萬樂珠 + 可樂（百事）= 火山爆發 【原理解構】
如果萬樂珠面頭果層粉白物質含有碳酸鹽的話，哩種噴射效果既形成先可以話係因為中立化反應產生二氧化碳所致。
但係萬樂珠既成份並不包括碳酸鹽，也沒有其它鹼性物質；佢既成份有糖（sugar）、葡萄糖糖漿（glucose syrup）、氫化椰油（hydrogenated coconut oil）、糖膠（gelatin）、糊
精（dextrin）、粟粉（corn starch）、天然味道（natural flavor）、和水溶性阿拉伯膠（gum arabic）。哩D成份合拼後就成為一粒一粒有味道既糖，而佢所含有既水溶性阿
拉伯膠，係為左避免包裝內既糖果痴埋一齊而加入既。
至於點解加入萬樂珠會導致汽水產生咁多泡沫呢？哩個純粹係一個物理性，而非化學性既作用。須知道水係會抵抗梳打中泡泡既澎漲，水分子因為彼此吸引而緊密地連成一起圍繞住每個泡泡既濾網。如果要製造一個新既泡泡，或者要令到已經存在既泡泡澎漲，就需要能量去推開緊扣既水分子；哩個現象叫做表面張力（surface tension）。
當一粒萬樂珠被掉進梳打時，糖膠和水溶性阿拉伯膠因為糖果既溶化而釋出，打亂圍繞住泡泡既濾網，所以唔需要其它能量來澎漲泡泡，與此同時，糖果既粗糙面提供不少凹凸裂口畀新既泡泡快速地形成，哩個現象叫做生核（nucleation）。
糖果溶化得越快，凹凸裂口就越多，生核作用就會加速，於是泡沫就會加快形成。
