|
河馬仔
銀牌會員
- 威望
- 1106
- 閱讀權限
- 50
- 註冊時間
- 23-9-2008
- 最後登錄
- 13-10-2010
|
1#
大 中
小 發表於 10-5-2009 11:29 PM 顯示全部帖子
(河馬仔專欄)跑馬地馬房彎露台燒烤自助餐評論
其實每次入馬場,好多馬迷都覺得次次都係食快餐,都覺得冇乜變化,但馬迷其實係可以有好多唔同選擇,跑馬地馬場馬房彎露台就係其中之一,地點在跑馬地馬場快活看台3樓.
馬場景色美麗,吹下自然涼風,一路食野就會見到馬匹競跑或過終點之情形,有大量的馬蹄聲,同睇電視比較真係有好大壓迫感.
這個自助餐紅白酒,汽水,啤酒都可添加,而一路嘆紅白酒,一路食下BBQ燒烤,確係好享受.
當然自助餐一定有頭盤,正餐,甜品.頭盤少不了沙律及湯,先講沙律,頗多選擇.特別是蘋果沙律,三文魚及沙甸魚確又非常有特色.而當日的湯係法式洋蔥湯,加上一上麵包撈埋來吃,確係非常香濃而洋蔥味四溢,高級餐飲之水準的確唔錯
到了正餐食燒烤,小弟都急不及待要了一些紅酒準備食紅肉,原來係大廚一路燒,跟住就放係一些熱盤內源源不絕地供應.當然亦有一些非燒烤食品,當日主力為大燒豬脾,呢個真係值得大讚特讚,個皮唔似柴,多肉汁而皮脆帶點肥,配了紅酒簡直人生享受.
當日仲有個意式海鮮長通粉,都多海鮮配料,算係水準之作.......
仲有沙嗲海鮮申標,仲有個盤熱住一些唔同類型的汁料,頗有馬來風味,左為燒豬脾
亦有一些麵包及焗薯及南瓜........
當然亦有另一樣燒烤食物非常值得讚賞的,就是燒鵪鶉,這個燒鵪鶉配有烤過後的檸檬出來的汁,肉質維持嫩滑而烤肉味甚香,再加上皮滑唔肥,小弟都食左一隻半.而烤魚亦唔老,雖然味道較淡但內裡細緻.而黑椒烤蜜瓜小弟都係第一次見,可以講係有特色啦.
烤豬仔骨及燒蝦,前者唔硬,燒得有水準,但肯定燒豬脾好食好多,蝦算新鮮,這樣已經好足夠了.
當然最後講甜品一欄,先講一定會食少少生果refresh下自己先,第二會轉杯白酒飲下先
甜品主力以蛋糕為主,加上一些類似細細杯cocktail的甜品,確係各有春秋.小弟每樣試左少少,總覺得朱古力為主的甜品味道最佳,因為濃度十足,而且質感頗滑.當然蘋果批亦相當唔差,相信女士亦會喜歡.
當晚小弟觀察所見,洋人確係比華人多,而且大多數食客都係以娛樂居多,真正賭馬之人其實好少.而小弟亦覺得該餐廳的服務都頗有禮貌及週到,亦見到一些外藉高級職員會不時check下食物,頗為嚴謹.因為該場所係露天地方,故此係有人食煙的,但我發現食雪茄的食客為多,見到佢地都非常享受.
當然要有如此食物質素及環境,收費唔荒會平.要事前訂座,每人收費要$430.其實小弟都覺得物有所值,只係有一樣野就係當日冇燒牛肉牛柳.確係有所失望.不過,呢個場所確係拍拖或老友歡聚之好地方,環境秀麗又熱鬧,食物質素亦好,確係值得一試.
賽日密馬 © All rights reserved.
|
