(河馬仔專欄)3月28日各場賽馬心水
因明天有要事在身,故此今次食評欠奉,唔好意思.
是日河馬仔十場心水選擇:
第一場:
10.你好我好-上戰一出閘已輸左一半,及後此馬搶後導致人馬角力而且轉彎飛左出去基本上可視作冇跑過.此馬今場晨操更見成熟而火氣唔係太旺,希望今場對手現時實力都接近五班中游下有望憑藉多次轉彎經驗跑番好點
是場心水:
10.你好我好-9.濟濟雄心-4.高手-7.壽比南山
第二場:
12.一代宗師-上場唔係十二檔好可能已經贏左,講真一對胡廐馬狀態都超級勇銳,單講此馬晨操副練單跳兩段出腳有序而暗勁處處,可跟前走之馬跑B+2跑道永遠都係有利,今戰看來穩如泰山啦
是場心水:
12.一代宗師-7.尖子-11.智勇非凡-14.活威小子
第三場:
8.祝福滿滿-上仗跑泥地執外檔真係俾一堆馬頂住外疊,結果最後二百都能有回恰可走勢算係唔錯.今戰有回好檔真係如虎添翼,加埋禮仔快跳一段見此馬狀態沒有絲毫低落感,今場更好的係有大量快馬或因形勢而好可能要搶放之馬,今次補中在望.
是場心水:
8.祝福滿滿-6.綠茵飛駒-7.真財實料-10.翡翠舞士
第四場:
8.大師-上場狀態在久休後非常欠佳下都能如一支箭般衝上來算係喜出望外.操絃課後狀態已經有回八成水準,始終現時草地把握較大加上今場實力馬欠奉下有望入冷
是場心水:
8.大師-1.好活力-6.百威紀錄-9.實在好
第五場:
1.綫路精英-此馬四班應夠份量,上次跑埋三班個場實際上在外疊蝕位咁多都近,在四班係絕對有能力言勝.踱步狀態輕鬆加上再減十磅,出擊良機
是場心水:
1.綫路精英-3.駿馬繽紛-5.天寶之威-6.得眾
第六場:
1.愛拼者贏-此馬以前泥地入圍個場就是賴仔騎,雖然此馬點都係鐘意外疊一氣衝先好,但今戰其實快馬唔少,轉倉後兩試泥閘及晨操其實狀態並不失禮,落班來跑加上舊拍檔絕對值得留意
是場心水:
1.愛拼者贏-2.雙妙星-5.駔驍之首-12.廣友名駒
第七場:
7.叻家-佢終於減左肥,毛色好番點點,今次只鐘意係冇放頭馬,佢有一檔如立心守二三位走一段,其實係可以同金鑾殿抗衡一下
是場心水:
7.叻家-1.百贏萬歲-3.金鑾殿-11.勝利鑽石
第八場:
5.砲嘜-雖然話就話潘頓都唔騎,但雖然話今場係二班,不過對手都充斥住一堆久沉不起,或有質未熟,或久休復出之馬.此馬至少上場都試過追一段,狀態其實比上場更爽更醒神,有埋好檔如出閘順利可能千二才是好出路
是場心水:
5.砲嘜-2.紀利威龍-3.星運伯爵-10.太陽能
第九場:
2.朝東之寶-轉倉後出腳力度及神情集中到已見到明顯進步,此馬實力必定在此棚馬之頂,加上除掉脷帶可能有助改善此馬之情緒.用埋冼生應該算係勝望極濃,要留意
是場心水:
2.朝東之寶-8.國中之星-5.大將風範-6.旺國手
第十場:
4.文武精英-上次睇巫生沿途走四疊,接近無遮無擋下在外疊踩油發力,結果蝕位蝕到得人驚之情況下都係僅敗唔夠一個馬位,該場之發揮確實真係........不願置評.今次用冼生抽一檔其實已係非常有利,而此馬實力上確實好可能在川匯主帥之上,今次同場對手勇銳份子唔多下,應該好難輸啩
是場心水:
4.文武精英-2.戰士-13.又贏晒-7.馬有成
