是日河馬仔十場心水選擇及賽果:
(是日中第三,七,九場三重彩及中第二,五場正Q)
第一場:
5.太陽昇-雖然此馬仲係生到爆,不過上場最後四百其實跑得毫不規矩但都肯追近,同父馬在港千二千四較宜,如臨場行沙圈定番點確有兼顧必要
2.心中有勁-上仗破格贏馬查實對手甚弱而且當場大行快放才贏,幸好就算賽後右腳不良於行都能好快復課.今場快文馬睇落唔太多下應該安全
3.盈福-同父馬來港傾向早熟,而且試一千米閘下發現一早透出後已留力.明顯狀態已夠下又有內檔有得諗
8.領航人-連跑三場後已經見力度增加而且馬身轉壯,加程應合有力入圍
是場心水:
5.太陽昇-2.心中有勁-3.盈福-8.領航人
(唔中)
第二場:
1.中華英雄-上場雖然未能威脅頭馬,不過早段已經因為外檔而用力極多.今次同樣減磅不過好德煌加多十二磅,此差距應有助,而且回田草千四應比谷草更有利,應可補中
2.好德煌-此馬應非四班可留,增程都好,係火氣比上場有點未能保持十足,不過好難唔拖埋
11.多津美-此馬馬身全場收得最好,千四就算短都希望跑狀態搭夠啦
7.勁惑-此馬上場跑谷草路程過長可以不理,今次再換配備加上強配,加上今場其他對手非太強,希望人棄我取下執一席
是場心水:
1.中華英雄-2.好德煌-11.多津美-7.勁惑
(中連贏派$93.0)
第三場:
10.穿針引線-上場受阻而已,否則應該唔會輸到咁遠,雖然上場頭二名皆在場,不過今次換回都爾可能有唔同發揮,不妨留意
3.好芝味-上場贏得險,實際上難度算好高,晨操踱步精神可嘉,加上主要對手天祿曾中途博了一場谷草,單計體力好芝味應較有優勢
2.喜富龍-上次都唔知點解放得咁急做乜,幸好此跟前馬今場對手唔見有純快放之馬,只要慢慢帶前不難偷雞突圍
8.天祿-連續兩場用力其實唔少,不過跑幾個場地都能有所適應,希望憑本身質素勉強可拖
是場心水:
10.穿針引線-3.好芝味-2.喜富龍-8.天祿
(中三重彩派$1677.0,單T派$140.0,連贏派$288.0)
第四場:
4.靚太陽-上場路短當熱身吧.始終千四快放馬在季尾時永遠較安全,加上今場快放馬實際唔多,宜留意
8.興緻高-上場休息後追到第四尚算比預期好,此馬體力足夠今場最強伏兵
2.葵扇煙-此馬晨操見馬身冇再太重,而且出腳冇異樣,今仗強配加上有內檔之助,有兼顧需要
14.我跑得-上場唔塞好可能已經贏得,狀態已操到夠不過十四檔又真係嚇怕人,希望趁好狀態能有所良好發揮
是場心水:
4.靚太陽-8.興緻高-2.葵扇煙-14.我跑得
(唔中)
第五場:
2.天生我財-上場初出身重如E.HONDA咁,一開步出住股蠻力都可頂到最後幾步真係極度意外.如此馬唔係傷腳,都好相信係短途一二班馬.晨操草閘拍紅噹噹走兩段完全試對手如無物,此馬一穩定應非池中物,今場作膽
1.特別靚-雖然冇左冼大哥騎佢,不過落番班跑確較有利,但現在配德叔確係要諗諗,晨操見壯身冇低落
4.麗晶之星-此馬叻就唔叻不過幸好當能遇到弱對手下都能走近,有樣唔好就係晨操仲係頭岳岳,不過算精神
3.富有心得-上場走在外疊下最後直路衝上來,可惜不幸地遇到窄位未能推進後先機已失,今次跑回如咸豐年般久遠之田草直路,如跑得番當時追近常山多寶冇窮人之質素在此馬可能夠用
是場心水:
2.天生我財-1.特別靚-4.麗晶之星-3.富有心得
(中連贏派$170.0)
第六場:
9.七星仔-上兩次泥地皆排劣檔都唔係太差表現,上兩次草地其實好可能係比跑泥地差得遠.分數已經減得好多,同場對手皆存在住一批冇乜條件升班之馬.大家同GRADE之下不妨扒冷
5.金球-上戰留得太後但追得唔差,現時減左咁多分其實泥地1650確有還擊之力.此馬都沉足大半季,在季尾有得諗
8.廣友名駒-上場大利放放之下最後得佢追得較好,點講此馬有班底但只係主動力唔夠,睇下用柏寶又可否轉下乾坤.
4.友誼奧運-此馬睇落跑得唔叻,但幸好識得放頭.今場馬少少而且快放馬唔多,跑1650較千八易頂得到,作配亦好
是場心水:
9.七星仔-5.金球-8.廣友名駒-4.友誼奧運
(唔中)
第七場:
8.海之宏-此馬只要肯放其實有好大贏面,雖然上班而且泥地賽績唔多,但同母之海之逸都合泥地.今場有一檔之助都係會放得快,期望有第五W
3.常歡笑-此馬泥地尚好,今場亦充斥了大量一些轉沉或已經失去戰鬥力或未成熟之馬.希望只爆一段後勁下有能力入圍
5.好味皇-上次頂在二疊但衝落唔多好明顯此馬在草地負重可能評分摸頂.今場檔位轉好但未必有利埋欄,不過如果唔駛強行放頭就可能有得一爭
9.魄力王-長近之忠心泥地馬贏馬又難但減分又慢,點都在泥地有能力走近之馬不能放棄
是場心水:
8.海之宏-3.常歡笑-5.好味皇-9.魄力王
(中三重彩派$824.0,單T派$149.0,連贏派$84.0)
第八場:
14.相見歡-雖然上次贏得唔多但如計天生我財都算係四班難留,今次佢同好新聞之磅位可謂差一班,絕對有能力在對壘中爭一日之長短
5.星火燎原-上次能力壓好新聞但及後好新聞再贏,但加分個差距就差得遠,狀態仍好之下亦有力一爭
2.好新聞-上次表現出色,不過負重確有疑點,只敢作配
6.幸運王子-上次初出狀態唔多夠之下算係表現恰可,在外地及血統一千應好,今仗算係不明物體可以作冷腳
是場心水:
14.相見歡-5.星火燎原-2.好新聞-6.幸運王子
(唔中)
第九場:
9.六六精英-前一仗大塞車上一仗好可能唔識跑泥地,今次抽一檔前段應可攻可守,有鬥心之馬狀態仍然勇猛今仗都勝望壓一
7.加州滿意-有加速力之馬其實兩場新馬賽都見到超群質素,馬來之光都能在插班後有所威脅,此馬實力應上到二班趁勇仍有力一博
11.綠野飛馳-上場能直領而返算反映出此馬有分在手,當然上到呢班當然阻力唔小,不過晨操仍出腳夠密,作配
14.祖國繁榮-上場大漏閘但追得近,而近期跑左三場一千米都應該唔合發揮,加程應好跑得多
是場心水:
9.六六精英-7.加州滿意-11.綠野飛馳-14.祖國繁榮
(中三重彩派$2263.0,單T派$336.0,連贏派$325.5)
第十場:
3.大有利-點講上場輸少少算係唔好彩,不過今次試埋課泥閘更覺力度比上場更強而冇乜肥感.今場對手之實力應該較上次差,應該可穩勝
13.曉勝駒-點講此馬晨操火旺醒神步伐整齊,但跑落真係唔知點解跑成咁.今次千四抽內檔只要出閘順利其實萬事皆好,今場可追多次
12.雄聖-上次跑泥地當熱身,隻馬減下肥後其實跑草地點都好得多,今場對手大多似是而非,隻馬跑得番幾多又唔知,今次確有望睇多點點,如能像寰采商人般熱身後贏馬確唔係冇可能
2.包裝至尊-上場谷草被頂住外疊後未能發揮出水準,但試河畔閘冇任何低落感而夠主動,仍有一爭之理
是場心水:
3.大有利-13.曉勝駒-12.雄聖-2.包裝至尊
(唔中)
