小弟在中學時代已經開始有買動畫人物FIGURE,由中學時冇錢買要慳十日午晚餐去買一本FIGURE總匯書.個陣諗住好想將來買一兩隻.到中學畢業後小弟有做補習下終於在用左D人工買馬中左兩千蚊後後買左第一隻FIGURE,到現在都有留下........

今次小弟就講下今日到港有得拿貨的1:8FIGURE,可能係最受亞洲各動漫迷歡迎的角色,初音ミク.........



關於初音ミク的故事實在太長,其影響在日本實在上唔細,可以講係CRYPTON FUTURE MEDIA公司的虛擬女歌手主唱軟體,而呢個角色係設計來代表呢把軟體女聲,詳情可入去維基百科睇睇,小弟雖然未用過呢類軟件,可以合唱或混音都得ETC.........

當然此軟件在日本變得好賣得,在08年中已賣出幾萬套,在日本已經非常賣得,而且可以係同類型的軟件銷售量的幾倍,而此角色可算係主打,其相關產品亦一炮而紅...........無論CD音樂,人物模型,甚至賽車都有佢份等等..............

今次此FIGURE由GOODSMILE COMPANY製作,由YOSHI原型製作,設計都頗仔細..........可能太受歡迎,會發售兩次






同場仲有隻Q版初音ミク,此Q版在日本好可能要第三次發售,小弟係第一期就晨早訂左



大隻的初音ミク小弟在香港訂都要$650,小弟暫時唔多見出面有得公開賣,可能係近日先到,未知遲點會否週街都有得賣啦...........

Q版的遲點會再介紹...........

是日十場重心全餐膽推介:
第一場:
9.雪山神駒-韋達回港後首操之馬,證明此馬深受重視,此馬舊年狂減分已去到過多的地步.同場對手可以話係極水.試閘只係按住唔郁但勁勢毫不減弱,加上近課韋達跳兩段馬身更壯下,今仗韋安配可言穩勝.
(建議可做正Q或三重彩行頭位拖全餐二三位)

第二場:
5.精圖-長準之馬今年狀態操落冇低落,此場有一檔唔多怕,加上同場算多快馬下有機會拉散少少,此分區贏就未必夠但走QT應可,就博下呢隻老馬可開氣
(建議用來做單T膽較安全)

第三場:
7.雄獅寶貝-上仗出閘算唔快下仲要走到外父咁外,最後已經俾人走到甩哂追來都冇用.開左一場氣後隻馬定左加上出腳更順下有權掃哂
(建議可做正Q膽)

第四場:
2.首騎士-上戰沿途太後而且曾受碰撞後基本上都能有一段唔差的衝勁,開氣後晨操落腳更加輕爽鐵馬跑多幾次都唔多怕
(建議可做單T膽較穩)

第五場:
9.確叻星-上場又係出閘唔快但走足大半程外疊後,末段快下都能追得如此近下,今場經典再現有點瘦下看來今次佢有勝出機會
(建議可做正Q或三重彩走頭二位)

第六場:
3.駿馬大師-田草千六理應合跑,上場嫌短都追落有板有眼,同場太多唔合時宜之馬可謂安全到極
(建議可做正Q膽)

第七場高班賽分析)
4.同一世界-上季此程最好加上係彈甩後面一班馬而贏,今仗對手狀態有點甩皮甩骨下,此馬晨操靚到得人驚,出腳暗勁身輕,看來贏面高唱
5.星運伯爵-雖然馬往年反反覆覆,但試閘個下省落唔算太差,加上近日跳兩段見到有點增加力度下,今仗必要留一段衝下可諗下
7.聲威旺-狀態起得唔錯,雖然韋達唔要但此馬好難估,可能換埋人會有截然不同的演出,自己走之馬希望可以為俊仔帶來入圍機會
12.去馬-班底肯定唔夠,但勝在狀態算係時廐內數一數二地好,韋達唔要好正確但高點狀態一點都唔在高點,如要拖大冷腳可博呢隻現在可後追的冷箭
是場心水:4.同一世界-5.星運伯爵-7.聲威旺-12.去馬

第八場:
4.紀利威龍-上仗排大外檔下早段用得多下其實最後二百還有點餘勁,龍船旺係勁但如買WIN可能此駒會因狀態更勝一籌之下有機會一Q番來.........
(建議同埋龍船旺單Q好過,其他馬太弱........)

第九場:
6.至上-呢隻馬係差唔多但今仗快馬奇多,後上馬有埋內檔可以俾佢左衝加突,狀態近課踱落精神,要防回勇
(建議可博三重彩走頭二位)

第十場:
6.飛快勁-此馬上仗好似被相撲手撞出土俵一樣咁,今次跑千六會較容易,對手多未足下可望穩勝
(建議做Q膽或三重彩行頭)

[ 本帖最後由 河馬仔 於 27-9-2008 02:29 PM 編輯 ]

多謝兩位啦

引用:

原帖由 garylee 於 27-9-2008 03:44 PM 發表
支持河马仔！！

多謝GARY 兄