今次初來報到,請多多指教!

現在仲係八號風球,明天唔知仲有冇馬跑,所以今次都係趁我父親的生日晚飯,來介紹一個罐頭...........



大家都肯定知道佢係邊位,食該店的鮑魚亦都係好多人的夢想,雖然小弟真係好想帶爸爸媽媽真係去食一下佢D鮑魚,但係一來馬仔點生性都好難贏到咁大筆錢去食,二來就算贏到父母都唔俾去食咁貴啦,所以今次小弟買左兩罐當係生日禮物,順便影低相啦...........



打開罐頭,入面有點啡色,味道幾香而且鐵味唔大,當然係液態狀,就唔係好似睇電視整乾鮑D汁咁濃.但這些湯係好有用,煮菜煮飯炆餸都可,而入面有八隻鮑魚,重量為420GRAM..........

今次用來煮的係生菜...........


生菜整熟,加點點鮑魚汁,罐鮑魚在熱水加熱後倒番八隻鮑魚後食得!



陣味食落頗好,質感好腍,食落味有點濃而且鮑魚味算夠,雖然唔係好大隻,但一罐有八隻都尚算充足,起初聞落有點陣陣熏香味,但食落又唔係好覺,故此煮埋生菜都幾好,比一般之大鮑罐頭特別.


小弟係國貨公司買要約$410一罐,今次可以叫做一償所願,叫做食過佢出產的鮑魚.........雖然係罐頭.


因打風關係,所以今次我都係推介每場講一隻馬膽做Q膽全餐啦!

第一場:4.綠駿之威-此馬雖然唔後生,但上場之追勢確實唔差,開過氣後進步感唔少,甚至比百威紀錄及京城天寶好,同場有好多馬都係老弱殘,今次賴仔應選得對

第二場:1.靚太陽-上場沿途好似唔知做緊乜,閘又出唔到,又閃來閃去,唔知以為試緊閘,今仗有回內檔而且隻馬跑完踱落醒神左,可望有雨水幫幫佢

第三場:6.賽馬精神-雖然兩位操完唔要而可能隻馬可能老左,但晨操可說係同場馬之中最TOP一隻,同場多馬快放下如內檔場地唔太衰下有望衝個Q回來

第四場:2.育成明駒-雖然剛剛跑完但上場好明顯完全唔啱跑,今戰才是真章格而且同場馬多海軍鬥水兵下班利會比廐侶好

第五場:1.友誼第一-狀態雖然未起但落到咁大雨加上快馬真係唔太多下,除非標青非常快,否則佢可賺盡形勢

第六場:11.魯班精神-此馬往年可同一大班田草好手走近,可攻可守之馬又快淋都得之馬已經非常好,谷草適應度應冇問題下,跑長D應更啱佢步步"檻"的跑法

第七場:8.精算拍檔-安達配都肯定要捧場,加上隻馬晨操無比積極,操落同雪山神駒一樣強勁,隻馬似有金身一樣毛色靚到爆,同場最高可贏

第八場:5.瀟洒叻龍-純粹唔信邪,唔信換人唔得,隻馬冇問題,舊年LAST一場唔係起步大漏閘仲要沿途狂走外疊基本上唔會跑到咁,除非明天天晴,否則佢可成為今仗大冷腳,熱門都要回不老英雄同智勇,另一隻可博隻英明大師

引用:

原帖由 山埃博士 於 23-9-2008 11:32 PM 發表
多謝捧場，加20分鼓勵！

多謝您呀,唔知明晚有冇得跑

引用:

原帖由 山埃博士 於 23-9-2008 11:34 PM 發表
較鍾意第三場！

希望中啦

多謝咁多位支持,saimami兄,那些飲食專題小弟都盡力減少圖片,但如唔寫埋其它野有時未必有太多人會入來睇啦..........

另外多謝哂咁多位,贏馬人兄又再見面啦.........

coffee兄,呢樣真係可以做生日禮物架............