！
更何況，水O既功能包括其溶解度均會在與其他物質混合後而減弱，於身體而言已經喪失了大部份水的基本功\能。
當然，湯水、果汁自有其營養價值，但清水是不能替代的。

你今日飲個8杯水﹐係唔係清水呀﹖

第二﹕健康飲水法﹕

真正有效飲水，係指一口氣（或一次過）將一整杯水喝完為止，而唔係隨便喝兩口便算。
當然，所謂一次過飲水並不是一定要一口氣，意思是令身體能真正吸收使用的飲水方式，而不是隨便喝一兩口〝止渴式〞飲法，如此對身體根本無濟於事。而每杯水約200至250毫升。
想用飲水方法美容O既姐妹們要多多留意喔

第三﹕飲好水~

咩係好水﹖

盡量避免常飲蒸餾水﹗﹗（一般蒸餾水水性太酸，容易傷害身體，特別對腎臟較弱的人士更為不利），可選擇優質的礦泉水；
如可以的話，飲用鹼性水對人體最有利；
如果唔係在家用濾水器過濾後煮熟再喝亦都可以。
但係總括來說，如無得選擇，飲比唔飲好！！

第四﹕飲暖水

夏日炎炎，很多人都會選擇飲冰水，又覺得開水淡而無味入口艱難，所以就特意加冰飲用的情況甚為常見。
其實冰水對胃臟功能不利。
有益O既方法宜飲和暖開水，特別有助身體吸收使用，更有利腸胃消化。

第五﹕空腹飲水
當然飲水隨時都可以，口喝時才飲用往往只能解喝，未能濟事，
有效的飲水往往在空腹之時，水直接從消化管道中流通，被身體吸收；
吃飽後才飲水，對身體健康所起的作用比不上空腹飲水好，試試看吧！

第六﹕飲水時間表
有規律地為身體加添水份絕對百利而無一害，
很多人會投訴一日飲八杯水很困難，以下我詳左飲水時間表比大家作參考：

早上起床：兩杯
（非常重要！身體排汙靠曬佢！）
10:30am：一杯
午飯前：一杯
3:00pm：一杯
5:00pm：一杯
晚飯前：一杯
睡前：一杯

全日共八杯

如果大家真真正正做到以上的事﹐要變令令~天然又EASY呀﹗﹗